عنوان الموضوع : {سارت بي الأقدار والدرب خالي.."اول روايه لي" - رواية جميلة
مقدم من طرف منتديات الشامل

السلآم عليكم ورحمه الله وبركاته ...
كيفكم يا أعضاء ؟!
ان شاء الله تمااام ..


اليوم حابه أقدمــ لكم أول رواية سعوديه من تأليفنا وأتمنى نشوف تفاعلكمـــ ونتقبل نقدكم وأرآئكمــ

بأي شكل من الاشكال أترككمــ


مع البدايهـــ ,,,


الجزء الأولـــــــــــــــــ ..


للحب في قاموس العشاق تعاريف كثيره فهو جنون يسرق الألباب وحنين يستوطنــ الأطياف,

وإندماج المشاعر بين شفاف القلب وانعاش الارواح في افاق الاشتيا ق ,واحاسيس الجوائح ,

ولهفه النظرات في ثواني الغربه, ونسمه تداعب الطراف كل حين, ودمعه في البعد تنزف المقل.....

(.... الحبــــ حروف تشكلها انامل العشاق في قصتـــنــا !!...


العائلة الكبيرة ...
الجد مطلق متوفي قبل سبع سنوات ..
الجده لطيفه حبوووبة ولكل يحبها وكلمتها مسموعه تحب تجمع العائلة
...

ابو مطلق(( سالـــــــم )) العم او الخال الكبير شخصيه جاده وقويه مخلص في جميع اعماله يحب النظام ,عنده شركه ويشتغل فيها كانت ورث من ابوه مطلق الله يرحمه

مطلق :32متزوج من بنت عمه ابو بندر,مطلق إنسان قد المسؤليه حنون يتصف بالقوه امام المجتمع الي حوله ماعدا زوجته دلال ...

عبير:23تدرس في الجامعه قسم علوم إداريه دلوعة ابوها لانها اول بناته , شخصيه جدآآ انانيه مع الكل حتى اخوانها ..

لمى :18نعومه تحليها بشرتها الصافيه تتصف بالبياض شعرها قصير وسايح على اكتافها شديد السواد تذكر الواحد بشعر اليابنيين ..

مشعل :15ثالث متوسط محبوب من الكل يتميز بالجرائه وخفة الدم يمون على الكل بختصار شخصيه مرحه مهمل ف دراسته عكس أخوانة وأبوه



ابو بندر(( نـــــاصر)) إنسان اجتماعي خدوم بطبعه عطوف مع عياله يعشق رحلات الصيد والبر والكشتات...

بندر :27متخرج من جامعة اكس فورد والحين يشتغل في مستتشفى الملك فيصل التخصصي قسم جراحه.. هادئ حكيم حنون بدرجه كبيره على امه واخواته يصعب عليه اتخاذ القرارات
- بندرطويل القامه جذاب احلى مافيه سماره ..

دلال :26 إنسانه حبوبه رمنسيه متزجه من مطلق نفس ماقلنا .. حامل في الشهر الثامن

فهد :23مسافر ابريطانيا هند سه شبكات حاسب ,فهد ما يمكن يملك أعصابة عند أي موقف نرفزه, غامض نوعآ ما ما يمكن له إظهار مشاعره لأي احد اين كان. عيونه ناعسه تميل للون العسلي وسيم يتمتع بالجسم الرياضي ..

ريم :19عيونها عسليه شعرها بندقي احلى مافيه طوله وكثافته .. اشبهها دقيقه..



ابو محمد(( صالـــــــــــح ))رجل اعمال له كلمته شديد الطبع , دوم مسافر بحكم عمله ..

محمد:يشتغل في شركة عمه ابو مطلق .. إنسان مغرور مايحب يختلط مع الناس كثير .. انفعالي بدرجه كبيره , صعب يقتنع بآراء الأخرين ,.

أشواق :21معروفه بهداوتها متفهمه للحياة ,
ونعومه بعكس أختها لينا .

لينا:19شخصيه رائعه مرحه تموت على الهواش ماترتاح الا تسبب مشكله قلبها طيب ماتقدر تعيش الا بريم تحب تدخل في كل الامور تلقب بالفيلسوفه تعشق الاكشن في كل شيء ,
لينا شعرها بني فاتح قريبه من كشة مريام فارس تملحها غمازاتها الي تحت شفايفها .

سديم:9 سنين د لوعه محمد والقعده ..


العمه حصه او الخاله :45عايشه عند امها بعد وفاة زوجها الي ورثة منه الملايين ولا جابت منه إلا.. ..توئم
ملاك :20تدرس مع اشواق بنت خالها نس القسم طويله شعرها اسود أحلى مافيها غمازاتها حنطية البشره


مشاري :يدرس في جامعة محاسبه يحب الفله ضحوك مغازلنجي درجه أولى مع ان نيته مره طيبه يحب الضحك متفائل دوم.. حنطي جسمه عريض شعره ناعم عينوه مكحله

العم او الخال : يوسف
سافر لانجلترا للدراسه وتزوج من بريطانيه بدون رضاء امه وابوه,, متسرع ولا يهمه راي غيره اهم شي ينفذ الي في باله وبس,مات بحاد ث قبل عشرين سنه هو وزوجته الي كانت حامل ماكان عند الاهل أي معلومه عن حمل زوجته..

العم او الخال طلال : أصغر اخوانه 24سنه إنسان زاحف ماعليه من احد .. اجتماعي وبقوه يختلط بجميع الاعمار يب الفله والوناسه والمقالب ويموت ع الاحراج والتعليقات .. متوسط الطول مايعترف بالثوب كل حياته بدل ..

العمه او الخاله: اميره 19تدرس بالجامعه قسم علم نفس شعرها طويل بني بيضاء تحب تموت على النت والطلعات احيانا تكون غامضه وينقلب حالها ...


>>>>> ردود الأعضـــــــــــــــــــاء على الموضوع <<<<<
==================================





بيت ابو مطلق...

ام مطلق:عبير ..عبير
عبير:اف ياربيه حتى ماتخلون الواحد يرتاح لو ثانيه
تدخل عبير على ام اطلق:هااااه وش المطلوب
ام مطلق:نادي دلال مرت اخوك تتقهوا معنا شكلها تعبانه اليوم مانزلت روحي شوفيها
عبير:يمه مو لازم تتقهوا معنا خليها بغرفتها بصراحه تحوم كبدي اذا شفت كرشتها وتنسد نفسي
في هذي اللحظه يدخل مطلق زوج دلال ..مطلق يطالع عبير باستحقار ..لانه مايرضى بحبيبة قلبه دلال ..
ام طلق على بالها مطلق ماسمع عبير ..
ام مطلق:مطلق ناد دلال وتعالوا تقهووا القهوه جاهزه وابوك الحين بيجي
مطلق :وبنظرات استحقار ..اخاف دلال تحوم كبدها من عبير ..
عبير نزلت راسها ولا كأن شيء صار ...
ام مطلق :يلا عشاني روح نادها
مطلق :ابشري يالغاليه ..بطلع لها واشوف<<لف على عبير طالعها ومشى..عند دلال..



