رواية - أكابر وأنا بداخلي صرخه صداها يزعزع كل شرايني رواية جديدة

[aksachli]

عنوان الموضوع : رواية - أكابر وأنا بداخلي صرخه صداها يزعزع كل شرايني رواية جديدة
مقدم من طرف منتديات الشامل

بســـــم الــــلــــه الــــرحمـــن الــرحـــــيـــمـ

هذي أول رواية ليا من كتاباتي ..اتمنى انها تعجبكم..
ترددت كثييييير قبل ما انزلها بس ان شاء الله ما اندم
انا حنزل الاجزاء الاولى وإذا شفت تفاعل حكمل باقي الاجزاء ...
وارحب بكل الإنتقادات البنائة اللي مافيها تجريح ..
واتمنى اتمنى اتمنى انه روايتي تكون ناجحه ...واذا تم نقلها تنقل باسمي...





















"1"
على الارض الباردة كانت جالسه ودموعها على خدها صوت انينها كان خافت دقت على الباب بيدها الصغيرة وهي تناديهم يفتحولها الباب :
مـ ـ ـامـ ـ ـا افـتـ ـحيـ ـلـ ـي والـ لـه مـ اسويـ ـت شـ ـي اهئ ماااماااا.
مــ ـااامــ ـ ـا قـولــي لـبـ ـابـ ـا أنـ ـا مـ ـا سـ ـويـ ـت شـ ـ ـي اهـ ـئ .
,
,
,
,
دخل العمارة وكله عرق من اللعب وفي يده كورته يرميها فوق ويمسكها بيده لمن قرب من شقتهم سمع صوت بكى استغرب الصوت وجاه فضول يعرف مين سبب الصوت لمن وصل لشقتهم قلبه عوره على البنت اللي جالسه تبكي عند الباب اللي قدام باب بيته تلفت حوله وهو مرتبك ومو عارف كيف يبدأ قرب منها ومسك كتفها ولفت عليه ابتسم بود:
مين زعلك ؟
رفعت عيونها عليه وهيا مليانة دمـوع : مـ ـا أعـ ـرف هو خـ ـرجنـ ـي برا بــس أنـ ـا مـ ـا سويـ ـت شـ ـي أهــ ـئ .
حزن عليها وبعد خصله من شعرها المموج عن وجهها قرب منها وحضنها وهي تعلقت فيه كأنها تعرفه من زمان : قول لهـ ـم يــــ ـفتــحــولــ ـي الـ ـباااب .
حضنها بقوه : خلاص لاا تبكي هما حيفتحوا الباب وانا ما حسيبك .
بعد دقايق سكتت بعدها عنه بهدوء وابتسم : طيب ايش رايك نصير اصحاب ؟
ابتسمت له ابتسامه كبيره وبان سنها المكسور وهيا تحرك راسها بالايجاب بحماس : ايوا انـــااا ريــم.
ضحك وهو يمسح وجهها الاحمر : وانا احمد .
جلسوا على الدرج فتره طويله وهما يتكلموا قالتلو عن المدرسة ومدرستها الطيبة وعن اخوانها وانها تتمنى يكون عندها اخت وقالها عن اصحابه وحبه للكوره واشياء كتير لين ما انفتح باب بيتها وخرجت وحده ملامحها ناعمه وحلوه قامت وهوا قام معاها جريت على حضن امها وامها بدورها حضنتها بقوه ودموعها على خدها: سامحيني يا حبيبتي غصب عني والله .
بعدت عن امها ببتسامة : ماما انا مو زعلانه _اشرت عليه _ ماما شوفي صاحبي احمد.
لفت امها عليه وهي تمسح دموعها : اهلن احمد كيفك حبيبي .
نزل راسه وحك رقبته بإحراج : الحمدلله يا خاله .
ابتسمت ولفت على بنتها : يلا ندخل قبل ما يصحى ابوكي .
هزت راسها والتفتت له : بااي احمد اشوفك بعدين .
احمد ببتسامه : باي .
.
.
.


لف ودق جرس بيتهم وهو يبتسم ويلف على باب بيتها حبها ودخلت قلبه كأنه يعرفها من زمان ...فتحت اخته الباب وكشرت لمن شافته وبفلسفه ماتليق بعمرها الصغير : بدري استاذ احمد كان ما جيب.
طالع فيها بملل وحط يده على وجهها وبعدها : اقول بعدي فين امي ؟
قفلت الباب ولفت عليه : مااا اعرف .. يعني وين!! في الصالة .
دخل الصالة وامه اول ما شافته كشرت : و بعدين ليش ريحتك عفنه انا موقايله اول ما ترجع تروح تستحمى كم مره لازم اعيد الكلام .
احمد : طيب طيب انا دوبي داخل وكمان ترا جيراننا الجدد سكنوا.
ام احمد بفرح : من جد الحمدلله اخيرا سكن العمارة غيرنا .

>>>>> ردود الأعضـــــــــــــــــــاء على الموضوع <<<<<
==================================
"2"
بعد 16 سنه
مستشفى الـ........بجده

على السرير الأبيض كانت ممدده بجسدها الضعيف والآلام تنهشها من كل مكان مو مجرد الام جسميه ..لان الآمها النفسية أكبــر وأكبـــــر..
زادت من قوه شدها للمفرش الأبيض حتى ابيضت اصابعها ما تبغا صوتها يعلى وصرخاتها تملي المكان غمضت عيونها بألم تحس نهايتها قربت العرق كان منتشر على جبهتها ووجهها أصفر والهالات السودة تحت عيونها من سهر الليالي الطويلة عيونها انفتحت بقوة لمن اجتاحها ألم قوي في بطنها وطلعت صرختها بصوت منخفض قد ما تقدر ما تبغا الناس تلتفت عليها : ااااااااااااااه .
عضت شفتها بقوه مو قادره تتحمل اللي هيا فيه فوق طاقتها بكثير الآم نفسية وجسدية ووحدة وووو....
زاد الالم عليها ونطقت باسم الانسان اللي تمنت وجوده في هذي اللحظة بشدة اكتر من وجوده في أي وقت : اااه ..احـمــد .
قربت منها الحرمه اللي معاها وهيا خايفه عليها : استحملي حبيبتي استحملي .
غمضت عينها بقوة من الألم وهمست باسمه : احمد .
تمنته يكون معاها حتى لو انهم مو لبعض يكفيها تحس بالأمان تمنت وتمنت و تمنت وتبقى الأماني مجرد أمــانــــــي .
,
,
,
,
فتحت الباب وهي تتنفس بسرعه من الجري: دكتوره مريم حالة ولادة طارئة .
خرجت الدكتورة من مكتبها بسرعه عشان تتلاحق على المريضة ..
,
,
,
في احد احياء جده الهادئة ...
جلست على الكنب ويدها تغطي وجهها وتكلمت بصوت مكتوم : كيف مو موجودة هو قال انه نزلها هناك زي كل يوم ...فين راحت بنتي ؟
قرب من امه بهدوء وخوف داخلي يخفيه : هدي يا أمي اكيد حنلاقيها .
رفعت راسها وبانت دموعها : كيف ؟ قلي كيف ؟! وانتوا ما لقتوها هناك وجوالها في البيت ..انا حاسه ان فيها شي ..قلبي يقولي ان فيها شي وشي كبير كمان اااه يا ربي.
حضن امه وهو يطالع في اخوانه بحيره وخوف ..كلهم متوترين من اختفائها المخيف اول مره تسوي فيهم كدا ..
دق تلفون البيت ورد بما انه اقرب واحد : الو .
.....: السلام عليكم .
عقد حواجبه من الصوت الجدي : وعليكم السلام.
......: بيت ريم محمد الـ.... .
بلع ريقه بخوف : ايوا.
.....: وانت مين حضرتك اخويا .
طالع في اخوانه وامه اللي يطالعوه بترقب: انا ياسين محمد الـ...... مين معي ؟
......: اخويا اختك عندنا في مستشفى .....
قاطعه بصرخه خوف: أيــــــــــــش .
,
,
,
طاحت يدها من السرير وعيونها قفلت بتعب على صوت بكاء مولودتها وشريط ذكرياتها رجعها للماضي ثلاث سنوات ...
,
,
,
,

فتحت باب شقتهم بتكشيرة وشافت في وجهها بنت جيرانهم بنفس التكشيرة مشوا مع بعض خطوتين لين ما ألتقوا بالنص شبكوا يدينهم مع بعض ونزلوا الدرج نفس كل يوم في الصباح يتلاقوا ويسوا نفس الحركة من سنين وحالهم ما تغير من ايام المدرسة الابتدائية حتى دحين وهم في الجامعة ... شافوا السواق يستناهم وركبوا..
وبنفس الوقت : السلام عليكم عم ابو عمر .
ابتسم بهدوء: وعليكم السلام .
طول الطريق والهدوء كان سيد المكان ما يقاطعه الا صوت القرآن اللي سكن في قلوبهم الراحة بعد اكتر من نص ساعة وصلوا الجامعة ودخلوا الكافتيريا وجلسوا ..
تكلمت بنعس : اكره الجامعة .
طالعت فيها بتكشيرة : مو شي جديد .
وقفت بكسل :بروح اجيب فطور ايش تيغي ؟
حركت يدها بلا مبالاة : أي شي .
هزت راسها : اوكي .
افتكرت شي ولفيت راسها بسرعه قبل ما تبعد : فجر ابغا شاي .
لفت وجهها وهيا عاقده حواجبها : طيب .
بعد دقايق رجعت وجلست وهيا تديها فطورها : غريبه ريم تشرب شاي .
ريم : ابغا اصحصح عندنا اختبار ولازم احل كويس .
فجر : اهاا .
بعد دقايق من الصمت اتكلمت وعيونها على البنات اللي يمشوا
ريم بحزن مكبوت : امس اتصل .
رفعت راسها وبسؤال فجر : مين ؟
ريم حاولت تشتت نظراتها: بابا .
فجر شهقت : كدااابه ...ليــــش ؟
رفعت راسها لها وبكذبه ريم: يسأل عننا .
فجر: اقول العبي على غيري قال يسأل .. من جد ايش يبغا ؟
ريم تكلمت بحزن وعيونها تلمع : يبغا يزوجني منصور ولد عمي .
شهقت فجر وهي تحط يدها على يد ريم وتشد عليها بقوه : ارفضي اكيد ما حيسوي شي .
ريم : يوسف قال حيكلمه انه ما ينفعني – سكتت شويا ورفعت عيونها لفجر- انتي تعرفي انه انا ومنصور...
قاطعتني فجر: ايوا ايوا اعرف لا تقلبي مواجعك وان شاء الله يوسف يسوي شي .
ريم بهمس : ان شاء الله .
فجر ببتسامه : يلا قومي حتبدأ المحاضرة .
ابتسمت مجامله : يلا .
،
،
،
،
،
دخلت البيت وهي تدور السرير دخلت غرفتها ورميت نفسها على سريرها بتعب ..بعد دقايق قامت وغيرت ملابسها وخرجت للصالة ما لقت ولا احد من اهلها هناك استغربت فين راحوا حتى لمن دخلت ما كان فيه احد راحت غرفه امها ودقت الباب بس ما سمعت رد فتحت الباب وطلت براسها ما لقتها قفلت الباب ورحت غرفه اخوها ياسين دقت الباب بس نقس الشي ما في احد ... وين راحوا ..
رجعت غرفها واخدت جوالها ودقيت على امها رن ورن ورن ورن بس ما ردت ما اهتمت كثير!! رمت جوالها على السرير وراحت المطبخ .ما شافت خامتهم هناك وزاد استغرابها .دورت شي خفيف تاكله ما لقت ... تنهدت بيأس وراحت الغرفه تنام ..
.
.
.
صحت على رنت جوالها مديت يدها واخذته طالعت الاسم
وردت بهمس : سلام.
فجر : وعليكم .. انتي نايمه ؟؟
ريم : لا ايش تبغي ؟!
فجر : تعالي عندي طفشت حياتي .
ريم بتأفف: فجر ما فيني بعدين .
فجر بترجي: الله يسعدك وربي حموت من الطفش هيا تعالي حتى مافي احد من اهلك في البيت .
استغربت ريم : اهلي مو في !! ايش عرفك ؟
فجر: ايو مو فيه وكيف عرفت شفت من الشباك مافي سيارة ياسين وكمان جيت ودقيت الجرس محد فتح فعرفت .
ريم: طيب طيب ربع ساعه واجي يلا باي .
فجر : باي .
بعدت الغطا عنها وطالعت في الساعة اوووف
الساعه 6 المغرب راحت الحمام (وانتوا بكرامه ) غسلت وتوضت وراحت تصلي الفروض اللي فاتتها لمن خلصت رتبت سريرها وفتحت الدولاب تطلع لها لبس.. لبست بنطلون جينز اسود وبلوزه رمادية اكمامها طويله واسعه وساده سحبت طرحتها ولفتها واخدت مفتاح البيت وجوالها راحت المطبخ وسوت سندوش واكلته على السريع وخرجت من اول دقه على باب بيتهم فتحت الباب وسحبتها .
ريم : هااه بشويش .
سابت يدها فجر: ايش اسوي وحشتيني .
ريم بتريقه : ايوا ايوا صدقت والله من الطفش .
فجر : هههههههههههه ايوا وربي امشي نروح الغرفه .
ريم : ابغا اسلم على امك فينها ؟! من زمان ما شفتها ؟
فجر: يلعن ابو الخرش من زمان ها ! وانتي قبل امس شايفتها .
ريم : ايوا واحشتني انا لو ما اشوفها يوم اشتاق لها دي امي الثانية .
فجر : طيب امشي هيا في الصالة .
ضحكت في داخلها تنقهر منهم عشان ريم وامها متفقي وهي بس تتضارب مع امها..
سلمت على امها وجلست معاها شويا بعدين دخلوا الغرفة
ريم : غريبه جالسين في البيت مع ان اليوم الاربعاء ما رحتي عند اهل ابوكي .
فجر بدقه : احسن مالي خلق وكمان احنا في البيت عشان احمد حيرجع اليوم .
دق قلبها حيرجع هيا قالت حيرجع بتجيها سكته قلبيه من الخبر الحلو دا ابتسمت ابتسامه كبيره بانت فيها اسنانها : حيرجع !!
فجر :هههههههههههههههههههههههه انتبهي لا يطيح فكك من الحماس .
استحت منها وضربتها على كتفها من جد هيا مو مصدقه انه راجع لا وكمان اليوم
فجر : ااااااااي ايش عشان قلت الحقيقه ههههههههه.
ريم : فجر بلا بلاهه خلاص .
فجر: هههههههههههههههه شوفي وجهك كيف احمر ههههههههههه.
من التوتر وقفت تحس رجولها تترقع في بعض ريم: انا ماشيه !!
فجر : هههههههههههههه استحت .
ما عرفت ايش تسوي غير انها تلف طرحتها وتخرج من غرفتها تبغا ترجع البيت من التوتر... لحقتها فجر ولفتها
فجر: يا هبله وين رايحة !!
ريم : ابغا ارجع البيت .
فجر: بلا عبط ايش يرجعك البيت وانتي قبل شويا جيتي .
ريم : ما اقدر اجلس اكيد اهلي رجعوا .
قاطع كلامهم جوالها لمن دق رفعته تشوف مين .. لقت يوسف داق عليها رديت بسرعه
ريم : اهلا يوسف .
يوسف بفرحه : اهلييين ..كيفك ريمي ؟!
ريم بإستغراب : تمام .وانت ؟
يوسف ولسا صوته مليان فرح : انا الحمدلله احسن من أي وقت .
ريم : الحمدلله .
يوسف : انا بمرك دحين اخدك معي ؟!
ازداد استغرابها ريم : وين!! ..واصلا انا ما اعرف وين امي وياسين ؟
يوسف : عندي هنا في المستشفى .
قلبها نط من مكانه ريم : فيكم شي .. امي فيها شي . يوسف بالله رد ايش فيه قلي .
يوسف : هدي هدي ما في الا الخير بس ..
قاطعته : بس ايش رد ايش صااار .
يوسف : يا لله خليني اكمل واهدي .. ما صار شي بس حنان ولدت وجابت ولد وصرت ابو .
ريم صرخت من الفرحه :كداااااااااااااااااااااااااااااااااب هيا تعال بسرعه ابغا اشوفه بسرعه الله يخليك .
يوسف: هههههههههههههه حاضر يلا اتجهزي ربع ساعه وانا عندك .
ريم : طيب طيب يلا مع السلامه .
يوسف . مع السلامـ .. .
قاطعته : يوسف ..
يوسف : ها حبيبي ايش فيه ؟
ريم بإحراج : مبروك ويتربى في عزك من الفرحة ما قلت لك .
يوسف :هههههههه عارف يا قلبي بالعكس انا فرحت يلا اتجهزي انا في الطريق .
ريم بسرعه : طيب مع السلامه .
قفلت وطالعت في فجر اللي مصنمه من اول وحضتنها بقوه : يااااااي مو مصدقه .
فجر بعدت عنها : ايش فيه ما فهمت شي مع وجهك وانتي تصرخي ؟
ريم : هههههههههه والله انك هبله ما فهمتي !! احم احم صرت عمه .
فجر بفرحه : اماااا يناااس حتروحي صح .
ريم : ايوا وانتوا اكيد حتجوا تشوفوه .
فجر : اكيد .
ايمان : خير بنات ايش فيه ؟
فجر : بسم الله ماما من متى وانتي هنا ؟
ام احمد : جيت على صراخكم ايش فيه !
ريم حماس : حنان زوجه يوسف ولدت جابت ولد .
ام احمد بفرحه : مبروك .
ريم : الله يبارك فيكي ..يلا انا حمشي يوسف حيجي ياخدني واروح عندهم .
ام احمد : روحي حبيبتي واحنا ان شاءالله بكره جايين اروح اكلم امك ابارك لها .
لمن راحت حضنت ريم فجر بقوه :ياااي فجر مو مصدقه .
فجر : هههههههه لا صدقي يلا روحي اشوفك بكره .
ريم : تعالي وصليني طيب .
دخلت شقتهم وبدلت ملابسها ولبست عبايتها وجهزت اشيائها متحمسة للبيبي الجديد اول حفيد في العائلة جلست جنب الباب وفي يدها الجوال تستناه يدق عشان تخرج ..اول ما شافته ينور قامت وفتحت الباب وخرجت وقفلته ونزلت بالدرج بسرعه مو طبيعية ما تبغا تتأخر تبغا تشوفه من السرعة صقعت بأحد وطاحت على الارض من قوة الصقعة ..
مسكت راسها وهي متوقعه انه يوسف : اااه ما حقول لك شي لانك صرت ابو اليوم .
مارد وقعدت تدور جوالها بعيونها : يوسف وين جوالي .
انحنى ومسكه ومدلها هو ببتسامة : تفضلي .
رفعت راسها لمن استغربت الصوت وطاحت عينها عليه .....

