عنوان الموضوع : النتائج للمسابقه ما قبل النهائيه . - من الشعر
مقدم من طرف منتديات الشامل
السلام عليكم ورحمة الله وبركاته
بسم الله وعلى بركة الله .
سـوف أطرح نتائج القصائد المشاركه في المرحله ماقبل النهائي مع وضع التصويت للقصائد التي لم تتأهل مباشره عن طريق اللجنه .
أخي صعوط المجانين لم يشرفنا بهذه المرحله الغايب عذره معه واتمنى أن يكون المانع خيـر ويعود لنا بالسلامه .
نبدأ .
القصيـده الأولى :
( ودي أقبـلك ) على التصـويت .
ودي أقبـلك مـن فـوق لا تحـت .
في ساعة(ن) فيـها الشعـور أفتقدهـا .
أمـوت واحيـا فيـك يـاسيـدي بحـت .
الـروح روحـي وانت جعـلك بعدهـا
وأنا بصـوتي مثـل صوتـك تبـححـت .
نفسـي تقلـد مثـل صـوتك وحـدهـا .
والله ماشفـت بـس لـمن تلحمـت .
وصـايفـك جمـال يـوسف تجدهـا .
وأمـانتك وأن كان فيهـا تصفحـت .
روح(ن) تفيـدك بالغـلا اليـوم فدهـا .
شالفـايده وأن كان مـن حضـرتك طحـت .
طيحـت مريـض(ن) ما تشـافى بعدهـا
وكانك على حـبي تحفظـت وأصلحـت .
نصبـح مثـل روح(ن) بـادخـل جسدهـا .
الأصـوات : ( 14 من 20 )
القصيـده الثانيـه :
( كازابلانكه) على التصـويت
لاصرت تزعل ثم نبحث عن ارضاك
مافيه والله تالي الوقـــت شــــــكه
حبك كبير ولا يقٌدر بالاملاك
لاواهني اللي غديت أنت ملكه
مساحته من حد لندن والاتراك
ومن المغارب لين يشٌرق في مكه
يرجع على ذولا وذولي وذولاك
يمسي يصبح وسط كازابلانكه
يامزين المشى ليا شفت ممشاك
أجمل مشي جسمك ولافيه شكه
شوي واشارك أنا ثمن الاشراك
واشارك الشارك وأشاركه شركٌه
شبكتني بالحب ياخوش شباك
حسبي عليك شلون بفك شبكه
شبكتني شبك الظفيره بالاسلاك
واليا انقطع سلكه شبكته بسلكه
سكران انا شوفك وأنا أسكر بعيناك
كاس المحبـــــه كل عاشـــــق يلكه
الأصـوات ( 14 من 20 )
القصيـده الثالـثه :
( لاذكروا أسم السعوديه ) أشكر صـاحبه وقد خرجت بشـرف .
لاذكروا أسم السعوديه يزود بي الحنين
يا عساني فدوه لأهل السعوديه وثـراهـا
يافهـد قلـبي تقطع دايم يـون وحـزين
متى على الله نرجع لنجـد ولفحنـا هواهـا
اشهد ان الغربه صعبـه ماتبي قلب(ن) يليـن
تبغي قلب(ن) من حديد(ن) كم بيد(ن) طواهـا
مشتـاق لأمي ودي أقبل يديها والجبيـن
ياجعـل عمري فدهـا ياجعـل عمري فداهـا
ولا أبوي اللي رفع رأسي وعلمني سنين
وصـرت اجابه ما هاب الدنيـا لو زادت قسـاهـا
ياعسى عمري طويـل وياعسى عمري يحين
قبـل يومه وعساني فدوة فيـاض(ن) وطاهـا
وربعي اللي يندمل جرح(ن) بشوفتهم دفين
أهل الكرم واهل الشهامه سعد منهو جاء بذراها
ربعي (،،،،،،) مكرمين الضيـف في عسر(ن) ولـين
تاطا على اللي سـولت له نفسـه يقرب حماهـا
قبيلتي وأفخر بهـا غصب(ن) عن الحاسد الين
تنعمي عين الحسـود اللي فعايلنا دواها
ويافهد قلبي تقطع دايـم يون وحزين
متى على الله ارجع لنجد ويلفحني هواها
الأصـوات ( 12 من 20 )
القصيـده الرابعـه :
( حافظ العهد ) على التصـويت .