في بيت الجد مطلق ((الله يرحمه))
ملاك ومشاري جالسين قدام التلفزيون يستهبلون ماخلوا احد بحاله والجده كانت عندهم وصديقها العزيز >>الراديو<< و اميره طبعا ع النت وجالسه معهم

مشاري:اقول مليكه ماودك تلعبين بلاستيشن <<الله من المبزره والهبال
ملاك:عد وش اسمي ماسمعت زين
مشاري:اقول بس قومي العبي <<فضاوه
ملاك:على شرط
مشاري:وانتي لا يمكن تسوين شيء الا بشروط
ملاك :اجل مابي العب العب لحالك ..
مشاري :يااالييييييييييل وش الشرط
ملاك:قول تم
مشاري:تم <<في خاطره الله يستر بس
ملاك:اذا خلصنا تغدينا برا وفي المطعم اللي انا اختاره
مشاري :لحظه ..لحظه .. ولا اقول اذا فزتي علي اوكي..؟
ملاك:اوكي <<الله يعين <<توهقت

يدخل العم طلال في هذي اللحظه..وجلس عند اميره .((.طبعا الجده راحت بسابع نومه ))..هع

مشاري :السلام لله ..
طلال :ترا نفسي زفت ..كمل لعب يابزر وانت ساكت.مازلتوا تعيشون الطفوله .!
مشاري :وش عنده الكبير خخخخ

انسدح العم طلال وجلس يقرا الجريده ونعس واخذ غفوه <<تعرفون ظهر والكل تعبان

ملاك:ياربيه وش ذا الشريط ..وكوره بعد
مشاري :تحملي من اجل الشرط <<بدا يذل
فجأه سجل مشاري هدف ..
مشاري:هههههههاي هدف هههههههه.
ملاك تذب اليد ع الارض وهي معصبه ومشاري يضحك عليها
ملاك:ماعلي منك تعيد اللعبه غش في غش مايصير كنت مو منتهبه يومك تسجله
مشاري:حلووووووووه بس لا تعيدينا ههههههه مافيه طلعه
ملاك:بعلم عمي طلال واقوله يودينا منة الله ولامنة خلقه
مشاري:روحي قوميه ..ياهو بيعطيك ركبه على مستوى وبتتفشلين
ملاك:افف والله مايصير

تدخل العمه حصه <<توها جايه من السوبر ماركت ..

العمه حصه:وش فيكم.؟صوتكم واصل برا البيت ..!
مشاري :بنتك مهوب انا ..
اميره:اقول مشاري حبيبي قوم ودنا حتى انا مشتهيه اتغدا برا
ملاك تغمز لامها <<يعني قولي له
العمه حصه :ودهم عشاني
طبعا مشاري مستحيل يقول لامه لا ..وطلال من سمع انهم بيروحون للمطعم وهو صاحي ..
طلال:انا بعد بروح معكم <<ماصدق خبر الاخو..
مشاري:اعصابك من سمعت طاري غدا وانت ناط
طلال :اقول بروح ابدل واجي
مشاري:انا ميب فاضي احتريك اعرفك انت وتاخيرك .ولا اوصيك على تقليل العطر ...هع ..اخلص ولا بمشي
ملاك :فديتك يا احلى اخو
مشاري :ياشين المصالح اخلصوا بس ولا بهون <<رجع يذل
ملاك:خالتي اميره سكري الجهاز لا يعصب مشاري ويهون يكفي نت ..ويكفي احترامي اني قلت لك خالتي
اميره:طيب جيبي عبايتي معك وانا بسكر الابتوب
ملاك:اوكي





في الدور الثاني ..
يدخل الجناح الكبير واللي ريحته تفتح النفس والهدوء والبرد غالب عليه ولا فيه الا صوت انين راح لم السرير ومصدر الصوت شاف دلال نايمه وشكلها تعبانه لان مومن عوايدها تنام هذا الوقت ..جلس عندها وهي نايمه خنقته العبره لما شافها وجها شاحب مع الحمل وخصوصا انها بالاشهر الاخيره وجلس يفكر كيف نام امس وهو عارف ان دلال تعبانه لانها طول الليل مانامت من الالم وجلس يتأملها ويتذكر ايام طفولتهم وحبهم من صغرهم ذكريات ولا احلى منها يارب لا تفرقنا وتخليها لي ....
مطلق:دلال ...دلال قلبي
دلال حست فيه وفتحت عيونها وابتسمت له :لبيه
مطلق :اوديك المستشفى؟
دلال:لا مايحتاج الحمد لله الحين احسن
مطلق:نامي ..وانا بآخذ شور واجي انام .اذا بغيتي شيء صحيني
دلال :ان شاء الله ..ورجعت تنام




في نفس البيت بالصاله..بندر رجع من الدوام وتعبان حده ..اليوم مرت عليه حالات كثيره وياله خلصها .
بندر:السلام عليكم
ام بندر:وعليكم السلام هلا بوليدي
بندر:هلا بك يالغاليه وش اخبارك
ام بندر:الحمد لله ..بندر اليوم ماتقهويت قبل لا تطلع وكنت مستعجل ولا قلت لي انك رايح ..فيه شيء ..1
بندر:لا سلامتك يالغاليه ..بس كنت مستعجل لان جت حالات طارئه ولازم اروح .
ام بندر:الله يوفقك يارب ..الغداء جاهز..
بندر:امين يارب..ويخليك لنا.بس مابي غدا ابي انااااام ومو زين اتغدا وانام على طول
ام بندر :اللي تشوفه ياوليدي نوم العوافي


اجواء الرياض كانت حاره الظهر والشوارع نوعا ما زحمه نجي تحديدا عند سيارة مشاري.....!
مشاري هاه وش تبون أي مطعم ..!
طلال: أي شيء
أميره : أقول طلال وش أي شيء نترجى مشاري والنهايه أي شيء بهذي السهوله
ملاك:الطلعه لي انا..وانا نفسي في تشليز
اميره :اف مامليتي منه مابيه
ملاك:والله مشتهيته تكفون
طلال :وانتي يا اميره وش دخلك الطلعه لها روح شليز <<يعاند اميره
مشاري :شليز شليز <<الكل قلب عليها يبون يهبلون فيها

اميره في نفسها انا اوريكم يالنذلين ان مارديتها لكم بالمطعم ما اكون اميره ..
وصلوا للمطعم وكان زحمه مره تعرفون اربعاء ..بس الحمد لله لقوا طاوله فاضيه ..وجلسوا..
طلال :يلا كل واحد يطلب له عشان نطلب مره وحده تراااني جوعاااااان
اميره :وانت اساسا متى شبعت ..
طنش طلال وكل واحد جلس يطلب له ..اميره ماخلت شيء ماطلبته وهي عارفه انها مو ماكله بس عناد فيهم ..وملاك طلبت زيها ..
مشاري:حشا حشا كل هذا بتاكلونه
طلال :لا بالله تعشيتوا اليوم
اميره :مو شغلكم مو انتم تبون تشليز وانا ابي اطلب هذا كله كيفي ..!!؟
ملاك:صوووووح اميره ..يلا بس اطلبوا ولا رحت انا اطلب وسحبت عليكم
مشاري:طيب بطلب لكم اللي تبون ..لكن اتحدى اذا اكلتم نصفه ..سبحان الله ..مــشــفــح

تم الغداء بحمد الله ..واميره استانست هي وملاك لانهم ماخلوا مشاري وطلال بحالهم كل شوي هواش ..ونفس الشيء الشباب استانسوا ..ورجعوا البيت...وناموا





بعد المغرب اجتماع العائله في بيت الجده كل الحريم تجمعوا ...

