عنوان الموضوع : غيض من فيض
مقدم من طرف منتديات الشامل

هذه قصه كتبتها اختي وهي اول قصه لهااا وياليت تعجبكم وابغى اشوف الردود عليهاااا سوءاً كان ايجابي او سلبي

اسم القصة (غيض من فيض )



¤ غيض من فيض ¤
(تفاجأت لماشفت رجال معاه كرسي مدولب وقال لي: خليها عنك انا اوصلها للمستشفى) ...
إليكم ما لدي في جعبتي.. قصتي هي كل ما استطيع أن اعطيكم فهي كل ما املك...
أنا مياسه الأخت الوسطى في هذه العائله ولدي من الأخوات ما اراد الله أن يكون لدي... اختي الكبرى فريال (25س)
اختي السابقه لي مياده (21س)
أنا.مياسه الاخت الوسطى (18س)
اختي الصغرى ريفال (16س)
خالد اخر العنقود ومازال في لفته( شهر واحد)...
منيرة أمي الحنون ...
سعود أبي الموقر...
بعد اسبوع سيكون يوم إنتقالي من الرياض لجده وستكون هذه بدايه النهايه...
بسم الله نبدأ في سرد القصه
(اليوم الأول من بدايه اسبوع الإنتقال)
فتحت عيوني إلا بوجه معفن فوقي صرخت بأعلى صوتي صحيت اهل البيت على صوتي واقوم الف روحي عدل بالحاف عشان مايقدر إلي فوقي يمسكني (شوفوا بس التفكير)
ويقوم ويشيل الحاف من فوقي وأنا اقوم من فوق السرير وانط وادخل الدولاب واصك الباب علي وهذي دموعي إنزلت ما صدقت على الله .. قربت أذاني من باب الدولاب إلاواسمع ضحك مو طبيعيي فتحت الباب بشويش ..حبه حبه.. إلا اشوف العائله ملتمه ع السرير وتضحك علي كان اطلع ودموعي ع خدي واقول:وأنا اقول ما لقيتكم حولي لما صرخت والله إنكم معفنين بس انا اوريكم . دخلت الحمام وانا اتوعد في ريفال لأنها هي صاحبه المقلب..بعد ما صكيت باب الحمام وإنتم بالكرامه إلا و صوت أمي لاحقني الغداء جاهز صلي ولحقينا..بل الغداء أنا نايمه كل هذا (نمت تقريبا الساعه تسع الليل و لا صحيت إلا توي الساعه اربع)توضيت و صليت الفجر والظهر والعصر .. نزلت وعاقده حواجبي مسويه فيها معصبه باقي من المقلب البايخ الي تعمل بس مردوده مردوده يا ريفال خلصنا غداء وقامت كل وحده لشغلها ما عاداي انا وريفال أنا كنت طفشانه مافيني اشتغل وريفال اليوم عندها اجازه
(جدول شغل البيت اليوم) فريال *المطبخ*
مياده *البيت*
مياسه *حمام*
ريفال *إجازه*
واليوم ألي بعده مياده تمسك شغلي وأنا اخذ إجازه و ريفال تأخذ المطبخ وفريال البيت وهكذا .وطبعا زينا زي بنات العالم غصب عنا ننظف وكل وحده حلمها لاتزوجت اجيب خدم وحشم (مساكين احلام اليقظه الورديه)المهم طالعت الساعه شفتها الساعه ست وربع قمت بكسل فضيع نظفت الحمامات وإنتم بالكرامه وتروشت نزلت الصاله ولقيت أمي ترتب حاجات رحت جلست جنبها كان تقول لي:غريبه إش هالكسل مو من عوايدك .حطيت راسي ع كتفها وقلت:يمه ما في امل إن احنا نبقى هنا مافيني ارجع أكون صداقات من جد وجديد .
امي:وش اسوي وأنا امك هذا أبوك شوفيه وكلميه.
لفيت إلا ابوي واقف متكشخ الادمي .
انا :على وين يا بو خالد.
أبوي:وإنتي اش حشرك؟
أنا:افا يا بو خلود تقولي أنا كذا خلاص زعلنا.
أبوي:افا زعلتي؟
وانا مأخذه مقلب على روحي أنا:إي زعلت!
أبوي:عادي إش صار يعني .كان يبتسم و يطلع ناظرت امي ابي اسألها وين راح الحلو لقيت الإجابه جاهزه .
أمي:راح للراجال الي يبي البيت.
راحت امي تودي الحاجات الي معاها لغرفتها وتركتني وراها ،نسيت أسألها عن الحاجات بس يله مره ثانيه، ناظرت للسقف وانا كلي امل إنا ما نروح لجده .ناظرت حولي غريبه ثولاثي برمودا مو موجود طلعت ادورهم في غرفهم ما لقيتهم طلعت الحوش لقيتهم جالسات وكل وحده غايصه في صحنها وتاكل من هالحلى .شفت صحونهم وقلت"بما إني انا الي مسوياه خلي اقرفهم شوي"
أنا:الله يقرفكم .طالعوني وكلهم بصوت واحد :إش فيه ؟
انا:وين لقيتوا هالحلا؟
اقولها بقرف واطالع في وجيه اخواتي تقلبت ألف قلبه .قالت فريال:فوق الطاوله ليه؟
"زانت فوق الطاوله الحين تضبط الكذبه"
أنا:وووع لقيت فوقه صراصير تتمشى.
مياده:كذابه احلفي بالله!
تقولها ووشوي وتبكي عاد انا عاجبني المنظر الملاعق طاحت والارواح قد بلغت الحناجر.
أنا وبضحكه:إي ولا يفوتكم شفت صرصور مع زوجته لا لا مو زوجته شكلها حبيبته شايله سله شكلهم بيسوا بك نك.
