عنوان الموضوع : رواية يعني بنفترق ؟بقلم:: فتاة طموحة - رواية جميلة
مقدم من طرف منتديات الشامل

بدأت عطلة الصيف ومها قاعدة بملل ماتدري شتسوي ، ادخلت أمها
ام نايف :مهاوي يمة شرايج تمشين معاي عند خوالج
مها بارتباك : لا مابي
أم نايف :مايصير يا بنتي لازم تروحين من زمان ما رحتيلهم
مها: يمة تكفين ماابي


دخل نايف عليهم : اشفيج انسة مها ؟
مها بعصبية وودها تكفخه : مو شغلك يلا اطلع برى غرفتي قطيعة صج لزقة .
نايف بهدوء : اقول يمة شرايج نشيل مها و ونوديها بالغصب بيت خوالي .

ام نايف : ههههه اي والله
مها بحزن : خلاص زين بروح معاكم
نايف : عفية على البنت اللي تطيع اهلها

إلبست مها وانزلت تحت لقت أبوها سرحان نادت علية مارد فجأة اطمرت قدامه ولا يفز ابوها ، ابو نايف : اسم الله الرحمن الرحيم


مها بضحة : شسوي فيك ماترد علي
ابو نايف : ها اشتبين امريني يا عسل
مها : سلامتك بس ليش سرحان ؟
ابو نايف : افكر برسالة الدكتوراة بودي اكملها
مها : اي والله يبا كملها عشان اصير بنت الدكتور فيصل
ابو نايف : من عيوني انشالله


صوت هرن سيارة نايف
مها : هذا نايف اكيد معصب يلا يبا فمان الله
ابو نايف : بحفظ الرحمن
اصعدت السيارة مها مع امها واخوها
نايف : مابغينا
ام نايف : ههههه يحليلك يا مها
مها بتعجب : شسالفة
نايف : لا بس كنا نحش فيج شوي
مها : مايهمني


عم السكوت بالسيارة , ومها خايفة و مرتبكة نايف كان عنده شغل وما قدر ينزل يحضر معاهم فنزلهم وراح بعد ما وصلت مها وامها بيت خوالها وهي تدعي انه ما يكون موجود ؛ اول مادخلت الا وهو بوجهها عبدالله: هلا بالقمر من زمان ما شفتج
مها : عبدالله يرحم اثنين جابوك ابعد عن المشاكل
عبدالله : يرحم اثنين جابوج انتي ليه معذبتني


ام مها تونها تدخل : قوة عبدالله شلونك يمة
عبدالله : بخير الله يسلمج انتي شلونج ؟
ام مها : الحمدالله تمام


عبدالله بخبث : عمة انا بطلع مع سارة للمجمع ماعليه مها تمشي مع سارة عشان يستانسون
ام مها : اي عادي يمه
مها : بس انا مابي اروح
سارة تدخل الصالة : لا بتروحين حبيبتي يعني شنو اروح بروحي ؟
مها : مو قصدي بس يعني
ام مها تقاطع مها : لا يعني ولا شي روحي استانسي



عبدالله بفرحة : انا انطركم بالسيارة
اركبت مها وسارة السيارة وعبدالله طول ماهو بالسيارة طايح خز بمها ,وسارة بالسيارةماخلت سالفة ماقالتها , واما مها ودها ترجع لبيتهم ، ادخلوا للمول واقعدوا يتمشون ومها بس تحاول تبتعد قدر ما تقدر عن عبدالله ، بعدها سارة قالت لعبدالله : عبيد بس خلاص كافي خز بالبنت ارحمها ياخي
عبدالله بدلع: شسوي ياسارة غصبن عني
سارة: ترى والله ما نخطبها لك
مها بقلبها : اي هين اذا وافقت اصلا
عبدالله : اوك خلاص ببطل خز



وبعد ماخلصوا من المول اطلعوا وتعشوا بالمطعم ، بعدين ارجعوا اول ما ارجعوا ماصدقت مها قالت لامها انا تعبانة ابي البيت وارجعت للبيت حطت راسها على المخدة واقعدت تفكر شنو بيصير بالايام الجاية وتفكر صج راح اكون زوجة هالواطي لا مستحيل ابوي مايرضى يزوجني فاشل وغير جذي مغازلجي وقعدت تفكر وتفكر لما غلبها النوم من غير لا تحس

نايف قاعد بغرفته و يفكر ببنت جيرانهم فجر ااه يا فجر بس لو تعرفين شكثر احبج .... خلاص يا فجر كلها شهور واجي اخطبج وتصيرين لي .

اقعدت مها من النوم الساعة 4 الفجر على رنة مسج تلفونها مها : صج البنت الفاضية اللي تدز مسج الحين افتحت المسج ولا تلقى المسج من رقم غريب ومكتوب في المسج (((ميزني الحرمان في فقد غالي ))) استغربت مها و ارجعت نامت مااهتمت للموضوع لانه يمكن غلطان .

