عنوان الموضوع : لاتعودني وتروح مابقى في الروح روح ,,
مقدم من طرف منتديات الشامل
روايتي الاولى
*لاتعودني وتروح مابقى في الروح روح انا محتاجتك دوم انا مو ناقصه جروح*
*البـــــــارت الأول*
(1)
في المستشفى
سلطان : ها دكتورة بشري.
الدكتورة : للأسف طاح الجنين .
سلطان مصدوم .
الدكتورة : خل ايمانك بالله قوي .
سلطان بهدوء : ونعم بالله .
الدكتورة : يالله انا استأذن .
سلطان : دكتورة طيب اقدر اشوفها .
الدكتورة : هي الحين نايمة اول ماتقوم تقدر تشوفها .
سلطان : مشكورة دكتورة .
الدكتورة هذا واجبنا .
رن جواله
سلطان ارتبك اول ماشاف المتصل : الوو
.......... : هلا سلطان .
سلطان : هلا يمه .
ام سلطان : انت وينك اللحين ؟
سلطان : هااااه ... انا انا اللحين في المعرض .
ام سلطان : طيب اول ماتخلص مر علي.
سلطان : خلاص اول ما اخلص اجي بسرعة .
وسكرت منه " والله لا اخليك تطلق هالسعلوة الي حرمتني منك و الأيام بيننا يا منيرة " .
......... : يمه وين الغدا
ام سلطان : طلال تعلم كيف تسلم بعدين تعال قول وين الغدا
طلال : يمه والله جوعان .
ام سلطان : اللحين بنحط الغدا.
كان قاعد محتار وش بيقول لأمه عن الي صار اكيد راح تجبرة يتزوج اذا درت ان منيرة سقطت ..... ومو اول واحد تسقطه هذا 3 تنهد : اااه الله يستر من الي بيصير.
سمع جواله يرن
سلطان ابتسم : هلا منيرة ها وشلونك الحين .
منيرة : الحمد لله احسن .... سلطان علمت امك .
سلطان : والله مادري وش اقولك يا منيرة بس خايف من ردة فعل امي .
منيرة : يعني وش بتسوي .
سلطان : خليها على الله المهم انتي لاتجيبين طاري لأحد انا راح اخبرهم بطريقتي .
منيرة : طيب متى بتخرجني .
سلطان : انشا لله بكرة .
منيره : وين محمد
سلطان: وديته لاهلك
منيرة : طيب خلاص يالله ما ابغى اطول عليك مع السلامة ... وانتبه على نفسك .
سلطان : مع السلامة .
سعد في تقارير كان لازم يوصلها له توجه لمكتبه ودق الباب
سلطان : تفضل .
سعد : هاذي التقارير الي طلبتها ..... تأمرني بشي ثاني .
سلطان : لا الله يعافيك .
حط التقارير على جمب وقام وهو متوتر مايدري وشلون بيقول لأمه عن موضوع منيرة توكل على الله وركب سيارته وتوجه لبيت امه .
(سلطان عمره 29)
----------------------------------
في مكان صغير بأنحاء بيت ام سلطان وبالتحديد في الملحق عايش ماجد ونجود وعيالهم
كانت نجود توها تبدى تعلم بنتها اسراء على انها تروح للحمام
اسراء : ماما ابغى حمام
نجود : بسرعة تعالي اوديك
اسراء ركضت عند امها وودتها للحمام
ماجد كان توه راجع من شغله : نجوووووود
نجود كانت في الحمام ماسكه بنتها عشان ماتطيح سمعت وليد يناديها وتركت بنتها وراحت عنده
اسراء انهبلت كانت بتقوم تمسكت بالسيفون .......
ماجد : وشو الغداء
نجود : ماعندنا شي للأكل بس اللحين بجيب من عند امي .
ماجد تأفف من عيشته كافي انه عايش في بيتهم حتى الأكل من عندهم
ماجد : طيب ..... وين العيال .
نجود شهقت : نسيت اسراء بالحمام
وركضت عندها لقت السيفون مكسور و اسراء قاعده تلعب بالمويه
نجود : اسراء ياحمارة وش سويتي
اسراء اول ماشافت امها معصبة هجت عند ابوها .
نجود نضفت الحمام عقب طلعت تقابل رجلها وعيالها .
