عنوان الموضوع : اخس شيء في الحياة انك تشوف اعز اصدقائك يدمر قدامك .... حوار حر
مقدم من طرف منتديات الشامل

اخس شيء في الحياة انك تشوف اعز اصدقائك يدمر قدامك ....
تخيلوا انك تساعد صديق طفولتك انه يتعاطى وانته ماتدري ...
عفوا خليكم معايه في الامر الواقع بالله ماتزعلون انكم تساعدون اعز اصدقائكم للخراب
بهذي الحركه انا دمرته بدون ماادري ولمن دريت ماعاد قدرت امشي حتى في الشارع واحس ان البيت ضاق بيه
ذحين كلكم راح تسألون مين هذا الصديق الي حابه ذا الحب كله ويش سوى عشان تعزه ذي المعزة .
راح اعطيكم مختصر عنه لأنكم راح تنقهرون مثل مانقهرت نبذة بسيطه جدا عن صديق طفولتي ..
اولا : هوه صديق الطفولة وافكارنا جدا متشابهه ودرسنا مع بعض و يمكن ماتصدقون اذا انا رسبت رسب معايه
مو عشان صداقتي عشنه داشر زيي هههههههههههه
ثانيا : كان هوه يساعدني في تزبيط سيارتي ويعبيلي بنزين ونفلها فرفره في الحواري
واتخيلوا مره اتضاربت مع عيال عمه طب معايه ضدهم زي مااقلكم ياجماعه وانا اعتبره زي اخويه واكثر
يعني اعزه معزة مايعلم بها الا الله واهم شيء الي سواه ليه انه خلاني اسيب الدخان وخلاني ابطله من كثر مايغثني
المهم من كثر مانمشي مع بعض قالوا اليوم الي نشوف الواحد لحاله اكيد واحد مات منهم
المهم هذي نبذه عنه ...
المهم انا قلت عن مكان سكنا ورحت مكان بعيد عنه ولكن مانقطع بعض من الاتصالات ونتقابل في الشهر مرة او مرتين بحسب ظروف الخاصة
انا اشتغلت في فترة الحج وقبلها بفترة غب عني صديقي فترة من الزمن وماادري ليه واتصل عليه مايرد قلت في بالي انه انخطف <<<<<<< متأثر باالافلام الهندية
انا الصراحة قلقت عليه ورحت الحارة عشانه وبديت اسأل عنه لأنه زي اخويه ابى اشوف ايش قصته لأن جمايله عليه كثير ومااقدر انساها وربي
من كثر مااسأل عنه يمكن طلعت برنت كامل عنه وعرفت ان كل اصدقاءه خربانين وكل مااسئل عنه يقولون فلان وكذا نظرة الاستحقار طالعه في وجيههم والله اني بغيت
اطعنهم واحد واحد لأني مستغرب النظره هذي ومااحبها لصديقي وانا اكره نظرة الاستحقار واكيد كل الناس ماتحبها عاد نزلت ادور عليه ومالقيته المهم رجعت وانا سهران للعمل
في الحج المهم واتصل عليه بعد فترة وقال انا قريب منك والله ياجماعة الخير فرحت فرح مايعلم به الا الله قلت الله يحيك المكان مكانك قال ياخوك انا محتاج فلوس قلت امر كم تبي
وانا فرحت لأنه اول مره يطلبني وانا دايم اخذ من عنده <<<<<<<<<< طلعت شحاذ ههههههههههه
قال لي ابي المبلغ الفلاني قلت له تعال خذ الي تبي بس . تعال انته عشان ابي علومك واطمن عليك قال انا جايك . تقابلنا والا وجهه متغير نحفان مره وجسمه تغير