هنا عاد بعد ان فاضت بأرواحهن هاتك أنواع السب وألوانه رحت خذيت صحن وأنا راجعه من المطبخ حسيت بحاجه تهز بجيبي تذكرت إنه الجوال حطيت الصحن ع الطاوله فتحت الجوال فإذا بها رساله مكتوب فيها"كذا يا مياسه مسافرين بعد اسبوع حتى من غير ما تقولي كذا علقتي قلبي فيك ومسافره طيب انا اش اسوي من غيرك صح إنك بقره ماتردين علي ولا حتى برساله بس انا ما اقدر ما اشوفك ،كل يوم وانا مرتزع عند الدريشه اشوفك وإنتي رايحه للمدرسه الحين اشلون اشلون بقضي ساعتي هذي من غيرك مياسه انا احبك تدري اش معنى احبك تدري بطلب وظيفه بجده عشانك ابيك لو تروحي الصين لاحقك إنت لي مو لغيري حبيبك سامي"قفلت الجوال وانا مبتسمه على بقارته إي صح سبني الله يخسه الحين انا صرت بقره يا الثور معليه مديوله ع قوله الكوتين.خرجت الحوش وانا اضحك سألوني خواتي شالسالفه وخبرتهم
ريفال:وهو صادق إنك بقره ما غلط.
أنا :اقول أخت ريفال نقطينا بسكاتك.
و جلسنا لين قبل صلاة العشاء قمنا ساعدنا فريال عالعشى جهزناه صلينا وحطينا العشى وحنا حول السفره قال ابوي: جهزن حالكن بعد ثلاث ايام ناقلين لجده .
امي:علامك يا رجال ثلاث ايام ما تكفي .
مياده:حتى ما يمدينا نرتب العفش ولا ملابسنا ولا ننظف البيت.
أبوي:لا بيمديكن إنشاء الله يله سفره دايمه الحمد لله.

>>>>> ردود الأعضـــــــــــــــــــاء على الموضوع <<<<<
==================================

تركنا أبوي حول السفره حايرات كل وحده تناظر للثانيه أمي:خلصن عشاكم وقومو ارتاحوا عشان بكره نبدأ تنظيف يله سفره دايمه الحمد لله.قامت امي واحنا انسدت انفسنا عن الاكل قمنا نظفنا من غير حتى ما نسولف وبعدين إشبهم ماسكين على سفره دايمه ،المهم خلصنا كل وحده راحت لغرفتها .
انا:ياربي انا إش اسوي الحين مافيني ع النقل .نزلت دموعي لا إراديا ومن طفشي فتحت جوالي اقرا رسايلي تذكرت رساله سامي فتحتها إبتسمت وقلت :والله إنك خطير يا سامي حتى وانا بين دموعي ضحكتني المصيبه إنك اخوا صديقتي العزيزه إلا كان وريتك شغلك. رحت توضيت عشان بصلي الوتر واقرا قرآن خلصت حطيت راسي قريت الاذكار ونمت .
(اليوم الثاني من بدايه نهايه اسبوع الانتقال)
صحيت قبل صلاة الفجر بساعتين رحت المطبخ حطيت البرادي ع النار و طلعت الغرفه ابي اغسل وجهي غسلت وفرشت اسناني وحطيت بندانه على شعري لأني ما اقدر اربطه لاني قاصه بوي مافي في شعري غير الغره تقريبا المهم وانا نازله حصلت أنوار غرف خواتي مفتوحه دخلت ع فريال لقيتها صاحيه سلمت عليها وقلت لها :يله لحقيني بصلح كوفي. ورحت قلت لمياده وريفال نفس الكلام. نزلت صلحت كوفي ونزلوا خواتي قالت فريال بعد ما حطت الكوب:بيش راح نبدأ تنظيف؟ قالت مياده:انا وإنتي ننظف المطبخ ونحط الصحون بجرايد ونعبيها بالكراتين ومياسه وريفال ينظفوا البيت ويشيلوا الي ينشال ولما نخلص نحط الاغراض بالحوش عشان عمال النقل .وافقنا كلنا،خلصنا اكوابنا وراحت كل وحده لشغلها وما امدانا نعبي الكراتين بالصحون والاكواس ونحط المخدات في الاكياس إلا اذن الفجر رحنا توضينا وصلينا وانا طالعه من الغرفه جوالي هز عرفت إنها رساله من سامي لان هالشي صار شي لابد منه يوميا وتعودت عليه فتحتها وقريت"مني لوردة العشاق خاطفه قلبي متحكمه بعقلي اعشق هذا الصباح لان صورتك أتت في بالي اعشق عبير الورد لانه من شذاك اعشقققك بكل جوارحي عاشقك سامي"
انا:آه ياسامي والله إنك مجنون انا لازم ادق على اختك واخبرها اليوم لازم.نزلت عشان اكمل تنظيف .ريفال طالعه من المطبخ:إش فيه وجهك متغير !البنت مبتسمه!طلعتي بحال ونزلتي بحال أكيد...(التكمله عند فريال وهي شايله السندوشتات والله جات السندوستات بوقتها مره جوعانه)
فريال:...أيوه أكيد هو الي دق وخلاك معفوسه...(وتجي تكمل مياده عليهم وانا عاجبتني الهرجه بس استثقل)
مياده:... ولا مين يقدر عليها كثره اخ يا سامي مدري متى يجيني حبيب لو ربعك بس ،هذا وهو شافك بالغلط في المطبخ لاوفي بيتهم كمان على الاقل كان حسبك الشغاله حقتنا ولا ورع إنتي و هالقصه تقولي كومار راعي البقاله.ضحكتنا عليها المسكينه تتحلم بنسخه ثانيه لسامي ولافي السعوديه كمان .
