عنوان الموضوع : اتشار الامبا - من مطبخ محتاره - طريقة سهلة
مقدم من طرف منتديات الشامل
.
.
.
.
.
.
.
[BACKGROUND="100 https://upload.te3p.com/uploader/725691/11359854139.gif"]
السلام عليكم ورحمة الله وبركاته
اسعد الله اوقاتكم بالمسرات
ان شاء الله على نهاية شهر مايو يكون معنا موسم المانجو
او مثل مانسميه في عمان اللمبى
لكن قبل نضج حبات المانجو بشهرين تقريبا ًبداية شهر ابريل
يبدأ معنا الموسم وذلك باستخدامنا لحبات المانجو قبل نضجها
ونسميها الامبا او الحدال
حيث تكون قاسيه جداً وحاااااااااااااااااامضه جدا جدا
قد نقطعها لقطع صغيره ونأكلها مع ملح وفلفل او بهار او ..او ..حسب الذوق
او تبشر في السلطه
او تضاف لمرق السمك ..
الاستخدامات عديده
واليوم سأقدم لكم احدهااااا
الاتشااااااااااااار
ممكن نعمله بالبيت او نشتريه لانه يكثر بيعه
خلال هذه الفتره عند ربات المنازل بأسعار رمزيه
وانا غالبا اشتريه وخاصه اللي تعمله جارتي
واضمن شغلها نظيف ولذيذ
لكن بما اني احب اهديه كل عام للأهل والاقربين
ف اشتري كميه واعمل اتشار
المقادير ل20كجم
تقريبا 20 علبة وزن 500 غ
ممكن استخدام الامبا الهندي او الايراني
لكن يتميز الامبا العماني بـحدة طعمه وقوة حموضته
هذي صورته للتعريف سحبتها من النت
نسيت اصور قبل التقشير
المكونات
امبا
فلفل اخضر حار 15 حبه
ورق غار كوبين
حبوب خردل تقريبا ثلاث ارباع كوب
فنجان حلبه حب تصفى
يانسون ..حبة البركه..كركم..حلبه مطحونه..سنوت
فلفل احمر مجروش يعني
مو المطحون جاهز تطحنيه في البيت طحن خشن
او تشتريه من الماركت مجروش..
خل
زيت زيتون ..وزيت عادي
نبدأ ... بسم الله
طبعا نبدأ مع الامبا نقشر ونقطعه
والبعض ما يقشره انت وذوقك
انا عملت ميكس
بعد ما نقشره نرشه بملح تقريبا 3 ملاعق طعام
ونتركه في في مصفى ساعتين
وننقع الحلبه الحب ساعتين برضوه
في الصوره لونه اصفر لاني قشرته قبل
بيوم فتأكسد
لونه في الاصل ابيض
بس عادي
والحين نبدأ الجــــــــــــــــــــــــــــــــــــــــد
نضع في قدر الزيت فنجان زيت عادي وفنجانين زيت زيتون
نضيف حبوب الخردل حتى على نار وسط حتى نسمع فرقعه
نضيف ورق الغار والفلفل الاخضر
نضيف الامبا
نقلبه على النار حتى يبدأ في الذبول
نجهز البهارات 3 ملاعق صغيره من كل من
الحلبه المطحونه ..اليانسون ..السنوت..حبة البركه(اختياري) ..
