عنوان الموضوع : من يقول القلب عن حبك سلا
مقدم من طرف منتديات الشامل
من يقول القلب عن حبك سلا=والله انك ملح زاده والشراب
مرحبا بك يابعد عمر ي هلا=ذا صدى صوتي يبلّغك الجواب
ما غفت عيني بعد صدك ولا = انجلى طيفك ولو طال الغياب
دامني حيٍ على الدنيا فلا=ينشغل ظنك ولا تحسب حساب
مابه احدٍ فوق هالبيدا ملا =نظرت اعيوني سوى زاهي الخضاب
مارأت عيني بعد زينك حلا=كل زينٍ بعد شوفتكم سراب
ربع ابقلبٍ بليته وابتلا=اشغله حبك وذوقه العذاب
تدري انه من هوى غيرك خلا=وتدري انك دون نزواته حجاب
انتِ نجمٍ فوق هالزرقا علا=وانتِ شمسٍ شامخه فوق السحاب
ما يزين الشعر ياعمر ي بلا=وصفكم يااجمل عناوين الكتاب
نايف النايف
من بآدي الوقت
>>>>> ردود الأعضـــــــــــــــــــاء على الموضوع <<<<<
==================================
صح لسااااااانك يا نايف دائماً مبدع والابداع ياخذ
منك ابداعه مهما قلت لن أوفيك حقك الله لا يهينك على
اتحافنا وامتاعنا بالقصايد الجزله لا تحرمنا من
جديدك يالذيب وتقبل مروووري وتحيــــاتي
__________________________________________________ __________
وما يزين الشّعر إلا بك مسطّراً له
تنثر أبجديّاتك ورداً في رياض القصيد
رائعٌ وفاتنٌ قصيدك كالعادة
فدمت هكذا
صحّ لسانك واعتلى شانك
وُدِّيْ وَوَرْدِيْ لِقَلْبِكْ
/
\
/
ساهر الطرف
__________________________________________________ __________
نايف النايف
دائماً مبدع و لقافك نكهه خاصه
وافية من وافي وعوايدك الجزال
صح للسـآنك وقلبك لاهنت
تقبل مروري المتوآضـع
ينطيك العـآفيـه
ودي وآحتـرآمـي
__________________________________________________ __________
الله الله الله
الشاعر
نايف النايف
(القلب الكبير)
صح السانك وبيض الله وجهك مدد بلا عدد
الله يعلي شانك
الله يسعدك قصيدة رائعة أسجل إعجابي الشديد بها
سلام وجل الإحترام
وهـــــج
__________________________________________________ __________
من يقول القلب عـن حبـك سـلا
والله انـك ملـح زاده والـشـراب
مرحبا بـك يابعـد عمـر ي هـلا
ذا صدى صوتي يبلّغـك الجـواب
الشاعر : من بادي الوقت
الشعر جميل وجماله في التعبير العذب
تقبل مروري : * دجى الليل *
صح لسانك و اعتلا شانك
و الله يعافيك و يسعد قلبك
بإنتظار جديدك دوما
كل الود و التقدير
رد مع اقتباس
