عنوان الموضوع : البارحة في تالي الليل سهران !!!
مقدم من طرف منتديات الشامل
البارحة في تالي الليل سهران=والنوم ماجاني عيوني سهيرة
سرابي الهاجس على ماض الازمان= وميزت في حلو الزمان ومريرة
صوتن خفا سمعته انا بالاذان=يسئل ويبحث في علومن كثيرة
قال السعادة قلت مالي بها شان= راضي انا بالقدر شره وخيره
وقال الدنيه قلت انا منها زهدان= مابي زهور الوقت ولابي عبيره
قال الحياة وناسها قلت كذبان= ماثق با حد والناس صارت خطيره
قال المجالس قلت مانيب طربان=غيبه نميمه للإشاعه نشيره
قال القرابه قلت باللوم شرهان=عينن تشوف الوضع واليد قصيرة
قال الصداقة قلت ياوين خلان= ياوين خلن صادقن نستشيره
قال الزمان وقلت انا منه تعبان= سيفه نفاني واعتلاني غبيره
قال ان سمعت العلم مني ببرهان=لا تسمع الجاهل قليل البصيرة
تسعد ليامن كنت راضي وقنعان= ودرب الطمع لياك تنهج تسيره
تسعد ليامن كنت صامل ونويان=تطعن ظلام الليل بركعة تنيره
تسعد ليامن كنت تايب وسجدان= للخالق اللي كلنا نستجيره
تنجو ليامن كنت خايف وندمان= وتدعو إلاهك بالأكف الفقيرة
خذلك نصيحة واحدن ذاق الاحزان= وجرّب غرابيل الزمان المريرة
واختامها ذكر الولي منش الامزان=مجري على أرضه سيولن غزيرةصعوووووووووووووط المجانين
>>>>> ردود الأعضـــــــــــــــــــاء على الموضوع <<<<<
==================================
أخي ( صعوط المجانين ) صح لسانك وبيض الله وجهك,رائع وجميل0
أختكم:يالطيف الحشى0
__________________________________________________ __________
شكرا لك يا لطيف الحشا على مرورك ,,,, وتسلمين يالغالية
__________________________________________________ __________
صح لسانك يالغلا وبيض الله وجهك
وبنتظار جديدك يالغلا
__________________________________________________ __________
((قال الصداقة قلت ياوين خلان
ياوين خلن صادقن نستشيره))00
صـح لســانــك واللــهـ يا صـعــوط المــجــانيــن
والـلــه خـيـــاااااااال
عـــاد مـا نـبـغــى تقــصـيـــر ونـنـتــظــر الجــديــد:f55:
__________________________________________________ __________
صح لسانك يالغلا وبيض الله وجهك
يسلموااااااااااااااااااا والله روعه وابدااااااااااع
عسى الاخوهبيننا دووم والله
رد مع اقتباس