__________________________________________________ __________
"3"
نزلت بالدرج بسرعه مو طبيعية ما تبغا تتأخر تبغا تشوفه من السرعة صقعت بأحد وطاحت على الارض من قوة الصقعة ..
مسكت راسها وهي متوقعه انه يوسف : اااه ما حقول لك شي لانك صرت ابو اليوم .
مارد وقعدت تدور جوالها بعيونها : يوسف وين جوالي .
انحنى ومسكه ومدلها هو ببتسامة : تفضلي .
رفعت راسها لمن استغربت الصوت وطاحت عيونها عليه ....
بعدت عيونها بسرعه لمن شافت نظارته لها كيف !!
ريم ( وقح وقليل ادب ونظراته وقحه زيه )
قامت من الارض واخذت جوالها ولفت تكمل طريقها وهي مطنشته
......: عفوا هذا اقل شي ممكن نسويه لعيون ريم .
وقفت ... ريم ..قال ريم يعني يعرفني كان تكلم نفسها وهي مستغربه لفت بشويش وميلت راسها وكبست على عيونها و تكلمت ببطء : مين انتا ؟!
........ :هههههههههههه افااا ما عرفتيني توقعتك تعرفيني على طول على العموم انا أحمد
انا أحمد
انا أحمد
انا أحمد
انا أحمد
انا أحمد
انا أحمد

صدى اسمه رن في اذنها رن نزلت راسها وبلعت ريقها بتوتر وخدودها صارت حمره تحس بالاحراج انه قدامها لفت وجات تمشيت بس وقفت ثاني
ريم: احم ...اااا ... الحمدلله على السلامة ..
نزلت الدرج بسرعه قبل ما تسمع رده ما تبغا تنحرج
خرجت من باب العمارة وشافت سيارة يوسف تستناها
فتحت باب السيارة وركبت حضنت يوسف بقوه وهي تحس بالاحراج
يوسف : ههههههه ايش في كدا لصقتي فيني يلا بعدي خلينا نمشي .
بعدت عنه .. ريم بتصريفه : فرحانة اني صرت عمه ... ها أيش نناديك ابو مين ؟؟
يوسف بفخر : ابو فارس .
ريم بهبل: الله يخلي لك فارس وام فارس يا ابو فارس .
يوسف :ههههههههههههه امين ويخليكي ليا يا احلى اخت .
سندت راسها على الشباك وتحس فرحتها إضاعفت اول شي انها صارت عمه وثاني شي انها شافته ..لها سنوات مو شايفاه ..... هو يرجع من امريكا وهي تروح تزور ابوها واهله حتى انها ما عرفته لمن شافته..... اتغير! واتغير كثير صارت ملامحه رجولية صح شافت صوره عند فجر بس في الطبيعة غير .. كل ما تفتكر صوته قلبها يدق بقوه صح ما ركزت في شكله بس يكفيها انه كان قدامها وهو بخير ابتسمت ونزلت من السيارة لمن وقفت عند مواقف السيارات في المستشفى ..
وصلت الغرفة وهي متحمسة تبغا تشوفه فكت الباب ودخلت وعيونها تدور عليه ..
ريم : السلام عليكم..
الكل : وعليكم السلام ..
سلمت على الحريم الموجودين ..وراحت تسلم على حنان ..
ريم : الحمد لله على السلامة يا قلبي ..مبروك.. يتربى في عزكم يا رب .
حنان : الله يسلمك ويبارك فيكي .
لفت وشافته في سريره قربت من عنده وسمت وشالته
ريم: يا حياتي انا صغنون مرا ...يشبني .
حنان تسلك لها: ايوااااا مراااااا نسخه منك .
ريم: ههههههههههههه طيب طيب ..-لفت على امها - وانتوا كدا تروحوا وتسيبوني ادق عليكي ما تردي .
زينة: عارفه انه ما فيكي شر وبعدين لمن دقيتي كانت حنان في غرفه العمليات ما كنت فاضيه ارد .
ريم بمزح : يلا سماح دي المرا عشان حبيب عمته .
باسته وعيونها مركزه عليه فرحتها اليوم ما تتوصف فرحانه لأخواها وفرحانه بشوفت اللي عيونها تستناه من زمان ...
،
،
،
،
حط يده مكان قلبه وحركها فوق تحت يهدي دقات قلبه السريعة والابتسامة على وجهه كلمه فرحان قليله ... ما كان متوقع انه يشوفها اصلا ما عرفها غير لمن قالت يوسف ...صارت انثى ..انثى جميلة بمعنى الكلمة مع انها مو حاطه شي في وجهها ...زادت ابتسامته حتى بانت اسنانه وهو يتذكر حركتها لمن ميلت راسها وكبست عيونها من وهي صغيره ما تغيرت حركتها لمن تستغرب .. هيا نفسها ما تغير فيها شي ..غير انها صارت احلى واحلى ...غمض عيونه وهو يتذكرها شافها اقل من دقيقتين وانقلب حاله ...تنهد ومشى لشقتهم قبل ما يدق الجرس لف لباب بيتهم وهو يتذكر اول يوم قابلها فيه هنا ..ابتسم ودق الجرس بإزعاج ورا بعض وحط سبابته على العين..
فجر بصوت عالي : خلااااااااااااااااااااص دحين اجي .
احمد: (هبله عمرها ما تتغير)
فجر من ورا الباب بمصاله : مييييين على الباااب ؟؟
كتم ضحكته : يا قرده افتحي الباب رجولي تعورني .
صرخة وفتحت الباب ونطت عليه : حموووووووووود اشتقت لك يا اخو القردة .
احمد وهو مخنوق : هههههههههههه ااااه بعدي عني بمووت .
بعدت وهي مبتسمه وسحبته من يده
فجر بصوت عالي : مامااااااا مااااااااااااااااماااااااااا ماااااااااااااااااااااااامااااااااااااااااااا
ام احمد: بـــــــــــس ايش تبغـ.....
وقفت كلامها وهي تشوفه مبتسم بهدوء قدامها قربت منه بس هو سبقها وحضنها : رجعتلك زي ما وعدتك اخر مره و بشهادة ترفع الراس .
بكيت ما عندها رد تقوله كل مرا يجي تفرح بشوفته وتبكي على انه حيروح مرا ثانيه بس دي المرا كانت دموعها دموع فرح ما عاد يفارقها ولدها بالشهور
بعد عنها ومسح دموعها احمد: وبعدين انا ما صدقت اشوفكم تجلسي تبكي دحين .
ام أحمد : من فرحتي والله .
فجر : يا ليل يا المسلسل الهندي خلاص ادخلوا جوا مولازم دموع وحركات افلام خلاص رجع ما عاد يروح ان شاءالله .
لف عليها وضربها على راسها ..احمد: متى تبطلي فلسفه وقلة ادب .
فجر بغباء : لمن تبطلوا حركات الهنود هاهاهاااا.
هز راسه ..احمد: الحمدلله على العقل _ لف على امه _ فين ابويا ورياض .
ام احمد: يوووه تعال تلاقي ابوك يستناك امشي .
دخل وسلم عليهم يحس انه فرحان اخيرا رجع و كانت احلى رجعه له من كل المرات اللي جاه فيها....
،
،
عائلة محمد الـ.....
محمد( انسان همه الفلوس ثم الفلوس ثم الفلوس وعنده هي اهم من اولاده واهله يبعهم عشانها ...قلبه قاسي ويكره البنات بدون سبب ... انسان اتكالي عاطل لا شغل ولا مشغله .... من اهل الرياض بس لمن تزوج جا جده عشان فلوس ابو زوجته وحاليا هو في الرياض عند اهله بعد ما طلق زوجته )..
زينة ( مطلقه .. انسانه حنونه على اولادها ..مدرسه فني ..عيبها ان شخصيتها ضعيفة .. تكتم في قلبها وما تبين للناس ... ساكنه في شقه اشتراها لها ابوها وكتبها باسمها ... ابوها رجل حجازي غني دفع لطليقها مبلغ كبير عشان يخلي بنتها عندها )
يوسف ( 25 سنه ..يشتغل في شركة خاصة ...انسان طيب والهدوء عنوانه ... حنون على اخته ريم ..ويحاول يعطيها الحنان اللي فقدته من ابوها ...متزوج حنان من سنه ونص زواج تقليدي وعنده فارس .. طويل وشعره بني غامق ناعم جسمه حلو لا سمين ولا نحيف ..عيونه واسعه لونها بني .. لونه حنطي ... عنده غمازه في خده اليمين تبان لمن يضحك او يبتسم..)
ابراهيم ( 22 سنه .. يدرس في ينبع .. في جامعه ينبع الصناعية اخر سنه.. يرجع جده كل اسبوعين في اجازه الويك اند ..انسان فيوزات مخه فاصلة .. يحب الضحك والفرفشة ..طيب وحنون ...يكره يشوف احد زعلان حتى لو انه ما خرجه من الحزن اللي هو فيه اهم شي يحاول.. طويــــل مراااا ... جسمه متناسق ... شعره بني غامق دائما محلقه ونادرا يطوله من اول ما يصير طوله 5 سم يروح يحلقه ...عيونه واسعه ..لونه حنطي ..)
ريم ( 20 سنه .. تدرس في جامعه الملك عبدالعزيز ادارة اعمال .. لو اجتمعت مع ابراهيم وياسين تصير زيهم وتنفصل فيوزات مخها... تحب تضحك وتنكت ...تحاول تكتم في داخلها وتبن العكس بس يبان عليها انه فيها شي.. صحبتها المقربة فجر من عمرها 7 سنوات مع اختلاف الشخصيات الا انه مستحيل احد يفرق بينهم .. ما عاشت اغلب طفولتها من ابوها اللي كان يحط كل حرته فيها ويحرمها اشياء كثير والسبب انها بنت .. ابوها كسر فيها اشياء كثير واهم شي انه ما صار عندها ثقه في نفسها من كثر تحطيمه لها ...عوضها عن الابوه جدها ابو امها واخوها يوسف ..طولها طبيعي بس بالنسبة لأخوانها قزمه .. جسمها متناسق مع طولها .. شعرها اسود زي امها وكثيف ومموج تحت كتفها... عيونها واسعه ورموشها كثيره وطويله لون عيونها بني ...شفايفها صغيره .. لونها حنطي..... عندها خال في خدها اليسار مديها جمال زياده.. جميله وملامحها ناعمه .. نسخه مصغره من امها .اللي يشوفها يقول عنها زينه الصغيرة )
ياسين ( 18 سنه .. اخر سنه في الثانوية .. مثاله الاعلى في الحياة ابراهيم اخوه .. ..عاشق للبلايستيشن .. رغم سنه الا انه متعلق في امه تعلق شديد ... طويـــــل مراا زي ابراهيم ويوسف .. يشبه امه وريم بس على ملامح ذكورية ... )

عائلة عبدالرحمن الـ........
جيرانهم من 13 سنه واكثر من جيران مقربين من بعض بدرجه كبيره لدرجه انه اللي ما يعرفهم يحسبهم اهل من قربهم لبعض ...
عبدالرحمن ( رجل عصامي ..كون نفسه بنفسه .. يشتغل في ارامكو... ما يرضى بالذل لأولاده ويشجعهم على اللي يبغوه اذا كان صح ... اتزوج زوجته عن حب .. )
ايمان ( انسانه طيبه وينضحك عليها بسرعه ...تنسى زعلها بسرعه من كلمتين حلوين .. اتزوجت ولد خالها عن حب ووقفت معاه في مواقف صعبه )
احمد( 24 سنه .. اتخرج من امريكا .. درس هندسه طيران .. انسان مروق على الاخر ..مغامر يحب يسوي اشياء جديده ويتعلم .. مهوس كوره وعشقه الدبابات ..حاولت امه تمنعه عنها لأنها خطره وتخاف عليه بس ابوه يشجعه دامه ما يسوي شي غلط !! طويل وجسمه متناسق مع طوله حاول يلعب حديد بس بسبب دارسته انشغل ..شعره اسود كثيف نااااعم ..عيونه صغيره لونها اسود محدده لمن يضحك تتقفل و ما تبان... خشمه واقف.. شفايفه عاديه بس مليــانه شوي .. حواجبه مرسومه رسم ... لونه حنطي )
رياض (22 سنه ..يدرس صيدلة. انسان عاقل ماله في اللف ولا الدوران ..يضحك احيانا بدون سبب ..نحيف ومتوسط الطول ..كأنه عصايه ..شعره اسود كثيف ..عيونه صغيره بس اوسع من عيون احمد .. حواجبه مقترنه معطيته شكل احلى .. لونه حنطي )
فجر( 20 سنه .. تدرس في جامعه الملك عبدالعزيز .. ادارة اعمال.. البنت الوحيدة الدلوعة ..فيها فلسفه تضحك صحبت ريم من زمان وتعتبرها اختها .لانهم الاثنين ما عندهم اخوات... ..كانت سمينه وهو صغيره بس دحين انقلب حالها وصارت نحيفه ..متوسطة الطول ..شعرها سايح من نعومته .. عيونها اوسع من عيون اخوانها .. بشرتها سمره )