(ماجد عمره 32 )
(نجود عمرها 25 )
(سعود عمره 12)
(الاء عمرها 9 )
(اسراء عمرها5)
---------------------------------
سلطان دخل البيت لقى امه قاعده تسولف مع طلال
سلطان : السلام عليكم .
ام سلطان وطلال : وعليكم السلام .
ام سلطان : بدري جيت .
سلطان : انشغلت بالمعرض
ام سلطان : بالمعرض ولا العجوز حرمتك من الجية .
طلال حس ان في مشكلة بتصير حب يغير الموضوع : يمه وين الغداء
ام سلطان : الله يبلشك اللحين بنحطه .
وراحت للمطبخ
سلطان تنهد براحه : ادينلك بالكثير .
طلال : عشان تعرف فضائل اخوك .
سلطان : الله والفضائل .
طلال : بعتبر نفسي ماسمعت شي .
سلطان : يكون احسن .
سمعو صوت من وراهم
.............. : سلااااااام
سلطان : وعليكم السلام
طلال : حيا الله نجود
نجود : هلا وشلونكم
سلطان و طلال : بخير
نجود : وين امي
طلال : بالمطبخ تحضر الغداء
نجود : عن اذنكم انا بروح عندها
راحت و تركتهم
طلال : اكيد كالعادة غدا
سلطان : بعد وش نسوي اختنا وملزومين فيها .
طلال : ملزومين فيها بس مو في ولد الناس .
سلطان : طلال وش فيك .
طلال : والله مو قصدي بس احس امي غلطت يوم زوجتها ماجد .
سلطان : الي راح راح.
نجود طلعت من المطبخ وبيدها حافضة طعام طلعت فيها عند رجلها .
ام سلطان من المطبخ : سلميلي على ماجد .
نجود : يوصل ..... يالله مع السلامة .
ام سلطان وهي طالعة من المطبخ : يالله ياعيال الغداء جاهز .
(طلال عمره 15)
-------------------------------------
في القصيم
في بيت ام عادل
ام عادل : هاه ياولدي متى بتفرحني وتتزوج .
عادل : يايمه انا ما افكر بالزواج الحين .
ام عادل : يا ولدي مابقى بالعمر كثر مامضى .... ابي اشوف عيالك قبل ما اموت
عادل : بعد عمر طويل يايمه ...... خلاص الي تشوفينه .
ام عادل : مافي وحده ببالك ؟
عادل : ابغاها على ذوقك .
ام عادل : على بركة الله .
(عادل عمره 31)
--------------------------------
في بيت ام سلطان كان الكل مجتمع
سلطان : يمه بعد امرك فيه واحد تقدم لفاتن .
ام سلطان : نعرفه ؟
سلطان : حمزة اللي كان يدرس معي بالجامعة .
طلال : طيب وسألت عنه .
ماجد : مايحتاج تسألون عنه
سلطان " يالقفك " : وليش مايحتاج .
ماجد التفت على ام سلطان : بعد اذنك ياخالتي ..... انا اعرفه وسمعته زي الزفت .
ام سلطان : اذا كنت تشوف كذا ياولدي خل نستخير
سلطان انقهر من امه الي تبدي كلمة ماجد ع الكل .
احمد يهمس لسلطان : تقول هو ولده مو حنا .
سلطان : حتى ما عطتنا فرصة نتكلم .
احمد : انا ما اقول الا الله المستعان .
(احمد عمره 20)
---------------------------------------
سلطان طلع من البيت وهو مقهور من تصرفات امه وتفضيلها لماجد اكثر منهم ركب سيارته وراح للمستشفى عند منيرة.
منيرة كانت تلهي نفسها مع الحريم المرقدات معها سمعت جوالها يرن لقت المتصل سلطان
منيرة : الووو
سلطان : سلاااام
منيرة : وعليكم السلام .
سلطان : ضفي اغراضك انا بالطريق .
منيرة : مو انت تقول بكرة وش تغير .
سلطان :الدكتور كتبلك خروج بسرعة خليك جاهزة .
منيرة مستغربة : ان شاء الله.
----------------------------------------
نزلت لقت امها قاعده مع عبد الأله تغيرله ملابسه .
