عنوان الموضوع : خذني غلا يا اصدق غلا بالوقت الاول والاخير شعر رائع
مقدم من طرف منتديات الشامل

خذني غلا يا اصدق غلا بالوقت الاول والاخير=أبغاك تدرس حالتي أول وانا ادرس حالتك
حنا نفس واحد روح وقلب وعيون وضمير=عدالتي ظلمك وظلمي منتهى عدالتك
يابدري الطله وياطلتك يالبدر المنير=ترى خسوف القمر بشارة وصول اطلالتك
واطلالتك عندي انا تعني لي الشي الكثير=لاصارت عيوني على خدك سحاب وسالتك
أوقف واسميك الملك وشوي اسميك الأمير=أخاف من سطوة سموك واحترم جلالتك
حبك كبير وبالمقابل قدرك بقلبي كبير=احساسي بمحبتك واحساسي بزمالتك
لا يضيق لك خاطر فديتك لو يصير اللي يصير=ان كان ماشالتك الارض رموش عيني شالتك
ياأترف مشاعر بالبشر يا أرق من لمس الحرير=ساعة زمن ممشاك من غرفتك حتى صالتك
دلعك يثقل خطوتك وأحيان يمنعك المسير=وأحيان اشك ان الدلع سلالته سلالتك
يومك تعض شفيفتك واصبعك لعيوني يشير=وتقول هذي مالتي واقول طبعا مالتك
تقولها واعيش نشوتها واحس الموت اخير=لاشفت موتي بين عقرب صدرك وسلسالتك
تدري لاشفت بيالتك باطراف ثغرك تستدير=أضرب على صدري واقول الحظ حظ بيالتك
مادام ابوك الناي وامك ضحكة الطفل الغرير=وتصير عمتك الشطانه والشقاوه خالتك
لازم عليك اغير من نفسك وحتى منك اغير=عشان لو تطاولك كل البشر ماطالتك
ماطالتك يالاسمر الجذاب يالملح المثير=ياللي جمالك جامع سكر ملح أصالتك
فتنتني بعيونك الخدرات والزول القصير=وحببتني في طيشك وحببتني جهالتك
ماعاد لي سلطه على حالي وانا بيديك اسير=ولا عاد لي حيل يساعدني على حيالتك
ياعلني فدوتك من راسك الى اصبعك الصغير=ياكبر بختي يوم ناولتك يدي ونالتك
ياصدق غلا واعذب غلا بالوقت الاول والاخير=هذي خلاصة حالتي عطني خلاصة حالتك


>>>>> ردود الأعضـــــــــــــــــــاء على الموضوع <<<<<
==================================

صباح النور اذا شعشع وصباح الورد اذا اتنوع

بلوى 007

صـــــــــح لســـــــــــانك ملااااااااااااييت ولايسدون

والله انها قصيده جزله من جزل بس ودى أسأل سؤال اذا ممكن...

هل القصيده لك او منقوله ؟؟؟

بصراحه يعجز لســــانى عن التعبير لهذه الماعني الشامخه

تقبل احلى بالقات الزهور

نايــــــــــــــف الغالــــــــــــــــي

__________________________________________________ __________
يومـك تعـض شفيفتـك واصبعـك لعيونـي يشيـر
وتـقـول هــذي مالـتـي واقـــول طـبـعـا مـالـتـك
********
مالتـــــــــــــك
.........
ياصدق غلا واعذب غلا بالوقت الاول والاخيـر
هـذي خلاصـة حالتـي عطـنـي خـلاصـة حالـتـك
********
حالتـــــــــــــك
.........
صح لسانك يالغالي
وصف ولا أروع
ومثل ماقال شاعرنا
نايف الغالي
قصيده جزله مثل كاتبها

ودعتك الله

__________________________________________________ __________
مشكوووووورين
وهذي من روائع الشاعر الكبير

مطلق النومسي

__________________________________________________ __________
صح لساااااان مطلق النومسي الشااعر المحبووب

وتسلم نااقلتهاااا


بلوى 007

أشكرك على ذووقك وطرحك الرااقي

لاعدمنااك

عز الشمووخ

__________________________________________________ __________
مشكووووووووورييييين

وترقبوا القادم فهو مذهل


تحياتي






(المعامله الحسنه لا تحتاج لامكانيات)