عنوان الموضوع : للصبر حد .. ووحشتك مالها حدود !! شعر رائع
مقدم من طرف منتديات الشامل

للصــــبر حد .. ووحشتك مالها حدود
ــــــــــــــــــــــــــ ياللي غـــلاك أصبح مع الوقت عــاده

أشتاق لك مع سايق النفح والنـــــود
ــــــــــــــــــــــــــــــ وأوله عليك أكثر .. واحبك زيــــــــاده

وأتووق لك عن كل زايد ومــــــزيود
ــــــــــــــــــــــــــــــ وأطهـــر من شعور الملل والنكاده

أنتي غلاي وسيـــّـدة كل منشــود
ــــــــــــــــــــــــــــ لك داخلي .. دوله وعسكر وقـــاده !!

فيك الحسن يعطي مواثيق وعهود
ــــــــــــــــــــــــــــــــ ويوصلك حد الهيـــــــمنه والريــاده

وفيك الدلع يروي معاليق وكبــــود
ــــــــــــــــــــــــــــــــ وتطغى عليه مع الجمال الركــــاده

والخصر جــايع وأكسل الرمش محسود
ــــــــــــــــــــــــــــــــــ يصيد صيـــــد .. ومستحيلً مصاده

والسايب اللي كنه الليل مســــرود
ـــــــــــــــــــــــــــــ ليلً كســـى لليل السهر من سواده

والثغر يحوي له من العقد منظـــود
ـــــــــــــــــــــــــــــــ بين الكــــرز مصدر طموح وسعــاده

سكــّـرك .. لوحلو به الطيب والجود
ــــــــــــــــــــــــــــــــ صار اكثر العالم عليه الأشـــــــاده

نونك عنب يسلب من شفاك عنقود
ـــــــــــــــــــــــــــــــ وواوك عيونً ذابحتها البــــــــــلاده

وباق الأسم حاضر مزايا وموجـــود
ــــــــــــــــــــــــــــــ وياخذ من حروف الفخر والسيـــاده !

كلي على لاماك ضايق وملهـــــود
ــــــــــــــــــــــــــــــــ شوقي تعب .. واركان وصلك عياده

يانرجسيــّه ماورى صدتك فـــــود
ــــــــــــــــــــــــــــــــــــ ولالك بتغريبــــي عليك استفاده

شــــاعرك لو حطوا به اغلال وقيود
ــــــــــــــــــــــــــــــــ ياصلك .. لو دونك تكون الاِبــــــاده

دام الغلا بأطراف مغليك ممــــدود
ـــــــــــــــــــــــــــــــ ماهمني جيش الزمن مع عتـــــاده

>>>>> ردود الأعضـــــــــــــــــــاء على الموضوع <<<<<
==================================

يسلموووووووووووووووووووووووووووووووووووو

__________________________________________________ __________

رووعه يالغلا

تحيتي

عدنوونـ

__________________________________________________ __________
مشكورين اخوي لودي وعدنان
على مروركم الجميل

__________________________________________________ __________
,,

أخويه/ مشاري

صح لسانك وعلا شانك

قصيدة رائعة

يعطيك العافية عليها

ودمت بود

,,

__________________________________________________ __________



مسائك ورد من مطر..



صح لسانك

فعلا (وان من البيان لسحرا)

كانت هذه المصافحه منك لاعضاء منتدى تعب قلبي في قمّه الروعه

وهاهو الابداع اخذ يتلأ لاأ في الارجاء

سلمت يمينك على ما كتبت

ونحن في انتظار نزفك القادم...!!
.
.
.







كن بخيرا..!!

يسلموووووووو
مودتي