انا:زين وهو طلع في السعوديه واحد مثل سامي شهم ووسيم واخلاق ونظيف وشياكه وع فكره ماتجي كلها في ولد سعودي لازم وحده منها تسقط عمدا ودايما إنها النظافه.
ريفال:أي والله يا حرام ع النظافه دايما مظلومه عند الاولاد والبنات.خلصنا اكل وتعليق وراحت كل وحده تكمل شغلها وأذن الظهر وإحنا باقي ما خلصنا رحنا صلينا خلصت صلاة و جلست شوي ع السرير قلت خل ادق ع خلود.يرن بس باقي ماترد شكلها باقي نايمه خل ارسلها رساله كتبت فيها"خلود حبيبي دقيت عليك ما رديتي قلت اكيد نايمه فقلت اكتب لك عشان يكون عندك خبر راح ننقل بعد يومين لجده و يله الحين لازم اروح باقي وراي شغل لليل باي"
نزلت اكمل توضيب وراحت ريفال تسوي الغداء .
تقريبا ع الساعه 2:30دق الباب رحت بفتح انا:مين؟
.؟.:انا سامي!
قلبي طاح ماعرفت إش اقول أنا:إش بغيت ؟
سامي:إفتحي الباب ودخلي داخل معاي اغراض بحطهم عند الباب ولما ادق الجرس رجعي إخذيهم.
أنا:طيب بس دقيقه.
سامي:طيب "يا بعدي على المحترم والله اموت عليك "
دخلت وصكيت الباب القاطع وانا اراقبه من ورا الباب "والله إني خبله بسرعه خليت اخواتي يأثروا فيني إش قاعد يسوي هذا إش حط في الكيس" طلع ودق الجرس عاد أنا ركض طلعت اشوف اش جاب جايب غداء من مطعم الطازج بس مو هذا الي انا ابغاه انا ابغى الورقه الي حطها مالقيتها قلت شكلي اتوهم شلت الاكياس لقيت تحتها كيسه صغيره فيها علبه روعه والورقه معاها :يأبن الذين داسها مضبوط .فتحتها ولقيت فيها ساعه روعه منقوش فيها *انا احبك وإنتي ملكي للابد*فتحت الرساله مكتوب"بعد غيابك راح تصير حياتي عدم و شوقي لك اكبر ندم تعرفي ليه انا ما ابغى اشتاق لك انا ابغى شوقي ياشوقي معي انا ابغى روحي ياروحي معي و صدقيني حبي لك اكثر شي حلو بحياتي احبك يا عذابي،الساهر لجلك سامي" نزلت دموعي غصب راح توحشني حركاته العبيطه واخته خلود المرجوجه آه:الله يسامحك يبه على هذي النقله. دخلت داخل البيت رحت المطبخ حطيت الأكياس ع الطاوله سألتني ريفال:من الي جاب الغداء وانا توي بقطع الدجاج الله يريحه كانه ريحني. قلت لها:هذا سامي جهزيه انا بروح اصحي امي وابوي يتغدوا معانا من ناموا بعد صلاة الظهر ما قاموا.
ريفال:و نادي فريال ومياده ياحرم الأستاذ سامي من طلعوا فوق ما رجعوا.
أنا :حاضر ياعيوني إلا تعالي إيش حشر حرم الأستاذ سامي في السالفه.
ريفال:ابغى اجربها على لساني تصدقي طلعت بجد ماسخه ما عجبتني. سبتها وخرجت وكلمه حرم الأستاذ سامي مره عاجبتني.نزلنا تغدينا خلصنا طلعت امي ترضع خلودي اخوي وابوي راح برى البيت
وجا ومعاه عمال النقل شالوا عفش البيت عشان بكره بيشحنوه لجده عاد مابقى في البيت إلا البطانيات والفرش والمخدات وشنطه فيها الملابس وما خلصوا العمال إلا بعد اذان العشاء واحنا محشورين في غرفه فريال وامي بغرفتها مع خالد .
رن جوال فريال رنه هنا بقيتنا جلسوا يدوروا للجوالات ولقينا ارواحنا من غيرها رحت جري ورا الباب عشان انادي ابوي بس كان هو اسرع مني فتح الباب بقوه صك بوجهي طحت ع
الارض وطبعا انواع الضحك منهم والبكى مني المهم قال ابوي:يله روحوا غرفه مياده بينقلوا عفش هالغرفه .واحنا طالعين والمنديل على خشمي لانه نزف دم:يبه جيب الله يسعدك جوالاتنا نسيناها في الغرف.
ابوي:طيب .جاب ابوي الجوالات وفتحت جوالي لقيت فيها اربعين رساله وثلاث رنات الرنات من خلود والرسايل من اخوها سامي وكلها تقريبا نفس الكلام "ليش يا مياسه توك تقولين بعد يومين سفركم ...انا ما اقدر على بعدك...انا احبك...وبلا بلا بلا"
ومن هالكلام بصراحه انا بديت احب اهتمامه فيني وتعودت عليه بس هو كمان طلعلي فجاءه الله يهديه بحب وحبحبه .انا كنت اشوفه دايم وانا رايحه للمدرسه بس هو شافني قبل سبعه شهور او ثمانيه في بيتهم والحمد لله مياده ماكانت معي ولا كان هالإهتمام كله لها لانها الله يحفظها تجنن احلى وحده فينا كنت في المطبخ مع خلود اخته نصلح كوفي والحمد لله كنت لابسه زين ومستر ولاول مره كنت لابسه تنوره وبلوزه توي مشتريتهم ورحت اتكشخ فيها عندهم وكنت حاطه مكياج خفيف دخل الاخ ماغط و يصرخ علي حسب باله انا خلود لاني وخلود تقريبا نفس لون البشره سمر وشعرنا نفس النعومه ونفس القصه قمت انا ماقصرت فيه (بكيت في وجهه)وطلعت.لما درت خلود بالسالفه دقت علي واعتذرت بس ما قبلت الإعتذار رجع هو وكلمني والسب الي عطيته من وراه ماقدرت اعطيه غير السماعه على وجهه ومن بعدها والرسايل تهل علي.