الجده:الله لا يفرق لمتنا يابناتي
الكل :امين
الجده تكلم اشواق:اشواق وانا جدتك روحي قومي اميره وملاكوه خاسو من النوم
اشواق :توني نازله من عندهم ماطاعوا بسابع نومه
الجده:الله لا يعيد غداهم وطلعتهم لين الحين نايمين مهوب صاحين <<اللي يشوفهم يقول نايمين يوم كامل كلها 4 ساعات
اشواق ضحكت على جدتها وتعصيببها ..
طلال:بنات تغطوا بندر عند الباب بيسلم ويطلع
بندر <ياولد ..ياولد
طلال:ادخل ماعندك احد تغطوا البنات
بندر:السلام عليكم
الكل :وعليكم السلام
بندر يحب راس جدته :وش اخبارك يالغاليه
الجده :بخير يامال الخير
سلم على عمته واللي فيه كلهم ..
بندر :يلا جدتي تامريني شيء ..!
الجده:بدري وانا امك اجلس تقهوا معنا
بندر:تسلمين جدتي والله عندي مشوار ضروري مره ثانيه << كان وده يقعد بس حس الجو محرجه شوي
الجده :اللي تشوفه وانتبه لا تسرع
بندر:ابشري ,,يلا تامروني بشيء
الكل ..سلامتك
تنزل اميره لابسه برموده جينز وتيشيرت فوشي وحاطه قلوس خفيف وطالعه قمه في النعومه ..
اميره:صباح الخير <<وهي مابعد صحصحت تتثاوب
الجده :لا حالفه روحي كملي نومك احسن
اميره:لا تنسين يمه اليوم اربعاء يعني عطله ورايحه للجامعه ولا نمت الا متاخره ..الجده سكتت ,,واميره تسلم على الموجودين...
لينا:اميره شكلك بعد النوم تووووحفه
اميره:عارفه مايحتاج تقولين انا حلوه بكل الاوقات
لمى :ياشين الثقه ..روحي شوفي عيونك وتكلمي ههههههه
ام مشاري:اميره صحيتي بنتي ملاك
اميره توها بتتكلم الا ملاك تدخل ...
ملاك:السلااام عليكم ..
الكل :وعليكم السلام
ملاك اشواق هنا وانا اقول البيت منور <<طبعا اشواق هي وملاك علاقتهم قويه مره
اشواق :منور بوجوك
الجده:اقول ملاك استحي على وجهك سلمي على الناس قبل ولا تسلمين من بعيد اشواق لاحقه عليها
ملاك:جدتو عادي مو غريبين ولا تزعلين ابوس راسهم بعد
ام مشاري:اقول اميره الله لا يهينك قولي للخدامات يجيبون الشاهي
اميره:ملاك سمعتي امك وش قالت
ملاك :ايه قالت اميره مو ملاك
ام مشاري:خلاص ياملاك روحي انتي عاد من بعد المطبخ
ملاك:ايه بدا الكرف
ام مشاري:متقطعه من الكرف بسم الله عليك


__________________________________________________ __________
انتهى اليوم على خير والكل راح لبيته الساعه 1 في الليل

في المطبخ مشاري جالس على الطاوله يسولف مع ملاك واميره
وهم قاعدين يسوون كوفي

فجأه يدق جوال مشاري
مشاري: هلا وغلا بهالصوت
ملاك تكلم اميره : وش الطاري من متى عنده اسلوب..
دانه : هلا حبيبي والله اشتقت لك
مشاري : كيفك ؟!
دانه بدلع : تمــااام حوبي
مشاري : اقول دانـــ .....<< فضح نفسه وقام يضحك
ودانه لسه مافهمت ليش يضحك
ملاك واميره : فهموا انه يكلم بنت
مشاري .. سكر من دانه بالطقاق << البنت مطولهــ
اميره : مشاريووووه متى بتخلي عنك هالحركات تراك كبرت
مشاري : وش شايفتني أبو عياال !!
ملاك : لا بس بطل حركات نص كم
مشاري : وش عندكم وش يدخلكم فيني ..؟
ملاك : أجل بأكلم واذا عارضت بقول توني مو ام عيال!!
مشاري بتفاعل :والله لأقص رقبتك ان دريتك تكلمين .معد الا هي بعد ..
اميره + ملاك .. يضحكون على شكل مشاري وهو معصب

ظلوا يسولفون الى الفجر وبعد الصلاة الكل توجهه لغرفته ...




اليوم الخميس والاجتماع عند ابو محمد الكل معزوم على الغداء ...

طلال : مشيعل يكفي لعب كوره تعال تغداء
مشعل : وشو الغداء
طلال : كنتاكي ولا ماك انت عليك بس تختار
مشعل : تتريق انت وجهك يلا وش ورانا ناكل رز ولحم <<مشعل الاحترام من جهه وهو من جهه

في الدور الثاني وبالتحديد في غرفه اشواق ..
اميره : إلا كيف ولد خيو فهد من زمان عنه ثلاث ايام لامسن ولا اتصال
ريم : والله ماأدري عنه آخر اتصال كنت نايمه وأمس طلبت امي تكلمه بس مامسك الخط
لينا.. توها داخله : بنااات يلا جدتي عصبت انزلوا تغدوا ساعه وهم حاطين الغداء
اميره : والله مالي خلق غدا
اشواق : اقول انزلي عند جدتي اسم انك جالسه
اميره : امري لله يلا خلونا ننزل


المغرب الساعه 7 ..

