عنوان الموضوع : مات الجسد يا ابوي والذكر ما مات كلام جميل
مقدم من طرف منتديات الشامل

&&رحمك الله ابا خالد&&


تعالي يا حروف الشعر وسددي ديونك****انا ما ربيت المعاني لأجل سودة عيونك
يا كم سهرتك غلا وجاء دورك تسهريني****ردي التعب واكتبيني والا قسم إني لأخونك

دوري مخرج من داخلي واقتلي ضيقي****زاحمي دمعي واطلعي مع ونة شهيقي
عزيني في ابوي اخوي عمي وصديقي****رتبي احزان قلبي من رشاش مزونك

ابوي ابوي ابوي تكفى لب لي بنداي****انت تسمع صدى حرفي ولون حكاي
يابوي وش بلى صوتك نايم يابعد دنياي****ارقد ارقد ارقد ببعدهم لا يزعجونك

يابوي ودك بحاجة انطق يادوى همي****تبي لقمة سوتها لك يدين امي
خالد وش بلاه ابوي جاوبني نشف دمي****لا تقول انه مات لا لا لا يخدعونك

يابوي اقتل الكذبة وعلمهم انك حي****اشوفك في فعل خالد ومحمد ضحكته تضوي
واراك في سمو سعود وفي خطى تركي****واراك في رضا فيصل وعزي يشبه عيونك

اراك في لعب متعب واشوفك في لعب عبود****واشمك في زوايا البيت وريح العود
واشوفك في مسجد الله تطلب المعبود****واشوفك في جسد دفتر وحروفي يطرونك

اتذكر في مسا الجمعة طيحة اليشموم****طاحت في سهاله ولا حست في قسى وهموم
ويوم السبت ضيق وكبت ابد ماينسي هاليوم****تعبت ياقلبي ولون الحزن غدا لونك

رحمك الله يا بيي فمان الله يا ضحكي****هلا بالجنون اللي غدا للورق يشكي
انادي يالحزن تكفى تعبت احكي تعبت ابكي****ولا به صوت من حولي ياحروفي يلبونك

تباشير الفرح جتني لحرفا انهدم حيله****وفزت ضلوعي ونبضي والحرف جدد صهيله
تغسله اليدين الطهر ولا هو كيد تغسيله****ونور يشع في وجهه تشوفه عيونك

نور الشمس في وجهه تنادي ظلمتي لبيه****وتبدد ليلي الاسود وصار له تشوييه
مابي عزا لحدن يعزيني وابتعد ياهيه****وافرح ياقلبي واسفهل وصدق ظنونك

الناس صفوا له طوابير تدعي له بجنه****وشبت ضلوع الفرح وانطفت ونه
ابوي بخير وكله خير وشاع الخبر عنه****يفتح ربي دكاكينه وهو ياربي زبونك

اشوف الايادي تخالط تدفن جثة الطيبة ****وانا ودي اعارضهم واوجاعي صعيبة
لكن امنت برب السموات المهيبة****وياربي تستجيب دعوات اللي يدعونك

كانت في حياته مدرسة للمرجلة والطيب****وحتى في موته يعلمني وش معنى اللبيب
يقول انظر لحولك ترى ما جونني من عيب****عاملهم بمثل اللي تحب ويجونك

يارب ترزقني ربع وقسمه لاربع ارباع ****من طيب ابوي وتدفن الاوجاع
ياربي صمت لك يارب وابي تطعمه لا جاع****ويارب تعزة بجنة ولا لنا عزة بدونك

مات الجسد يابوي والذكر ما مات****ما مات اللي خلف تسعة رجال واربع خوات
يدعون لك يا ابوي بكل سجدة في صلاة****تشوف الرب وتمتلي من شوفه عيونك

واختم بذكر الله الرحمن علام الغيوب ****والف اصلي على محمد الصادق المحبوب
ودعوة اخيره ارسلها لخالقي مطلوب****ترسل على قبره الرضوان وتبلله من مزونك
رابط تحميل القصيدة بالصوت (أدائي)

https://up5.m5zn.com/8474ugew81fk/___...______.rm.html

لا تنسوا والدي من الدعاء جزيتم الخير ورزقتم البر لأبائكم


>>>>> ردود الأعضـــــــــــــــــــاء على الموضوع <<<<<
==================================

اخوي فهد


اسأل الله ان يرحم والدك ويسكنه فسيح جناته


صح لسانك على هذه القصيده والمشاعر النبيله الرائعه


تسلم يمناك ولا هان منطوقك


تقبل مروري

__________________________________________________ __________
فهـد
رحمـة اللـه على وآلـدك
وأسكنـه فسيـح جنـآتـه
وصـح اللســآنك يالغـلآ
ينطيك العـآفيـه
ودي وآحتـرآمـي
تحيــآتي

__________________________________________________ __________
اللهـ يرحمهـ ويسكنهـ فسيحـ جناتهـ وجميعـ المسلمينـ ...

اللهمـ آميييييييييييييينـ ...

اممممم صحـ لسانكـ .. واعتلا شانكـ .. وبيض اللهـ وجهكـ ...

ع القصيدهـ الأكثر منـ راااائعهـ .. في أعظمـ إنسانـ ع وجهـ الأرضـ ..وإالقاء أرووووعـ ...

واللهـ يرزقكمـ الثبااااتـ يااااربـ ...

أختگ : شـجوووونہ

__________________________________________________ __________
صح السانك وعلا شانك وبيض اللة وجهك


بصرااحة روووعة ابياتك اثرت فيني كثير لكن شنو نسوي كلنا بهذا الطريق


اسأل الله ان يرحم والدك ويسكنه فسيح جناته يارب العالمين .....


عنودهـ

__________________________________________________ __________
صح لسانك اخي

كلمات من نبع احساس

رحم الله والدك وجميع موتى المسلمين


تقبل مروري

تحياتي