__________________________________________________ __________
رحنا لغرفه مياده وقلت:ايا خلود يا البخيله الحين انا اقولك ناقله بعد يومين ثلاث رنات بس .مياده:دقت علي وارسلت لك"دقي علي يامعفنه"
ريفال:وانا بعد نفس الشي.بس مغيره شوي كاتبه (يالخايسه)
فريال:باقي انا مادقت.شوي وإلا جوال فريال يدق ردت.
فريال:اهلين بالح.(كانت بتقول بالحلوه )..ووول حبه حبه عشان افهمك...اي جنبي ..طيب بس لحظه.فريال:مياسه هذي خلود وصوتها يا حرام يقطع القلب.
انا:فديتها ليش إش فيها؟
فريال:وأنا إش دراني تعالي خذي الجوال وإسأليها.
خلود هذي عزيزه ع الكل بذات من امي لأنها بنت صديقتها المقربه الله يرحمها ومافي في بيتهم غيرها هي وسامي وأبوهم.
انا:فديت الحلوه والعيون البلوه فديت البكايه انا،ليش هالبكي الحين سامي مسوي شي قولي عشان اجي واوريه شغله.
خلود:لا ومسويه روحك ماتدري الحين أنتي قلتي السفر بعد اسبوع شلي خلاه بعد يومين؟
انا:والله هذا الوالد يا حبيبتي فاجأنا كلنا وبعدين تعالي إش فرق بين الاسبوع واليومين؟
خلود:الفرق انا كنت مستعده لثلاثه ايام كمان بس كذا خبط لزق بعد يومين صعبه.
انا:خلاص فديتك بطلي صياح ترى قلبي ماعاد يستحمل إش رايك بكره اجي عندك؟
خلود:خلاص صار انا انتظرك.
انا:يله حبيبي فمان الله.
خلود:فمان الكريم.
ريفال وهي تقلد صوتي:لايكون سامي مسوي شي عشان اجي واوريه شغله.
مياده:ولا نافخه الريش وطاقه الصدر ومسويه فيها الرجل الاخضر وإنتي اقوى شي سويتيه له قفلتي السماعه في وجهه.
فريال:لا وكمان بالغلط و مع الخوف إرتجفت إيدك وطاح التيلفون وإنفصل وتقفل في وجهه وجلستي يومين بتأنبي ضميرك من الحركه.
انا:اقول روقوني مافيني للتعليق.في ذا الوقت كان جوالي بجنب مياده اهتز ناولتني إياه مياده وكانت رساله من سامي كاتب فيها"اقسم بالله مكانتك عزيزه يابعد قلبي سوى كنتي قريبه ولا بعيده وراح اظل ارسلك رسايل الين الله يجمعني فيك يا شمعه سنيني ع فكره قبل كم يوم كلمت واحد من اصحابي يدبرلي شغل هناك وإنشاءالله يلقى ولو كان ب500ريال انا راضي اهم شي احس اني قريب منك احبك مجنونك سامي"طالعت اخواتي وكل وحده تنتظر اقول شي بس مو انا الي تكلمت عيوني رجفه ايديني هم الي تكلموا.فريال:إش ارسل لك ؟
ريفال :سامي صح يابختك يابنت والله وطحتي واقفه.وجت مياده بتتكلم اهتز جوالي مره ثانيه فتحت الجوال قالت مياده :هو صح؟
انا :اي!
مياده:إش يبغى؟
انا:كاتب"جبت لكم العشى تعشي زين ونامي بدري عشان ترتاحي حرام من الصباح وإنتي تشتغلي احبك موت ساهر لعيونك سامي"بس طبعا من بعد كلمه(تشتغلي...) ما كملت لهم .راحوا العمال بعد نص ساعه من رساله سامي نزلنا تعشينا وامي من الصباح وتصرفاتها غريبه كله جالسه لوحدها وماتأكل إلا شوي و نفسها في خشمها وما تكلم احد.
انا:يمه فينك من الصباح لاحس ولا خبر وحشتينا ياست الحبايب.
مياده:إي والله وإنتي الصادقه .ماردت علينا وكان ابوي يناظرنا بمعنى إنطموا فسكتنا.تعشينا وراحنا لغرفنا جلست افكر إش اللي صاير لامي وقطع تفكير خلود داقه علي.
خلود:السلام عليكم .
انا:وعليكم السلام ورحمه الله وبركاته.
خلود:اعذريني اليوم نسيت اسألك .
انا:على شو.
خلود:على تحليل امك.
انا:اي تحاليل؟
خلود:مياسه إشبك مو امك مرضت عليكم قبل كم اسبوع وراحت المستشفى وصلحت تحاليل وقالوا نتيجتها في يوم كذا كذا الي هو اليوم.
انا:إي الله يذكرك بالشهاده وتحاليلها المفروض إنها اليوم يوه على هالنسوه .
خلود:نسيتي الله يهديك.
انا:وانا اقول إشبها مطنقره علينا اليوم كله من هالنقله وعفستها الله يسامح ابوي.
خلود:لحظه يا مياسه<ماتشوفني اكلم اش تبغى.سامي:مين تكلمي .خلود:وحده.سامي:طيب انا عارف إنها وحده مين.خلود:مياسه .سامي:مياسه ما غيرها ثقيله الطينه.خلود :احترم نفسك"انا ثقيله طينه يا معفن الله يخ...قطع صوت تفكيري رساله من الدلخ سامي "احبك موت وبقوه يا ثقيله الطينه ""خلود:بغيت شي يا معفن .سامي:لابس سلمي لي عليها ولا خلصتي ابغاك تكوي مريولي أوه اقصد ثوبي"هنا انا مت ضحك على مريولي وتوصلني رساله ثانيه منه"مره عاجبتك يعني ،صوت ضحكتكي واصله لعندي اموت على ضحكتك لو ادري إنها كذا بتموتكي ضحك كان كلجت فيها من اول"والله إنك قاط ياسامي"خلود:الو الو إلي ماخذ عقلك يتهنا بو هنا عندي سامي يقول كلمه ويرجع يضغط في جواله وعلى السماعه الامير سرحانه .