عبير .. تكلم جوال : انا قلت ما اقدر خايفه ؟
سماح : ليه انتي خايفه الى هالحد انتي جبانه
عبير : مو مسألة جبانه بس انتي تعرفين لو يدري مطلق ولا مشعل هالبزقه والله اروح فيها
سماح .. بدت تدخل في راس عبير اشياء ماكانت عبير مدركتها بس منها حست بالظلم لنفسها
سماح : عبير انتي حره هذي حياتك ما عليك من احد مالك لسان ليش كل هذا التعقيد ؟!بصراحه اسمحيلي اهلك جداً معقدين اف ..
عبير .. بدت الفكره تدخل براسها : طيب المشكله انـ ..
سماح تقاطعها : لا مشكله ولا شي انتي تخافين أحد يدخل عليك وانتي تكلمين صاحبتك طبعاً لأ وبعدين واذا صار ودخل عليك احد صيري طبيعيه كأنك تكلمين صاحبتك .. والله انو كل اللي تتمنينه يصير الوناسه والرومنسيه وسعي صدرك خذي الامر بتسليه وبعد لاتقولين اسمك إذا كنت جبانه
عبير : بس مو اليوم افكر بعدين !
سماح .. كانت مصره عليها تبيها تكلم بأقرب وقت : بتتحسفين ياعبير على كل لحظه خليتيها عقب ماتكلمين


بيت ابو بندر لهم ساعه راجعين من بيت لبو حمد وام بندر وريم قاعدين في الصاله ..

ريم : يمه ماكلمتي فهد ؟
ام بندر : لا والله لي 3 ايام ما أدري عنه ولا دق والله اني مشتاقه له
ريم : طيب وش رايك نتصل عليه الحين ؟
ام بندر : ايه والله فديتك يابنيتي اتصلي عليه
اتصلت ريم على اخوها فهد في بريطانيا ولكن للأسف الخط مامسك معها ....
ام بندر : وش فيه ياريم ليه مايرد اخوك
ريم : لا يمه بس الخط ما مسك معي الخط يمكن ضغط على الشبكه
ام بندر :عسى وليدي مافيه شي ؟!
ريم : لا يمه دايم يحصل كذا بس انتي طولي بالك
حاولت ريم مره ثانيه ونفس النتيجه الخط ما مسك .. طفشت ريم ونزلت السماعه
ام بندر : حاولي هالمره عشاني وان شاء الله بيمسك ..؟!
رجعت ريم تتصل مره ثانيه .. وللحمد لله هالمره مسك الخط ...
ريم : الــوووووووو فهود
فهد : هلا والله بها الصوت .. وش اخبارك ريومه ؟
ريم : هلا بك انا بخير وانت شو اخبارك وينك ماتتصل ؟!
فهد : والله توني مخلص من اختباري اليوم وما قدرت اتصل
ريم : الله يوفقك يارب
ام بندر : ريم عطيني فهد .. وتسحب ام بندر السماعه من ريم <<ماعندها تفاهم
ام بندر : هلا بوليدي هلا بالغالي وش اخبارك عساك بخير وانا امك ؟
فهد :بخير دامك بخير يالغاليه .. وش اخباركم انتم ؟
ام بندر : الحمدلله كلنا بخير مو ناقصنا الا انت يمه متى بتجي الدنيا ماتسوى بدونك ؟
فهد : ان شاء الله قريب يالغاليه
فهد.. بقي له 3 سنوات ويرجع لأهله خلص سنه وبقي له 2 ..
فهد : يمه ابوي قريب عندك
ام بندر: لا والله هو الحين مو موجود اتصل عليه بالمكتب ان شاء الله تحصله هذا اذا ماطلع للبر
فهد : ان شاء الله بتصل عليه مع اني اتوقع ما احصله على قولتك في البر ههههه
ام بندر : الله يحفظك ويردك سالم وغانم يا وليدي ..
فهد : الله يسمع منك يا رب
ام بندر : انتبه على نفسك وشد حيلك عشان ترجع لنا
فهد : ان شاء الله ما طلبتي يالغاليه .. سلمي على ابوي واخواني وجدتي والكل وقولي لهم وحشتوني موووت ..
ام بندر : ابشر يوصل
فهد : تآمرين شي يالغاليه ؟؟
ام بندر : سلامتك والله ..
فهد : مع السلامه
ام بندر : الله يحفظك

لأول مره أحس أن البعد حربه
يصارع عاتي ضلوعي ولا أقوى عليه قتال

قفلت ام بندر السماعه من فهد والشوق زاد لولدها وجلست تفكر فيه ..
ريم جالسه ترسل مسج لفهد ..

وفجأه ...!!!
جلست ام بندر تبكي غصب عنها ...
ريم خافت على امها : يمه وش فيك ؟؟
ام بندر بين دموعها : ما فيني شي بس فاقده وليدي ضناي ياريم ضناي فاقدته .. وجلست تبكي اكثر واكثر..
ريم حاولت تمسك دموعها لكن ما قدرت لها سنه ما شافت اخوها اشتاقت له حييل ..
في هذا الوقت دخل بندر وهو مبسوط على نجاح العمليه اللي سواها .. بس اول ماشاف امه واخته تغيرت ملامحه على طوول ..
بندر : وش فيه وش فيكم ؟! عسى ماشر !!
ريم .. مسحت دموعها بسرعه لانها ماتعودت تبكي عند اخوانها ..
بندر جلس عند امه : يمه حبيبتي وش فيك ؟!
ام بندر وهي ما زالت تبكي : ولدي فاقدته اخوك يا بندر اشتقت له
بندر ارتاح شوي : الله كل هذي الدموع عشان فهود !! ان شاء الله بيرجع قريب بس انتي اصبري
بندر يحب راس امه : يمه عشان خاطري امسحي دموعك و وروحي ارتاحي وفهد بيرجع ..
ام بندر وهي تمسح دموعه : ان شاء الله الله يسمع منك ياوليدي

وبعد كذا توجهت ام بندر لغرفتها وريم لغرفتها .. بندر قبل مايروح لغرفته مر على اخته ريم ..
طق الباب .. وفتحه
ريم .. حاولت تبتسم وتوضح انها مو متضايقه ...
جلس بندر جنبها وقالها بكل حنيه : ريمو حبيبتي وش فيك ؟!
ريم وتحاول ان دموعها ماتطلع : ما ادري خايفه على اخوي فهودي وولي سنه ماشفته ..
بندر مسك يد اخته : ريم اذا بجد تحبينه وتخافين عليه ادعي ان الله يرجعه لنا ويحفظه لانو دموعك ماراح تفيد ..
وباسها على جبينها وقال وهو يطلع : تصبحين على خير ريمو
ريم ابتسمت غصب عنها وهي قاعده تشوف حنية اخوها لها : وانت من اهل الخير .. " الله يحفظك يا اخوي "

بعد ما طلع الكل من بيت ابو محمد .. اشواق حست بدوار وصداع فضيع ..
ام محمد انتبهت لبنتها : يمه اشواق وش فيك ؟!
اشواق : سلامتك .. بس تعبانه شوي ..
ام محمد : اوديك المستشفى اذا مو قادره تتحركين ؟؟
اشواق : لا يمه مايحتاج .. بس ودي اروح للصيدليه آخذ لي شوية مسكنات ..
ام محمد : دقي على محمد خليه يودينا
اشواق : اتصلت عليه من شوي وقال انه بعيد وما راح يجي الحين
ام محمد : خلاص اجل بنروح مع السواق
ام محمد تنادي لينا : لينــا .. لينــااااا
لينا ., سمعت صوت امها تناديها وطلعت بسرعه من غرفتها وهي واقفه عند الدرج اللي يطل ع الصاله
لينا : لبيه ماماتي ..
ام محمد : جيبي عبايتي وعباية اختك بنروح للصيدليه
لينا .. اول ماسمعت طاري روحه على طووول راحت تجيب عبياتهم وعبايتها طبعاً لانها بتروح معاهم من دون ما تشاور احد << خخخخ