وفنجان فلفل احمر مجروش
تخلط وتضاف وتقلب مع الامبا
يضاف الخل 5 اكواب ويقلب 10 دقائق على نار هادئه
تضاف الحلبه المنقوعه بعد تصفيتها من الماء المر
يقلب ويضاف كوب خل مع 3 اكواب ماء
و ملعقتين صغيرتين ملح ونص فنجان فلفل احمر مجروش
او زيادته
ويقلب 5 دقائق بعد ما تذوب حباته
اذا كنت تحب الحبات ظاهره ممكن تطفيه وخلاص
اذا كنت تبيه ذائب تمام مثلي ينترك بعد على نار هاديه جدا 10 دقائق
او ربع ساعه ويهرس برفق وتطفىء النار
يترك يبرد تقريبا 3 او 4 ساعات لانه يكون ساخن جدا
ويضاف نص فنجان فلفل احمر
وفنجانين زيت زيتون ويخلط
ترى كمية الفلفل اللي حطيتها لأتشار بدون فلفل يعني بيكون
طعم الفلفل في لسعه بسيطه يا دوب تنحس
يعني لا تقللو بس ممكن تزيدو وحسب حرارة الفلفل الاخضر الحار معكم
انا ما كان وايد حار
واخيرا يتعبى في علب انا كنت مجمعه مجموعه
واذا للبيع يستحسن في علب بلاستيكيه تباع في الماركت تكون شفافه
يكون شكلها ارتب
وتقدم مع الكبسات والمندي واي شي
حتى لو مثلي في السوب احياناً
كنت بصوره لكم عند كبسة اللحم
بس نسيت
وهني وعافيه مقدما
احترامي
اممم محتاره
[/BACKGROUND]
>>>>> ردود الأعضـــــــــــــــــــاء على الموضوع <<<<<
==================================
طريقه جديده علي واول مره اشووفها
يعطيك العافييييييه وتسلم الايادي
__________________________________________________ __________
ياحيا الله محتاره
ماشاء الله تبارك الله
طريقتك في الاتشار حلوه
بس ضروري الحلبهولا عادي
الله يسعد ايامك ياااارب
متميزه بأطباقك الرائعه والمتجدده
عوفيتِ وسلمتِ
__________________________________________________ __________
المشاركة الأصلية كتبت بواسطة احتاجك معي..} 
طريقه جديده علي واول مره اشووفها
يعطيك العافييييييه وتسلم الايادي
وانا جديده علي هذي بس ثالث سنه من تعلمتها
جربيها والاكيد بتعجبكم
والله يحفظك ويعافيك..
المشاركة الأصلية كتبت بواسطة حزن السما
ياحيا الله محتاره
ماشاء الله تبارك الله
طريقتك في الاتشار حلوه
بس ضروري الحلبه
الله يسعد ايامك ياااارب
متميزه بأطباقك الرائعه والمتجدده
عوفيتِ وسلمتِ
هلا وغلا فيك حزن (ما حب اكتب حزن الله لا يجيب حزن لمسلم)
عادي تبي تلغي الحلبه اذا همك ترى عشان الريحه ×_×
تراها كميه بسيطه لا تنسي عشرين كجم
بس عادي تنلغي اذا ما تبينها وممكن تضيفي بدلها
بابريكا بس انا ما لقيته فالماركت
والحبه السودا هذي اول مرره اضيفها لذيذه بس لو عملتها بس في نص
الكميه افضل والباقي بدون شوي البنات معي ستغربنها
بس تقبلنها لانه كميتها قليله
ولو تزيدو الفلفل انا قللت *_* ف ما بين
ونورتي فديتك
__________________________________________________ __________
__________________________________________________ __________
واضح انه لذيذه , تسلم يدك
يعطيك العافيه
المشاركة الأصلية كتبت بواسطة |[ آسَتثٌنـآئَيِہ ]|
وعليكِ السلآم ورحمة ألله وبركأتهَ
أسعد ألله أيامكِ بَ رضااههُ
مَ شااء ألله تبارك ألرحمن ..
شكلها حلـو وجديده ععَليّ
يمدي أزود بهاراات .. يعني ابيهاا
حارهه َمره "
ععادي ولآ بتطلع زنخهَ بَ الطعم ! ~
إبدععتي ~ ّ
دمتي بخـيرّ
هلاعزيزتي
نعم ممكن تزيدي شي بسيط بهارات
وف هالحاله تلغي حبة البركه لانها ماتتناسب مع
كثرة بهارات
بشكل عام الاتشار بهارات فيه قليله
وعشان زيادة الحر زيدي الفلفل الاحمر او فلفل الاخضر
وطبعاً عشان اللون ممكن تزيدي كركم
نورتي ..وربي يسعدك
رد مع اقتباس