انا:إنت الي ماخذه عقلي وكلي على بعضي.
خلود :إيوه كلي بعقلي حلاوه ع العموم انا اسيبك لان الثور حقنا ازعجني سلمي على خواتك وبوسيلي امك.
انا:خلاص صار ولا تنسين تكوين مريول سامي يله مع السلامه.
خلود:يله مع السلامه.
انا :مع ألف سلامه.
قمت توضيت وصليت الوتر وقريت كم صفحه من القرآن وقريت الاذكار وحطيت راسي ونمت .
(اليوم الثالث وبكره النقل إنشاءالله)
صحيت بدري غسلت وجهي وفرشت اسناني و توضيت لصلاة الفجر وطلعت بصحي خواتي لقيت فريال جايه على غرفتي بس كان شكلها مره مو طبيعي وجهها محمر و عيونها تدمع ،انا:فريال إشبك عسى ما شر ؟
فريال:ما فيني شي.
انا:إشلون مافيك شي وإنتي حالتك معفوسه؟
فريال:ما اقدر اقول لك امي مأمنتني ماعلم احد.
دام فيها امانه وما امانه انا جلست اهديها و ما هدت إلا بعد صلاة الفجر صلينا دخلتها غرفتها وماتركتها إلا لما شفتها غايصه في النوم ،نزلت تحت فطرت شوي وطلعت الحوش فتحت جوالي انتظر رساله سامي .طول اليوم هاذي هي وصلت،كاتب فيها "صباح الخير يا خير الصباح يا نور الشمس يا عبير الورد احبك بجنون حبيبك سامي"قمت بروح الصاله وصلتني رساله ثانيه من سامي كاتب فيها" صباح ينور طريقك وقلبي دوم يدعيلك ييسر أمرك وسبيلك وربي دوم يعينك"
انا:الله يا سامي إظاهر بديت اعجب فيك صرت اساسي في حياتي .دخلت الصاله مالقيت احد ،قلت اروح المطبخ انقع الرز اليوم دوري و انا في طريقي دقت علي خلود،
خلود:السلام كيفك يا الدبه؟
انا:و عليكم السلام انا تمام إنتي كيفك؟
خلود:انا تمام اقول ترى طولتي متى جايه؟
انا:وين طولت الله يهديك الساعه باقي ماجات حتى على العشره.
خلود:هيه إنتي الظهر شوي وبأذن وإنتي تقولي عشر وما عشر."شكلي طولت بالحوش وانا مو داريه عن نفسي"
انا:خلاص اصلح الغداء واجيكم .
خلود:غداء إيش الله يهديك ما حيمديك تسوي وبعدين تعالي امس سامي وابوي عازمين ابوك عالغداء.
انا:و انا اقول مو شايفه مياده و ريفال اكيد يتكشخوا.
خلود:يله انا أنتظرك لا تتأخري.
انا:طيب بجيب عباتي وشنطتي واجي بصراحه مافيني البس و اتكشخ.
خلود:عادي خل اشوفك ع الطبيعه مره وحده ع الاقل.
انا :خلاص حبيبي شوي وانا عندك باي.
خلود:احنا عرب مع السلامه مو باي.
انا:صار مع السلامه.طلعت فوق لغرفه امي لقيتها نايمه وابوي مو موجود رحت لمياده وريفال قلت لهم يصحوا فريال وامي و يلحقوني انا رايحه.
مياده:طيب ع الاقل البسي شي عدل رايحه بالبجامه الله يهديك.
انا :مافيني حتى امشط شعري يله مع السلامه انا رايحه إلحقوني.
خذيب عباتي و الشنطه وطلعت من البيت اول ما طلعت طاحت عيوني على سامي كان واقف عند باب بيتهم قلت:ماراح يعرف مين انا من خواتي والحمد لله صدق إن العباه ستر كان سمعت كلام مياده ولبست عدل وش كان صار. المهم دخلت البيت وإلا الجوال يهز رساله من سامي"تو ما اشرق بيتنا بحضورك تصدقي اول مره احب وقفه الباب يامياسه لوما العيبه كان وقفتك في نص الشارع وقلت بصوت عالي ياناس انا احب مياسه احبك صدقيني احبك سامي"انا:بل عرفني هذا وانا عباتي على الراس والله إنك خطير.
جات خلود وسلمت علي هاتك احضان ودموع دخلنا غرفه الحريم جلسنا شوي وسولفنا وراحت خلود تجيب العصير ،انا سرحت وجلست افكر اشلون بعيش بجده من غيرها نزلت دموعي ما عرفت اوقفها و بنفس الوقت وصلتني رساله من سامي كاتب"فديت لولو يصب من عيونك فديت جواهر تناثربين إيدينك كفي دموعك وروحي لباب الغرفه بتلاقين كيس خذيه احبك"
انا:ياويلي هذا شافني خل اتغطى .
شوي ويهز جوالي فتحته لقيت رساله من سامي "ترى باقي اشوف الكيس قومي خذيه يله لا ادخل اعطيك إياه ترى اسويها"ياويلي لو سواها صدق خل اروح اخذه بس كيف اكيد بيشوفني ،رحت ورا الباب وفتحت جزمتي وإنتوا بالكرامه وسحبت الكيس فيها،شلت الكيس رحت لمكاني جيت بفتحه دخلت خلود حطيته بسرعه في الشنطه.
