عنوان الموضوع : .. البـــرواز ..
مقدم من طرف منتديات الشامل




قلتي لي إنسى ..
ومن يومها وأنا كلِّ ليله قدَّامي البرواز ..
حبر العيون ودمع القلم في دفتري ..
وصورتك رغم الألم ..
ورغم إنَّها خذت من أطباعك كثير ..
وخانت البرواز ..
أشوفها في خاطري ..
حبيبتي مابيدي حيله ..
لى صرتي الصَّوره .. وعيوني البرواز ..
وشلون أبنسى ...
* * * * * *
أتعبتي الصَّوره مشاوير ..
وتعبت أنا بلقى لغدرك معاذير ..
وصورتك الِّلي سجنت بروازها طول السَّنين ..
كانت جسد وبروازها الرَّوح ..
ويوم نزعت منها الجسد .. تجرَّحت أطرافها ..
وبجروحها راحت لمين ..
لبروازها الثاني ..
مسكين .. بيسجنك ويبقى سجين ..
تشبه لك أقداره .. خانته
وصورتك يجي يوم وتخونه ..
حبيبتي أو للأسف حبيبته ..
لى صرتي الصوره وجفونه البرواز ..
وشلون ينسى ...
* * * * * *
حبيبتي لاجل أنسى جرحك وأستريح بأبكي ..
وبعد البكى بأبكي ..
وأكيد في لحظه بتجي .. وبيجفِّ دمعي
وعندها صورتك الِّلي فعيوني .. بتعاف برواز الظَّما ..
بتصير صحرا وهو سما ..
بتمرَّني الدَّمعه الأخيره ..
تاخذ معاها صورتك وتطيح ..
وكنِّي بهالدمعه سكِّين جرحها وجهي ..
وكنِّي بالمسافه تطول ..
مابين عيني ودمعتي وخدَّي
وكنِّي بقلبي الحاير المسكين .. نبضه يقول
لاتودِّع الفرقا .. الدَّمع مايرقى ..
وعندها لى نزلت الدمعه من الجرح الأخير ..
وفارقت وجهي أنا ..
بغمِّض عيوني .. وأكسِّر البرواز ..
وأكيد أبنسى ...

.
.
.
.

عبدالرحمن بن مساعد





>>>>> ردود الأعضـــــــــــــــــــاء على الموضوع <<<<<
==================================

هلا فيك ياابو نوره
ومسائك ورد
وصح لسانك واعتلى شانك

يسلموا وجميل مانقلته لنا اناملك الذهبيه
وهذا يدل على ذوقك
وننتظر جديدك (ياصاحب)

تقبل تحياتي

__________________________________________________ __________


ابونورهـ

صح لسانك ولسان شاعرها

اشكرك على النقل الرائع
وعلى اختيارك الراقي

تقبلي ودي و وردي..!!

__________________________________________________ __________
يسلم القلم وصاحبة على النقل الحلو
يعطيك العافية وكلمات جميلة
تقبل مروري

__________________________________________________ __________
صح الساااانك والساااان شاعرنا

تسلم ايدك على النقل الحلو

يعطيك العافيه ابو نوره

__________________________________________________ __________
ابو نوره حياك الله ماقول الا كما قال حمد السعيد في شاعر المليون صح لسانك وفالك ثلاثه فالك المليون وفالك التوفيق وفالك الشعر ومافيك حيله وهلابك أنا أقولها لك ومشكور وننتظر المزيد منك وتقبل تحياتي لك الصادقه مكانتك عندي لها شان أخوي وحياك