عنوان الموضوع : ياويل قلبي على من هو سكن قلبي
مقدم من طرف منتديات الشامل

مساكم الله بالخير أخواني وأخواتي


هذه قصيدة غزلية من ارشيفي اتمنى تعجبكم:



ياويل قلبي على من هو سكن قلبـي=وياويل فكري على من هو سلب فكري
اللي تعلق بطيبه قـال أنـا وش بـي=واللي تدهـور بحبـه مارقـد بـدري
صحيح هو داخـل القلـب وتلاعبـي=يلعب بقلبي مـع افكـاري ولا يـدري
ذاك الغزال السمين اللي نصـا دربـي=من قبل أشوفه وهو دايم على صدري
البرق يبرق شمالي والهـوا غربـي=والمشكله طالبينـه والنقـل حصـري
عزي لمن هو خضر قلبه خضر عشبي=إن كان صاحبه لابايع ولايشري
الحسـن فيهـا ولافيهـا ولا سلبـي=أم الجمال الهنـوف وحبهـا عـذري
أخلاقها زادت البسمـات فـي قلبـي=أقول تحت أمرها وتقول تحت أمـري
ياليت حلم الزمان الزين يرجـع بـي=ونعيش سن الطفوله كبـره وكبـري
شف عيني اللي تناعس ماتغمض بـي=وعظامي اللي تراعش كـل ماتطـري
ما أقول غير الله الكافي وهو حسبـي=يلطف بحالي ويجزيني علـى صبـري


وسلامتكم .~


>>>>> ردود الأعضـــــــــــــــــــاء على الموضوع <<<<<
==================================

ياليت حلم الزمان الزين يرجع بي

ونعيش سن الطفوله كبره وكبري


صح لسسسسسسسسانك

__________________________________________________ __________
صـح لسـآآآآآآآآنك مليـون

ولاهنت على الابيـآت الجميـله

تقبل مروري

__________________________________________________ __________
صح لسانك
وتسلم يا خوى
تقبل مرورى في صفحتك

__________________________________________________ __________
المشاركة الأصلية كتبت بواسطة قلم من الصحراء
ياليت حلم الزمان الزين يرجع بي

ونعيش سن الطفوله كبره وكبري


صح لسسسسسسسسانك



صح بدنك

منور يالغالي

وتواجدك مشرف ويضيف لمسه إحتراف لجمال الصفحه

دائماً الاقلام المميزة هي مايخجل المتصفح

إحترامي لشخصك الكريم

__________________________________________________ __________
صح لسانك ,,,,,,, واعتلا شانك ...........


ويعطيك ألف عافيــــــــــــــة ..............

صح ح احساسك ولسانك ياا بيعدي
.. تقبــل مروري
~||