عنوان الموضوع : قصيدة موقف ...
مقدم من طرف منتديات الشامل
السلام عليكم ورحمة الله وبركاته
:
صباحكم و مسائكم أحلى من الشهد و أطهر من الطهر
أحبتي الكِرام
بعد غياب
كل عامٍ وأنتم بألف خير
ويعلم الله كم أحمل لبعضكم من معزةٍ و تقدير
هو قد لايعلمها لأنها بين الحنايا
ولتواصل معكم
طبعًا هذه قصيدة موقف وهي تحكي عن ذاتها
إليكم القصيدة كما هي :
شهرين لي يمكن او اكثر شويّه=ماخط نزفي من المشاغيل اشعار
لكن متابع لشعر في مجيّه=في شاعر المليون في ساحة الدار
واليوم ابكتب من قساته عليّه=الصاحب اللي قال اقوال باصرار
قال انت بس اسكت واخطا خطيّه=وماثمن اللي قدره خير مقدار
ياصاح سهمك لي وصل بالرميّه=وياعل سهمي لك من الله امرار
مابيك روّح لاتجيني هنيّه=خلاص قدرك صار مهدود منهار
قدمت لك نصحي في قالب هديّه=باحلى الكلام معطر بمسك وازهار
لكن حسافه قولتك ذي ليّه=(( انا كبير و ماتعلمني صغار ))
ياهيه به ناسٍ صغيره وحيّه=تفهم و تدرك وان حكت صار ابهار
فيها العقل نيّر ويوصلك ضيّه=ويغنيك عن غيره من كبار الاعمار
خلّك كبير وخلّ كبرك مطيّه=واجرح بعد غيرك ولاتنتظر جار
قبلت فيك وبوجودك بيديّه=وكنت احسبك وافي من عيال الاخيار
ثارت وهاجت بي صفات الحميّه=وذكّرت نفسي ابمواقيف الاطهار
اللي الى من الغضب صار ميّه=يكظم على غيضه ويقبل الاعذار
اشكرك والله وكلمتك لي كيّه=خلتني اصحى من سباتٍ له اخطار
والطعنه اللي جات منك قويّه=تنزف كما مزنه بها سيل مدرار
سكت لاني ما ابي لك اذيّه=ونفسي مربيها على طيب الاحرار
ما اعرف الشينه ولا ابغى الرديّه=ومحشّمٍ نفسي عن افعال الاشرار
ياصاحبي وان جاك مني عطيّه=طيب الكلام وحسن الافعال باكثار
هذي سواتي دوم مابغى جزيّه=إلا من اللي عالمٍ كل الاسرار
مسموح سامحني ونفسي نديّه=لكن ترى امن القهر صار ماصار
كتبت من كبتي ونفسي شقيّه=شافت وعافت لين اعلنت باجهار
مجروووح كافي ياقسساااكم عليّه=حسّو انا انسان له قلب و انظار
يالله ربي يامعظّم نبيّه=ترحم بحالي ياعليمٍ بالاقدار
وسلامتكم
:
كل الود لمن مر من هاهنا
المشـــــــــــــتاق
>>>>> ردود الأعضـــــــــــــــــــاء على الموضوع <<<<<
==================================
يسلموا على طرح الابيات
\\\تحياتي\\\
__________________________________________________ __________
المشتاق
بسرمديه الحرف
خطت لنا اناملك
ارق الحروف
وانعمها والطفها
فهنيئاً لنا بقلم كهـــــــــــــذا
دمت مبــــــــــــــــدع
لا عدمتك
عيون الريم
__________________________________________________ __________
المشتاق
ياهلا والله ومسهلا
ونعم فيك يالنشمي
صح لسانك وبيض الله وجهك
لاهنت
تقديري واحترامي
__________________________________________________ __________
صح لسانك ولا هنت يالقرم
ابيات جميله
وشامخه
ودي واحترامي
لك يالغالي
نايف
__________________________________________________ __________
المشتاق
اهلا بك وعودا حميدا
وكل عام وانت بخير
وصح السانك ولاهنت ابدعت
ولا يستغرب الابداع على قلم المشتاق
وبانتظار جديد ابداعك
تحياتي لك