__________________________________________________ __________
"4"
فتحت عيونها على دقت الجوال عارفه الدقة دي لمين فردت بدون ما تطالع الاسم
فجر بأخلاق تجارية : خيــــــــــر .
ريم : ايش خير انا من اول استناكي ليش ما جيتي ؟؟
فجر وهي تنقلب للجهة الثانية : اوف ريم مالي نفس اجي وربي تعالي انتي .
ريم : يالله تعالي انتي انا اخر مرا جيت .
فجر: تعرفي متى اخر مرا قبل اسبوع لمن ولدت حنان بعدها ما جيتي وانا اللي اجي يا كذابه هيا تعالي .
ريم : اوف اوف اوف طيب فكي الباب .
فجر : دحين زهرة تفتحلك باي .
،
،
،
، قفلت من فجر وهي مترددة تروح ما تبغا تقابله هناك ... تنهدت بحزن ووقفت ..سحبت طرحتها ولفتها وخرجت للصالة شافت ياسين وامها
زينه : رايحه عند فجر؟؟
ريم : ايوه تبغاني اروح عندها .
ياسين بتريقة : زوجك فجر على طول تسمعي الكلام وتروحي لها جري .
ريم : ايوه زوجي عندك مشكله .
ياسين : لا روحي بسرعه لا تطلقك دحين ههههههههههههههههههههه .
زينه بحده : ولد ..بطل قله ادب هدي اختك الكبيرة .
ريم : هههههههه احسن يلا باي.
،
،
،
خرجت ووقفت قدام شقتهم وهي تدعي ربها ما تشوفه طول الاسبوع كانت تتهرب انها تجي عندهم عشان ما تقابله ..دقت الجرس وانفتح الباب
عبدالرحمن : اهلا اهلا بست البنات .
ريم ببتسامه : اهلين عمو ..كيف حالك ؟؟
دخلت وقفلت الباب وراها ..
عبدالرحمن : الحمدلله بخير .. وانتي ايش اخبارك؟
ريم : انا بخير دامك بخير.
عبدالرحمن : الله يسعدك يا بنتي.. ها جيتي عشان فجر اكيد ما يبغالها سؤال .
ريم :ههههههههههه طبعا .
عبدالرحمن بمزح : اصلا انتوا ما تجتمعوا على خير كله شر .
ريم :هههههههههههه لا والله احنا طيبين .
عبدالرحمن بتريقه : طيبين صح صدقنا !! روحي شوفي فجر كيس النوم وصحيها .
ريم : من عيوني ..
سلمت على ام فجر و حمدت ربها انها ما قابلته ودخلت غرفة فجر ....
،
،
،
،
،
دخل البيت وهو يدندن ويهز راسه مع الاغنية .. شاف امه وابوه في الصاله جالسين رفع يده كانه يسلم عليهم وجلس وهو لسا يدندن ومروق على الاخير
ايمان : انت ما تستحي على وجهك .
احمد : مين انا ؟
ايمان : لا ابوك !
احمد :هههههههههههههه ايش مسوي ابويا المسكين ..-غمز لابوه – ها ايش سويت .. حركاتك النص كم لسا ما بطلتها؟!
ضحك ابوه ومسك علبه المناديل ورماها عليه
ايمان بعصبيه : كمان ... انا قصدي انتا .
احمد بإستغراب : انا !! ليش ايش سويت ؟
ايمان : تدخل بدون سلام داخل على بهايم انتا ؟
احمد : سلامتك من البهايم يا امي العزيزة ..طيب ولا يهمك دحين اسلم.
قام وخرج من البيت ورجع دخل وراح الصالة وبصوت عالي ورجولي
احمد: الســـلام علـــــيــكم ورحمـــه الـــله وبـــركـــاته .
ايمان وعبدالرحمن : وعليكم السلام ورحمه الله وبركاته .
جلس على الكنب ووجه كلامه لامه
احمد: كدا تمام ؟؟
ايمان : ايوه هذا الولد الشاطر.
احمد :هههههههه امي حسيت اني ولد عمري 6 سنوات .
ايمان : كمان تتريق .
احمد يغير السالفة : معليش اسف يا ست الكل و انا قليل ادب .. الا وين رياض وفجر؟!
عبدالرحمن : رياض راح يجيب عشا .. وفجر في غرفتها .
احمد: اها – قام – عن اذنكم بروح الغرفة ..لمن يجي رياض نادوني .
ايمان : ان شاء الله.
راح غرفته وشاف باب غرفة فجر وباين الهدوء عندها غير طريقه وراح غرفتها
قبل ما يفتح الباب سمعها تتكلم توقع انها تتكلم بالجوال وشده اسمها اللي بالكلام وخلاه يوقف ..
فجر: ريم بالله ايش فيه من اول ساكتة ..قولي ايش فيكي ..زعلانه مني عشان ما جيت عندك ؟؟!! ........... طيب ايش فيه ؟؟..............ممكن تتكلمي ترا وربي حنفجر ؟؟
سمع صوتها الحزين وقلبه دق بشوق لها كان نفسه يفتح الباب ويحضنها ويخفف عنها زي زمان .. بس كل شي اختلف ..
ريم بحزن: فجر ما فيني شي .
فجر: السالفة فيها ابوكي ؟؟؟ .
ريم :......ايوه.
فجر: طب ما حتقولي .
دفنت وجهها بالمخدة وبكت بصوت مكتوم ... قربت منها فجر ومسحت على ظهرها ..
فجر تحاول تهديها : ريم يا عمري لا تبكي ..
تبكي!! يحس انه عجزان انه يسوي لها شي .. نفسه يمسح دموعها ..يحس انه فيها شي كبير ..مدام السالفة فيها ابوها اكيد شي كبير ...
فجر بحنيه: وبعدين ..خلاص ..اوووص لا تبكي.. ترا دموعك غاليه عليا لا تبكي.. خلاص ..خلاص..
سكتوا شويه وهيا تحاول تهدي نفسها وفجر تمسح دموعها ..
فجر بهدوء : يلا ممكن تقولي لي ايش فيه ؟!
حاولت تمسك دموعها عشان تفهم فجر ..ريم بشهقات : منصور...
رجعت تبكي من جديد بس بشكل اقوى...
فجر : ايش صار ؟!! في شي جديد؟؟
هزت راسها بلإيجاب : أيــ ـ ـوا....اهئ ..اهئ .
فجر وهي تمسح دموعها : اهدي وبعدين قوليلي .
سكتوا مده ..وهو يفكر من منصور اللي قلبها وخلاها تبكي بالطريقة هذي ...يحس السنوات الي بعد فيها عنها .صارت فيها اشياء ..
فجر: ممكن افهم ايش صار؟!
اخدت نفس تحاول تهدي نفسها عشان تتكلم ..ريم : دق عليا بابا وانا استغربت انه اتصل على جوالي ..رديت وقالي انه جاي جده مع منصور وعمي .. عشان يصير كل شي .. وقالي لا تقولي ليوسف شي لو عرفت انك قلتي له يا ويلك و اقدر اخدك من عند امك و اخليكي عندي بالرياض ... انا مو عارفه ايش اسوي يا فجر اهئ اهئ .
حضنتها بقوة وهي تحس انها تتقطع عليها ريم مو بس بنت جيران وصديقه ...لا ريم بالنسبة لها اخت ..واكثر من اخت
فجر: لا تسمعي كلامه وقولي ليوسف ..اكيد حيدبرها .
ريم: لاا ...ما ابغا اقوله حرام ..اهئ ..حرام يوسف مسؤول عن عيله ما ابغا اشغله معايا .
بعدتها ومسحت دموعها وبحنان ..فجر: طيب ايش حتسوي .
ريم : مو عارفه يا فجر انا خايفة .
مو فاهم أي شي ..عمها وابوها ومنصور!! اصلا مين منصور هذا ..
نفسه يدخل ويفهم كل شي ويشيل اللي في قلبها من زعل .
.سكتوا فتره كأنهم يفكروا ..
ريم بهدوء: انا حكلم منصور !!
فجر بعصبيه : أيـــش !!.. انتي هبله لا وربي انجنيتي كيف تكلميه .
ريم بنفس هدوئها : ايوه حكلمه .
فجر : وربي انتي مجنونه والكلام معاكي ضايع ..- بتريقه – وايش حتقولي له ان شاء الله واصلا من فين حتجيبي رقمه !!
ريم : كل شي بوقته حلو.
فجر: ريم لا تلفي راسي أيـش حتقولي له وكيف حتدبري رقمه ؟
ريم : فجر قلت كل شي بوقته حلو .
فجر : مجنونه وربي .
ريم : ممكن نغير السالفة .
فجر : نغيرها كل ما كان كلامي صح تقولي نغيرها..- سكتت ثواني- اوووف كيف ولد يوسف؟؟ .
ريم : تمام ما عليه .. يلا جيبي زيه .
فجر : من فين يا حسرة جاني واحد وقلت لا .
ريم : الا جا ههههههههههه .
فجر : ما بقى الا هوا والله .
ريم: بالله فجر ايش احساسك لمن تقدم لك .
فجر: مدري كيف اوصفلك ..اصلا هو اصغر مني!! انتي متخيله !
ريم : هههههههههههههههه لاو يبغا يبيع الذهب حق امه عشان يتزوجك
الرجال شاريكي يا بنت وافقي.
فجر: ريــــم بطلي سخافة .. اساسا كلها مزحه في مزحه..
ريم :ههههههههههههههه .
تنهد بيأس ما فهم شـي ولا استفاد شي غير انه تنكد عشانها زعلانه ..جا يمشي بس فجعه الصوت اللي من وراه وخلاه ينط من مكانه ..
احمد : بسم الله الرحمن الرحيم ..تبغاني اموت يعني !!
عبدالرحمن : تتصنت على كلام البنات يا ولد!!
احمد بتصريفه : ههههههههههههه ..لا مين قال ؟؟
عبدالرحمن : انت اللي قلت .. ايش موقفك هنا ؟
احمد حك راسه :ااااا....اااا ايوا كنت ابغا من فجر ..ايوا كنت ابغا من فجر ريال.
عبدالرحمن بإستغراب : ريال !!
احمد: ايوا ريال ..ريال يعني ريال .
عبدالرحمن :و ايـش تبغا بالريال؟!
احمد : اااا ..كنت ابغا فيه .. ابغا ..مدري نسيتني كله منك فجعتني..
عبدالرحمن : لا حطها فيني دحين ؟
احمد بتصريفه : ايوه منك ..انا بروح غرفتي .
لف وجا يمشي بس وقفته كلمت ابوه ولف ونطق بهمس ودهشة
احمد : أيــــش !
عبدالرحمن بروقان وهو يحرك حواجبه : تحبها !!
بلع ريقه ..احمد: مين !!
عبدالرحمن: ريـــم .
توتر وحك شعره وشتت نظراته : انا بروح غرفتي .
مشى بخطوات سريعة لغرفته وهو يسمع صوت ضحكة ابوه
عبدالرحمن :ههههههههههههههه يــلا يا ولد العشا ترا رياض جا .
دخل غرفته سؤال ابوه قلبه قلب ..هوا عارف انه يحبها بس عمره ما توقع احد يسأله دا السؤال ..خلل يده في شعره الكثيف و تنفس بعمق بدل ملابسه ولبس بجامته.. بنطلون ابيض مقلم بأزرق وبلوزه كت زرقا وخرج سمع اصواتهم بالصالة ودخل..
احمد : بدري كان ماجيت ترا مت جوع .
رياض: طيب يلا تعال ..
احمد: ها أيــش العشا ؟
رياض : سمك.
احمد: يا ســـــلام ,عارفين انه نفسي فيه .
عبدالرحمن: عارفين ،عارفين يلا اجلس خلينا ناكل .
جلس على الكرسي وتلفت حوله .. وشاف فجر جـايه و معاها الكاسات بس مافي احد وراها ..توقع انها راحت قلبه عوره مأ مــداه يكحل عيونه بشوفتها!! ......تعلقت عيونه عليها لمن دخلت قلبه رفرف ..كانت تضحك مع فجر ولا كأنها هي اللي كانت تبكي ..نزل راسه وعلى فمه شبح ابتسامة ...رفع راسه وهو عاقد حواجبه لمن ضربه ابوه من تحت الطاولة شافه يأشر له يعني تعشى مسك ملعقته وهو يسوي نفسه مو منتبه لها...
،
دخلت ورا فجر وهي تمثل الضحك ..ما لها نفس للأكل بس اصرار فجر وامها انها تتعشى عندهم خلاها تجلس معاهم ..شافته جالس على الكرسي وارتبكت ..فجر قالت انه مو موجود وانه خرج مع اصحابه ...جلست وكان حظها انها تكون قدامه على الطاولة ..
حاولت تبين ان الوضع عندها عادي وانها اول مره تشوفه من اول ما رجع من السفر..
ريم : الحمد لله على سلامتك .
انبسط انها تكلمه وفهم قصدها وحب يطول الكلام معاها .
احمد : الله يسلمك ..عاش من شافك ..ايش اخبارك ؟
جاوبت وعيونها على صحنها : الحمد لله ، وانت !
احمد : الحمد لله كل شي تمام؟؟
كانت تدعي انه ما يكلمها زياده تحس بتوتر مو طبيعي مع انها متعودة عليه من وهي صغيرة ..
احمد: ها ايش اخبار الجامعة .. ان شاء الله كل شي تمام ؟
ريم: الحمدلله .
احمد : نبغا معدلات ترفع الراس مو زي فجر .
فجر: لا بالله ترا درجاتي احس من درجات ريم .
اكتفت انها تضحك وسرحت وهي تحرك ملعقتها في صحنها .. تحس انها مخنوقة و مو عارف تتصرف ..ما تبغا ترتبط بمنصور ..ولا بأي احد من اهل ابوها ..تخاف يكون نسخه من تصرفات ابوها .. صح انها ما تعرف منصور ... لان المرات اللي شافته فيها ما تعطيها الحق انها تحكم عليه بس الخوف اللي بداخلها كبيــــــر ..تنهدت ورفعت راسها وجات عينها عليه وهو مبتسم بهدوء لها تلفتت ماكان في احد على الطاولة غيرهم جات تقوم بس جلسها كلامه لها ..
احمد: ما اكلتي شي .
كلمته وعيونها على الكاسه اللي قدامها ..ريم: اصلا انا مو جوعانة ..الحمدلله .
قامت وراحت تغسل وتفكيرها مشوش ..استأذن من فجر انها تبغا ترجع بيتها وما منعتها ..
،
،
،
تمدد على سريره وهو حاس انه فيها شي .. قلبه معوره عليها .. طول ما هي جالسه معاهم وعيونه ما نزلت عنها .كان يراقب تصرفاتها وهي تحرك الملعقة في صحنها ..كان باين ان تفكيرها في مكان ثاني.. يبغى يسوي شي يخرجها من الحزن الي هيا فيه بس هو مو عارف ايش السبب الاساسي اللي مخليها حزينة بالطريقة دي غطى نفسه وصوت بكاها متعلق في اذنه ....
،
،
،
رجعت بيتها وجلست مع امها وياسين ..تحس بهدوء غريب ... بيتهم هادي ..اشتاقت لإبراهيم تحس انه من زمان ما جا ..الاسبوع هذا كان مفروض يكون بجده ..بس غريبه انه ماجا .. نفسها ترتاح من اللي هيا فيه تحس نفسها حتنجن من كثر التفكير..
لفت للباب اللي دق جرسه وعقدت حواجبها من صرخة ياسين .
ياسين : ابراهيــــــم جاااااااااااا.
انبسطت قبل شويا كانت تفكر فيه وجا قامت تسبق ياسين للباب ..
ياسين وهو يجري وراها : لااااااااا يا ويلك انا حفتح الباب .
زينة بصوت عالي عشان يسمعوها : بشويش انتبهوا لا تطيحوا .
سحبها من بلوزتها وصار سابقها
ريم : لاااااااااا وربي غش انا حفتح الباب.. ياسين يا معفن بعـــــد.
جريت بسرعه قبل ما يوصل للباب بس دفها وصقعت في الجدار وطاحت .
ريم : اااااااه انا اوريك .
مسحت على جنبها وحواجبها معقده وهي تشوفه يفتح الباب ويسلم عليه بحراره انقهرت دايما يصير نفس الشي وهو يسبقها حست نفسها تبغى تبكي مقهورة عورها لمن دفها على الجدار ..رفعت راسها لمن شافت رجوله توقف عندها ..
بعدت عيونها و ستندت على الجدار وهي توقف ..
إبراهيم : ما في سلام ..ولا الحمد لله على السلامة يا حبيبي ..ولا شي كيس جوافة انا !! ما تعبريني .
لفت ومشيت وهي ماسكة جنبها ومو معطيته وجه ..
ما حست بنفسها الا وهو شايلها تمسكت فيه بقوة وصرخت بأعلى ما اداها ربي من صوت ..
ريم:اااااااااااااااااااااااااااااااااااااااااااااا ااااااااااااااااااااااااااااااه
شال يدينه عنها وطاحت على الارض وانكتم صوتها ..
فرك اذنه بقوه من الالم اللي جاه فيها ..ابراهيم وهو عاقد حواجبه : وجع وجــع وجــــــع ايش عليكي من صوت ... مدفع !!
ياسين : ههههههههههههههههههههههههههههه مدفع ههههههههههههههههههههههههههههههه اااااه هههههههههههه يا ربي
ابراهيم : ههههههههههههه عجبتك بس وربي اذني انفقعت ..شوف شوف شايف مخي؟؟
قرب له اذنه عشان يشوف ..
ياسين بإستهبال : اشوف اشوف اوووووه تؤتؤ تؤ يا خي مقدر اقول ..
سوى نفسه منفجع و فك عيونه على الاخير.. ابراهيم : ليـــــه ايش شفت ؟؟ مخي كمان انفقع؟؟
ياسين : لا.. اساسا مافي مخ هههههههههههههههههههههههههههههه اااه هههههههههههههههه.
جات امهم وهي عاقده حواجبها : ايش فيه ..ليش الصراخ دا ؟!
ياسين : هههههههههههه ابراهيم انفقعت اذنه وطلع ما عنده مخ ههههههههههههههههه .
ضربه على راسه وهو يضحك معاه وراح سلم على امه : هههههههههههههههه كيف يا امي ايش اخبارك واحوالك وعلومك والوانك ؟؟
زينة : اااااه يا رب اعطيتني مجانين .. اعقل اعقل تراك كبرت وسيبك من ياسين المهبول دا .
ابراهيم : امي ترا انا عاااااااقل بس الله يهديه ياسين مدري متى يعقل وعلى قولتك مهبول ههههههههههه .
هزت راسها بيأس عمره ما حيعقل جات عيونها على بنتها اللي طايحه على الارض ومنزله راسها مشيت لها بسرعه وهي ترفع راسها ..
زينة بخوف : ريم حبيبتي ايش بك ؟؟ فيكي شي ..
طالعت في امها وعيونها مليانه دموع مو راضيه تنزل وحواجبها معقده بألم حتى صوتها انكتم مو قادره تتكلم ..
زينه بخوف اكبر : ريم ..ردي ..ماما ايش فيكي ؟
جاها ابراهيم وياسين و عيونهم تطالعها بدون أي تعبير ..
ابراهيم : بنت .. ريم اتكلمي ..
هزها وهي عيونها معلقه على امها ..
زينه : بنتي ايش صار فيها انتوا كنتوا معاها ..
ياسين بخوف : انا ما سويت شي.. ريم ردي ..-لف على ابراهيم – شكلها فقدت الذاكرة كله منك .. ريم ريم انا ياسين اخواكي تفتكريني ..
نزلت دموعها وبكيت وضحكت بنفس الوقت .. بكيت بسبب الم ظهرها ..وضحكت على هبل اخوها :اهئ اهئ ..هههههههههههه اهئ اهئ اهائ ماماااااا .ههههههههههههههههههه .
ابراهيم بخوف اكبر : ياسين شكلها انجنت ...مو فقدت الذاكرة .
ماقدرت تمسك نفسها وضحكت حتى صار وجهها احمر ودموعها تنزل على خدها : ههههههههههههههه اااااه ههههههههههههه ااااااا لااااههههههههه
نزلت دموع امها من خوفها عليها ولفت على اولادها : ايش سويتوا في اختكم!! .
كل واحد اشر على الثاني وبنفس الوقت : هو السبب ..
ابراهيم بسرعه : ياسين ضربها على راسها ..
ياسين بشهقه وعيونه شوي وتخرج من مكانها : يا كدااااااااب انتا اللي شلتها وطيحتها على الارض وخليتها تفقد الذاكرة !!!
حضنت امها وهي مستمرة في ضحكها تحس انها من جد انهبلت منهم ..تبغى تهدي امها وتبين لها انها مافيها شي بس مو قادرة توقف ضحك من اخوانها : ههههههههههههههههه ماما هههههههههههههههه .
زينة ودموعها تنزل : بسم الله عليكي يا روحي بسم الله عليكي ..ايش فيكي ؟؟
ابراهيم بغباء : ريم ريــم ويــــــــــــــه !! شكلها كمان انصمخت .
تبغى تسكت مو قادره بعدت عن امها وهي تأشر بيدها انهم يسكتوا عشان توقف ضحك .
ياسين بغباء وهو يسوي حركات بوجهه عشان يفهمها: ريم انا اخووووووكي يااااسين – اشر على ابراهيم وامه – ودا ابرااااااهيييييييم ..ودي اووووووومناااااا .؟؟ افتكرتيناااااا ..
صرخت وهي تبغاهم يوقفوا : بــــــــــس ههههههههههههههه انا هههههههههههه انا هههههه انا مو مجنونه هههههههههههه .
ابراهيم من الفرحه انها تكلمك لووولش ( زغرد ) >>> مدري ايش اسمها هع : لوووووووووووووولييييييييش - حضن ياسين وقلب كلامه مصري- دي اتكلمِت يا روح ألبي اتكلمِت لوووووووليش .
اخدت نفس ومسحت دموعها وضحكت ولفت على امها وحضنتها من جديد :هههههههه ااااااه ماما ولدك طيحني على الارض وعورني .
حضنتها امها ومسحت على شعرها : سلامتك يا روح ماما سلامتك ..
بعدتها امها بهدوء ولفت على اولادها اللي حاضنين بعض..
زينة بعصبية : مين اللي طيحها .
بعدوا عن بعض .. وكل واحد يطالع الثاني ..
ابراهيم ببرائة : هيا طاحت لوحدها وانا جيت امسكها بس ما لحقت .
ياسين بتأييد : وهو كذلك ..
زينة : يعني ريم كدابه ..
ياسين : ايوااا كدابه ونص .
دقه ابراهيم : وتلات ارباع نسيتها .
ضرب جبهته : اووه معليش كدابه ونص وتلات ارباع .
زينة بعصبيه : بس يا ولد انت وياه – لفت على ريم وبحنان – مين طيحك يا عمري ؟؟
ريم بنذالة: ياسين دفني على الجدار ..وابراهيم شالني يكمل عليا وطيحني على الارض بقوة .
شهقت امها بقوة: كل دا سووه فيكي – لفت على اولادها – كدا تسووا في اختكم ..يلا اعتذروا منه يلاااا .
ياسين :لا مو معتذر منها انا ما سويت شي .
ريم بشهقة : كدااااب وربي دفني وعورني .
سحبه ابراهيم وقاله شي بأذنه وهز راسه وهو يطالع عليها ..بعد عنه وكأنه اقتنع..
ياسين : معليش انا اسف سامحيني .
قرب منها ابراهيم ووقفها وباسها على راسها ..
ابراهيم :انا اسف يا حبيبتي سامحيني ..
استغربت منهم بس سكتت لان الجرس دق ..
،
،
،
،
مو قادر ينام ..تفكيره كله يدور عليها ..تقلب للجهة الثانية وشاف رياض ماسك كتاب ويقرأ فيه ..راسه حينفجر من التفكير ..يبغا يعرف ايش فيها ..
رياض : هههههههههههههههههههههه .
استغرب ضحكت اخوه وطالع في غلاف الكتاب ..ابدا مو كتاب نكت ولا الغاز ولا حتى رواية ..جالس يقرأ كتاب علمي ايش اللي يضحك ..
احمد بهدوء : ليش تضحك ؟؟
رياض :ههههههه عليك .
استغرب وجلس كويس ..احمد : عليا !!
رياض : ايوا ..
احمد : ليش؟؟!!
رياض : لانك شويه وتنجن من التفكير . اهدى شويا ..
احمد : اووف مو قادر والله ..- عقد حواجبه -وكمان انت ايش عرفك اني افكر ؟؟
قفل الكتاب وطالع فيه : باين من حركتك حتى ما خليتني اركز في الكتاب . .
احمد : طيب اسف ما عاد افكر ..كمل قرائه ..
رياض : تفكر فيها ؟!!
بلع ريقه وحك شعره : مين ؟؟!!
رياض بنظرة : لا تستغبي ..كلنا نعرف انك تحبها !!
توتر زياده وزاد من حركة يده على شعره : انت عن مين تتكلم ؟؟َ!
رياض : احمد .. تراك مفضوح ..عيونك تبين انك تحبها ..والدليل انه عيونك ما نزلت من عليها طول ما هي جالسه كلنا لاحظنا .. وكمان ايش بك متوتر ترا ما يحتاج كل دا وخر يدك عن شعرك ..
نزل يده لرقبه وهو يشتت نظراته ..كلهم يعرفوا انه يحبها !! يحس بالإحراج ....
رياض :اذا انت لدي الدرجة تحبها اتقدم لها واخطبها ولا تجلس تفكر كثير ...ترا ريم ما شاء الله مو ناقصها شي .. ممكن تروح منك في أي لحظة .
تروح منه !!! مستحيل فكرة انه ريم تروح منه وينتهي حبه ما دخلت راسه ..
قام من السرير بسرعه وهو خارج من الغرفة ..
رياض : وين رايح ؟؟..
احمد وهو معطيه ظهره : بروح اكلم امي تخطبها ليا ..
رياض : هههههههههههه تعال تعال مو دحين ههههههههههههههه بكرا الصباح ..
لف عليه : اخاف تنخطب ..
رياض : هههههههههههههههه تعال لا تخاف مو طايره ههههههههه
تنهد ورمى نفسه على سريره وقفل عيونه ...
احمد ( اصلا ما اقدر اتقدم لها ..انا حتى ما كونت نفسي .اووف يا رب انقبل في الوظيفة بسرعه عشان اخطبها )
نام وهو يدعي ربه انها ما تنخطب وتكون له ..