فاتن تشوف اخوها برحمة وشلون كان مالي البيت عليهم والحين وشلون صار
فاتن : يمه اساعدك بشي .
ام سلطان : لا خلصت .
فاتن مسكت ريموت التلفزيون وقعدت تقلب فيه .
ام سلطان : اللحين وراه ماتروحين تنامين بكرة وراك مدرسة والساعة الحين 12 ومانمتي .
فاتن طفت التلفزيون : تصبحين على خير
فاتن عمرها 17
---------------------------------------
قامت على صوت خبطة الباب التفتت مالقت سلطان " اكيد هو الي طلع قبل شوي ...... الله يعينه على امه " .
راحت تجهز نفسها للمدرسة .
طلعت من الحمام لقت عندها مكالمة من المديرة
دقت عليها
منيرة : الووو
المديرة : السلام عليكم .
منيرة : وعليكم السلام .
المديرة : منيرة ليش متأخرة على طالباتك .
منيرة : اعذريني راحت علي نومه ...... نص ساعة بالكثير واكون عندك .
المديرة : والله لو ماكنتي غالية علي كان ما خليتك تدخلين للمدرسة بهالوقت .
منيرة : مشكورة يالله مع السلامة .
المديرة : مع السلامة .
خلصت من تجهيز نفسها وراحت للمدرسة مع السواق
(منيره عمرها 32 ) << لاحظوا اكبر من سلطان خخخ
----------------------------------------------
في المدرسه الثانويه
دلال : هاي فاتن ....... اخبارك ؟
فاتن : بخير الله يسلمك .
دلال شافت فاتن متضايقة : فاتن وش فيك ؟
فاتن : مافيني شي .
دلال : لا فيك شي .
فاتن : والله مافيني شي بس ضايق صدري .
دلال : اكيد عشان امك وسلطان .
فاتن : وفيه غيرهم بالبيت دايم هواش .
دلال : انا ابغا افهم امك ليش كذا احسها مسيطرة على حياتكم .
فاتن تضايقت مهما يكون هاذي امها : لا مسيطرة ولا شي بس هي كذا تخاف علينا .
دلال : اسفة يا فاتن مو قصدي بس والله الحق ينقال امك مو مخليه لكم مجال حتى تتنفسون .
فاتن : معك حق بس وش نسوي امنا ولازم نتحملها .............. .
رن الجرس والكل توجه لفصله
----------------------------------------
في بيت ام سلطان كانت قاعده تتقهوا
احمد : يمه انا مسافر ........ يالله تبغين شي .
ام سلطان : انت متى بتعقل وتبطل سفر .
احمد : يمه حنى تكلمنى عن هذا الموضوع كذا مرة وشرحتلك ضروفي لازم كل ما اجي اسافر محاضرة وطلع ولا احترى رد منها .
وام سلطان طنشته لانه مو اول مرة يحقرها
سلطان كان توه داخل البيت سلم على امه وقعد جمبها : يمه انا بقولك موضوع .
ام سلطان بعدم اهتمام : قول وش عندك .
سلطان : يمه انا عندي ولدي محمد الي بيشيل اسمي ان شاءالله
ام سلطان نغزها قلبها : بس محمد لازم يجيه اخ ولا تبيه يكبر بدون عزوه
سلطان ماحب يطولها وهي قصيره : يمه
ام سلطان : خير .....
سلطان : منيره........
ام سلطان : وش فيها بعد .
سلطان : يمه منيرة صقطت .
ام سلطان عصبت : انا قايلتلك كم مرة تزوج بس انت الي ماتسمع الكلام ومنيره بتطلقها يعني بتطلقها وطلعت فوق عند بنتها وتركته .
سلطان اول ماشافها رقت طلع وراح للمعرض .
--------------------------------------
في بيت ام ماجد كانت عندها ام عادل
ام ماجد كانت توها جايبة القهوة وحطتها وصبت لأم عادل : ياحيا الله ام عادل .
ام عادل : الله يحيك ويبقيك .
قعدو يسولفون وبعد ما خلصو حبت ام عادل تقول الي عندها .
ام صالح : والله انا يشرفني اني اخطب بنتك لولدي عادل .
ام صالح : هاذي الساعة المباركة بس لازم ناخذ راي البنت .
ام عادل : اكييد خذو راحتكم بس الله يخليك ردولي قبل اسبوعين .
