عنوان الموضوع : قصيدة مؤثرة
مقدم من طرف منتديات الشامل

بسم الله الرحمن الرحيم

السلام عليكم ورحمة الله وبركاته ,

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا





(حسبي الله ونعم الوكيــــــــــــــل)
الله يكون فعونها آميــــــــــــــــن


اللهم إهدي شباب وبنات المسلمين ...؛
اللهم أحسن خاتمة كل مسلم ومسلمة...؛
اللهم لآتحوجنا إلا لوجهك الكريم يا الله.....؛؛

منقوووووووول

هذه القصيدة تجعل الشخص يخرج كلمات فكتبة ابيات قصيرة في القسم الاخر .
وشكرا ... :f55:

أخوكم / جريــ الصمت ــح


>>>>> ردود الأعضـــــــــــــــــــاء على الموضوع <<<<<
==================================

يامسندي قلبي على الدوم يطريك...
ماغبت عن عيني وطيفك سمايا...
صح لسانك ياجريح...
من جد قصيده مؤثره ورائعه...
فديتك::كلي

__________________________________________________ __________
قصيدة حلوه
يعطيك العافية

جروووحr

__________________________________________________ __________
بسم الله الرحمن الرحيم

السلام عليكم ورحمة الله وبركاته .

اشكركم على المرور وعلى الرد الجميل

والله يعطيكم العافيه .


وشكرا .... :f55:


أخوكم / جريــ الصمت ــح (سابقا)

__________________________________________________ __________
قصيدة حلوه
يعطيك العافية

ونتظر يديدك

__________________________________________________ __________
بسم الله الرحمن الرحيم

السلام عليكم ورحمة الله وبركاته ,

اشكرك على المرور على الموضوع

اختي / قلب أبوظبي


وشكرا... :f55:


أخوكي / جريــ الصمت ــح (سابقا)