انا:وينك تاخرتي علي كل هذا عشان عصير؟
خلود:لا بس سامي الله يسامحه وصاني اروح ادور لجواله قلبت عليه الغرفه ولا حصلته نزلت قال اطلعي دوريه زين طلعت ودورته بس تدرين نزلت لقيته قاعد يرسل منه صاير عبيط هالولد.
انا:وإنتي الصادقه.
خلود:وإنتي شيدرك صادقه انا ولا كذابه؟
انا:ها لا بس من كلامك عرفت إنه عبيط.<يا خلود كويتي مريولي _سامي ينادي خلود_>انا هنا فطست ضحك مصمم على كلمه مريولي هذا ،دق جوالي رديت،انا:إي هلا وينكم تأخرتوا ...شلون...طيب خلاص انا الحين جايه يله باي.
خلود:على وين.
انا:بروح البيت امي طاحت عليهم .
خلود:طيب خلاص روحي وانا بلحقك.
انا:طيب يله باي .
رحت البيت دخلت لقيت الكل يبكي حتى خلودي اخوي رحت لامي .
انا:يمه قومي نوديك المستشفى.
امي:لا وين مافيني شده ولا تحاولون .
فريال:انا كنت عارفه إنه بيسوي فيك كذا كنت عارفه.
امي:يابنتي إستهدي بالله وقومي صلي إنتي وخواتك وانا كمان بقوم اصلي وإنشاء الله مافيني إلا العافيه.
فريال:يمه إحنا لازم نعلمهم.
امي:إيش تعلميهم مو كفايه علي إنتي مو مستحمله شوفي يا فريال لو علمتيهم بشي لاازعل عليك وعمري ماراح ارضى يله سيبوا الدلع وقوموا صلوا.رضخنا لامر الوالده وماتجرا احد فينا يسأل فريال عن الموضوع كله ولا زعل الوالده.صلينا الظهر نزلت تحت لقيت خلود داخله من الباب جلست معي في الصاله سولفنا شوي بعدين رحنا المطبخ سوينا الغداء وحطينا السفره وحظرنا الغداء سفره عندنا وسفره عند ابوي عنده سامي وابوه وطبعا سامي ارسل لي رساله يتحمد فيها بسلامه امي وبكذا قضينا اليوم سوالف وضحك واخر شي البكى لان بكره السفر وانا ياحسره مين بيتذكرني غير خلود وسامي اصلا حتى الجوال مافيه غير رقم سامي وخلود وارقام اهلي ،طلعت خلود من عندنا تقريبا ع الفجر لاني ما رضيت اخليها تروح بدري ،رحت تروشت وغيرت ملابسي ورتبت بقيه اغراضي خلصت انسدحت على فراشي وجاني شعور غريب من هالسفر مادري بس حسيت إني مو مرتاحه وكمان طيحات امي كثرت ،الله المستعان الحين انا صار لازم انام شوي قبل ما نسافر سفرنا بعد اذان الظهر على طول اذن الفجر صليت وحطيت ظهري ابغى انام بس ما جاني نوم،جلست افكر بأمي والي فيها اكيد شي بخصوص التحاليل .
(يوم النقل لجده)
طبعا انا ماجاني نوم وجلست افكر من امي لسامي لخلود لسفر مابقيت شي إلا وفكرت فيه ولاحسيت بنفسي إلا واذن الظهر قمت صليت وتجهزت ورحت صحيت العائله الكريمه،سويت لي كوفي ورحت اصور بالجوال كل زاويه بالبيت ،خلصنا رتبنا كل اغراضنا وطلعنا ،طبعا ابوي سلم الرجال المفاتيح،رحنا المطار إنتظرنا موعد رحلتنا ،نادوا علينا لانو صار موعد الطايران،ركبنا وكل وحده فينا تتخيل كيف بتكون حياتنا بجده.
(اليوم الاول بجده)
وصلنا لجده والحمد لله بخير وسلامه بس خالد الله يهديه ما وقف بكى ،المهم نزلنا لمطار جده،ركبنا سيارة تكسي وصلنا للبيت ،مشاءالله عرف ابوي يختار يجنن الموقع والبيت روعه وكان قريب من البحر ياي روعه البحر قريب منا والله فله،رحنا لعند الباب فتح ابوي باب البيت جينا بندخل بس امي وقفتنا وقالت:قبل لاتدخلون قولوا"اعوذ بكلمات الله التامات من شر ماخلق"ولانسيتوا وصية رسول الله اذكروا الله بعدين دخلوا برجلكم اليمين .سوينا زي ماطلبت ودخلنا احلى شي كان البيت مرتب ونظيف قلت:الله يسعد خالاتي كانهم ساعدونا في التنظيف.
اخواتي:إي والله مافينا شده ننظف.
ابوي:مطولين عند الباب يله دخلوا وكل وحده تروح تختار غرفه.
وطبعا جري فريال ومياده بسرعه اختاروا غرف ماعادي انا وريفال تضاربنا على الغرفه الوسطانيه بس في النهايه هي الي كسبت وانا اخذت الغرفه الي جنب غرفه الوالدين.
دخلتها وكانت مقبوله واحلى شي فيها فيها دريشه،طلعت للصاله *بيتنا هنا مو زي بيتنا الاول هذا دور واحد مافي دور ثاني*ولقيت امي جالسه
انا:ها يمه وين خالد؟
امي:دخلته لغرفته بكى بكى لين نام فجاءه شكله خاف من الطايره!
انا:شكله مو بعيده!
امي:إش رايك بالبيت؟
انا:والله يمه رايي ماراح يأثر صرنا فيه.
امي:وإنتي الصادقه وانا امك وبعدين راح نتعود عليه طيب غصب بنعيش ايامنا الحلوه والمره فيه.