،
،
،
،
،
استغربت منهم بس سكتت لان جرس الباب دق ..
زينة : مين جاي دا الوقت ؟
ريم : مدري .
ابراهيم : انا حفتح ..
فتح الباب ودخل يوسف ووجهه ما يبشر بخير وباين عليه الخوف ..

__________________________________________________ __________
"5"
استغربت منهم بس سكتت لان جرس الباب دق ..
زينة : مين جاي دا الوقت ؟
ريم : مدري .
ابراهيم : انا حفتح ..
فتح الباب ودخل يوسف ووجهه ما يبشر بخير وباين عليه الخوف .....
يوسف : امي البس عبايتك وتعالي معايا ..
زينة بخوف: أيــش فيك ؟؟! وليش اجي معاك ؟؟
يوسف بسرعه وتوتر : حنان اهلها دقوا عليا وقالوا جاها نزيف وهيا في المستشفى بسرعه الله يخليكي ما ابغى اتأخر ..
شهقوا بخوف وراحت امه تلبس عبايتها ..
ريم بخوف : يوسف ابغى اروح معاكم .
يوسف : ايش يجيبك ..انا حطمنكم – رفع صوته – يلا يا امي .
جات بسرعه وهي لابسه عبايتها وخرجوا ..لفت على اخوانها اللي قاعدين يكلموا بعض بهمس وكل واحد يضرب الثاني على كتفه بدلع ......
جاتها ضحكه من اشكالهم ....كأنهم حريم !! .بس كتمتها لانه الوقت ابدا مو وقت ضحك ..مشت وهي ماسكة ظهرها وراحت عند ابراهيم وحضنته بقوه ..
ريم : وحشتني ..
نزل نفسه لمستواها وبادلها الحضن : حتى انتي يا دجاجه جوفي!!
بعدت عنه وهي مستغربه ميلت راسها وكبست عيونها : دجاجه !!
ابراهيم : ويـــه شكلك من جد انصمختي !! انا قلت حشاشة مو دجاجه .
ريم تسلك له :اها طيب صدقت ..انا بروح غرفتي ..تصبح على خير .
ابراهيم كلمها قبل ما تروح : ريم ريـــم ريــــــم ريــــــم.
لفت وهي معقده حواجبها :نعم قول ريم مره وحده بس .
ابراهيم بغباء : حاضر .. ممكن تسوي لنا عشا يا ريم مره وحده بس !!.
طالعت فيه من فوق تحت ولفت : قول لشيرو ..انا تعبانة .
راح عندها وحاوط اكتافها وباس راسها ..ابراهيم بصوت حزين مصطنع : الله يسعدك انا مسكين و كنت ماسك طريق وحالتي تقطع القلب .
ريم : اشوف اشوف .. لااااه حزنتني – بعدت يده – انا بروح الغرفة ..دبر نفسك .
ياسين بصوت عالى : ماعليك منها ..انا دحين اسويلك احلى عشا ..تعال بس ..
دخلت غرفتها وتمددت على سريرها ..ضحكت على اخوانها وهي تتذكر شكلهم ..كل واحد يضرب كتف الثاني بدلع ..تنهدت وحضنت مخدتها وهي تتذكر صوته .. قلبها يدق بقوه كل ما تفتكره ...جا في بالها ابوها ومنصور ..ما تعرف ليش ابوها يبغاها تتزوجه ..خايفة من الشي اللي حتسويه ..اصلا ما عندها طريقة ثانية غير انها تكلم منصور ..
ريم ( يا رب احس راسي حينفجر.. بس كيف اجيب رقمه !!...سهلة مايبغالها وربي اني هبله اكيد يوسف او ابراهيم عندهم رقمه ..اكلمه واقول له اني ما ابغاه .!! اخاف يقول لبابا ..اااااااااه يا رب... )
جات في بالها حنان ..دعت ربها انه ما يصير فيها شي ..حنان طيبه معاهم وما تستاهل ..واخدت جوالها تدق على امها بس غيرت رايها وارسلت لها رساله انها تطمنها عليها ..
تبغى توقف تفكير تحس انه راسها كبــــيــــر من الافكار اللي فيه ..سمعت اصوات اخوانها برا وخرجت لهم ..
،
،
،
بعد اسبوع ..
خرجت حنان من المستشفى وحالتها صارت احسن ...
,
وريم اخدت رقم منصور من جوال إبراهيم ..بس خايفة انها تكلمه ..
،
احمد انقبل في الوظيفة ويبغى الوقت المناسب اللي يكلم فيه امه عشان تخطب له
،
،
يوم الخميس ..
ام يوسف مسوية جمعة عندها في البيت عشان سلامة حنان ..
،
كانت في غرفتها وهي تدور اكسسوارت تجي مع لبسها وفجر جالسة على السرير تحط مناكير ..لفت عليها وهي تسألها ..
ريم : الإسوارة البيضة ولا السودة !!
رفعت راسها ..فجر: امممممم البيضة احسن ..تجي مع لبسك .
لفت وهي تحط اللمسات الاخيرة على شكلها ..
فجر: حتجي بنت خالك ؟؟
ريم : مين ؟
فجر: ساره ؟!
ريم: اكيد كلهم حيجوا .
فجر: تحزن دي البنت ؟
ريم باستغراب : ليش ؟؟!!
فجر: مدري ..يعني ابوها مات وامها حامل فيها ..وبعدين اهل امها من اول ما نولدت رموها عليكم ... وامها تزوجت...!! تحزني ..
ريم : لا تبيني لها انك حزنانه عليها ترا تتضايق .
فجر: اعرف مو هبله انا ..بس وربي قلبي معورني عليها .
ريم: تراها عايشه حياتها عادي ... صح انك تحسي فيها حزن لمن تشوف احد مع اهله وهي لوحدها بس عادي عندها دايما تروح لامها ..
فجر: يعني امها تحبها ؟؟ .
ريم : انتي هبله في ام ما تحب اولادها ..بس اهلها اللي رموها عند جدي عشان يزوجوها ويرتاحوا من مسؤوليتها ..بس امها مره طيبه ...المهم ما علينا .احس شكلي مو حلو .
فجر : لا حلو .. ليش ؟.
ريم بثقة مهزوزة وهي تطالع نفسها بالمراية : ما اعرف ..احس كدا ..شعري مو مرتب.. كان لازم اسشورو بس صح ؟؟
فجر بحده : ريــم ترا شكلك مرا حلو وحتى شعرك حلو وهو ملفلف ..هيا امشي نخرج برا .
ريم : انتي روحي انا دحين اجي ..
فجر: طيب لا تطولي ..
خرجت من الغرفة وسابتها تطالع في شكلها تحس في شي غلط ..مع انه شكلها كان حلو ..لابسه فستان قصير ابيض من فوق وتحت الصدري في شريطة وباقي الفستان من تحت لونه زهري فاتح .. شكلها كان حلو مع مكياجها الناعم وشعرها اللي مسويته بالفير ..
خرجت من الغرفة وسلمت على اهلها الموجودين وراحت تشوف امها اذا محتاجه شي في المطبخ ..
ريم : ماما اساعدك !!
زينة: لا حبيبتي خلاص مافي شي روحي اجلسي .
إيمان : ما شاء الله تبارك الله ..ربي اعطاكي بنت يا زينة قمر الله يخليها لكي.
استحت منها ... وصار وجهها احمر ..ضربتها فجر على كتفها بشويش
فجر وهي تغمز لها : مين قدك ..امي تمدحك يا قمر .
ريم بهمس : خلاااص .
فجر: هههههههههه استحيتي من جد .
اعطتها نظره خلها تسكت وتخرج من المطبخ!! سندت ظهرها على دولاب المطبخ وهي تشوف امها تشتغل ومعاها ام فجر تساعدها ..
زينة: وين ملاعق الحلى ؟
شيرو : انا هطوا هنا بدرج .
فتحت الدرج ولفت عليها ..زينه : مافي شي .
شيرو : ما ائرف ماما هدا ابراهيم وياشين كرب كول مكان إنا كلو كربان .
هزت راسها بقلة حيله من اولادها وهي تدور عليها في الادراج الباقية .
ايمان : مو مشكله يا زينة اجيب اللي عندي في البيت .
زينة : والله يا ليت ..ربي اعطاني مجانين ..كل ما يكبروا واقول عقلوا اكتشف انه عقلهم صغر ..اااا عكس الناس .
إيمان :ههههههههه ..معليش فترة وتعدي ...اروح انادي فجر تجيبها .
زينة بسرعه : لا لاتروح خلي ريم تروح مدام مافي احد في البيت .
إيمان : تروحي ؟!
ريم : ايوه عادي اذا مافي احد في البيت ؟
إيمان : لا حبيبتي مافي احد عمك عبدالرحمن راح مع رياض عند امه ..وأحمد الله يهديه عنده سباق مع اصحابه في الدبابات ..انا مدري متى يبطل من دي الاشياء .
زينة : الله يهديه ..ادعيله.
تنهدت وهي تهز راسها: المشكلة انه ابوه يشجعه ..انا خايفة يصير فيه شي لا قدر الله ..
اخدت مفتاح بيتهم ..وخرجت بدون ما تاخذ طرحه لانهم ما في احد بالدور غير الشقتين حقتهم ..فتحت الباب وقفلته وراها واحت المطبخ تدور عليها فتحت كل الدروج بس ما لقت شي ..جات عيونها على الدواليب اللي فوق ..سحبت كرسي وطلعت فوقه بالكعب وهي تفتح واحد واحد و تشوف اللي جواها ..اخيرا لقتها سحبت العلبة اللي فيها الملاعق ....جات تنزل....بس تحرك الكرسي واختل توازنها قفلت عيونها بقوة وهي تستعد انها تطيح ......
،
،
،
،
دخل البيت مستعجل نسى ياخذ الخوذة حقته ..سمع صوت في المطبخ توقع انه احد من اهله ..راح الغرفه وهو خارج سمع صوت صرخة وبعدها احد يتآوه ..راح المطبخ وشاف ....
،
،
،