__________________________________________________ __________
يوم الجمعه عيد المسلمين .. الساعه 11 الكل صحى من النوم ..

مشاري : صباح الخيرات والمسرات لاحلى جده .. ويروح يحب راسها ..
الجده : صباح النور .. وش عندك مبتسم لى ذا الصبح !!
مشاري : تبيني اشوف فيسك ولا ابتسم <<هوع .. الا جدتي وين طلال ؟؟
الجده .. توها بتتكلم الا طلال يدخل ..
طلال : هاااي !!
الجده : هاي بعينك ياقليل الحيا وش ذا الكلام !
مشاري وطلال .. ضحكوا على ردة فعل جدتهم : ههههههههه
تدخل اميره وملاك عليهم : السلاام عليكم .. وصباح الخير
الكل : وعليكم السلام ..صباح النور
ام مشاري.. جابت القهوه وقعدوا يتقهوون قبل الصلاة ..
مشاري : ترى اليوم مانيب متغدي في البيت !!
ام مشاري: على وين ان شاء الله ؟
مشاري : معزوم عند واحد من الربع
طلال : انت أساسا متى جلست في البيت
مشاري : من يتكلم علم نفسك << هع
الجده : الله يحفظكم روحوا للمسجد قبل لايدخل الخطيب ..
طلع مشاري وطلال للصلاه ...
اميره : اقول يمه بتروحين لشي اليوم ؟؟
الجده : ايه ان شاء الله بروح لأم سعد .. بتروحين معي يا حصه ؟؟
ام مشاري : والله مادري !
الجده : روحي هي دايم تحسبنا وما يسوى اتصالها علينا
ام مشاري: ان شاء الله يمه بروح معك ..
ملاك : اجل بدق على البنات يجون عندنا
الجده : بكيفكم ..
وقامت الجده وام مشاري يصلوون ..
اميره : ملاك روحي دقي على اشواق ولينا وانا بدق على ريم ..
ملاك : ولمو ؟؟
اميره : بس اخاف تجي معها عبيرووه وعاد ابو انواع النكد !
ملاك : لاااا لا تخافين ما اتوقع اصلا عبير متى جت عساها تجي في الواجب وياله عشان تجي اليوم
اميره : اوكي
ملاك : وش رايك نروح بعد الصلاة لكارفور ؟!
اميره : بقول لمشاري اذا جاء
ملاك : لا وليرحم والديك مالي خلق هباله ورجته !
اميره : اجل مع السواق وامرنا لله ..


في بيت ابو محمد ..
اشواق وتوها طالعه من الحمام وقاعده تنشف شعرها ..
دخلت عليها لينا ...
لينا : نعيماً .. مابغيتي يالمخيسه !! << هع
اشواق : اقووول كلن يناظر الناس بعين طبعه
لينا : اوووخص اشواقوه طالع لك لساان عقب السباحه كل يوم تروشي << هع
اشواق قاعده تمشط شعرها : يا شييين البثاره ((الازعاج+النشبه)) والله ..
لينا .. وهي طالعه : ايه صح نسيت اقولك !! ترى اليوم بنروح لبيت جدتي
اشواق : غريبه وش عندهم ما قالت لي ملاك ؟!
لينا : دقت قبل شوي اميره وقالت لي
اشواق : اهــااا .. طيب قلتي لامي ؟
لينا : قلت لها وعطيتها خبر اننا بنرووح


بعد العصر في بيت الجده لطيفه ...
توجهت الجده والعمه حصه لام سعد ...
اميره وملاك .. في المطبخ يحوسون .. فتحت ملاك الفريزر وشااافت ...؟؟!
ملاك : وااااو ايسكريم باسكن روبنز لا واللي احبه بعد ولا تقولين شاريته من وراي يا الدوبا
اميره .. وهي تحرك العصير : لا والله مولي هذا اكيد لطلال والا مشاري وبعدين يالذكيه شلون اشتريه وانت معي كل اليوم !!
ملاك .. فتحت الايسكريم وبدت تاكل منه
في هالحظه دخل مشاري عليهم ..
مشاري : سلاااام
ملاك واميره : هلا
مشاري : ما شاء الله زرف (( سرقه )) عيني عينك
ملاك : اجل اخو بلاش !! << هع
مشاري سفها : اجل وين امي وجدتي مالهم حس في البيت
ملاك : معزومين عند الجيران .. وانت شرف برى البيت والا انقلع فوق ..
مشاري : على امرك عمتي ولا وش رايك بعد تحبسيني في غرفتي
ملاك : مو شينه
مشاري : أساساً انا طالع من زينكم اقعد اقابلكم !!
اميره : طالعين عليك مستر مشاري
مشاري وهو طالع : يلا انا طالع سلاااام
اميره + ملاك : سلملم


بعد المغرب اجتمعوا البنات في بيت الجده ..

اميره : تو ما نور البيت
ريم : يا هلا والله منور بأصحابه ..
اشواق : كيفكم صبايا شو اخباركم ؟؟
الكل :عال العال ..تمامو
لينا : يلا ماودكم نروح المطبخ !!
ملاك : يا الله ما امداك واصله فسخي عبايتك على الاقل بس ما اقول الا الله يعين ابو العيال
اشواق : يوووه نسيت مواعده صديقتي تجي عندي في البيت
لينا وهي تاكل من البوب كورن : مين ؟؟
اشواق : غدير
ملاك : طيب خليها تجي هنا
اشواق : ادق عليها ؟؟
اميره : ايه مافيها شي دقي ولا عطيني انا ادق غدير ماهي غريبه
اشواق .. تدق على غدير ..
اشواق : هلا وغلا
غدير : هلابك وينك ؟! فيه ادق ع الثابت ما تردون !!
اشواق : معليش قلبوو انا طلعت لبيت جدتي
غدير : صدق انك سحبه
اشواق : والله نسيت تعالي لبيت جدتي كل البنات مجتمعين
غدير : لا وين صعبه
اميره .. تكلم اشواق : عطيني اكلمها
اميره : هلا غدير كيفك ؟!
غدير : الحمد لله بخير انتي كيفك ؟؟
اميره : تماام .. اقول غدير انا عازمتك اليوم في بيتنا
غدير : لاا خليها مره ثانيه
اميره : والله اذا ماجيتي لأزعل ..لا تسوين يعني اني ..بعدين انا من اسوبعين كنت عندكم تعالي ولا بزعل ..
وبعدين البيت فاضي وما فيه الا احنا يلا نحتريك << وجلست تحاول فيها لما اقتنعت
غدير : اوكي بستأذن من امي
اميره : اوكي لا تتأخرين ننتظرك
*غدير .. صديقة اشواق الروح بالروح عمرها 21 سنه انسانه حبوبه بريئه عيونها وساع ومكحله بيضاء وخدودها ورديه وشعرها ناعم وطويل ....