ابوي وهو داخل في السالفه غلط :اي مر واي حلوه إش عنه تكلمون؟
انا وانا احاول اغير الموضوع عشان ما انكد عليه:سلامتك يبه إلا يبه ما قلت لي نقلت ملفاتنا .
ابوي:اي ملفات؟
انا:يبه من جدك ملفات المدرسه؟
ابوي:وانا اقول في شي ناسيه والله نسيت وانا ابوك خلاص بكره احاول اخليهم يرسلونها بالفاكس،ولا اقول وانا ابوك وراك ماتقعدين بالبيت استرلك من المدرسه مايجي من وراها غير وجع الراس.
جيت بجاوب بس سبقتني ريفال:كيف كيف لا اول مره ادري ابوي تفكيرك رجعي طحت من عيني.
مياده:يالثوره يضحك على مياسه وإنتي جايه ماغطه بالإجابه إنتي و هالوجه. ضحكنا على غباء ريفال وتعليق مياده بس استغربنا فريال ما تكلمت ولا بكلمه.
انا:يله عن إذنكم بروح الغرفه ارتاح وانام عشان خالاتي اكيد راح يجون. رحت الغرفه وعلى طول نمت وما صحيت إلا على صوت سيمون فوق راسي.*سيمون بنت خالتي ام فهد واسمها الحقيقي ساميه *
سيمون:قومي يا معفنه صار لي ساعه ملطوعه برى واتاري الهانم نايمه.نطينا على بعض واحضان و بوس لليل.
سيمون:يله قومي صلي العصر والمغرب والعشى.
انا:بل ذا كله نايمه ؟
سيمون:اي يله قومي صلي ولحقيني.
انا:وين رايحه إنتي ووجهك إنتظري اغسل وجهي واجي معك.
سيمون :والصلاة؟
انا:يعني من الصبح وانا احاول الف وادور ولافهمتيها ما علي يله إنتظري.
دخلت غسلت وجهي وفرشت وطلعت مالقيت المعفنه قلت فرصه افتح الجوال واشوف دقوا خلود وسامي فتحت الشنطه ولقيت العلبه الي اعطاني اياها سامي جيت بفتحها إلا وسيمون ناطه بوجهها من الباب رميت العلبه على طول تحت السرير.
سيمون:يله يابنت الحلال امي تبغى تسلم عليك اخواتك حتى الشاي حطوه وإنتي باقي.
اكلمنا وانا طالعه من الغرفه واقفل بابها:طيب كليتيني بقشوري. طلعنا للصاله سلمت على خالتي ام فهد وسألتها عن امي:وين امي وخواتي؟
ام فهد:امك راحت تشوف خلودي وفريال ومياده بالمطبخ وريفال دقت عليها وحده وراحت تكلمها.*خالتي ام فهد زوجها متوفي وما عندها غير ساميه و ينادوها ام فهد لان زوجها كان يحب هالاسم*
جلسنا نسولف إلا وشوي وامي تصارخ بصوت عالي :خالدخالد ..تحرك رد علي ..سو اي شي.دخل ابوي على صوت الصراخ راح على غرفه امي واحنا وراه ،وبنفس الوقت دخلت خالتي فريال وجدتي ولحقونا،دخلنا لقينا امي وبيدها اخوي خالد ودموعها على خدها.امي:تعال يابو خالد شوف ولدك ما يتحرك مادري شفيه.
ابوي:روحي إلبسي العبايه ولحقيني السياره.
طلع ابوي وهو شايل ولده الوحيد خالد وهو يرتجف ودموعه ماليه عيونه
دخل السياره وامي لحقته،"اش هذا ياربي حتى مالحقنا نتهنى بالمكان يارب احفظ خالد يارب يرجع بالسلامه"إنتظرنا ابوي وإنتظرنا لكن ابوي طول حاولنا ندق على جواله اتاريه نساه هنا ،فريال:يوه طولوا.
جدتي عايشه:إذكري الله يابنتي إذكري الله إنشاء الله خير.
سمعنا صوت السياره كلنا وقفنا وعيوننا على الباب فتح ابوي الباب وكان شايل امي على كتفه كلنا جري لعنده نساعده .
ريفال وعيونها مليانه دموع:يبه خالد وينه ما اشوفه.
ابوي بعد ماسند ظهره عالباب:خالد ....خالد راح لرحمه الله. هنا عاد فريال ما استحملت واغمى عليها و هاتك الصياح والبكي حتى ابوي ماقدر يستحمل بكى معانا .
ابوي وبصوت متقطع: ياعمه دقي على فيصل وتركي وعلميم وقوليلهم بكره الدفان. وطلع على طول برى واحنا كل وحده خذت زاويه ودموعها على خدها.
جدتي:يابنات استهدوا بالله الله عطى والله خذى.
امي:يمه هو لسى باقي حتى ما كمل تسع شهور آه يمه ولدي راح راح ولدي الوحيد راح.
جدتي:يا منيره هدي نفسك وإنتي الي فيك كافيك وبعدين يابنتي هذا مكتوب ومقدر استهدي بالله .
امي:آه يا خالد آه ماتهنيت بحياتك ليتني بدالك اصلا انا كذا كذا رايحه آه ياقلبي عليك ياولدي.
خالتي فريال:يا منيره استغفري ربك ما يصير هذا الكلام وانا اختك وبعدين رحمه راح صغير وماراح كبير وكلنا يا منيره ماشين بهالطريق.
امي:اللهم ائجرني في مصيبتي واخلف لي خيرا منها.وظلت امي تردد هالدعاء طول الوقت وانا صرت اردد وراها وكل ما افكر إن المكتوب يصير وما خطه القلم قد جف وإن الموت والحياه بيد الله عز وجل اصبر واصبر من حولي وكل ماشوف فريال كل ماقامت تصرخ:خالد . يتقطع قلبي وتنزل دموعي لا إرادي. مر الوقت بسرعه،
جدتي:يابنات خذوا فريال و ودوها لغرفتها وانا بحاول اهدي منيره وانيمها.