رحتي تركتي حافظ العهد منهار
ولا إلتفتي وش حصل بعد صدك
لو التفتي كان شفتي لي غبار
من طيحتي وسط المقابر بسبك
من طيحتي تحطمت كل الاسوار
حتى النصايب بـ العجب تلتفت لك
انتي ما حسيتي وحست بي احجار
واسمع ونين ٍ في المقابر يذمك
مستغربه يا كيف قلبك علي جار
وترثي لحالي وانتي حتىَ ماهمك
رحتي واخذتي القلب من دون إنذار
وانا دعيته غير عيآ يكبك
يالله عسى قلبي لك اليوم تذكار
وانا لي الله وانت الله يهدك
النقـاط من اللجنـه ( 13 من 20 )
القصيـده الخامسـه :
( مسامحك ) تأهل مبأشره للمرحله النهائـيه .
ماني بضايق منك وش داعي الضيق
اللي حصل من ضيق وقتي كفـاني
قبلك تقهويت المواجع على الريق
وأمسيـ بها لامنْ ليـلي غشــاني
أصبحت من كثر الحزن كني طويق
صابر ولو هزه رياح الزماني
يعني تعال وخل عنك التلافيق
واللي حصل حظ وعليكم رماني
عِنّدِيےّ لعينك صبر من دون تبريق
ؤعندي لقلبك ماضي ٍما نساني
لابد مع دورات الأيام تفريق
وللروح طلعه بين ذيك المحاني
أجل تعال وفوح بصدري ابريق
وأغلط وأنا راضي بغلطة زماني
بعض الغلط عيا له الخاطر يطيق
وبعض الغلط كـنّـه من أغلى اخواني
وإنت بخطاك أهديتني فرس وإغريق
جيشن أدافع به عن اللي لـفاني
يا راكز أعلام الهجر صبح وشريق
هون على روحك ترى العمر فاني
ترى الغلا ما يحتمل زود تحريق
وترى الجفا ساحل ولاله مواني
قرب تعال إقرب وفي داخلي ويق
تلقى غيابك حاسبه بالثواني
احتاج لك حاجة هل بقيق لبقيق
ومسامحك والوقت قبلك كواني
النقأط من اللجـنه ( 19 من 20 )
في الأخير أحب أن أبارك لمن وصل معنا الى هذه المرحله وأبارك لأخوي الشاعر سحايب نجد على الوصول الى المرحله النهائيه كأول المتأهلين .
وسـوف يتم التصـويت على ثلاث قصـائد ( اثنتين ) منهن سـوف يتأهلن مبـاشره الى المرحله النهائيه وتبقى قصيـده واحده سوف تخرج من المسابقه .
يبقى التصـويت على القصيده الأولى والثانيـه والرابـعه . وذلك لتساوي القصيده الأولى والثانيه بعدد نقاط اللجنه أجبرني على طرح الثلاث على التصويت لكي لا يكون هناك ظلم لأحد .
التصـويت على ثـلاث أيام وأي عضـو يضـع صـوته بالـرد لأن التصـويت هذه المرحله سـوف يكون كتابـه لكي يزيد التفـاعل لهذه المسابقه ونقـرأ وجهات نظر الأعضاء في القصائد ولا مانع من إضافة تعليق من قبل الأعضاء على أي قصيـده .
عزيزي العضـو الرجـاء الأختيـار قصيـده واحده بين القصائد التي تستحق أن تتأهل للمرحله النهـائيه .
ملـحوظه ( أي عضـو يختأر قصيدتين يعتبر تصويته ملغي )
1 - القصيـده الأولى ؟
2- القصيـده الثـانيـه ؟
3- القصيـده الـرابـعـه ؟
أحترامي وتقديري .
>>>>> ردود الأعضـــــــــــــــــــاء على الموضوع <<<<<
==================================
القصـآيد كلـهـآ جميلة بصـرآحة والله يوفقكم .. وصح ألسنتكم جميـعـآ
وأنـآ أصوت :
1 - القصيـده الأولى ؟
__________________________________________________ __________
قصائد حلوه كلها والله لكن اللي اعجبني الثانيه
وأنـآ أصوت :
1 - القصيـده الثانيه ؟
__________________________________________________ __________
قصائد رائعه صح لسان شعرانا
صوتي يروح
2- القصيـده الثـانيـه ؟
__________________________________________________ __________
ًٍِْْ
قصائد رائـعهـ بحق
وصوتي
لـ
ْْ_ (القصيده الثانيه)ْْ
بالتوفيق للجميع
..
/
__________________________________________________ __________
وعليكم السلآآآم
القصائد كلهآآآ رووعه
وأصوت ::
2- القصيـده الثـانيـه
بالتووفيق
يعطيكم العافيه
اصـوت للقــصيده
الاولى
رد مع اقتباس