جلست مع البنات وهي تتكلم وتضحك معاهم دق الجرس وراحت تفتح بما انها تمون على اهل البيت ..دخلت وحده متغطيه بس لمن شالت حجابها كان شكلها مو غريب .. تفتكر انها شايفتها قبل كدا... سلمت عليها ودخلتها للمجلس ..سألت امها مين الحرمه دي وهي تتوقع انها وحده من اهل ريم ..
إيمان : ما عرفتيها دي ام حسام جارتنا كانت ساكنه هنا بس اشترت بيت ثاني ونقلت فيه .
فجر ام حسام !! يالله ما عرفتها من زمان عنها .افتكر كنت اتضارب انا وريم مع اولادها وبناتها بس غريبه ما جابت بناتها.. مع اننا كنا صحبات .. بس ما كانوا معايا زي ريم !!)..
سحبتها امها وهي تعرف ام حسام عليها ..
إيمان : ايش رايك بفجر بنتي يا ام حسام ..
ام حسام : ماشاء الله اتغيرت ..ما عرفتها والله ..هههههههه انا افتكر فجر التختوته الملسونه الصغيرة ..سبحان الله الله يخليها لك ..وتفرحي فيها .
استحت وبنفس الوقت مقهورة منها لازم تذكرها انها كانت مليانة سحبت نفسها من عندهم ورجعت تجلس مع البنات وهي تستنى ريم تجي ...
،
،
،
،
تحرك الكرسي واختل توازنها قفلت عيونها بقوة وهي تستعد انها تطيح ......
طاحت على الارض وصرخت من الالم ..مسكت رجلها اللي ألتوت وتأوهت من الالم ...مسحت عليها ووقفت الكرسي اللي طاح وستندت عليه قامت .. بس صنمت في مكانها وهي تشوقه واقف قدامها !!
،
،
،
حاول يبعد عيونه عنها بس ما قدر... يعرف انه اللي يسويه حرام بس قلبه كان مسيطر على تفكيره ... بلع ريقه وهو يفحصها من كعبها إلى شعرها الاسود .. كانت ملاك في عيونه بفستانها الناعم ...يحبها مو بس يحبها الا يعشقها ....يحس انه مجنون فيها ......مستحيل يمر يوم من غير ما يفكر فيها ..حتى وهو في غربته كان تفكيره منحصر فيها .. حط عيونه في عيونها اللي لمعت من الدموع .. قرب منها بخطوات هاديه ..ما يبغاها تبكي .الا دموعها يكره يشوفها ..يحسها اسياخ تدخل في قلبه ...
ارتجفت وهي تشوفه يقرب منها ..تبغى تخرج ..على انها متأكدة مليووون في المية انه مستحيل يأذيها ..بس خايفة ومتوترة من قربه ..
فتحت فمها تتكلم بس سكتها همسه لها
احمد بهمس وهو يمسح دموعها : لا تبكي .. دموعك تعورني ..
ارتجف فكها ..مو قادره تستحمل قربه وهي عارفه انها مو له ... جات صورة ابوها قدامها ونزلت دموعها بزيادة ...وارتفع صوت شهقاتها ....
قربها منه وحضنها بقوة ...يبغى يدخلها جواه ويبعدها عن كل الناس ..يبغاها تكون له لوحده ....ما يشاركه فيها احد......مو قادر يشوفها تبكي ..دموعها تحرقه حرق ..
احمد : خلاص لا تبكي ..
كأنها كانت محتاجه تفرغ عيونها من الدموع الثقيلة وبكلامه اعطاها المجال مع انه كان يهديها ..بكيت وهي ناسيه هي وين !! وفي حضن مين
!!...
وكأنها رجعت بالزمن لورى ..لمن كان عمرها 7 سنين اول ما عرفته عند باب بيتها ....تبكي من نفس السبب اللي بكاها زمان وهي بحضنه .....
لمن هديت ..استوعبت هي ايش تسوي !! حست نفسها غبيـة وكلمة غبيـة كانت قليله عليها ..دفته بقوة وهي منحرجه وخرجت من المطبخ ومن البيت بكبره ...
كان متألم انها تبكي ..بس بنفس الوقت حس انه تحققت امنيته انها تكون بين يديه زي زمان ...غمض عيونه وهو يستنشق ريحة عطرها ..
ما صحى من فرحته الى لمن دفته وسمع صوت طقطقة كعبها ..
لف وهو يشوف طيفها ..ابتسم وحط يده على قلبه وهو يحركها عشان يهدي دقات قلبه ...اخذ خوذته وخرج من البيت وهو مصمم انها لازم تكون له .....
دخلت غرفتها وحمدت ربها انه ما صادفت احد ..دفنت وجهها في المخدة
ما تنكر انا منحرجه من نفسها ..بس حست بالراحة لمن بكيت في حضنه ..رفعت راسها لمن دق باب غرفتها ..
ريم : ميـــــن !
فجر : انا فجر .. فيكي شي ؟؟
ريم : لا .
فجر وهي تحرك مقبض الباب : افتحي الباب ..وبعدين فين الملاعق ..امك تبغاها ..
ريم : اوف فجر دحين اجي انتي روحي ..
سمعت صوتها وهي تتحلطم ..تنهدت ووقفت قدام المراية ..وجهها احمر .. عدلت مكياجها اللي خرب واخدت نفس وخرجت .....
،
،
،
بعد العشى بدأوا الحريم يمشوا ..جلست جنب ريم اللي تتكلم مع بنت خالها ..
ريم : وايش رايك بالجامعة .
ساره : حلوة ..احسها غير عن الثانوية ..
دخلت معاهم في الكلام ..فجر : وايش احلى ؟!
سارة : ما اعرف ..احس كل وحدة ولها حلاوتها .
ريم بتأييد: صح كلامك ..
فجر : انا عندي الجامعة احلى .
ريم : وليش .؟
فجر: الجامعة ..مو كل يوم دوام عندك يكون يوم اوف ..ومو سبعه حصص تكرهي عيشتك في المدرسة .
سارة : صح بس حتى المدرسة تحسي فيها حلاوة ومغامرات .
فجر : الله يسعدكم غيروا الكلام ..انا ما اصدق يجي الويك اند عشان افتك .
ريم بتريقه : طيب عن ايش تبغينا نتكلم يا اميرتنا ؟!
فجر وهي تحرك يدها بلامبالاة : عن أي شي .
سارة : طيب انا اقول لكم .
ريم وفجر بنفس الوقت : قولي .
سارة بخجل : انا انخطبت .
ريم بفرح : من جد؟!!
اكتفت انها تهز راسها بالايجاب ..
فجر : يا حركاات اصغر مننا وتنخطبي ..- رفعت يدها – الله يوفقك ويرزقني انا وريم عرسان بنفس اليوم ياااارب .
سارة :هههههههههههه امين .
ريم بحماس : ومين سعيد الحظ ؟
فجر وهي تعدل جلستها: ترا احنا ما نعطي بناتنا لمين ما كان .. يلا قولي اسمه ومواصفاته ووين يشتغل وكم عمره وكم عنده اخت وكم عنده اخو وكيف امه .
ريم :اوووف خلاص فجر خليها تتكلم .
فجر : الحق عليا ابغا اعرف مين حتتزوج .
سارة: خلااااص انا حقول اوف – ابتسمت – اسمه بدر يقرب لي من بعيد من جهه اهل ماما ...دايما اشوفه لمن اروح عند اهل امي ...امممم عمره 26 يشتغل في شركة مدري ايش اسمها المهم انه قريب لمسمى المهندس ..
ريم : الله يوفقك ..وافقتي ولالا ؟
سارة : هو انا موافقه بس لسا ما قلت لهم .
فجر : ياهوووووو مسويه تقيله يعني .
سارة :ههههههههههههه شي زي كدا
فجر بحالمية : تحبيه !!
ساره : لااا .
فجر بإستغراب : طيب ليش وافقتي ؟!
سارة بحزن مكبوت : انا احس اتجاهه بمشاعر اخويه و كمان ابغى اريح سيدي "جدي" من مسؤوليتي .
ضربتها ريم على كتفها : لا تقولي كدا ..
قاطعت اندماجهم في الكلام ....إيمان : يلا يا فجر نروح البيت ..
ريم : خاله الله يسعدك خليها عندي اليوم تنام .
إيمان : تنام ؟؟!! انتوا طول الوقت مع بعض .
ريم وهي تحضن فجر : لا لمن تنام شي ثاني .
فجر :بلييييييز ماما .
زينة : خليها على قولتك طول الوقت مع بعض فما حتفرق لو نامت .
إيمان بحيرة : طيب وياسين ..
قاطعتها زينة : ياسين اخوها وما حيتضايق صدقيني .
إيمان : طيب خليها تنام .
حضنوا بعض بقوة من الفرحة ...بعدت ولفت على سارة ..
ريم : نامي انتي كمان .
سارة :لاا بكرة حروح عند ماما .
ريم :امممم صح ..
سكتوا و عيونهم على الحريم ..كانت سرحانه فيه لمن كان واقف قدامها ببنطلونه الجينز الازرق وقميصه الاسود .. قلبها دق بقوة ..وهي تفتكر همسه لها .. تنهدت ولفت على فجر اللي دقتها ..
ريم : نعم ؟!
فجر : نعامة ..من اول اكلمك .
ريم : أيــش تبغي ؟!
فجر بهمس : شوفي الحرمة اللي لابسه اخضر غامق ..
لفت بعيونه على الحريم الجالسين ورجعت عيونها على فجر .
ريم : أيــش فيها ؟!
فجر بنفس همسها : تعرفي مين دي ؟!
ريم : لا يمكن وحده من صحبات ماما في المدرسة ..وبعدين ليش تتكلمي بهمس ؟!
فجر بهمس : ما ابغى احد يسمع ..وبعدين دي مو وحده من صحبات امك ..
ريم وعيونها على الحرمة : ها مين ؟!
فجر : هذي ام حسام جارتنا زمان تفتكريها .
ريم : لا.
فجر: اوهووه جارتنا ام احسام ..و جمانة الجعانة و.....
ريم : اوووه ههههههههههههههههههههههههههههههههه اما دي هيا هههههههههههه .
ضربتها فجر عشان تسكت ما تبغى احد ينتبه .
ريم :هههههههههههههههههه اااا ههههههههههههه هههههههههه
لفتت انتباه الحريم بضحكها ..قومتها فجر وهي تبتسم للحريم بفشلة ودخلتها غرفتها ..
فجر وهي تضربها على راسها بخفيف : بـــس .
جلست على السرير مو قادره توقف ضحك :ههههههههههههههههههههههه اااه ههههههههه .
فجر بعصبيه : ريم وبعدين خلاص .
اخذت نفس وحطت يدها على فمها تحاول تكتم ضحكتها ..لمن هديت شالت يدها ..
ريم : من جد دي امهم .. يالله زمان عنهم .ايش جابها.
فجر بفلسفة : جات بسيارة يا غبية ..يعني كيف جات برجولها ؟؟!
ريم :هههههههههه والله انتي الغبيه انا قصدي ايش جابها بعد دي المده الطويلة من زمان عنهم ....اووه تفتكري حسام فوطة هههههههههههههه .
وجمانة الجعانة وسحليه هههههههههههههههه وربي من زمان وحشوني .
فجر :ههههههههههههههههههه لين دحين متذكره حسام فوطة .
ريم بحماس :ههههههههههههههههههه تفتكري ليش سميناه كدا ؟؟
فجر بحماس زيها: عشانه يمسك الفوطة حقت ابوه ويلبسها في راسه كأنها شعر هههههههههههههههه .
ريم :ههههههههههههههه والله وحشتوني دحين تلاقيهم كبروا .
فجر: ايوه ....ههههههههههههه .
ميلت راسها وكبست عيونها ..ريم : ليش تضحكي ؟!
فجر: هههههههههههههه ..على الاسامي اللي سميناها لأولادها ..- تعدد على اصابعها- حسام فوطة ..جمانة الجعانة سميناها كدا عشانها كانت نحيف وبس تاكل وو.. سحليه ..بس ليش سميناها كدا.؟؟ المهم ايش اسمها نسيت كمان؟؟! ماعلينا ههههههههههه ..و سلمان السنجوب عشان اسنانه ههههههههههههه .
ريم :كان اسمها نور ههههههههههه استغفر الله خلاص يكفي حش ههههههههههههه .
فجر: ههههههههههههه استغفر الله امشي نخرج برا .
راحوا المجلس وكانوا الحريم كلهم راحوا ...جلسوا عند حنان اللي كان باين في وجهها التعب ..
فجر وهي تأشر على فارس : دحين دا الشي....دا الشي الصغييييييير اللي فرحانين فيه .
كانت حترد حنان بس سبقتها ريم ..
ريم : ليش ؟ ان شاء الله مو عاجبك !! ترا ما ارضى عليه هذا ولد الحبيب الغالي ولد يوســـف الله يخليه لينا .. اول حفيد و ما نرضى عليه ...فألزمي حدودك حبيبتي !!
فجر وعيونها مفتوحه على الاخر : ول كل دا عشان قلت ..دا الشي الصغير ..خلاص ولايهمكم – قربت منه وباست راسه ووجهت له كلامها بالمصري – اسفين يا عم الحق "الحج" حأك علينا متزعلش .
حنان :ههههههههههههه ايوه كلو ولا ولدي .
فجر: الله والولد يعني كله شبرين .
ريم بحده مصطنعة: فجر!!
فجر: ههههههههههه اسفه اسفه .
زينة من الصالة بصوت عالي: ريـــم ريــم ..سيدك "جدك" جا تعالي سلمي عليه .
جريت للصالة وهي تشوفه جالس على الكنب وعصايته جنبه ...جلست جنبه وحضنته بقوة ..
ريم : وحشتني كتيــــــــر مره .
ابو خالد :هههههههههه يا بت يا بكاشة لو وحشتك زي ما تقولي كان جيتي و اطمنتي عليا .
رفعت راسها : والله وحشتني ...وتعرف انك حبيبي وروحي كمان..بس تعرف الجامعة تاخذ من وقتي كثير .
ابو خالد : كلي بعقلي حلاوة ..بس عشانك حبيبة قلبي حعزورك ..كيفك يا روح سيدك ؟؟
ريم : انا تمام ..وانتا ؟!
ابو خالد : انا طيب مدامك يا عيوني طيبه ..
ريم بمزح : شفت لك اليوم عروسه حلوه .
ابو خالد : واللهي من جد ..ايش اسمها وايش مواصفاتها ..
ريم : اسمها زمزم ..
قاطعها : زمزم مرا وحده لاااا مدام كدا ما ينفع ..وكمان انا ما اقدر ابدل ستك دي الغاليه ..
طالعت على جدتها اللي جالسه قدامها وهي شويه وتنط عليهم .
ريم: ههههههههههههه ستي غاليه دحين ..ولا لمن قلتلك زمزم بطلت ..
قرب من ادنها وهمسها : لا والله يا عيوني بس لمن ستك طالعتني بعيونها خفت انام جنب غلام "السواق هع " في الحوش .
ابتسمت ورجعت راسها على صدره ..تحس بأمان لمن تكون جنبه ..نفس احساسها لمن تكون جنب احمد !!! رجعت لأفكارها اللي حتجننها نفسها ترتاح ..لازم تكلم منصور ..بس مترددة من الخطوة هذي كثيـــــــر .. نفسها تقول ليوسف ..بس تخاف كمان ابوها يعيشها عنده ..وحتى يوسف مسؤول عن عيله لمتى تبغى تعور راسه في مشاكلها ..تنهدت وهي تدفن وجهها في صدر جدها ..حست بيده تمسح على شعرها بحنان ..
ابو خالد بهمس : ايش بها دلوعتي ..مين مزعلها ؟!
رفعت راسها له وابتسمت بهدوء ..ريم : مافيني شي ..
ابوخالد : اكيد ابراهيم المقرود هدا مزعلك ..والله بس يرجع انتفلك ادونوا واسويها شوربة .
ريم : هههههههههههههه لا حرام ابراهيم ما سوالي شي .
ابوخالد :طيب .. تخبي عن سيدك ؟!
تنهدت وهي تشوف في عيونه خوفه عليها ..مالها الا جدها تقول له هو الوحيد اللي حيساعدها ..طالعت في الصالة وما كان في احد غيرهم ...التردد اخذ جزء كبير من كلامها وهي تقوله عن ابوها ..وقراره في انه يزوجها منصور ..لمن خلصت كلامها ..وعدها انها ما حتكون له ..وانها حترتبط بالإنسان اللي هي توافق عليه برضاها ..خرج من بيتهم وباين في عيونه الغضب على افعال ابوها ....اتنهدت براحه ..مدام وعدها جدها ..فأكيد حيكون قد وعده ....
،
،
،
،
،
،
،
يوم الجمعة ..
كانت جالسة مع امها ورياض في الصالة وفي يدها كتابها ..جاه ابوها وأحمد وجلسوا معاهم ..كانت جلستهم هاديه واغلب الكلام بين امها وابوها..
عبدالرحمن : وكيف زوجة يوسف ؟؟ احسن من اول ؟!
إيمان : الحمدلله ..والله اني زعلت عليها البنت طيبه مع زينة وتعاملها بكل ادب واحترام كأنها امها.
عبدالرحمن : الحمدلله انه مافيها شي ..والله يرزقك بزوجة ولد زيها واحسن كمان .
عيونها كانت على ولدها وهي تكلم زوجها : امين .. والله انا في بالي وحده لأحمد ..
كان مندمج في التلفزيون بس لم سمع اسمه في الكلام لف على امه وابوه : ايش فيه احمد .؟
إيمان بحنان : نقول انك يا حبيبي كبرت ونبغى نفرح فيك ..
ابتسم الفرصة جات لعنده انه يفتح الموضوع معاهم .
احمد ببتسامة وهو يحك شعره : وانا ما عندي مانع ..
ايمان بفرح : لوووووليش ..وانا من بكرا اكلم اهل البنت واخطبها ..
احمد: ( بنت !! لاااااااا انا ابغى ريم !! مستحييييييل اتزوج غيرها )
احمد بسرعه : بس انا ابغى وحده في بالي .
ايمان بإستغراب : في وحده في بالك ... انت تكلم بنت من ورانا !!
حك شعره بتوتر امه فهمت غلط جا يتكلم ويبرر كلامه اللي قاله ..بس سبقه ابوه وانقذه ..
عبدالرحمن : احمد قصده انه يبغى ريم ..
تهلل وجه امه بفرح : وانا هذي البنت اللي في بالي .
..من اول كانت تسمعهم بس ما قدرت تسكت اكتر ....
فجر بهدوء وعيونها على وجه احمد : بس ريم انخطبت !!

