عنوان الموضوع : على طاري صباح الورد - من الشعر
مقدم من طرف منتديات الشامل

على طاري صباح الورد, وإسمك, والحلا والذوق
ذكرتك يااجمل أحلامي , بقافي واستهليته



على درب القصيد أسوق , قلبي والخطاوي شوق
وإذا مالت بي الخطوه , على دربك تنآسيته


يهز الشوق بأعماقي , عناقيد الغرام عذوق
ويقطف بالغلا فيني , غرام(ن) خنت وأخفيته


أحبك كثر ما يشعل , غرامك في حشاي حروق
وشبٌه زود لو يحرق , ضلوعي مت ما اطفيته


أحبك دمعت(ن) طاحت , على خد الصباح اشروق
يموت النور لو طاحت , على كفي وضميته


أحبك , إيه أحب إسمك .وأموت بجيدك المنتوق
و تخيل كثر ما أكره صدودك , قمت حبيته


تموت من البطا غيمه , طعنها من جفاك بروق
وغشى روض الحشا وسمي , جفافك وإنت ما ارويته

رحلت , وما بقى منك سواك إنت , و عنا مفهوق
عنا ذاك الربيع اللي , غشاني ما تمنيته


تعال , إجرح على كيفك , تربع واستحل عروق
تدلل والبساط أحمد , وأنا لرضاك مديته

قم إسهج لآخر ضلوعي, تغلغل داخلي برفوق
حلالك ما بقى مني , مع اللي لأجلك أفنيته


من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته
وربي , من كتبت إسمك وبروزته بقلبي فوق
وأنا ما دار في بالي , قصيد ما تحاليته


دخيل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته


إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته


يذكرني صباح الورد , وإسمك , والحلا والذوق
وأردد يا ( أجمل أحلامي ) بقافي يوم هليته

>>>>> ردود الأعضـــــــــــــــــــاء على الموضوع <<<<<
==================================



جميله منك ورائعه وفذه


لا خلا ولا عدم

__________________________________________________ __________
صح لسانك

قصيدة جزلة


ننتظر منك الكثير من الابداع

__________________________________________________ __________
قصيده رائعه ممزوجه بأحرفك الامعه

الأمير الفقير


هكذا تعدونا من ابداعك

استمر ع ذلك

ونحن نستمر بمتابعتك

تقبل مروري

__________________________________________________ __________


شعر رائع



صح لسانك يالاخو



الله يعطيك الصحه والعافيه قول آآآآآمين



دمت بودددد

__________________________________________________ __________