عنوان الموضوع : كنت احبك
مقدم من طرف منتديات الشامل
السلام عليكم ورحمة الله وبركاته بالبدايه اعتذر عن الغياب وعن التقصير... وهذا جديدي عله يشفع لي ولو بالقليل
الهوى جند العاشق وجاله جنود=دار ناس ٍ عجز غيره ولا دارها
شف معاك الغلا قاد المعاليق قود=وانت تعرف طوال الهرج وقصارها
صادق الوعد عيا في ضميرك يجود=والحشى من فعولك والع ٍ نارها
ياتسافر وتبعد ياتحن وتعود=ساعة القلب عندي دقت انذارها
ياطريق المواصل ياطريق الصدود=اقصر النكبه اللي طال مشوارها
الهوى له حساب وله شروط وبنود=لاتحسب الصغار وتترك اكبارها
كم دمحنا وشلنا مير مامنك فود=تنكر العشره اللي بحت بسرارها
يوم تنقص بحبك يوم حبك يزود=والدلايل كثيره عندك اخبارها
يشهد الله عليك وكل خلقه شهود=تهدم البنيه اللي ثابت احجارها
احترقلك غرام وتحترقلي جحود=بانت اللوحه اللي بان مسمارها
مايمشي فؤادك غير ضخ الوقود=بالمصالح حياتك تضوي اقمارها
كان شوقي لعينك شي ماله حدود=ولك بقلبي قصور ٍ عالي اعمارها
كنت احبك واظمك عن عيون الحسود=وان لمحتك يميني تسبق ايسارها
لكن اليوم عندي مابقالك عهود=طاحت العشره اللي طاح مقدارها
>>>>> ردود الأعضـــــــــــــــــــاء على الموضوع <<<<<
==================================
تحية عطرة
أخويه مشاري
صح لسانك وعلا شانك
على هالقصيدة الرائعة
والجزله في معانيها
ابدعت وامتعت
يعطيك العافيه
ودمت بود
__________________________________________________ __________
ياصباح البنفسج
مشــــااااري بن جلــوي
من طول الغيبات جاب الغنايم
وانت جبت احلا غنيمه لنا .. قصيده تكتب بماء الذهب
صـــــــح لســــــااااانك ملااااايين ولايكفون
عزله انك جزل يامشاري
بس لاتطول علينا الغيبات مثل هالمره
تقبل مروري الصباحي مع تحيتي العطره
نايــــــــف الغالـــــــــي
__________________________________________________ __________
لماااء كل الشكر على المرور العذب وصح بدنك ولاهنتي على الحضور الغالي
تحياتي وتقديري
__________________________________________________ __________
هلا مشاري ...
دخلت في المنتدى جديده ...وشدني لك عنوانالقصيده ...
قلت امدحـــك بطريفه .....لقيت المدح فيك نقيصه...
احلى ابداع ..و.صح لسانك ...
بغيت اختار بيت من الابيات واقول هذا احلى بيت ..
لقيتني اختار القصيده كلها ..
كلامك ماثر ومعانيك توصل لقلب....
تقبل مروري ..
__________________________________________________ __________
مشاري بن جلوي
صح لسانك وسلم منطوقك وماعدمناك
زي ماقال اخوي نايف من طول الغيبات جاب الغنائم
عز الله انك ابيض وجه وكفيت ووفييت
تقبل تحياااات
هدوووء الشتاء
نايف الغالي ياصباح الرضى والمسره
صح بدنك ولاهنت على حضورك الجميل
وجودك له نكه خاصه ومكانه غاليه على قلبي
لاعدمتك يانايف
صادق الود
والتحيه
.