بعد صلاة المغرب مهند وطلال طالعين يتمشون ....
مهند:اقول طلال ...!
طلال:هلا
مهند:ابي الابتوب والهاردسك ..اذا ماتحتاجها اليوم
طلال:مايغلى عليك..بس وين جهازك..؟
مهند:والله مليان فايروسات ود يته العصر للمحل وبيطلع بكره ..وعندي بحث لازم اسويه اليوم عشان بكره اسلمه ..
طلال:اوكي نمر البيت واعطيك اياه ..وبعدين نروح للاستراحه عن الشباب وش رايك ..!!
مهند:اوكي تم




وصلت غدير واجتمعوا البنات بالصاله ...
اميره:ماودكم تشربون شيء ولا تحتروني اجيب لكم ..
لينا:احنا ضيوف عندك ..
اميره:اقول قوموا ولا يكثر
ملاك: انا بطلع فوق اجيب الاستريو والاشرطه
اشواق: خلاص انا وغدير بنطلع معك
اميره: اوكي واحنا بنروح للمطبخ لاوصيكم عفنوافوق ..

طلعت اشواق وملاك وغدير يجيبون الاستريو من فوق ..وباقي البنات راحوا للمطبخ وخطر في بالهم يسوون آيس موكا ..فجأه سمعوا جوال يرن بالصاله ..طلعت لينا ولقته جوال غدير ..
لينا:غدير ..غدير..
غدير من فوق:هلا
لينا:جوالك يدق تعالي ردي


عند باب البيت :
طلال :لحظات وانا جاي
مهند :اوكي كوكلي عشان مانتاخر ع الشباب

طلال ..سكر باب السياره ودخل البيت متجه لغرفته ....وهو يغني ..وداخل جو..


.مازال جوال غدير يرن ..
..كنت نازله من الدرج مستعجله ..فجأه صدمت بجسم ولا قدرت ارفع راسي ..حسيت ان الدم تجمد بعروقي من قوة الصدمه ..بغيت اطيح على ورا ..لكن....!!

...!!

...!!

..........!!


!!


تفاجأت...!


يد مسكتني مع خصري ..مافيه مسافه تفصل بيني وبينه ..لحظة صمت ..ابي اشوف مين ..!مو قادره حتى ارفع عين وحده ...
طلال ماتوقع ابد ان يصير له كذا ..مافي شيء يفصل بينهم ..حس ان البنت هذي مايعرفها ..ولا قد شافها ..ولا يبي يحرجها اكثر ..كمل طريقه بدون مايتكلم ...
غدير ارتاحت يوم مشى طلال عنها مع ان الدموع كانت متجمعه بعيونها ..لكن ماحبت ان البنات يدون بالللي حصل ..تخاف يتهاوشون مع طلال ..وهي بالاساس ماتدري منهو ولا تعرف انه عمهم ...


اخذ طلال اغراضه ونزل بسرعه ...
بالسياره ..
طلال ..ركب وسكر الباب ولا تكلم ولا كلمه ...
مهند:طلال
طلال:<<ساكت
مهند: ياهوو وين سرحت
طلال: ...كان في باله من هذي ...؟ وش جابها عندنا ..؟ والغريب ماشفت احد بالصاله ..
مهند حس ان طلال يفكر ولا حب يضغط عليه اكثر مشا الامور عادي ...


__________________________________________________ __________
كااان جالس بكرسي بالصاله مغمض عيوونه حااس راسه بينفجر من كثر الشغل عنده كوم
حس بيدين صغيره تنحط على اعيوونه ابتسم من قلبه وهو يتحسسهاا ويشم ريحه العطر المنبعثه من صااحبتهاا: دلال مارح تبطلين هالحركاات ؟!
دلال مدة بوزها: ياااربي انا ابغى اعرف انت كيف تكشفني
مطلق : وهل يخفى القمر؟؟
دلال<<استحت وحمرت خدودها
مطلق جلس يلمس شعرها : واحلى قمر بدنيتي ..فديتك بس ..وفديت هالخدود الورديه ..
دلال وهي تجلس جنبه وتتمسك بيده كأنها طفله : الله لا يحرمني منك
مطلق ابتسم بحنااان وهوو يشووف دلال شلوون تغليه : امين يارب ..





،،





في الاستراحه عند الشباب ..يوم دخل طلال ومهند ..
طلال+مهند:السلااااااام عليكم
الكل:وعليكم السلام
مهند+طلال:وش الاخبار والعلوم ..؟
الكل:عال العال..
نواف:طلول وين كنت انت ومهند..؟
مهند: ابد اخذنا كفي ومرينا بيتهم وجينا ..
الكل يطالع طلال ...
تركي: علينااااا...
طلال: وش علينا والله العظيم ..
تركي: افا ماهقيتها منك ياطلال تحب من ورانا ..!
سلطان: لا بعد كل شيء واضح..يحسبنا مغفلين ...هههههههههه
مهند نفس طلال مايدري وش السالفه....
طلال: وش السالفه ..؟ وليش تطالعوني كذا ...؟
نواف:هههههههه روح شوف التيشيرت حقك ههههههههههههههههه
مهند يوم شاف طلال مات ضحك والكل ضحك هههههههههههههههههههههههههه
مهند: طلااااااااااااااااااال وش ذا ..؟
طلال شاف التشيريت حقه ومابعد استوعب اللي شافه وقام يلعن ويسب في نفسه وفي الساعه اللي شاف فيها البنت ياربيه وش ذا ..!طبعة شفايف مره وحده ..!ولا بعد على التيشيرت حقي ..!واضح انها شفايف بنت ..اووف ..
مهند: وين وصلت ..!
طلال: كلوا تراب كلكم فاهمين ..<<عصب الرجال
مهند : لا تصرف اعترررررف ..؟
طلال: مالكم دخل ..واذا ما انطميتوا ابطلع واخلي الاستراحه لكم ..
تركي: خلاص يا ابن الحلال بنسكت..
سلطان: بس هذي المره بمشيها لك ..
مهند ..يغمز لطلال <<ناوي يستقعد له بعد مايطلعون من الاستراحه ..


،،،،،،،،،،،،،،،،،،

بعيد عن الرياض واهلها ...الجو كان جنان ...
فهد: انا اليوم عازمكم على العشا ..لا تردوني..
خالد:لا ماعاش من يردك..مدام الدعوه انت اللي بدتفع وش ورانا هع
فهد : عندك شيء ياسارا والهنوف..؟
الهنوف : لا خلها مره ثانيه ..
سارا : ليش وش عندك..؟
فهد: ليش ماودك ..!
الهنوف: لا والله عادي بس ودي امر المكتبه ..
خالد : خلاص حتى انا ابي كتب نروح سوا...
فهد : انا وسارا بنسبقكم وانتوا الحقونا اوكي..
خالد : اوك

ساره : سعودية الاصل ساكنه عند جدتها في بريطانيا امها وابوها متوفين
..طويله ..شعرها قمة في السواد ..تجذب اللي حولها بنعومتها ..حساسه درجة اولها ..تكتم مشاعرها ...صديقتها الوحيده
الهنوف..انسانه بسيطه بمعنى الكلمه جمالها عادي جات مع اخوها تدرس ..تمتاز بخفة الدم ... اصلها كويتي ...