المهم قلت وش فيك قال مافيني شيء وانا ضعيف على بالي انه يحب <<<<<<<< تفكير غبي صح
ولا صديقي مطلع سيجارة قدامي وبدا يدخن قلت انا في راسي انه مسويها حركة ولا مقلب فييه يبى يشوف وش ردي ولا انا امسك السيجارة وافت فتها قدامه زي ماكان يسوي لي
ولا الرجال انقهر وطالع فييه بحقد الصراحة انا ماصدقت نظرته قلت له ولد ايش فيك غير السالفة كذا بضحكة ومشى واخذ المبلغ ومااهتميت
واتصل على واحد في الحارة انه خويي ذا يدخن ولا لا قال ايوه يدخن ويمشي مع ثلاثه من اكبر الخربانين في الحارة الله يهديهم يارب وانا عارف خويي مستحيل انه يمشي في الطريق هذا
واثق في لأنه ساعدني في تبطيل الدخان يعني عزيمته قويه ان شاء الله
المهم بدى يطلبني كل بعد فترة فلوس وانا ماهمتني بس بدى يطلب بكثرة وانا مااشتغلت الا فترة الحج بس بس كنت ادبر له والي في جيبي اعطيه
وماافكر بس اتصل عليه واحد في الحارة وقلي خويك فلان تراه بدى يحشش
قلت ايش قلي ترى خويك يحشش والله انصدمت قلت انته من جدك ولا تطق طق قال تعال انته وشوف بنفسك قلت لو طلعت كذاب ياويلك
وانتم تعرفون كيف شعور القلقان مره يصدق نفسه ومره يكذبها وانا سرت موسوس في السيارة والبيت وعلى قلت لازم اروح بنفسي واشوفه
وشفته وهوه ......... يشرب الدخان ولقيته متكي مع اصحابه الخربانين قلت له تعال ابغاك قال طيب وجاني وبديت اكلمه واقله ويش سار لك
وش فيك قلت كله عشني غبت عنك هذي المده <<<<< مصدق نفسي اني حلو هههههههههههههههههههههههه
قلي بضحكه اكيد يهوه قلت لا والله من جد ويش فيك مو انته الي خليتني ابطل الدخان وذحين ترجع له قلي والله ظروف حدتني له قلت خلاص بطله زي ماانا بطلته على بالك اني دخنت من فراغ
قوي عزيمتك وبطل المهم قعدت ادردش معاه شويتين وقلي معاك فلوس قلت ابشر ولا اعطيه الفلوس وشويه قدام عيني ويعطيها واحد من الثلاثه وقله العازه تجيني الليله قال له ابشر يابو انته تامر امر
استغربت واتأكدت انه يبى يشتري شيء خراب قلت مو معقوله دخان يقله العازه الدخان تلقاه عند اقرب بقاله المهم انا في حيرة من امري وقعدت انصحه بطريقه غير مباشره واقله تعرف فلان الي كان في الحارة ذيك مات بسبب سيجارة حشيش
وبديت انصح فيه بطرق يمكن تقولون عني مجنون وهو بس فهم هرجتي المهم انا مقهور والله مقهور وقلي انته كنت تعطيني الفلوس وانا كنت اشتري بها الحشيش وزعلت والله زياده قلت خير ان شاء الله
المهم بتمنى انكم تفيدون بطريقه لكي انصحه وخليه يقلع عن هذا الخراب
والله يا اخوتي احس اني ضايق الصدر وبتمنى من الجميع يساعدني ويفيدني
بس امأنه لاتقولوا اتركه ولا تمشيء معاه تذكروا يا اخوتي انه كأن دوما ينصحني
وبنتظر تعليقاتكم يا احبتي

