عنوان الموضوع : طبع الزمن ملعون ومفرق أحباب شعر رائع
مقدم من طرف منتديات الشامل
السلام عليكم ورحمة الله وبركاته
.. كل عام وأنتم بألف خير ..
..
.
العيد عاد وعادت أعياد الأحباب
وعيّد خفوقي في الوداع وبكيته
أسبآب ما يحتاج توضيح الأسبآب
قسمه ورب البيت مقدر فديته
شي ٍ يفوق الوصف وحلول وأطباب
ليلن تهادى للضـيآع وسريته
الوقت ما يرحم كثر هم وعتاب
وألوم وأرجع ليه أصلا بديته
يا بري حالي بري من عضه الداب
وسط الخلا محدن يجاوب نعيته
ويا وجد روحي وجد مذنب ولا تاب
أقفت به الأيـآم ليته وليته
ويا علتي لا صك في وجهي الباب
وماتت حظوظي دون جدران بيته
من يرحم اللي جاء بعد عمر و غياب
وأقبل يردد كيف لو ما لقيته
وجدي على حظن مع الوقت ما صاب
عكس المناوي ساقني ما نويته
ووجدي على روحي وأنا توني شاب
شيب حشاي وشبت له ما عصيته
واليوم مدري منهو اللي بنا خاب
الحظ وإلا حبنا ما هقيته
يشهد علي ربي وهو رب الأرباب
يعلم خوافي ما نويت وخفيته
إني بحبه يا هل العرف منصاب
وإني لحبه لو نسى ما نسيته
أموت ما بيحت سدي والأسباب
وأعيش له ولو ابيديني (في يديني )خذيته
مالي جدى غير اصقع الناب بالناب
وانوح نوح النوح لامن طريته
هذا البلا هذا بلى أبوك يا عقاب
لا والله إلا الموت وأصعب مميته
اللي نبي عيا البخت يمنا جاب
واللي بغانا يا عرب ما بغيته
طبع الزمن ملعون ومفرق أحباب
طبع الهوى لو صحت به وارتجيته
..
.
.
بقلمي .. عـوض الملحم
>>>>> ردود الأعضـــــــــــــــــــاء على الموضوع <<<<<
==================================
يعطيك العافيه
ع الكلمات الرائعه
وكل عام وانت بخير
__________________________________________________ __________
وجدي على حظن مع الوقت ماصاب
عكس المناوي ساقني مانويته
* عوض الملحم*
.
أبيآآآت رآآئعه وخآلقي
صح لسآآنك واعتلآ شآآنك
ودمت مبدعآآآ بقلمك المذهل
***
__________________________________________________ __________
لله درك فالك البيرق؛؛
__________________________________________________ __________
صح لسانك ملايين,,
شاعرنا المتميز عوض الملحم ,,
حقيقة بدعت وابدعت ولو انك قلَّبت ,علينا , الجروح و,,اوجعت ,,
ولكن يشفع لك رسمك الشامخ المعاني لذلك اجدت وامتعت ,,
__________________________________________________ __________
ووجدي على روحي وأنا توني شاب
شيب حشاي وشبت له ما عصيته
الله عليك يالشاعر أبدعت
صح لسانك مليآآآر~|
قصيدة عذبة وجزلة ,, والله يبعد عنك الأحزان
صـح كلك يـأعوض
والله يبيض وجهك على نزف قلمك المميز دوماً
تقبل مروري .
رد مع اقتباس