خالد اخو الهنووووف مره طيب ووسيم اللأبعد الحدود يلفت الانظاركثيرحنوووون ...


،،،،،،،،،،،،،،،،،،،،،


رجع طلال للبيت وجت في باله البنت اللي شافها اليوم وانبهر فيها ..يااترى من هذي...!؟..

ايووووه مافيه الا اسأل الهبلتين ...
مر لم غرفة اميره وكانت تسولف مع ملاك والباب مفتوح ..
طلال: احم احم
اميره : كح كح <<هع هع
طلال: سلاام
ملاك+اميره: وعليكم السلام
طلال: وش عندكم تهرجون ومانمتوا لين الحين ..!متى محاظراتكم ..!؟
اميره: الساعه 8 تبدأ..والحين بنام شرفووني ..
طلال: اقوول اميره
اميره ودفترها بيدها : هااااااااه
طلال : هاه بوجهك امحق اخلاق المفروض تقولين ســـم
اميره: اقول اخلص تراني دااايخه
طلال: اليوم فيه احد جاينا ...؟!
ملاك : ايه
طلال: مين ..!؟
اميره: وش يلقفك ...وليه تسأل...!
طلال : كذا بس عندك مانع ..؟
ملاك: البنات وصديقة اشواق غدير ووووبس <<ماعندها مشكله لو تقدم له برنت كامل عن اللي سووه
طلال: اهاااا ماوراكم شيء ..تصبحون على خير...<<والله وجبتها ياطلال واخيرا عرفت منهي ....
طلع طلال متجه لغرفته والافكار تدور براسه ..ياربيه وش فيني من شفتها وانا منسبه ...بس والله البنت تخقق ..طلع التيشيرت اللي بدله بالاستراحه يوم جا يلعب كوره ..وشاف طبعة شفايفها وجلس يتذكر الموقف ...
غدير كانت لابسه فستان وردي نام يوصل نص الساق وفاكه شعرها السايح وحاطه شريطه فوشيه وقلوس فوشي ...
سبحان اللي خلقها ..انا اللي كان آخر تفكيري البنات من نظره وحده انهبلت ..
اخذ له شور دافئ ,,,وانسدح ع السرير ولا زال يتذكر ملامحها ...



،،،،،،،،،،،،،،،،،

الساعة 6ونص الصبح وعايلة ابو مطلق ملتمة على الفطور الا لمى الي كانت متأخرة بالنوم
أم مطلق حست يغيبة لمى مشعل حبيبي قوم صحي أختك خل تفطر معانا وعشان ماتتأخرون اكثر شوف كم الساعه ....

مشعل بملل: أووووووووووف ماعندكم إلا أنا ...مشعل روح مشعل جيب مشعل

ابو مطلق :يله روح قوم لمى بدون كلام زايد .... وبعدين كم مره انا اقول لك لا تتكلم مع امك او غيرها بهذي الطريقه ..
قام وهو يحلطم : افففف عشاني اصغر واحد يتامرون علي .... وقال بصوت مسموع ((انا اوريكم وش لون اصحيها ولا بعد كل يوم اتأخر على حساب العمه لمى اففف ))
ابو مطلق: هالولد مو عاجبتني تصرفاته
مطلق:عادي يبه مرحله وتعدي
دلال: صادق والله الله يهديه
الكل :امين

طبعا عبير ماتفطر معهم لان دوامها دايم من الساعه 8 وفوق ولا تحب تصحى بدري ..

ابو مطلق : دلال الله يعافيك شوفي الزفت وين ذلف ..
ام مطلق : مو بعيده انه راح ينوم هالولد بيجنني ..

فوق عند لمى ومشعل ...

مشعل ناوي هواش مع لمى دخل عليها وهي نايمه شاف عنده علبة مويه <<بدا الشر وفكها وتوه بيكبها على لمى الا دلال داخله ...
دلال: حرااام عليك تخيل نفسك نايم واحد يصحيك كذا
مشعل : هههههههه وانتي ماتجين الا اذا كنت ناوي على شيء
لمى سمعتهم وصحت من النوم :وش تسوووووون ..
دلال +مشعل : هههههه ولا شيء
مشعل : بسررعه ترانا متاخرين <<يقاله بريء ....
لمى: اوك فايف منت وانا نازله ...

__________________________________________________ __________

:انا جيــــــــت

طلال\لا والله الأميره ديانا جايه على غفله وانا مدري

ملاك\اي والله صادق ياخالي آخر من يقوم هي وتبينا نبتسم لها

اميره\وش فيها لو رحبتوا فيني اصلا انتوا منقهرين من جمالي الذباح

دخلت الجده وحصه الصاله

الجده: وانتي دايم تتاخرين بنومك

جت اميره وحبت راس امها

اميره\يمه حبيبتي انا كل مره أقولك انا اقوم على حسب محاظراتي بس انتي تبيني اقوم مثل الدجاج اللي هنا وش قومني قبل بساعه

دخل مشاري عليهم :صباح الخيرات

الكل: صباح النور

حصه : جانا الثاني

مشاري : تراني مرووق لا تخربون مزاجي وصادقه اميره وش يصحينا قبل بساعه

الجده: هذا جزانا نبيكم تفطرون على راحتكم... وتصحصحون

اميره\ عاد خلاص يالغلا لاتزعلين منا لله يخليك لنا ياأروع وأغلى أم في

الدنيا

الجده\ويخليكم لي ياعيالي جعل عيني ماتبكيكم طول العمر انشاء

الله..

طلال : اقول انا طالع ..لا تنقلب مناحه <<هع

مشاري اكل هو واميره بسرعه وطلعوا

حصه : الله يحفظكم يارب
الجده : امين
،،،،،،،،،،،،،،،،،،،،،،،،،


الساعه 2 الظهر في بيت ابو بندر

بندر: مساء الخير لأغلى ام بالدنيا
أم بندر\هلا والله بضناي
بندر:شلونك يمه عساك مرتاحه؟؟

أم بندر \مرتاحه يابعد قلبي والله

وبعد هالكلمه نزلت ريم ودخلت الصاله

ريم:بـس من الظهر غزل ودلع بولدك وحنا حتى ابتسامه على الوجه

مافي الله يخلف علي بس ...

انا بنت الجيران ياغافلين لكم الله قوموا بس تغدوا ابرك لكم

دخل ابو بندر وش في ريوومه من مزعلاها …..!!




