عنوان الموضوع : ( صبرت لين الصبر ماعاد ينطاق )
مقدم من طرف منتديات الشامل

نويت اجازي قاسي القلب بفراق = مدام قلبي من قساهم تصدّا
صبرت لين الصبر ماعاد ينطاق = صبرٍ لحد القلب فاق وتعدّا
واليوم قلبي حس واعتاش فوّاق = من عقب ماهو في خداعك تردّى
ماعاد قلبي يطلب الوصل مشتاق = عاف الغرام ومالكم فيه ودّا
وشلون يبقى وافيٍ بعد ماذاق = ذاق الجفا والغدر منكم تبدّا
يابنت قلبي من عنا الوقت مفتاق = تكفي هموم الوقت عنكم تسدّا
انا الحزين اللي غرق وسط الاعماق = في بحر حزنٍ بين جزرٍ ومدّا
يسهر طوال الليل .. لليل عشّاق = يرقب نجومه من هجوسه يعدّا
ليل الحزن نوم الكرى مننا باق = نسهر مع الاحزان يدٍ بيدّا
الليل طال وننتظر بزغة اشراق = تزيح ظلم الليل عنّا تلدّا
خلاص قلبي ناويٍ هجر الاشواق = من دنيتك طوّى خيامه وشدّا
يابنت انا ماحب لويات الاعناق = عزيز نفس(ن) فالكرامة مجدّا
ويابنت زبدة علمنا قلبنا فاق = من بعد غيبوبة صحا واستجدّا
نويت اجازي لاهي الحب بفراق = نويت اجازي صده اليوم صدّا

صعوط المجانين


>>>>> ردود الأعضـــــــــــــــــــاء على الموضوع <<<<<
==================================

من بين الكثير من القصايد التي قرءتها عن الغدر والفراق والهجر
ومن بين الكثير من القصايد التي قرءتها لك شخصيا حيث بحثت عن كل مشاركاتك
كانت هذي الاجمل ولمست قلبي كثير-ليش مادري
بس اظن ان الكلمه هذي راح اكررها كثير-الاجمل
صعود المجانين-كل كلمه وحرف يخاطب فيه القلب مباشره بدون مقدمات
الله يعين العين الي انت نورها
مرت من هنا
سمادر


__________________________________________________ __________
نويت اجازي لاهي الحب بفـراق
نويت اجازي صده اليـوم صـدّا


صح لسانك وجعل على القوة يا اخ صعطوووط

__________________________________________________ __________
نويت اجازي لاهي الحب بفـراق=نويت اجازي صده اليـوم صـدّا

لله درك

صعوط القوافي

صديقي المبدع دائما وابدا

تلعب كيفما تشاء بالمفردات

تجيد كثيرا في جعل الابيات ذات موسيقى رائعة

هالقصيدة من بدايتها إلى نهايتها موسيقية لأبعد حد

صح لسانك ملوين ولايكفون يابعد حيي

اخوك ورفيق دربك / فيصل التيماوي

سلاااااااااااام

__________________________________________________ __________

ماعاد قلبي يطلب الوصل مشتـاق
عاف الغـرام ومالكـم فيـه ودّا

صعوط المجانين

.. ابشع احساس لما من نوده نعافه ..

وش باقي لحروف المدح في صعوط من مدح ؟..

قلنا .. وقلنا وقلنا فيك وندري مانوفيك .. لكن اقول وكلي خجل امام ابداعك

صح الله لسانك ملايين .. وعساك ع القوه

لك ودي واحترامي

اختكـ: إحساســـ جليــد ـــي ,,

__________________________________________________ __________
يابنت انا ماحب لويات الاعنـاق
عزيز نفـس(ن) فالكرامـة مجـدّا
ويابنت زبدة علمنا قلبنـا فـاق
من بعد غيبوبة صحـا واستجـدّا
نويت اجازي لاهي الحب بفـراق
نويت اجازي صده اليـوم صـدّا
صــــــــــــــح لسانك وانا اختك
دايم مميز والله يبارك فيك
__________________
:f55:



عااااشق القوافي الصعبه والغريبه

صعوط الغالي


صح لسانك ولا هنت


تحيتي لك


شاعر الانثى