عنوان الموضوع : 3-4 بحر جدة كلام جميل
مقدم من طرف منتديات الشامل


السلام عليكم ورحمة الله وبركاته




غياب متواجد







بإختصار





النص ....





بحر جدة / على ليله / فريده ما لها / تفسير = ومنظر يسرق الشاعر ويَفلت ربطة لسانه
وفندق / يجذب الناظر ويجعل داخله تفكير = هو إللي يسكنه تاجر ؟ جيوبه حيل مليانه
جناح / ونوره الخافت / وجلسه تحتوي تغيير = ومكتب يندب أحزانه ويلزمني بأحزانه
وأريكه نوعها فاخر / ومدخل ممتلي تنوير = وأرضيه رخاميه تلامس بيض جدرانه
و"دورة للمياه" أحلى من الغرفه بلا تحقير = تقل صُمم على خبره / بَلا أعطاب وصيانه
و "فرشه" تحكي الخافي ولكن في لغة تشفير = تحس الباب يفهمها ولو طالت به أزمانه
وإنسانه لها حبي وفيها كل شيٍ غير = وحيده مالها نسخه ولا / تقليد إنسانه
عظيمة / ما لها صورة / وما تحتاج للتصوير = وإذا قامت يميل الليل / والنجمات ولهانه
كِحل عينه مِثل ثُقب الفضا ما يرحم التسيير = يمر الكوكب بغلطه؟ ويفقد كل أوزانه
حقيقة تلفت أنظارك وتجعل داخلك تطوير= على شكلك / على لبسك / على ذوقك / وألوانه
كثير امثالها لكن / مِثْلها يَصعب التدوير = مثل شيهانة الماضي / ولكن غير شيهانه
كأنك قاطف الازهار / تستنشق حلا تخدير = وتقطف من رياحين الاوادم طيف / ريحانه
تشيل الشمس آلامه وترشق للهوى تعطير = يغاير طيف أحلامه وتبقى حيل عطشانه
كأنه للصَبايا ذوق ما يَقبل طَعم تكرير = نقي صافي / عَذِبْ وافي / وفيه العين رويانه
كيان الحب في جسمه وصيت الشوق والتشهير = عوامل تعريه / تعري حَسود العين والخانه
لأنك تملك الشاعر / وتجعل للشعر تبهير = تراك الملهم الاول ! لأفكاره / وقيفانه
لأنك تحفة الحاضر / وكلّك يا حلو تعبير = مَلكت القلب / وبحنكه / قفلتي قِفل بيبانه
دعيتك يا إله الكون مُنزل سورة التكوير = تطوّل عمره الغالي ويِخلد قلبي وِزانه







تحيتي لكم.


>>>>> ردود الأعضـــــــــــــــــــاء على الموضوع <<<<<
==================================

الله الله علييييييك
مووش طبيعيه
ابياات قممه في الروعه
استمتعت فيها كثييير
مبدع ماشاءالله علييك

ششاعر كبير
صح لسسانك
ويعطيك العافيه

__________________________________________________ __________
الشاعر الرائع عدنان كريزم

قصيدة في قمة الرقي والجمال والروعة

صح لسانك وسلمت يمينك
ودام نبضك وقلمك

ننتظر جديدك بشوق
احترامي وتقديري

__________________________________________________ __________
الله الله الله
ماشاء الله

عدنان كريزم

القصيدة

اسطورة بكل ماتعنيه هذه الكلمة

صح لسانك وصح كلك

تحية اعجاب لمن يستحق الاعجاب

أحترامي

~~~~~

__________________________________________________ __________
آآآحتاجك معي



أشكرك على الرد الجميل والمتواضع



تحيتي لك

__________________________________________________ __________
سلمت يمناك علي الطرح الرائع
تقبلو ودي وردي