ام بندر:محد قالها شيء بس هي تحب المناقر

ريم: ايه بس بندر وبندر فهد وفهد وانا معطتني ركبه ...<<وقامت تتدلع عند ابوها

بندر: لا عاد ياريوومه انتي الكل بالكل

ابو بندر: الله يهديكم ويحفظكم..
ام بندر: يلا الغداء جاهز



،،،،،،،،،،،،،،،،،،،،،،،،،،،،،،،،،،،


في بيت >>ابو محمد <<
اشواق مانامت امس تحس بألم فضيع ولا تدري وش سببه ...ولحد الحين الالم معها بس ماحبت توضح قدام اهلها شيء ..
ابو محمد :وين محمد ..!!
ام محمد : والله رجع اليوم من الشركه ونام شكله تعبان ..ولا بعد صحى..
ابو محمد: لينا روحي قوميه بيأذن العشاء وهو نايم
لينا : ان شاء الله
طلعت لينا عند اخوها محمد
لينا: محمد قوم يلا بيأذن العشا
محمد: اطلعي وسكري الباااب
لينا : ماراح اطلع يلا قوووم
محمد: لينووووه وبعدين معاك قلت اطلعي وسكري النور
لينا قامت تحوس بالاوراق حقته وتتفرج على العطور واغراضه ..
محمد : ياشين القافه والله ينكد عليك
لينا بلا مبالاة : انزل تحت ابوي يسأل عنك
محمد : وليه ماقلتي انه يبيني..الحين بيعصب وش يفكني ..
لينا: عشان تعرف لما اقومك تصحى على طول
محمد : اطلعي لا اقوم عليك ..والله اذا مسكتك ما اخليك ..
لينا : يممممممه خوفتني ..
طلعت لينا من غرفة محمد ..سمع صوت الاذآن وهو مازال منسدح ع السرير. Oo my good كل هذا نوم اخذ الريموت وطفا التكيف ...وطالع نفسه بالمرايه..صدق اني وسيم حتى وانا توني قايم ...<<الله من الثقه

،،،،،،،،،،،،،،،،،،،،

الساعه 11 ليلا في بيت الجده ...

الجده : وانت ياطلال مانشوفك ابد لا انت ولا مشاري
ام مشاري: مشاري منهبل هذي الايام
مشاري : ليه شايفتني امشي وارقص خخخخخخخ <<يلطف الجو
طلال : احسن من اللي عابده النت الحمد لله والشكر
اميره : لو سمحت خلك في حالك
ملاك : يلا من يفوز اميره ولا طلال دايم هواش هواش
مشاري: اكيد اميره
ملاك : وش عندك واقف معها
مشاري : هاه خالتي وش يلقفك انتي خلك بمجلتك احسن لك <<هو يتمصلح مع اميره يبي تسوي له بحث للجامعه
طلال: عندكم عشا ولا اتعشى برا
الجده : الحمد لله كل شيء فيه
ام مشاري: ايه انت ومشاري تبونها من الله نقول لكم مافيه عشان تطلعون ولا عاد ترجعون
طلال:هع هع فاهمتني يلا راحت هذي المره علي

تعشت العائله الكريمه والجده والعمه حصه طلعوا ينامون ...
اميره متوجهه لباب الفله الداخلي ..
طلال: على وين
اميره : على باريس على وين يعني بطلع اشم هوا
طلال : ياي يالرومنسيه
مشاري : انا بطلع معك
اميره : فديتك والله .. تعال اجل نسوي لنا شهاي ونطلع لحااااااااالنا خل ملاك وذا الخال اللي مفتخره فيه ينفعها ان قبلتوا علينا ياويلكم
ملاك : ميتين عليكم ..
توجهت اميره ومشاري للمطبخ ...وسوت لهم شاهي ..وطلعوا بالحديقه..الجو كان معتدل ..والبيت هادي ..
اميره : مشاري
مشاري : آمري <<الله من المصلحه كل هذا عشان البحث
اميره: مايمر عليك عدو ...بس مافكرت تتزوج اذا تخرجت
مشاري: هههههههههههههههههههههه كثري منها ..الحمد لله كل شيء متوفر عندي <<وغمز لها
اميره : صدق انك ماتستحي ..ماخليت بنات الناس بحالهم
مشاري : والله هم اللي يحلقوني تخبرين حلو واخلاق ولد نعمه احم احم
اميره لوت بوزها : واااااضحه الاخلاق فيك
بالصاله ..
ملاك : صدق انهم نذلين حتى مافكروا يسون لنا شاهي
طلال : روحي سوي انتي ..
ملاك : اففففففف وانت لين متى بطالع التلفزيون
طلال : وراك قلبتي علي ..!!
ملاك : تصدق المكان بدون اميره مايسوى خخخخخخ
دخلت اميره ...
اميره : قلت لكم مافيه شيء يسوا بدوني
طلال +ملاك : ههههههههههههه ياشين الثقه ..ملاك:اساسا كنت عافه انك عند الباب
مشاري: سبحااااااااان الله عندك حاسه سادسه
ملاك ماعرفت وش تقول خلاص قفطوها خخخخخخ

،،،،،،،،،،،،،،،،،،،،،،،،،

البيت كله نايم ...الهدوء يعم المكان ...في غرفتها ...تكلم بالجوال ..سماح ..
سماح>>انسانه انانيه ماتحب الا نفسها ولا تهمها الا مصلحتها ..عائلتها فري مررررره ...
سماح : عبير انا تعبت معك ..اذا ماتبين قولي لا وخلاص ..عل فكره انا مو خسرانه شيء ..
عبير: مو الدعوه ما ابي ..بس خاايفه ..
سماح : من كم يوم وانتي تقولين خايفه خايفه خلاص عاد
عبير : طيب ..انتي تعرفين الولد زين ..!
سماح : اييييييييه اقولك انا دايم اسولف له عنك .وقال يبي يكلمك ...
عبير : خلاص اوك
سماح : كفو والله ..خلاص انا بسكر وبرسل له مسج انك رضيتي
سكرت الانسانه الانانيه ...بعد ماخربت افكار البنت ...وقلبت مخها ...فعلا الصداقه صارت شيء يتخاف منه ...
ثواني ...ويرن جوال عبير ...ارتجفت ...صارت اطرافها بارده ..قلبها يرجف ..ترددت ترد ولا لا ..
برد انا وش بخسر ..هذي سماح مابقى احد ماكلمته ولا صار لها شيء ..انا بكلم واحد ماراح يضر واحد مو عشره...
نوااف : هلا قلبي ..واخيرا رضيتي
عبير بحياء : هلا فيك
نواف : كيفك ..!
عبير : تمام
نواف : دوووووووم ..فديت الصوت يانااااس
عبير :تسلم ...وسكتت ....!
نواف : وش فيك !!؟
عبير: مدري والله احس اني متضايقه ..
نواف: انا اروقك الحين يا اغلى الحبايب ..

جلست عبير تكلم نواف تقريبا نص ساعه وسكرت لانها سمعت باب اختها لمى ينفتح ...

الله يعطيك العافية
وانتظر البقية