ام ماجد : انا من ناحيتي موافقة مابنحصل مثل عادل بس بشوف البندري ونرد لك .
ام عادل : علا بركة الله ......... يالله انا استأذن.
ام ماجد اول ماطلعت ام عادل من عندها طلعت عند بنتها عشان تشوف رايها في الموضوع .
--------------------------------------
في الملحق عند ماجد و نجود
ماجد كان قاعد يلعب سعود و اسراء دخلت عليهم نجود
نجود : اسراء سعود روحو عند جدتكم بسرعة تبغاكم
اسراء و سعود يحبون جدتهم مرة واول مادرو انها تبغاهم طارو عندها
نجود جلست جمب ماجد وبدت دموعها تنزل وماجد اول ماشاف دموعها قرب منها وضمها
ماجد : نجود ايش فيكي حبيبتي مين الي زعلك
نجود ماتبي تبينله : مافيني شي بس متضايقة شوي
ماجد بعدها عنه : انت مو مرتاحه معي انا عارف اني فقير ومنتف بس والله اصبري علي شوي
نجود : لا لا بالعكس انا احبك ومرتاحة معاك بس كنت متضايقة شوي
ماجد قرب نجود منه وطبع بوسه على جبينها : الله يخليك لي ولا يحرمني منك
-------------------------------------
في المدرسه الثانويه في وقت الطلعه
كانت امل جالسة مع دلال يسولفون
دلال : لو تشوفين شكل الابله
فاتن : هههههههه الله يقطع ابليسك اكيد احرجتوها
دلال : تستاهل عشان ثاني مرة تعرف ماتطلعني
فاتن : إلا اقول دلول اخبارها اختك اعرست ولا للحين
دلال : والله مدري وش اقولك للحين معلقة لا هي الي متزوجته ولا هي الي تاركته
فاتن : الله يكون بعونكم
بعد فتره سمعت الحارس ينادي على اسم دلال
ودعو بعض وطلعت
ركبت السياره
دلال : هاااي
عبد العزيز وجع كسرتي الباب
دلال : ههههههههه ليش تاخرت انحرقت تحت الشمس شوفني صرت عبده
عبد العزيز بستهبال : وريني وريني
دلال ببرائه : تبيني افتش يعني عشان تشوف
عبد اعزيز : هههههههههه عشان اقص ايدك
دلال تصطنع العصبيه : طيب اوريك
(عبد العزيز عمره 29)
(دلال كبر فاتن عمرها 17)
----------------------------------------
ام سلطان نزلت من الدرج وتوجهت لصالة الضيوف كانت عازمة جارتها ام سليمان دخلت للمجلس وقامت ام سليمان وسلمو على بعض وقعدو يسولفون
وقف عند الباب الثاني من بيتهم نزل من سيارته وفتح الباب بالمفتاح الي كان معه ودخل وتوجه لصالة الضيوف
سمع صوت من الصالة وقف وهو مصدوم من الي قاعد يسمعه
ام سلطان : هالعجوز صقطت مرة ثانية
ام سليمان : ليش ماتزوجينه
ام سلطان : تعبت وانا اقنع فيه
ام سليمان : لا تزعلين مني بس يمكن العيب مو منها يمكن منه
ام سلطان : انا والله مستغربة من سبب رفضه
ام سليمان : انا اقول انه فيه شي بس مو راضي يقول
سلطان وقف مصدوم من الي قاعد يسمعة وش قاعدة تقول هاذي اكيد انجنت امي وقاعدة تسمعلها بعد لا خلاص انا لازم اشوف لي حل وطلع من البيت وهموم الدنيا فوقه .