اخوكم الصغير عبود


>>>>> ردود الأعضـــــــــــــــــــاء على الموضوع <<<<<
==================================

مرحبا اخي والله الموضوع جد يقهر بس انته حاول معاه يعني انته وين ساكن ماكو عندكم مراكز معالجه
لان بصراحه الحشيش شي صعب ومنغير اراده الشخص انو يتركه مرح يتركه واذا ما في فبلدك مراكز تاهيل
حاول تعرف السبب اللي خلاه يروح لهذا الشي وليش وصل بيه هذا الحال لما تعرف السبب يمكن تقدر تتفاهم معاه
وتخليه يشوف الدنيا بمنضار ثاني وانته يا اخي مالك دخل فالموضوع انته ماكنت تعرف مفكر انو محتاج فلوس وساعدته ما تعرف انه رح يجيب بيها بلاوي ويضر نفسه لاتلوم نفسك وحاول معاه يمكن الله يهديه
ان شاء الله يكون كلامي فيه فايده
تقبل مروري

__________________________________________________ __________
اكيييييييييييييد ما راح نقوولكــ اترركــــه لانه هاذي مو صداقه بوقت الضييق تستغني عنه انصحه مرره وثنيين وثلااثه وابحث عن مشاايخ ينصحوونه خاصه من اللي ياا ثروون بكلاامهم واذا تقدر يدور رقم سلطان الدغيلبي (ابو زقم) ياامى اثرر في نااس محششششين وتابووا كلمه او ارسله رساله واذا ما قدرت اي شيخ وكمان انت انصحه وادعيله بالهداايــــه خاصه بالثلث الاخيرر بالليل واذا تقدرر بعده عن اصاحب السووء مثلاا خرجه معك
بعده عن الجووو اللي عايش فييه ولا عاد تعطييه فلووس اعتذرر منه انت تضرره وااضح انك مصدره الوحيد
اللي يجيب منه الحشيش ولاااااتنسى اذاا خابت كل المحاولات وما عاد فيه جدووى لازم تبلغ اهله خلها اخر الحلوول احسن


وكلماااا حسييت انك ضعفت وقاللك الشيطاان مستحييل يتوب تذكررر ان توبتكــ من الدخان بعد الله بسببــــه

اسسسسسسسفه طوولت بس موو ضووعك يبيلـــه الله يكاافييناا من اصحااب السووء

__________________________________________________ __________

ههههههههههههههههه
هلا امبراطور حسستني اني اتفرج على مسلسل
قصتك وقصة خويك مااللومك انك تحبه حتى تضاربت مع عيال عمه وطب معاك
لا تكفى خليك معاه لكن اذا حسيت انه بيسحبك
معاه وتقلبوها تحشيييييييييش ارجوك ابعد
احنا نحتاجك امبراطور هذيل في منتدى تعب قلبي



__________________________________________________ __________
اساسا وش فايدة الصداقة إذا خليته.. خلك دايما جنبه كثر من نصحة حاول معه انه يصلي بالمسجد ويحضر محاضرات(أن الصلاة تنهى عن الفحشاء والمنكر).
واكثر من الداء له بنص الليل الدعوة بنص الليل لا ترد ..إذا مانفع معه وده أقرب مركز يتعالج فيه وبإذن انه يطيب ..أتمنى انه أفدتك ولو بالقليل
أتمنى لك التوفيق


__________________________________________________ __________
يعطيك العافيه اخووووي ..
اوقف بجنب صديقك لاخر الطريق ..وانصحك انتبه تتخلى عنه ..لانه اللحين في اشد الاوقات حاجه لك ..
وانصحك تكلم واحد من اخوانه او امام المسجد في الحي اللي انتم فيه ..لازم ياااخووي تنقذه ترا يستاهل تعبك..
لانه صديقك وباين انه وقف معك كثير ..
اهم شيء تدعيله في كل وقت ..وبعدين تطلعه من البيئه الملوثه اللي عايش فيها ..لو تسافر انت وياه منطقه ثانيه لحد مااايتعدل سلوكه ..او تحاول يدرس او يشتغل بشغله مناسبه ..وتلهيه شووي عن رفاق السوء..
اسأل الله للجميع الهداااايه ..ويرجع صديقك مثل اول ..واحسن ..
مشكووور اخوووي ع اهتمامك بصديقك ..وع طرح هذا الموضوع الهااام

والله ياعبود لازم انك توقف معاااااااه مره واثنين وثلاااااااااااث

ولو حتى وصلت الامور انك تزعل منه ششوي لين يحس هو ويتغير

وحاااااول قد ماتقدر انك ماتخليه لوحده انا عارفه انك اكيد ماتكوووون

فاضي 24 ساعه بس حاول لو اسبوع او اكثر

يكوووون اكثر وقتك معاه وخلاص لعد تعطيه فلووس

والله صـــــــــــــ ع ــــــــــب موقفك

عليك بالدعاء وانا اختك وان شااءالله ربي يهديه.....

تقبل مرووري.."غربه الروح"..