عنوان الموضوع : النهايـة كلام جميل
مقدم من طرف منتديات الشامل

النهايـة

ياللي زعلت إزعل ولاني مراضـيك ..... أشرب كدر ماي البحر كانه أرضـاك

لا تحسب أني عقب صدك بداريـك ..... بأعز نفسي عنك مـدراك مــدراك

أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك

وخليتني واليــوم والله لأخـليـك ..... وأدوس قـلبي لينـه يقـول خـلاك

قبـل توريني الحسـاير بأوريــك ..... ليمن يقـال فـلان هانـك و ورآك

كـانك تحداني فأنـا أقبـل تحـديك ..... وأنسى الغـرام اللي مـضى وأتحداك

مـاني بقايـل لك عسى الله يهنيـك ..... الله يحـرمك كـل مـا كان هنّــاك

عـسى العمـى ياخين العهد يعميـك ..... فوق الغرور اللي عن الماضي أعماك

وعسـاك ما تسمـع قريب يناديـك ..... حيثك تجاهل صوت محـروم نـاداك

وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك

وعسى حياتك بس فرحـة لشـانيك ..... يلقى بها الفـرصـة عدوك ويشناك

وعسى الليـالي اللي تجيني بطاريك ..... يصبح عليها الصبح ويموت طريـاك

وعسى المنـام وكل راحة تجافيـك ..... آمين حتى اللي تمنــاه يجفـــاك

وعساك ما تفـرح وتكثر بـلاويـك ..... وأمك تشـق الجيب من عظم بلـواك

وإلى مت جعلك في جهنم تصـاليـك ..... نار الجحيم ونار دنياك تصـــلاك

الله يكـره فـيك حـتى دوانيــك ..... غشـاش خـاين من من الناس داناك

هذه النهايـة روح والله يجازيــك ..... أمسـك ويومـك عنهم الغد يجـزاك

>>>>> ردود الأعضـــــــــــــــــــاء على الموضوع <<<<<
==================================

الربان


سلمت يداك على كل كلمة كتبت

أحاسيس رائعه يعجز اللسان عن مجاراتها

تحياتي لك ولقلمك المبدع

تمنياتي لك بالنجاح والتوفيق

عســ جده ــل

__________________________________________________ __________
أخي الربان

مفردات قويه من أنسان مجروح

كلمات راااااااائعه

رغم آهات الالم والحزن والقسوة

لك مني اجمل تحيه

قلب كبير

__________________________________________________ __________
اخي الكريم

الربان

صح لسانك ولا هنت

كلمات في غاية الروعه و التصوير

و يسعدني ان اسجل اعجابي

__________________________________________________ __________
تسلم ياريان

__________________________________________________ __________
عســ جده ــل قلب كبير ســ الأحزان ــر الشنقيطي


شكرا لك على المرور وتسلمون

تحياتي