عنوان الموضوع : قالت لي الاسم نوره مير خلك زين شعر رائع
مقدم من طرف منتديات الشامل
السلام عليكم ورحمة الله وبركاته
هذه القصيدة تتحدث عن نفسها اتمنى تحوز على رضاكم
قالت الو قلت انا يامرحبا واهلين=لكن من انتي ومين اعطاك جوالي
قالت علامك معصب يافتي هالحين=قلت ابغي الصدق ولا ابغى التهيبالي
قالت لي الاسم نوره مير خلك زين=أنا اعرفك يا وسيع الصدرمتعالي
لكن أنا متعبه وابغاك في أمرين=من ظلم الأيام شوف اليوم وش جالي
القلب يا سيدي ما يسكنه شخصين=وأنا قتيله وأخوك اليوم قتالي
قلت اشرحي قصتك واعطيك انا حلين=قولي لي السالفه يابنت طوالي
قالت فؤادي من الفرقاء على نارين=حملي ثقيلٍ وابيك تشّيل احمالي
أخوك له فالحشى يا سيدي بيتين=حبه سكني ولا غيره برا حالي
هجم على قلبي المسكين بالحدين=وقفا وخلى فؤادي بين عذالي
والله ما به بشر غيره من الجنسين=اللي عشقته وقلطته بمنزالي
واليوم جيت اسألك عن من سكن بالعين=اللي تركني مع الأحزان بلحالي
خلٍ فقدته وصرت ابحث عنه يومين=ياهل ترى هو تعمد يقطع اوصالي
قلت الحقيقه انا مدري ابتدي من وين=لكن وضعك يبي له شد ورحالي
صبرك علي وابشري مني بما تبغين=مادم نجمك تجلى في سماء عالي
شعر المشااااااااااااااكس
>>>>> ردود الأعضـــــــــــــــــــاء على الموضوع <<<<<
==================================
الشاعر (( مشاكس ))
صح الله لسانك وبيض الله وجهك ولا هنت
مبدع دائما ومتمكن ,دمت بخير0
أختكم:يالطيف الحشى0
__________________________________________________ __________
مشااااكس
صح السانك يالقرم
شاعر متمكن ورائع
عسفت المفردات على هواك
بيض الله وجهك على هذه الرائعه
ينطيك العافيه
ودي واحترامي
تحياتي
__________________________________________________ __________
مشاااااااااكس
روووووووووووعه يالغلا ولا هنت فديت هالطله وربي
تحيتي
عدنووونـ
__________________________________________________ __________
قالت لي الاسم نوره مير خلـك زيـن
أنا اعرفك يـا وسيـع الصدرمتعالـي
سلم بوح قلمك الفذ
وسلمت يمناك على ماخطته من كلمات رائعة الابداع
لك مني أعذب التحايا
__________________________________________________ __________
يعطيك العافيه
تحياتي
من بادي الوقت
المشاركة الأصلية كتبت بواسطة يالطيف الحشى 
الشاعر (( مشاكس ))
صح الله لسانك وبيض الله وجهك ولا هنت
مبدع دائما ومتمكن ,دمت بخير0
أختكم:يالطيف الحشى0
صح بدنك ولا هنتي
والابداع يكون بحضورك سيدتي
جل تقديري لسمو شخصك الكريم
رد مع اقتباس