ام نايف :الو هلا بام تركي
ام تركي : شلونكم وش اخباركم؟
ام نايف : بخير الله يسلمك
ام تركي : والله احنا مشتاقين لكم و اخبار الكويت
ام نايف : الكل بخير
ام تركي : عساه دوم
ام نايف : متى تجوون ترى طولتوا بلندن
ام تركي : الحمدالله على كل حال خالد ولدي وخلص دراسته
ام نايف : الحمدالله
ام تركي : انشالله بعد اسبوعين بالديرة
ام نايف : على خير انشالله

سارة بغرفتها تفكر بمها يحليل مها من زمان ماكلمتها خل اتصل عليها مها : الو
سارة : هاي يالقاطعه
مها : ههههههه نسيتج
سارة : ادري شفتي اني طيبة واتصل عليج
مها : يا شين اللي يتمنن
سارة : اقول انا بجي بيتكم اجي ولا اظف وجهي هههههه
مها : شدعوة حياج الله البيت بيتج
سارة: تسلمين اوكي باي
مها: بايات

ابو نايف قاعد على المكتب يكتب رسالة الدكتوراه لف على دريشة اللي جنبه ولا يشوف ولده نايف قاعد برة ويشوف بيت الجيران استغرب فيصل من تصرف ولده اتصل عليه


وقاله نايف اشفيك تطالع بيت الجيران وقاعد؟
نايف : لابس اشم هوا
فيصل : طيب روح لاي مكان لا تجلس وتخز بيوت خلق الله
نايف : حاضر يبا فمان الله
فيصل : بحفظ ربك

نايف قام من مكانه و حرك السيارة سلف راح للمكان اللي دايما يجيه البحر هو المكان اللي يرتاح نايف فيه .

سارة ومها يتهاوشون على الريمونت بالصالة سارة تصارخ على مها ومها تسحب الريمونت لما رن تلفون مها الا ومسج جديد نفس الرقم مكتوب فيه (((جمر الهوى لو ماطفيته حرقني وجمر الغلا لو ما شعلته تألمت))) انصدمت مها لما شافت المسج مستحيل يكون غلط ثاني مرة تصير اما سارة مادرت عن شي قاعده وتفرفر بهالقنوات ،،،،






يتبع......

>>>>> ردود الأعضـــــــــــــــــــاء على الموضوع <<<<<
==================================

السلام عليم
بداية موفقة باذن الله
اختي فتاة طموحة
نتظر الاجزاء القادمة بفارغ الصبر
مع تحياتي
أختك روابي الكويت

__________________________________________________ __________


روووعه
استمتعت بما قرات

في انتظار الجزء الثاني

دمتِ بحفظ الله ورعايته





__________________________________________________ __________
أم نايف تدخل بغرفة نوف أم نايف : نوف يا بنتي أنا أشوفج غير عن إخوانج ماتكلمين أحد ولا تسألين ليش أنت جذي ؟
نوف بابتسامة : يا يمة أنا شذنبي إذا كنت هادية بعدين أنا ما أحب أسوي حوار مع إخواني أحسهم أغبياء ..

أم نايف : هذا وانتي الجعدة وتقولين عن إخوانج أغبياء والله ماتستحين .
نوف : يمة افهميني أنا أحب اقعد بروحي احب اقعد بين كتبي و أقلامي أحب أشوف السماء و أفكر تفكيير عميق
أم نايف : ايه بنت فيصل نفس الحالة
نوف : هههههههههه


عبدالله كالعادة يغازل في المول و إلا يشوف هذييك البنت اللي تدخل مزاجه ، و يحذف عليها الرقم وهي قاعدة بروحها ، وتخز فيه وتقول له : والله إنك ماتستحي على وجهك . عبدالله : وربي أنا أذوب مااتحمل ,,,
البنت تقطع الرقم وتفل بوجهه وتروح وتخليه ،، عبدالله حقد على البنت وحلف إنه مايخليها بعد ماسوت هالحركة ولحقها لما وصلت بيتهم وعرف بيتها وابتسم ابتسامة خبيثة ، و قال : مو عبدالله اللي ينهان لكن والله لنزل راسج وتشوفين ,,,, وبينا الأيام

رن تلفون البيت وردت مها على التلفون
مها: الو
غدير : هلا مها
مها بفرحه : حمدالله على السلامة انتي عايشة بهالدنييا وينج يالقاطعة ,,,

غدير : هههههه والله السهر ذبحني يا بنت
مها : ههههههههه اي والله خلينا نستانس ورانا كرف بالجامعة

غدير : قلتيها ورانا كرف
مها: شلونج شخبارج
غدير: تمام الله يسلمج تعالي ليش مغلقة تلفونج
اطلعتلي البنت تقول الجهاز مغلق او خارج منطقة التغطية
مها باستهزاء : صج عاد
غدير : هههههههههههههههههه

