عنوان الموضوع : مناي أنا أخطي - من الشعر
مقدم من طرف منتديات الشامل

لقصائد الدراسه و الجامعه و قعها و رونقها الخاص و ان تقادم بها الزمان..!!

فجر الخميس..و دفتر / و بحث / و دروس= و زقاره / و شاهي / و فتافيت بسكوت
وضعٍ يجيب الهم..واضح / و محسوس=من ثقل دمه / ترفض الساعه تفوت
ولانّي متضايق / و متهور / و منحوس= من غير لا ألبس كدايس / ولا بوت
أبي الدروس / و عوّد الظفر منكوس=أبي الدروس / و صدت انا الكأس بالشوت..!!
و رفعت جوالي / أبأدور و نوس=و طلعت برا / ناسي الشال و الكوت
و راسلت / و أبطوا / جدّاً البال معفوس=ردودهم ما جت ..خواطر / ولا بيوت
و دقّيت مستعجل ابي سالم ادوس=بهرجي / آنفس غيظ / و عوّدت مبهوت..!!
بأسباب صوتٍ نبرته تحيي نفوس=قبل أسمعه / كنت متضايق / و مكبوت..!!
أسعدني / و أطربني / و حاسني حوس =بـ نعم / و غلطانٍ / و اوكيه بنوت..!!
الضيق قفّى / و صوتها صار مدسوس=فـآذوني / و فكري طليقٍ / و مفلوت
(( فـالإنقليزي بجاوب بلهجة الروس))=لسواها صار الراس ناسي / و محتوت..!!!
برسل لها اللي صار من صوت محسوس=ماعاد فيني صبر / مااستحمل سكوت.!!
يأمّا يصير الصوت واقع و ملموس= يعني نسولف / و اصير محظوظ / و مبخوت..!!
و من الرومنسيه على الزر آدوس=مسح الجميع و أسمك يصير بالنوت..!!
أو تحقريني / و انا متهور و ممسوس=أحذرك..!! / يمكن تسوينها أموت..!!
و بعض الخطأ لو ينشرى..لأأدفع فلوس=و مناي انا أخطي ثانيه / و اسمع الصوت..!!


>>>>> ردود الأعضـــــــــــــــــــاء على الموضوع <<<<<
==================================

صح لسانك عساك تنسى وتطول شوي . جميلة الابيات وحلوة المداعبة للاحساس
صح بوحك واسعدني ان اكون من اول المارين هنا لا هنت

تحياتي لك وتقديري

__________________________________________________ __________
جميله جميله جميله

صح لسانك أ.عبدالمجيد

ابيات رائعه تحمل في طياتها روح المرح

بيض الله وجهك لاهنت

تحيتي وتقديري

__________________________________________________ __________
صح لسانك عبدالمجيد

ابيات جميله وشاعريتها اجمل

تقبل مروري .,

__________________________________________________ __________
صح احساااسك مليووون
ابيات عذبة
لروحك الود

__________________________________________________ __________


,,

شاعرنا القدير/ عبدالمجيد

صح لسانك واعتلا شانك

وتسلم يمناك

رائع وأكثر

دمت كماتحب

ودام لنا عطر حروفك

((

))

لك تقديري

,,

المشاركة الأصلية كتبت بواسطة ملك الكلمات
صح لسانك عساك تنسى وتطول شوي . جميلة الابيات وحلوة المداعبة للاحساس
صح بوحك واسعدني ان اكون من اول المارين هنا لا هنت

تحياتي لك وتقديري

صح بدنك و كلك يالغالي

و الله يعافيك و يسعد قلبك

مرورك و ردك الجميلين

و تواصلك يسعدني لاعدمتك

كل الود و التقدير