عنوان الموضوع : آه والآه مثل الشوق الى من لعبك شعر رائع
مقدم من طرف منتديات الشامل


الغلا لك بقلبي والغلا لي بقلبك=ياحبيبٍ يساوي في عيوني عشيره
ماذبحني سوى بعدك والى صرت قربك=اشعر اني ملكت الارض من كل ديره
منك تصحى عيوني وان تنحيت دربك=يحتويني نظر عينك وروحٍ كسيره
تهت في بحر حبك يوم جربت حبك=كثر ما كنت اقاوم صار قلبي اسيره
المشاعر رهينه والرجا منك طبك=علّها تسكن اشواقٍ بقلبي سعيره
آه والآه مثل الشوق الى من لعبك=نوب يهدا ونوبن همس صوتك يثيره
شبني حبك اللي خابره يوم شبك=واحطبتني عيونٍ بالهدب مستديره
بعثرتني رمادٍ واجمعتني بلبك=صرت قلبك وقلبك ما شكى من زفيره
فيك انا كل لحظه لن قلبي رغبك=وش يخلصك من فواز دامك خشيره
شيلني من على وجه البسيطه بربك=دام لاقيت محبوبك فريح ضميره
من تمناك دايم ياغلا ما كربك=روحه استسلمت لك قبل يلقى مصيره
الحياة اصبحت كالشوك الى من غرس بك=والفضاء ضاق باللي شبح عينه بحيره
وانتي اكبر مساحه في نظر من يحبك=رغم قرب الاماني والحياة القصيره
صرت كاسٍ بيدك ينتظر منك شربك=فاشربيني بكيفك بس كوني بصيره
وانا لله حامد يوم صوبي هربك = اشكره وان عسرني شيء اقوم استخيره





بفلم فواااااااااااااز

>>>>> ردود الأعضـــــــــــــــــــاء على الموضوع <<<<<
==================================

..

ألله أللــــــه

فـــــــــــــوآآآز

كـ ألعآآدهـ أدمن ألمكوووث عند حرفك

صح كلكـْ

دمت بإبدآآآآع لآينتهي

تحيتي ..~


__________________________________________________ __________
بربك ماتلك الكلمات
انسابت من قلمك حتى وصلت ل قلوبنا
اخوي فواااز
شهادتتي بك مجروحه
لك ارق التحايا
كنت هنا
ارتوي
زمرده

__________________________________________________ __________
صح لسانك وعتلى شااانك

ابيات رااائعه لاهنت

ارتقب جديدك

تحيتي

__________________________________________________ __________
فواز شاعر وتكتب الجزل
وانا احب اقرا شعرك في كل مكان اشوفه فيه يهيض القلب
ويوسع الخاطر
بيض الله وجهك دنيا واخره
ام الجميع

__________________________________________________ __________
صح لسسآنك يآ فوآز

نص زآهد بكل معآنيه

تقبل مني مروري هنـآ

صرت كاسٍ بيدك ينتظر منك شربك
فاشربيني بكيفك بس كوني بصيره
هنا قصيده بكاملها يافواز
صح السانك اخوي
وتقبل تحياتي وتقديري
اخووووووووووك
أســــ الغنج ــــير