__________________________________________________ __________
"6"
الرياض...
متمدد على سريره وعيونه على زخرفه جبس غرفته ..بس عقلة وتفكيره كان في جده ....
على انه ما يعرفها المعرفة القوية إلا انها تعجبه ..بأدبها ..و أخلاقها ..وحتى جمالها الهادي ...لمن قال له ابوه انه خطبها له ما عارض ..اصلا ما يقدر يعرض أي قرار يصدره ابوه ....
يحس انهم مناسبين لبعض ...يعد الايام والليالي والثواني عشان يروح جده و يخطبها رسمي الاسبوع الجاي بعد ما عرف بموافقتها!! ..
خرج من غرفته ونزل الدرج ...شاف في الصالة امه واخوانه الصغار جالسين وامه تدرسهم ...رمى نفسه على الكنب وهو يفكر في مستقبله معاها ....
نواف : منصور منصور .
منصور : نعم !!
نواف : انت الحين بتتزوج ؟!
منصور ببتسامة : ان شاء الله .
نايف : وبتجيب عيال ..يلعبون معنا .
ما عرف ايش يرد ...استحى يتكلم في هذا الموضوع ..
أم منصور : يكفي انت وياه اسئلة.. اتركوا اخوكم بحاله وركزوا بدروسكم ..
اخذ الرموت كنترول وهي يقلب في القنوات بدون أي هدف ...ومازال يفكر في الموضوع اللي شاغل باله..
منار من عند الدرج : منصور ابوي يبيك في مكتبه روح له ..
وقف وهو عاقد حواجبه ....وفي باله كل الاحتمالات اللي تخلي ابوه يناديه الا الاحتمال الصح !!
،
،
عائلة صالح الـ.......
صالح ( انسان كريه ...متسلط ...لو حط شي براسه يجيبه لو بعد سنين ..يحب يجمع الفلوس زي اخوه و اكثر ..متحكم في كل كبيرة وصغيره في حياة اولاده .. طلق زوجته ورجعها له بعد سنين )
عبير ( شخصيتها ضعيفة قدام زوجها ...حنونه على اولادها بشكل كبير ..تزوجت بعدم رضا بسبب العادات والتقاليد !! ولمن طلقها زوجها وطلب انه يرجعها وافقت عشان ولدها وبنتها )
منصور ( 26 سنه ..يشتغل مع ابوه في مكاتب عقاريه حقتهم ... طيب ومسالم ..بس بعض الاحيان لو حط شي بباله يجيبه بس مو بالطريقة حقت ابوه .... عديم شخصية قدام ابوه ..يسوي المستحيل حتى لو مو مقتنع فيه عشان رضاه.. طويل ..جسمه متناسق مع طوله ..شعره بني غامق ..عيونه واسعه بنيه ..بشرته سمره ..ما يعتبر جميل قد ما هو مملوح !!)
( منار 20 سنه ..تخصص لغه انجليزيه ..انسانه منطوية عن العالم ..لها عالم خاص فيها ..الانسان الوحيد القرب منها اخوها منصور ..تحبه و متعلقة فيه كثير ..قصيره ..مليانة شوي .. شعرها طويل بني .. فيها شبه من اخوها منصور بس تعتبر احلى منه )
نواف ونايف ( توأم !! 7 سنوات ...حملت فيهم امهم بعد ما رجعت لابوهم ...على انهم توأم بس ما يشبهوا بعض !! عندهم لسان طويل وفصيح )..
،
،
،
،
سلمت من صلاتها وخرجت عند جدتها وجدها في الصالة ... تحبهم وتحب كلامهم ..وعندها هما اغلى شي في الدنيا ..
ضحكت على جدتها المعصبة على جدها ..عشانه يفكر يتزوج بالعمر هذا !! ..لمن شافها تضحك قلب الكلام عليها ...
ابو خالد : شوفي حفيدتك مخطوبه من فتره وما ردت على الجماعة .
لفت عليها ..بس قبل ما تبدأ كلامها تكلمت .
سارة بخجل : انا موافقه عليه يا سيدي .
دمعت عيون جدتها وحضنتها ..
ابو خالد : دحين انتي ما لقيتي حاجه تبكبكي عليها قمتي بكيتي دحين ..-بعصبيه – عكننتي "نكدتي" عليا ..مسحي دموعك قوام " بسرعه "..
أم خالد وهي تمسح دموعها : ايشبك ؟! والله من فرحتي فيها ..
ابو خالد: افرحي فيها بس مو تبكبكي على راسنا ..
ابتسمت بهدوء ..هادي حياتها بين جدها وجدتها و مضارباتهم زي كل يوم ...
سارة ( 19 سنه ..انسانة حياتها عنوانها جدها وجدتها .. اكتسبت الهدوء من عيشتها مع جدها وجدتها و مافي احد قريب من سنها في البيت ... بيضة ..طولها طبيعي ..تميل للسمنة بس حلو عليها ..شعرها لنص ظهرها كستنائي ...وجهها بيبي فيس ) ..
،
،
،
..من اول كانت تسمعهم بس ما قدرت تسكت اكتر ....
فجر بهدوء وعيونها على وجه احمد : بس ريم انخطبت !!
هدووووووء سكن المكان اللي هما فيه...الصدمة سكتتهم !! بس هدوئه كان الهدوء اللي سبق العاصفة اللي كانت في قلبه ..عيونه ركزت عليها بيغاها تقوله ان هذي مزحه وتغير كلامها ..الاكسجين انسحب من عنده ..وقف وهو يقرب منها بخطوات هادية ..
احمد بهدوء مخيف : ايش قلتي !!
رفعت عيونها من كتابها وخافت ..بس لازم يعرف اذا يبغى ريم لازم يحارب عشانها ..ومافي غير الطريقة هذي عشان تبعدها عن منصور !!..
فجر بهدوء : قلت ريم انخطبت..
لمن تأكد من ان اللي سمعه صح ..شياطين الارض كلهم وقفوا قدام وجهه دف الطاولة بقوة وطاحت وانكسرت المزهرية اللي عليها ...صرخ بأعلى صوته ..أحمد: انتــــــــي أيــــــــــــش تــــــقــــولـــي؟!
اهتز البيت من صوته العالي ..
عبدالرحمن بحده وهو يوقف : لا ترفع صوتك بوجودي..
لف على ابوه و صدره يطلع وينزل ..وعرقه اللي في رقبته بان ...وعيونه حمرت من العصبية والقهر ..
احمد بعصبيه : انـــــت ســــامــــع أيـــــش تــــقــــوووووووول؟!
عبدالرحمن بنفس الحده : لو انها من نصيبك بتاخدها .... ولو لا ما حتاخدها لو ما كان في بالكون الا انت وهي ..
ايمان بشك : انتي متأكدة من كلامك يا فجر .
فجر بخوف من اخوها اللي اول مره تشوفه كدا : أيـ ـوه .
إيمان : بس زينة ما قالت لي ..انا بدق عليها واتأكد..
ما قدر يجلس اكثر ..مخنوووووق ..لو جلس اكثر حينفجر .....يحس دمه يغلي غلي !! لو حطوا بيضة على راسه كان اسوت من الحرارة اللي تخرج منه!!.دخل غرفته ولبس جزمته ( وانتوا بكرامه ) بسرعة ..وسحب مفاتيحه وخرج .تحت نداء اهله له ...
،
،
،
لبست عبايتها بسرعه ..قال لها ياسين لو ما نزلت بعد دقيقه بيمشي ويسيبها .. والمشكلة ما في غيره يوديها عشان تشتري اشيائها اللي تحتاجها من المكتبة .. اخذت شنطتها وهي مفتوحه ..خرجت من البيت وصدمت عند الدرج وطاحت اشيائها اللي في الشنطة ....
،
،
،

ما قدر يجلس اكثر ..مخنوووووق ..لو جلس اكثر حينفجر .....يحس دمه يغلي غلي !! لو حطوا بيضة على راسه كان اسوت من الحرارة اللي تخرج منه!!.دخل غرفته ولبس جزمته ( وانتوا بكرامه ) بسرعة ..وسحب مفاتيحه وخرج .تحت نداء اهله له ...
خرج من البيت وصدم فيها عند الدرج .... التقت عيونهم .. حس الكون كله فااااااااااااضي مافيه غيرهم .....ارتخت حواجبه المعقدة .....و سرح بعيونها الواسعة ...حس انه يبغى يبكي ..كيف ما يبكي وهو خسر حب حياته للأبد ...هي مو بس حب حياته ..هي الاكسجين اللي يدخل رئته ..لولا وجودها في حياته كان ما حس ان للحياة طعم...كانت الحياة بتكون بالنسبة له فلم بدون الوان ولا صوت ..بتكون ملل وهدوء .. هدوءها بيكون قاتل !!..أشبه مدينة ألعاب بدون أطفال ..كئيبة !!
احمد بهمس وهدوء غريب: سمعت انك انخطبتي .. –بتردد وصوت حزين – اللي خطبك احسن مني ؟!
صحت من عالمها على همسه ...فاجئها!! كيف عرف انها انخطبت !!..
احمد بتردد: انتي ...انتي موافقه على....على غيري .
هزت راسها بلا ..كأنها منومه تنويم مغناطيسي ..
احمد بتردد اكبر وهو يحك شعره : طيب ...اااا....لو.. احم .. لو تقدمت لك .... توافقي ؟؟!
حست كل الدم تجمع في وجهها وصار أحمــــر ..استحت عمرها ما توقعت تنحط في موقف زي كذا !!
بلعت ريقها .انحنت وبدأت تلم اشيائها بيد مرتجفة ..
نزل لمستواها و هو يساعدها وعيونه عليها .
احمد بهمس يترجاها: ريم جاوبي وريحي قلبي ..حركي راسك سوي أي شي ..
قامت بسرعه ونزلت الدرج ..درجتين درجتين ..وقفت وبلعت ريقها .
ريم بسرعة : سوي اللي تبغاه وانا ...وانا – بهمس مسموع – موافقه .
كملت طريقها بسرعه ....وركبت السيارة وهي ساكته ..ما توقعت انها في حياتها كلها ممكن تسوي كده ..ما تعرف من وين جاتها الجرئة انها تتكلم !! استحت من نفسها ...و تعدت دقات قلبها السرعة الطبيعية ...دحين بس تأكدت مليون بالمية .....أن في شرايينها يجري هواه ...
،
،
،
،

ابتسم معنى كلامها انها تبغاه زي ما يبغاها..تحولت ابتسامته لضحكه دوا صوتها في كل العمارة...فرحاااااان ..يحس انه ملك الدنيا واللي فيها .. من كلمتين منها قلبت حاله قلب ... خلته اسعد انسان على وجه الارض ..طالع في مكان ما عيونهم التقت ..هنا بحيبته كانت واقفه ..نزل عيونه على الارض ..وشاف شي مألوف له.. انحنى واخده وقلبه في يده .. يحس انه شايفه قبل كدا ..بس وين !! شكل الظرف ابدا مو غريب عليه ..ما اهتم كثير وحطه في جيبه عشان يرجعه لها ..رجعت ابتسامته تزين وجهه .. لف راجع لبيته وهو يبغى يأكد على امه تخطبها له اليوم قبل بكرا ....

ھُل توَدي معرفةُ ♥
حجمَ حاجتي إليگ
* جربِي آن تبقي رآسگ -
فيَ مغطس الماء
... / ثُم قيسَي
... حجمَ آحتياجگ ..
[.. انتي للأكسجين {♥} فيَ تلك اللحظة ..]
،
،
،
من اول ما خرج ولا احد فكر مجرد فكرة انه يتكلم ..عمرهم ما توقعوا يشوفوه بهذا الشكل يوم من الايام !! ...معروف عنه انه نادر ما يعصب وانه انسان حليم !! بس اللي شافوه شي ثاني !!..جلست تلوم نفسها انها تكلمت ..تخاف يصير فيه شي وهو معصب ..لسانها الطويل ما يجيب لها غير المشاكل !! ..اول مرا تخرج سر من اسرار ريم .. والمشكلة انها ما كانت متوقعه ردت فعله هذي ..
قامت رايحه غرفتها بس فاجئها بنص الطريق الخدادية اللي طارت بجهتها ..شهقت بخوف ونزلت راسها ويدها على وجهها ..
رياض :ههههههههههههههههههههه .
رفعت راسها وهي تطالعهم ..ابوها ماسك ضحكته وكان باين هذا الشي من طريقة تضيقه لعيونه وخدوده المنفوخة وفمه المزموم ..
لفت على رياض وهو مرجع راسه على ورا مو قادر يسكت من الضحك..
اخر شي جات عيونها على امها ..اللي لو عيونها تطلع سكاكين ..كان جات فيها من زمان وماتت ..
فجر بعد استوعاب : ليــــــــش؟!
إيمان بإندفاع : ليش تتكلمي .؟! كان انا لمن كلمت امها عرفت وفهمته بهدوء ..مو بطريقتك هاذي ؟!
فجر وهي تتخصر : و أيــش فيها طريقتي ..هو كدا ولا كدا حيعرف فما فرقت ؟!
إيمان بحده : نزلي يدك ولمن تكلميني تكلمي بأدب ..
نزلت يدها ..وزمت شفايفها مقهورة من ضحك رياض ..وحتى ان امها ما قالت له يسكت ..
جات تتكلم وتبرر و ماحست الا باللي يحضنها بقوة ...
،
،
،
،
،
سند نفسه على عصايته بعد ما خلص مكالمته .. ضيع بنته لمن زوجها ولد صاحبه ..بس مستحيل يضيع بنتها .. تنهد بحزن على حال حفيدته ..عانت كثـــيــر في حياتها ..والمشكلة انها ما تتكلم ...زي امها !! تبين العكس ...تضحك وتمزح ....وتكابر!!... نزلت دمعه على خده المجعد وهو يتذكر السبب الاساسي في طلاق بنته .. اصلا ما كان يعرف بمعامله زوجها لها ولا لبنتها لأنها كانت تسكت.. مسح دمعته بيده وهو يبعده هذي الافكار عن راسه ...ما يبغى يتذكر الماضي .. ماضي مؤلم لهم كلهم .. وخصوصا لريم !!..
وقف وهو مستند على عصايته وظهره منحني وخطواته بطيئة بسبب كبر سنه ..وخرج من الغرفة ..
،
،
،