خالتي ام فهد:صار يمه وانا باخذ أختي فريال للبيت وإنتي ياساميه خليك مع بنات خالتك يمكن يحتاجونك.
سيمون:صار يمه.
مياده:يله مياسه نروح لغرفنا .
انا مارديت وإنصعت لكلامها دخلت غرفتي غطيت وجهي بالمخده وصرت اصيح بكل ما اوتيت من قوه صحيح هو مات صغير بس برضوا له مكانه: الله يرحمك ياخوي و يجعلك شفيع لامي وابوي آمين. بس هديت شوي إلا واسمع صياح فاق صياحي علوا إلتفت ع الباب لقيت ريفال واقفه عند باب غرفتي وحالتها تقطع القلب و ماسكه بيدها لبس من ملابس خالد عاد انا ما قدرت استحمل ورحت جري لها وضميتها وطلعنا كل مكنونات صدورنا بهالحضن سحبتها من يدها بشويش ودخلتها وجلستها ع السرير بس صدمتني لماقالت وكانت تتكلم وصوتها يتقطع من كثر البكى:مياسه تصدقي كنت راسمه مخطاطات مستقبليه لي مع خالد .
انا:خلاص يا ريفال خالد الله يرحمه إدعيله بالرحمه حبيبتي.
ريفال:والله العظيم مو قادره اتخيل حياتي من دونه.
انا هنا بكيت لبكاها وحضنتها وجلست اهديها ،طالعت فيها لقيتها نايمه على حضني سندت ظهري على السرير وصارت دموعي تهل ،دخلت علي سيمون وانا باقي بنفس حالتي
سيمون:خلاص يا حبيتي صدقيني ما صار إلا إلي مكتوب وهذا شي لازم نؤمن فيه بعدين انا خابرتك قويه مو كذا.
انا:والله مو بيدي ما اقدر ما ابكي خالد كان شي كبير لنا ما اقدر مااقدر ماابكي صدقيني مو بيدي.
سيمون:إنا لله وإنا إليه راجعون ولا تنسين إن امك تعبانه وتحتاج لكم اكثر مما انتوا تحتاجون لها.
اخذت نفس طويل وقلت :وإنتي الصادقه .
مسحت دموعي وقلت لسيمون :خلينا نطلع من عند ريفال ما نامت إلا بالغصب.
مامدانا نطلع إلا وصرخه ريفال سابقتني قامت مفزوعه ياعيني وكانت تقول:ابي خالد يامياسه ابي خالد ليش مات وتركنا ليش.انا:ياريفال استغفري ربك واصبري على البلوى إن الله مع الصابرين.
ريفال :انا عارفه إن الل...
قاطعتها وبإبتسامه:يابنتي خالد و الله يرحمه الحين رجعتي اخر العنقود والدلع بيصير كله لك.
ريفال:دلع بعد وفاة خالد مابي ابيه هو هو يا مياسه.
انا وانا رايحه احضنها:اخ منك يالعياره وبعدين احنا لازم نقوي نفسنا شوي عشان امي وفريال تراهم مره تعبانين.
هدت ريفال وسيمون هي الي صارت تصيح فقلت:خلصنا من زينه جينا لنحول هذي إلي تو تقول خليكم اقوياء.
سيمون:إش اسوي اشكالكم كانت تقطع القلب ولا قال إيه تصبروا بعض.
انا :بروح اشوف خواتي.
سيمون:نايمات قبل لا اجي كنت عندهم ولقيتهم نايمات.
انا:وامي؟
سيمون:خذتها جدتي للبيت الكبير بتبات عندهم *البيت الكبير بيت جدتي وساكنه معاها خالتي فريال باقي ماتزوجت وعمرها تقريبا30س وخالي تركي وعمره 32س وخالي فيصل وعمره 42س وخالتي ام فهد وعمرها39س توأم امي منيره وجدي سعود متوفي من اربع سنوات* كان اخذ نفس طويل وارمي نفسي على السرير وعلى طول تذكرت ابوي ماادري رجع ولا لا كان اطلع من غرفتي واروح لغرفه امي وابوي فتحتها بشويش لقيته على السرير رحت لناحيه راسه لقيت دموعه تنزل مع انه نايم مسحت دمعه من دموعه بست راسه وغطيته بالحاف وشغلت المكيف وقبل لا اطلع تنهد ابوي تنهيده طالعه من القلب وكانت تقطع القلب نزلت دموعي رجعت بست راسه وخرجت وقفلت باب الغرفه وراي ،رحت لغرفه فريال لقيت مياده نايمه فوق حضنها وفريال بعد نايمه لحفتهم و شغلت عليهم المكيف وخرجت وقفلت الباب وراي ،رحت لغرفتي لقيتهم هم بعد نايمين دخلت انا وكملت المجموعه ونمت في وسطهم.

__________________________________________________ __________
::

الله يعطيك العافية على ماقدمتِ
دمتي بخير

.

__________________________________________________ __________
مشاء الله عليك كتبتي قصة حياتك كلهاااااااااااااااااااااااااااااااااااااااااااااا
الله يحفظكم يارب
يسلموووووووووووووووووووووووووووووووووووووووووووووو وووووووووووووو

__________________________________________________ __________
أميــــــــــــــــــــن يارب يسلموا ياعيوني انتوا وه فديتكم ع الردود الحلوه ووصل سلامك يا مجروحه وهي بعد تسلم عليك وتقول من جد رفعتي لها معنوياتهااااابلنسبه لأول قصه تكتبهااا

يعطيك العافيه
يعطيك العافيه
يعطيك العافيه