إلا ونوف تنزل للصالة وتلقى مها نوف وهي مالها نفس : سكري التلفون بلا كلام فاضي يلا
مها بعصبية : خير انشالله مو كاني سمعت بزر يقول سكري التلفون غدير : وناااسة بدت حرب الخوات
مها : جب انتي
نوف : مالا داعي الحوار التافه اللي مع غدير
مها: استغفرالله ربي بلاني باخت معقده غير عن البنات يا بنت انتي بنت يعني سوالف كشخة ومكياج ومشاهير


نوف باستهزاء : و إذا اتتك مذمة من ناقص فهي الشهادة بأنني كامل


مها : جب انتي انتي خليج بغرفتج وبكتبج لحسن لج
نايف : اشفيكم تهاوشون
نوف كالعاده تخز بنظرات غامضة نايف : انتي هيييه لا تخزيين جذي أنا كم مرة انهيج عن الخز



نوف صعدت لغرفتها لانها ماتحب تكلم مع اخوانها من عمرها وتحب دايما تقعد مع ابوها لانها تحب الناس المثقفة وراحت عند ابوها وهو يكتب للدكتوراه



نوف : سلام مني لاهل العلم
ابو نايف : وعليكم السلام نوف تعالي عطيني رايج بالكلام اللي انا كاتبه ؟؟
نوف : من عيوني



ام نايف : اشفيكم تحشون باختكم
مها : انا عمري 18 وهي 16 وبالاعدادية ودايما تستصغرني


نايف : والله من الدلع غلطتكم انكم مدلعينها
ام نايف : حرام عليكم هذي اختكم



مها : على عيني وراسي بس مو لهدرجة
نايف: انا احس ان الدنيا كلها بكوم و نوف بكوم
ام نايف : خلاص عاد بسكم كلام


يتبع ....


__________________________________________________ __________
أم تركي : انشالله يا تركي بسوي لك حفلة لا صارت ولا ستوت
تركي : ليش يمة تعبين نفسج ؟ والله ما يحتاج
أم تركي : لا يا ولدي انت غالي علي و لازم اسوي لك حفلة
تركي : اوك يمة ترى الاسبوع الجاي طيارتنا انشالله
أم تركي : على خير انشالله

فجر قاعدة بغرفتها تفكر بنايف ياليتك يا ولد فيصل تدري وشكثر أعشقك يا ليتك بس وبهذي اللحظة بالضبط نايف بالبحر قاعد بروحه ويفكر بفجر ايه أحبك يا فجر ليتك بس تدرين ،،،،،


عبدالله دخل على ابوه وقاله : يبا زوجني
ابو عبدالله بفرحة : ومن هي سعيدة الحظ
عبدالله : بنت شفتها بالمول واعجبتني
ابو عبدالله: ماتبي من الجماعة؟
عبدالله : لا ماابي ابي هذيك البنت
ابو عبدالله : انشالله قلت لامك ؟
عبدالله : لا الحين بقولها
ابو عبدالله: اوك

بعد ما كلم عبدالله الوالده خلاص انتهى الموضوع والخبر وصل لمها مها افرحت وقالت فكة مابغينا ....


عبدالله وابوه راحوا لخطبة البنت وافق ابو البنت و البنت ماعندها اخوان ولا خوات واسمها حنان والبنت وافقت ، فرح الجميع وتمت الخطبة ،، وحددوا زواجهم بعد 6 شهور


ام تركي : هلا والله باهلي
ام نايف : هلا بجارتنا اللي من سنين ماشفتها
تركي : قوة ام عبدالله
ام نايف : هلا فيك
تركي : نور بيتنا
ام نايف: الله يسلمك اللي الشارع منور فيكم
ام تركي : تسلمين


تلفون بيت ابو نايف يرن محد بالبيت نوف كانت بالمطبخ لما اسمعت التلفون ردت


نوف : الو
سارة: واخيرا غريبة الاطوار ردت
نوف : والارض يمشي بها المجنون والصاحي
سارة : باختصار اخوي خطب وعرسة بعد 6 شهور لازم تحضرين
نوف: اذا ماكان جدولي مزدحم من عيوني
سارة : بلا جدول بلا خرابيط حمدالله والشكر تعالي اوك يلا باي
نوف: فمان الله


غدير : اف صج ملل اتصل على مهاوي احسن لي
مها : مرحبا
غدير : مرحبتين ،،، عندج احد
مها : لا
غدير : اوك انا عندج
مها : حياج الله


يتبع...







__________________________________________________ __________
f
fffff
رووووووعـــــــه
تسلمي على هالرواية
ونشاء الله نشوف جديدك
والرائع لا يأتي ألا بالأروع
fffff
تقبلي مروري
عبد الله القرني
(ALM7ZOON)


رووووووووووووووعة

ننتظر الباقي

يسلمووووووووووو