دخل مكتب ابوه بعد ما دق الباب وسمح له انه يدخل ..دخل وقفل الباب وراه ..جلس وهو يستنى ابوه يبدأ في الكلام ..
صالح وعيونه على الورق : عمك محمد بيجيه ضيف مهم يوم الاثنين .. ويبينا نكون معه ..
استغرب مين الضيف المهم اللي بيجي لعمه اصلا عمه ما يعرف ناس مهمه كل اللي يعرفهم زيه !! بس ما قدر يسأل لان ابوه اصدر قرار وما يقدر يغير فيه حتى لو سأل ..اكتفى انه يحرك راسه بالإيجاب وخرج من الغرفة بعد ما اشر له ابوه انه يخرج....
،
،
،
جات تتكلم وتبرر و ماحست الا باللي يحضنها بقوة ...
خافت منه ..حركت عدسه عينها له وهي تحاول تشوف ملامحه ..
أحمد : شكرا ..
انفجعت !! يشكرها وهو قبل شويا خارج معصب !! اصلا غريبه رجع بدري .... توقعت انه ما يرجع غير الصباح...
سحبت نفسها منه بشويش وهي للان مفجوعة منه ..
فجر بهدوء : ايش ؟!
احمد ببتسامة : اقولك شكرا .
حست انه وراه شي ..غمضت عيونها وهي تترحم على حالها ...
فجر بفلسفة: لو مت ادفنوني في المديــنة وقولي لريــم اني موت في سبـــيـــل حبنا الأخوي !! ولا تنسوا ....
رياض : ههههههههههههههههههههههههه ههههههههههههههههههه .
فتحت عين وحده وطالعت رياض اللي يضحك بقوة .. ومو قادر يوقف ويضرب يدينه في بعض ..
فتحت عيونها الاثنين لمن سمعت ضحكه ثانية ..لفت وهي تسمع ضحكت امها وابوها ... حست نفسها انها مو فاهمه شي !! قررت تنسحب ولفت ماشيه لغرفتها ..بس وقفتها يدينه ولها عليه ..
احمد : ههههههههههههههههههههه هههههههههههههه .
فجر وحواجبها معقده : بعد بروح !!
احمد :ههههههههههه لا دقيقه ابغى اكلمك هههههههههههه.
فجر: بسرعة لو سمحت .
أحمد: دحين مين قالك انك بتموتي هههههههههههههه .
فجر وهي تبعد يده : ياخي استغربت انك تقولي شكرا وانت قبل شويا خرجت معصب !!
احمد :ههههههههههههههههه يعني عشان كدا قعدتي توصي ههههههههههه.
رياض :هههههههههههههههههههههههه لا وحتموت - ضخم صوت– في ســـبــــيــــل الـــحــــــب الاخــــــــوي ههههههههههههههههههه.
ضربت الارض برجلها بقوة وهي تحس دموعها حتنزل ..وجهها طاح !!
فجر بصوت مخنوق : بابا ..شوفهم .
عبدالرحمن وهو يحاول يمسك نفسه وبحده مصطنعة: بس يا ولد انت وياه ..الا فجر دلوعتي .
احمد وهو يدفها بشويش ويرقق صوته :هههههههههههه روحي يا دلوعه البابا .
رياض :ههههههههههههههههههههههههههههههههه .
إيمان بحده : خـــــلاااااااص .... - لفت على احمد – وانت ايش رجعك ؟!
ابتسم وجلس على الكنب ..احمد: تبغيني ارجع اخرج يعني !!
إيمان : لا بس استغربنا رجعت وانت مروق ..عكس ما خرجت .
زادت ابتسامته وحك شعره بتوتر ..احمد : دقي على خاله زينة وقوليلها انك تبغي تخطبي ريم ليا !!
إيمان بإستغراب : بس فجر تقول انه ريم انخطبت !! ابغى اتأكد اول ..
احمد بثقة: لا دقي و قوليلها زي ما قلت لك .. وصدقيني حتقول لك حياكم الله ..
قاطع كلامه ابوه : وانت ايش عرفك !!
احمد ببتسامة : عرفت من مصادر الخاصة ...-بتريقة- مو زي مصادر الاخت فجر ..
،
،
،
،
يوم السبت الساعة الثامنة صباحا !!
نفس كل يوم فتحت باب البيت بتكشيرة وهي متوقعه انها تشوف فجر ... بس اللي استغربته انها ما كانت موجوده !! سندت راسها على باب شقتهم وهي تستناها تخرج !! الاحتمال اللي جا على بالها بدون تفكير ..انها نايمة ..
خرجت جوالها من الشنطة ودقت عليها سمعت صوت رنت جوالها ورفعت عيونها للباب اللي انفتح ..ما عرفت تضحك ولا تسكت وتراعي مشاعر صحبتها .... بس لمن تكلمت وسمعت صوتها انفجرت ضحك ..
ريم :ههههههههههههههههههههههههههههههه ههههههههه .
طالعت فيها بنص عين وهي تمسح انفها الاحمر بالمنديل..
فجر بصوت ثقيل : خــــيــــر .
ريم :هههههههههههههههههه ليش كدا شكلك هههههههههههه .
فجر: ايش فيه شكلك ؟!
مسحت عليها بنظرة سريعة ورجعت تضحك ثاني
ريم:ههههههههههههههههههههههههههههه .
رمت علبة المناديل اللي في يدها عليها وهي تبغاها تسكت ..مافيها حيل تتكلم !!
فجر بأمر: رجعيها !!
مسكت العلبة وقربت منها واعطتها هي بعدت بسرعة وهي تشم ريحه الفكس !! مو قادره تمسك ضحكتها اكثر ضحكت بقوة وعيونها دمعت !! ....
سكتت لمن شافتها ترجع تقفل الباب ..
ريم بسرعه : لااااا لا تقفلي ..
فجر: ايش تبغي ؟!
ريم : ما حتروحي الجامعة ؟!
فجر وهي تأشر على نفسها : وهذا شكل وحدة تروح الجامعة ؟!
ريم :ههههههه لا...... بس مو منك من البجايم اللي لابساها ونافختك نفخ !! بالله كم وحده لابسة !!
فجر : مدري يمكن ستة أو سبعه .
ريم :اوووه ليــش كل دا !!
فجر : برد ..صحيت الليل حسيت راسي تقيل من الحرارة ..فتحت الدولاب واللي شفته قدامي لبسته !! .
ريم : ههههههههههه سلامتك سلامتك ..خلاص ولا يهمك انا اكتب عنك المحاضرات .
قربت منها تبغى تحضنها تعبير عن شكرها لها ... بس بعدت بسرعة قبل ما تقرب زياده ..
ريم : لاااا وخري ريحتك فكس !!
فجر بترجي : لا تتريقي ..بابا حطلي هوا غصب ..عشان اطيب ..
ريم :هههههههههههههههه سلامتك يا عمري ..يلا انا بروح تأخرت .
فجر: لمن ترجعي تعالي عندي سليني .
ريم: ولا يهمك من عيوني يلا باي ..
،
،
،
خرج من الفصل بعد ما خلص الدوام ..ماسك بيده سجادته اللي فيها الكتب وصوت شبشبه ( الله يكرمكم ) مختلط مع اصوات اصحابه اللي متوجه لهم ...على كثر ما تهزأه امه وتريقت عليه اخته عشان الطريقة اللي يروح فيها المدرسة ..بس هو مقتنع ..لان اغلب الشباب يجوا بنفس الشكل!!
سلم عليهم ودخل معاهم في الكلام ..ماحس الا باليدين الخشنة الضخمة اللي تسحب ثوبه من ورا .
ياسين بدفاشة :نزل يدك ..لأكسرها لك !!
.......:انا لمن اكلمك ترد عليا فاهم .
ياسين بسخرية وهو يطبطب على كتفه : حاضر يا....يا ماما .
اصحابه اللي وراه ضحكوا على وجه الولد اللي انقلب وهو ضحك معاهم ..بس اللي خلاه يسكت ..يد الولد اللي جات بقوة على وجهه ..رفع راسه والشرر يطلع من عيونه ...قرب منه ومسكه من ثوبه بقوة ..
ياسين بصراخ : قـــــــــدهــــــــــااااااااااا .
ما ستنى رده لانه بدأ يضربه واصحابه معاه ...لمن شافوا اصحاب الولد صاحبهم ينضرب دخلوا معاهم يفزعوا له !!
اصوات الشباب اللي حولهم كان مرتفع وهم يحموا المضاربة ويشجعوهم بدل ما يباعدوا بينهم !!..
كان يضربه وينضرب بنفس الوقت ...ثوبه تشقق !! وشعره انتفش ..كانت تجيه ضربات على وجهه وكان يحاول قد ما يقدر انه يتجنبها ........
عيونه جحظت للخارج وجسمه انتفض نفض ...لمن دخلت السكينة الصغيرة في بطنه !!!!!!!!!!!

،
،
،

.................................................

الله عليك الله عليك مجنون أنا
والله فيك مجنون أنا والله فيك
كلي لعينك يالغلا تامر حبيبي
وش عليك تامر حبيبي وش عليك

دامك ملكت العقل كله
قلبـي معاك هذا محله
لك قــدرٍ ماحدٍ وصله
مفنود وأنا أموت فيك

يا نجم ومنور سماي
يا أمسي الحاضر وجاي
يا نبضي وصافي هواي
أبيك أنا كلي أبيك


الـــــبــــارت الــــتاســـــــع
الرياض ....
وصلت للمكان اللي دايما تجلس فيه مع ود ...دورت عليها بعيونها بس ما لقتها ..تنهدت ورفعت جوالها تدق عليها ....من اول دقه ردت .
ود: الووو..
منار: انتي وين ؟!
ود : ليش ؟! مو انتي قلتي احنا مو صديقات ؟!
سحبت كميه كبيره من الأكسجين لداخل رئتها ..
منار: انا اسفة...ما كان قصدي ازعلك ...عادي اشوفك .؟!
ود بدلع : اممممممم ...اوكي وانا قبلت اعتذارك ..وترى انا وراك .
لفت وشافتها وراها ...قفلت جوالها وحست بيدين ود تلتف حولها ..
تضايقت بس ما حبت تزعلها ..لفت يدينها حولها بتردد..
ود وهي تبعد عنها وتمسك يدها ..: تعالي اعرفك على قروبي..
منار بضيق : لا ود مابي .
ود بدلع : اووكي ..خلاص تعالي نجلس ..بس بعرفك عليهم يوم ثاني ..

♡

جده ...
انتهى الدوام وجلس يرتب كتبه في شنطته بنرفزه ...غصب عنه صار ياخذ شنطة للمدرسة بعد ما اتضارب مع الولد ....قفل السحاب وجا يخرج بس اتقفل باب الفصل !!!!!!!!!!!
نفس الولد اللي دخل السكينة فيه ومعاه ولدين ...واحد على يمينه والثاني على يساره...رفع حاجب وشال شنطته ... قرب منهم وجا يعديهم بس منعته يد الولد .
.....: وين يا ابو الشباب ..ترى حسابنا ما خلص ..
ياسين بتريقة : صح ما خلص ..لانك شردت زي الحريم يا حرمة !!!
عصب الولد وجا صاحبه يضرب ياسين بس وقفه بيده ..
.........: بس انتا اليوم اللي حتصرخ زي الدجاج مو الحريم ..
اتوقع انه بينضرب زي المرة اللي فاتت ..وقف مكانه وما تحرك وهو يشوف الولد يقرب منه ...بس لمن مد يده لجسمه وبدأ يحركها عليه ...استوعب ايش يبغى ..دفه بقوة ...وقبل ما يمشي ثبتوه اصحاب الولد........


♡


فينيسيا ...
وقفت على البلكونة وهي طفشانه ...ابدا ما توقعت تجي هنا ويكون الطفش مسيطر عليها ..من اول ما وصلوا نام بدر وهيا ما جاها نوم ...فينيسيا حلوه بس ما تعتقد انها حتشوف جمالها مدام بدر نايم .....(المدينة العائمة ) حتى اسمها حلو .....فيها روعه ...بمياهها ...قواربها .. جسورها ...حرك الهواء خصله من شعرها ...حست بالبرد وقررت انها تدخل الغرفه ....قفلت البلكونه ...وشافته لسى نايم ...قربت منه بهدوء وهزت كتفه..
سارة : بدر ...يلا قوم ما شبعت نوم ...ترى انا طفشانه !!
......
سارة : بدوووري يلا قوم ..
طالع فيها وعيونه حمرة بدر بعصبيه : ســــارة روحـــــي عــنـــي .
سارة : ايش يعني ما حنخرج ؟!
بدر بعصبيه :مــــا في خـــرجه...يلا روحي....ولا تقـــعدي تحنــــي.
انقهرت هيا عروسه مفروض ما يعاملها بهادا الاسلوب ...بعدت عنه وفتحت التلفزيون ...حست الطفش تضاعف عندها ...قفلته ورجعت وقفت على البلكونة .


♡


جده ...
دخلت مع فجر بيتها ...سلمت على امها وجلست معاها شويا وبعدين راحوا الغرفة ..
فجر: متى حيرجع ياسين ؟!
ريم : ما اعرف ...انا نفسي انااااام..
فجر: لا تنامي هنا ...روحي بيتكم و نامي .
ريم بشهقة : تطرديني؟!
فجر بمزح: ايوه زي ما طردتيني انتي واحمد امس ..
ريم وهي توقف : اشبعي في الغرفه ...لمن ننقل قولي يا ليت ترجع ريم ..
ضحكت وجلستها على السرير ...
فجر وهي تضمها : لا حبيبي انتي ..لا تسيبيني ...انا احبك احوووووبك.
ريم : هههههههه حتى انا احبك بس بعدي عني شوي..
فجر : متتى حتبدئي تجهزي.
ريم / ما اعرف يمكن في الاجازه ..
فجر: اوووف في الاجازة...انتي زواجك في العيد....انا اقول روحي كل خميس وجمعه ولما تجي الاجازه روحي كل يوم..على الاقل تنجزي اشياء كتيير .
ريم : ان شاء الله ..حتجي معايا اكيد ..


♡


اتوقع انه بينضرب زي المرة اللي فاتت ..وقف مكانه وما تحرك وهو يشوف الولد يقرب منه ...بس لمن مد يده لجسمه وبدأ يحركها عليه ...استوعب ايش يبغى ..دفه بقوة ...وقبل ما يمشي ثبتوه اصحاب الولد........
صرخ بأعلى صوته وهو يحاول يبعد يدهم عنه ....مو مستوعب اللي قاعد يصير له ...الولد يحاول يتحرش فيه !!!!!!!!!!!!!! صرخ وحاول يدفه برجوله بس اصحاب الولد مثبتينه بقوة...............
انفتح باب الفصل بقوة ومن الخوف شالوا يدينهم والولد رجع على ورى....
كان في المستودع ...بس لمن سمع صوت الصراخ توجه للفصل ...
الفراش >>عامل النظافه : انتا وياه ايه بتعملو ؟؟؟ د انا لازم ائول لأوستاز علي ..
ياسين بإندفاع وخوف : ايوه لازم تقول له لازم يجي و يشوف الشي اللي سكت عنه اتطور لاي مستوى ...
قلبه كان يدق بقوه واطرافه ترتجف.....حمد ربه انه ما صار فيه شي ...وانه انفتح الباب بسرعه ....
^
^
^
ترى الموقف مو من الخيال .....الموقف دا حقيقه 100%لانه الشخص اللي مر في هذا الموقف انا اعرفه وقريب مني ...



♡


من اول ما رجع وهو في حضن امه ...خايف يبعد عنها ...الدنيا كلها وحوش ....يحس برعب من اللي صار ....زاد من شده على امه وهو يخبي وجهه في حضنها......
قربت منه الليمون وهي ملتزمه الصمت.....حاسه بإحساس الخوف اللي مسيطر على ياسين ...بس يمكن احساسها بالخوف كان اكبر .......جلست على كرسي التسريحة في غرفة امها ....عيونها على امها وياسين اللي متمدد على السرير وامها تقرأ عليه قرآن ....كأنها تشوف نفسها مكان ياسين ...بس ياسين عكسها ....متماسك ..وهيا كانت تبكي بألم وبخوف ورهبه ....ما كانت تفارق امها ولا لحظه ...نفضت الافكار من راسها وهي تقوم للباب اللي دق جرسه ........

لكل منا ذاك السر الحَزين الذي يُبكيه ليلاَ


♡


من اول يدق على جوالها بس ما ترد ....استغرب وحط جواله على الكمودينة ... غريبه من اول دقه ترد عليه....
رياض: خلاص خلاص اثقل شويا ..
احمد: يا رب تجرب وتشوف كيف قلبك يحترق لما ما ترد عليك ..
رياض بتكشيره : لااااا ان شاء الله ..انا ثقل مو زيك .
احمد : بالعكس بالحب ما في ثقل وما ثقل ..هذا كلام الهبل زيك ..خليني ادق عليها ابرك من وجهك ..


♡


فتحت الباب وسحبها يوسف للصالة ...
يوسف بتوتر : ايش صار؟!!
ريم بحزن : نفس الولد ...-بتردد-.حاول ...حاول يعتدي عليه ..
يوسف بصدمة : أيــــــــــش؟؟!
ريم : يوسف لا تعلي صوتك ...تراه تعبان ..
حط راسه بين كفوفه ...وتنهد ...يوسف: المدرسه سوت شي ولا كمان لا ؟؟!
ريم : الا لانه شافهم عامل النظافه ....و قال للمدير ..وفصل الاولاد بعد ما كتبهم صحايف سلوك ..
يوسف: ياسين لازم ينقل من المدرسه ...مستحيل اخليه فيها ..


♡


فينيسا ...
ايديهم متشابكم وهم يتجولوا في ساحه سان ماركو...شافوا متحف دوكالي بس ما دخلوه لان الشمس بدأت تغيب ..فقرروا يزوروه يوم ثاني ....عجبتها فينيسيا بحاراتها وطرقها المائية الضيقة ...تحس انها غـــير ..
بدر: ايش رايك ندخل المطعم دا نتعشى ؟!
سارة بإستغراب : نتعشى دحين .
بدر: ايوا دحين ..عشان يمدي نشوف اماكن ثانيه ..يلا ندخل.
جلسوا على طاولة والاضاءة في المكان كانت خافته وهادية .جو رومنسي..
سند يده على الطاوله وحطها تحت دقنه بعد ما طلب ..
سارة بخجل : أيــش؟!
بدر بصوت هادي: أيــش اللي أيــش؟! حرام اطالع في حبيبتي ؟!
نزلت راسها وهي مستحيه منه ....بدر يعجبها بس اللي تكره فيه عصبيته ..رفع راسها بأطراف اصابعه ..
بدر: لا تنزلي راسي .
سارة : بدر ...ممكن طلب.
بدر: انتي تأمري ما تطلبي.
سارة ببتسامة : تسلم .....ممكن تخفف من عصبيتك ...ترى تضايق.
بدر بتنهيده : ما حوعدك ..بس عشانك ححاول ..
سارة ببتسامه : وانا كمان ححاول اني ما اخليك تعصب .
سكتوا وهما يشوفوا الويتر يجيب طلبهم ..


♡

جده...
دخلت الغرفة وهي في حالة اكتئاب شديده ... مر اسبوع على اللي صار مع ياسين ..وطول الاسبوع ما ردت على مكالمات احمد ....حاسه بتأنيب الضمير اتجاهه ...صح هو ما له أي دخل ....بس اللي صار لياسين رجع لها ذكريات بشعه بطريقة مصوره......مع ان الذكريات ما نمحت من ذاكرتها رغم انها مرت عليها سنوات ...حاولت تتناساها بطرق كثيرة.....وعشان تبعد عن الاجواء اللي خنقتها ....راحت عند جدها وجدتها ونامت عندهم طول الاسبوع ...حتى الجامعة ما راحتها .....اكتئاب اكتئااااااب.....
دفنت وجهها في المخدة اول ما دق جوالها بنغمة رسالة .....عارفة انها من احمد ....هيا تحبه ومن حبها له خايفه انه ما يكون سعيد معاها....رسايلة كلها عتاب لها لانها ماترد عليه ولا تتصل ....



♡


فينيسيا....
واقفين على جسر ريالتو ...تحتهم القوارب تمر وعيونهم عليها....كأنهم في فلم قديم وحواليهم المباني اللي اساساتها تحت المويا ...في أي مكان يروحوه فيه سياح من مختلف الجنسيات ....
بدر: تعرفي ...انا كنت اروح عند ابويا اللي هوا خالك بس عشان اشوفك ..
سارة بإستغراب: خالي ؟؟
بدر بتأكيد: ايوه خالك ...يصير ابويا بالرضاعة ...لانه زوجته الله يرحمها تصير خالتي .. كنت اروح هناك كل جمعه عشان اشوفك اذا كنتي موجوده ولالا ؟.
سارة: ماكنت اتنبه لك الا في بيت اهل ماما ........ انتا كنت تطالع في بنات الناس؟!!!!..
بدر: هههههههههه لا والله انتي الوحيده اللي كنتي تلفتي انتباهي ..احسك غير عن بنات خالتي الله يرحمها هااادئة ..
سارة ببتسامة : حلو يكون عندك اخوان بالرضاعة .
بدر: حلو ..ربي يرزقك بواحد من السماء..
سارة:ههههههههههههههه اتخيل بعد كل هذي السنوات ...لا مره مستحيل.
بدر: ههههههههه يلا نرجع الفندق ..


♡


جده....
رمى الجوال في الارض بقهر ....ليش ما ترد عليه ...ما يعرف اخبارها الا من امها ....عرف انها راحت بيت جدها عشان جدتها تعبانه ...بس هوا مو مقتنع ...ولما سأل فجر عنها قالت انها ما تداوم في الجامعه !!!
يحس انه ممكن ينفجر في أي احد ...جات في باله فكره وشال جواله من الارض وسحب مفاتيحه وخرج !!!!!!!


♡


جده ...
في مكان جديد =)
نزل نظاراته الطبية وهو يشوف بنت اخته تجري بإتجاهه ..بعد الاوراق وحطها على الكنب جنبه وفتح له يدها ....
يعشق الاطفال ..باسها على خدها بقوة ..
جوان : خالو و حشتني قد كدا.
فتحت يدينها ورجعتها خلف ظهرها وهي توصف ..
حسام ببتسامة : حتى انتي يا عيون خالو ....وين ماما ؟
جوان : في الصالة مع خاله نور وستوو .
شالها وخرج متوجه للصالة ...
(حسام ...29 سنه ...دكتور اطفال ...اسمر ...عيونه ناعسه بنيه ...حواجبه عريضة ..... انفه صغير طويل ...شفايفه مليانة ...فكة السفلي متقدم بشكل ملحوظ معطيه شكل حلو ...انسان مثقف .. يحب الاشياء الغريبة وتلفت انتباهه )
شافهم متجمعين في الصالة ويتكلموا ...
حسام : نور البيت والله بجمانة ..
قامت تسلم عليه ..جمانه : منور بأهله ..
حسام : كيفك ؟!
جمانه : الحمدلله ...وانتا كيفك وكيف شغلك!!
حسام : الحمدلله كل الامور تمام...
جمانه : مو ناوي تفرحنا وتتزوج ..ترى خلاص شيبت ..
حسام ببتسامة : ليش ماقالت لك امي ؟!!
جمانه بإستغراب : ايش تقول.؟!
نور بلقافة : حسااااام قرر يتزوج .
هز راسه بيأس : ما تسيب لقافتها ...-وجه كلامه لنور- روحي شوفي كتبك احسن لك ..
تأففت وقامت من عندهم وهي تتحلطم..
جمانه : ومين حتخطب؟!
ام حسام : تفتكري فجر ؟!
جمانه وهي تحاول تتذكر : مين فجر؟!!
ام حسام : فجر بنت جيراننا في العمارة القديمة.
جمانة : ايوه ايوه تذكرتها ....بس فجر مليانه ...
ام حسام : لاااا هذا زمان ..دحين ما شاء الله جمال ..ونحف ..زي عارضات الازياء.
جمانه بإستغراب: من جد !! الله يوفقك ..
(جمانة ... 24 سنة ...متزوجه من اول ما تخرجت من الثانوي ...ربت منزل ...قصيره ....سمرة ...عيونها ناعسه بنيه ...شعرها قصير إلى رقبتها ...نحيفه ...عندها بنت واحده عمرها 5 سنوات اسمها جوان )



♡


نزلت الدرج ببطء ..مستغربه ليش جا يوسف بيت جدها !!! حتى انه ما أتصل عليها...يمكن يبغى يرجعها البيت ...بس حتى امها ما دقت وقالت لها ترجع ...يمكن قالت لجدتها قبل ما تخرج ونسيت تقول لها و خرجت مع جدها!!... استغربت انه مو جالس في الصالة !! تنهدت وهي تفتكر ان الخدامة قالت لها انه في المجلس ...توجهت للمجلس ..وهي تحس انه تصرفاتهم غريبه اليوم ....دخلت المجلس وجات عيونها عليه وهو واقف يطالعها بعتب .......


♡


ينبع...
قفل الملزمة بملل ورماها على صاحبه النايم في السرير الثاني ...جات في راسه بقوة بس ما حس ..كأنه ميت مو نايم !!!...طفشان حياته يحس من زمان ما سوى شي يضحكه.... خرج من الغرفه وهو يدور اصحابه الثانين ..شاف واحد عند التلفزيون ورجوله على الطاوله ...والثاني في المطبخ ياكل ..
إبراهيم من عند باب المطبخ : هيه سمور تراك انتا اللي تخلص الاكل ..وتخلينا نهايه الشهر على الكروسون و شبس بالملح ..
مارد عليه وكمل ياكل ولا عبره ..انقهر منه ..ودخل المطبخ ...اشتهى الاكل اول ما شافه..... وبدأ ياكل معاه ..
سامر وفي فمه اكل: مو قلت انا اللي اخلص الاكل ...ليش جيت تاكل معايا .؟!
ابراهيم بإشمئزاز : ابلع بعدين اتكلم يا معفن ..
سامر : بكيفي .
مسح اللي جاه على وجهه وخرج من المطبخ وهو قرفان ..
رمى نفسه على الكنب بقوة..
ريان : بعد ..ايش فيك لازق ؟!
رمش بعيونه ونعم صوته : من الحب يا قلبي ..جيب بوووسه .
ريان: وع بعد عني ..
مد شفايفه ..ابراهيم : بووووسه اممممممممممواه .
عقد حواجبه بقرف ..ريان : ابراهيم!! انقلع عني ..
ابراهيم بمزح : اول اعطيني بوووسه وانا ابعد عنك ..يلا بووووسه .
ريان بعصبيه : ابـــراهـــيـــــم انــــقـــلع ..
ابراهيم : يعني ما في بوووسه .
ريان بعصبيه: فـــي علـــبه مــناديــــل بـــتجــي فــي جــبهــتك...
إبراهيم :ههههههههههههههه عصبتك .
ريان : قـــصدك قـــرفــتني ...الله يعين زوجتك اذا تبغى تبوسها كذا .
ابراهيم :الا زوجتي ها !!...اقول قوم قوم ...خلينا نزعج سلوم ...
ريان : حرام خليه نايم .
طنشه وقام و هو مستعد يسوي أي شي عشان يبعد طفشه ..
دقايق قليله وسمع صرخة سلمان .....وشاف إبراهيم يجري بسرعه وهو يضحك ووراه شبشب ( الله يكرمكم ) طاير .....


♡


الرياض...
نقلت الجوال لأذنها الثانيه ....صار لها فوق الساعتين تكلمها !!! في هذا الاسبوع علاقتها مع ود صارت قويه ...حاولت تتقبلها وتكوَن صداقات ...مع انه طريقة تفكير ود واستايلها وحتى شكلها غير عنها ...ود شعرها قصير ..اقرب للبوي..ونحيفه و الحلقان منتشره في اذنها وتحت شفتها حتى حواجبها فيها حلق !!! بس ما اهتمت لشكلها ..اهم شي اخلاقها وهي معاها طيبه ...
ود بدلع : ميمي ..لا تغيري الموضوع ..متى تبغي تتعرفي على قروبي ؟!
منار بضيق : ود انتي تعرفين اني ما اتقبل الناس بسرعه .. فلا تضغطين علي ..
ود : طيب طيب ...بس لازم تتعرفين عليهم ..تراهم حبوبين ..
منار : ان شاء الله


♡

جده..
دخل بيت جدها بعد ما اخذ العنوان من يوسف ...استقبلته الخدامة وقال لها تقول لريم انه يوسف ...لانه عارف انها ما حتنزل له ....مو عارف سبب تهربها منه ..وجاه هنا عشان يعرف منها ...
اول ما دخلت وشافها ..اتفاجئ من شكلها ...خصل من شعرها المموج طايحه على وجهها الذبلان ...شكلها نحفانه ..بس مو معقوله تنحف في اسبوع ..الا اذا ما كانت تاكل ابدا !!! ....لابسه بجامه ورديه وشكلها كانت نايمة من عيونها ...
اول ما شافته جات ترجع .....احمد ما يستاهلها يستاهل احسن منها ...
مسك يدها بقوة قبل ما تبعد ولفها عليه ..
احمد بصرامة : ما حتروحي مكان ...تعالي نتفاهم..
سحبها بدون ما يعطيها مجال انها تتكلم وجلسها على الكنب بقوة وجلس جنبها ...
احمد : ابغى افهم ليش ما تردي على اتصلاتي ..
ما تكلمت مو عارفه ايش تقول ..تقول له انه ما يستاهلها لانها تخاف انها ما تسعده ...بس الدكتوره قالت لها انه ما فيها شي والكوابيس بطلت تجيها ...بس الخوف مسيطر عليها !!!!! مو عارفه كيف تتصرف ..
احمد وهي يضغط على يدها : ريم انا اتكلم معاكي ..
بلعت ريقها ..ريم : احمد ..انا ..انا اسفة .. بس نفسيتي تعبانه شويا ..
احمد : وعشان نفسيتك تعبانه ما تردي عليا ...على الاقل ارسلي مسج وقولي انه نفسيتك تعبانه وما تقدري تكلميني... – سؤال وشك -ريم انتي في شي مزعلك مني ؟!
هزت راسها بالنفي ..ريم : لا ..انتا ما سويت شي ...بس زي ما قلت لك انا نفسيتي تعبانه .....اوعدك ما اعيدها .
تنهد براحه وخف من مسكته ليدها ..
احمد: خوفتيني ..خليتي كل الافكار السيئة تجي في بالي ..
ريم : اسفة ..والله ما حعيدها ..
باس راسها ..احمد : خلاص يا عمري..انا عاذرك ..بس لا تعيديها!!
ريم : ما حعيدها ان شاء الله ...
احمد : انا ما ابغى شي يأثر على علاقتنا ...
هزت راسها وبهمس : ان شاء الله ما يأثر عليها شي..
قامت وجات تمشي بس مسك يدها بسرعه
احمد : وين وين ؟؟؟ انا ما صدقت اشوفك ..
ريم بخجل : ابغى اغير بجامتي..
احمد بخبث : بس شكلك بالبجامة احـــــلى .
بعدت يده وخرجت بسرعه وهي تسمع ضحكته العاليه ..
احمد بصوت عالي .: جيبي عبايتك عشان نخرج ...

مَ يشبهونگ لو قاارنت ♡ الكل فيـگ ♥♥

♡


قفلت الجوال ببتسامة .. اولادها كبروا ..قبل شهرين احمد ..واليوم فجر جاها نصيبها .. فكرت كيف تفاتحها بالموضوع ..وقاطع تفكيرها هزات على كتفها ..
فجر: ماااماا.
إيمان : نعم نعم!!
فجر: قولي لرياض يخرجني طفشت ...حتى ريم مو موجوده اروح عندها ..
........
فجر: ماااماااااااااااااا
إيمان بحنان: فجر اجلسي ابغى اكلمك حبيبتي..
جلست و تكلمت بسرعه : ايش فيه ..ايش تبغي تقولي ..يلا قولي بسرعه ...يلاااا.
إيمان : حبيبتي ...انتي ماشاء الله كبرتي ..وصرتي احلى ..
فجر بمقاطعه وهي معقده حواجبها : عشان كنت دبة وانا صغيره .. جالسة تمدحيني دحـــ......
إيمان بمقاطعه : في عريس متقدم لك ..
فجر بفهاوه : هاااه ؟!!
إيمان بحنان : ايوه يا ماما ..عريس ..زيك زي ريم ..وانتوا ما شاء الله مو ناقصكم شي ..
استحت ونزلت راسها وهي تفتكر دعوتها ..انها هي وريم ينخطبوا مع بعض ...وما في فرق بين الفتره اللي انخطبت فيها ريم وخطبتها ..
إيمان : تفتكري حسام ولد جيراننا ...ما شاء الله صار دكتور ..وهو اللي خطبك ..
اتفاجئت ..حــــســـــــــــــــــــــــــــام مو معقول ..
فجر بإندفاع : انا مو موافقه ..


♡


سلم من صلاته وهو يشكر ربه على انه ما صار فيه شي...خرج من غرفته للصالة ...تمدد على الكنب وحط راسه على رجول امه ..اللي مسحت على راسه بحنان وهي تدعي في قلبها بالسعادة لأولادها..
ياسين بهدوء: متى حترجع ريم ؟!!
زينة : ما اعرف والله ..شكلها عجبتها الجلسة عند سيدك ..حتى الجامعة ما صارت تروح ..
ياسين : انا طفشت ايش رايك اخرجك بما انه اليوم خميس..
زينة : رامي يبغى يجي ...
ياسين : خلاص يجي معانا ..ويجيب خالتي .


♡


سند ظهره على كرسي السيارة وفي يده عصير ((ركب النمل)) يعشق هذا العصير مع انه اسمه غريب!! عيونه على الناس الرايحه و الجايه ...يحب يجي هنا ..في حواري جده القديمه ....البلد ..حارة البدو ..وحارة المظلوم ..
يحس انها على رغم من قدمها ..الا انها تبقى اماكن جميله تتميز فيها جده ..بمبانيها القديمه....وشوارعها الضيقة المعرجة !! ...
ضحك وهو يشوف بنتين باين انهم افريقيات ورجال يلعب بظفاير شعرهم وهم يبعدوا يده بقوة.. بس لمن اعطاهم الرجال فلوس خلوه براحته !!
حط العصير في مكانه وحرك السيارة ...دخل في حارة مظلمة وضيقة..... وقفت قدامه سيارة....رجع على ورا بس كانت في سيارة موقفه كمان وراه...طالع يمينه ويسارة وشاف سيارتين ..حس الموضوع فيه شي...قفل سيارته وفتح الباب ونزل !!!!!!!!!!!




أبيك حبي والغرام
وأهيم بك حد الهيام
أهواك ما فيها كلام
وأرخص لك الدنيا وأجيك


خذها على قلبي وعد
إنـي أحبــك للأبد
ما صار قبلك أو بعد
دايم عيوني تحتريك

تامر على روحي أمر
فدوة عيوني والعمر
يا شمس يومي والقمر
دامك حبيبي وش عليك


.................................................. ......