----------------------------------
سلطان وش ناوي يسوي ؟؟
ام سلطان وش ناويه عليه ؟؟
البندري راح توافق على عادل ولا لاء ؟؟
حمزة انتهت قصته بمجرد ارفضوه ولا ايش ؟؟
& انتهـــــــى البــــارت &
ابي اشوف ردودكم ولا ترا ماراح اكمل *
>>>>> ردود الأعضـــــــــــــــــــاء على الموضوع <<<<<
==================================
اختي الرواية احسها عادية يعني ياريت تخلي فيها مفاجأت احداث اكتر وتشويق اكتر لانو احسها كلام عايدي انتظر القادم واتمنى انك ماتزعلي موفقة باذن الله
__________________________________________________ __________
تسلم الأنامل وما ننحرم من جديدك
__________________________________________________ __________
المشاركة الأصلية كتبت بواسطة ارسم لوحتي 
اختي الرواية احسها عادية يعني ياريت تخلي فيها مفاجأت احداث اكتر وتشويق اكتر لانو احسها كلام عايدي انتظر القادم واتمنى انك ماتزعلي موفقة باذن الله
لا عادي مافيه شي يزعل بس هذا اول بارت انشالله مع البارتات الجايه تعجبكم ..
__________________________________________________ __________
البـــــــارت الثــــاني
(2)
وقف عند الباب الثاني من بيتهم نزل من سيارته وفتح الباب بالمفتاح الي كان معه ودخل وتوجه لصالة الضيوف
سمع صوت من الصالة وقف وهو مصدوم من الي قاعد يسمعه
ام سلطان : هالعجوز صقطت مرة ثانية
ام سليمان : ليش ماتزوجينه
ام سلطان : تعبت وانا اقنع فيه
ام سليمان : لا تزعلين مني بس يمكن هو مايبي منها
ام سلطان : انا والله مستغربة من سبب رفضه
ام سليمان : انا اقول انه فيه شي بس مو راضي يقول
سلطان وقف مصدوم من الي قاعد يسمعة وش قاعدة تقول هاذي اكيد انجنت امي وقاعدة تسمعلها بعد لا خلاص انا لازم اشوف لي حل وطلع من البيت وهموم الدنيا فوقه .
----------------------------------------
احمد : حي الله الجني.
عبد الله : هلا فيك يالنمر.
احمد : متى رحلتي ؟
عبد الله : وش فيك مستعجل على رزقك .
احمد : لا تكون ماضبت الحجز
عبد الله : هههههه لقيتلك بس مو على سويسرا على امريكا
احمد : طمنتني ياخوي اهم شي اسافر.....المهم الساعة كم؟
عبد الله : الضاهر ع الساعة 8 بالليل
احمد ناظر ساعته : باقي ساعتين خل نروح نتغدى على ماتجي موعد الرحلة
عبد الله : يلا مشينا
-------------------------------------
سلطان كان قاعد يفكر خلاص انا مليت لازم اتزوج بس مو امي الي راح تختارلي انا الي راح اختار لنفسي والبنت الي تعجبني يكفيها تدخل بحياتي
طلع من مكتبه
سلطان : سعد اذا دق عليك احد يبغاني قوله اني مو موجود
سعد : انشا لله طال عمرك
ركب سيارته وطلع جواله ودق على رقم اخوه عبد الله وعلى طول رد عليه
سلطان : هلا عبد الله اخبارك
عبد الله : الحمد الله تمام انت وش اخبارك وش علومك
سلطان : يسرك حالي.
عبد الله : حمدلله على كل حال
سلطان : اقول عبود ابيك بخدمة
عبد الله : انت تامر مو تتطلب
سلطان : تسلم ياخوي ماتقصر ابغى اقرب رحلة لسوريا
عبد الله : ابشر ياخوي ماطلبت شي كم شخص؟؟
سلطان : بس انا يعني شخص واحد
عبد الله استغرب من اخوه مو من عوايده يسافر بدون زوجته او امه :تم ياخوي بكرة ارد لك
سلطان : تكفى دبر لياه بأقرب وقت
عبد الله : خلاص راح اشوف ارد لك في الليل
سلطان ابتسم : مشكور ماقصرت يلله تأمر بشي
عبد الله : سلامتك وسلملي ع الوالده
سلطان : يوصل يالله مع السلامه
وسكر منه وهو مبسوط
------------------------------
في بيت ام سلطان كان الكل مجتمع ع السفرة معاد سلطان ومنيرة
ام سلطان : شفتو كيف صار حتى الغدا مايجي عندنا ساحرته هالعجوز
طلال مل من كلام امه الي 24 ساعة ماعندها سالفة إلا سلطان ومرته : يمه يمكن انه مشغول
منصور : مشغول في عينك اكيد مل من مقابل وجيهنا
طلال : الغايب عذره معه
فاتن : وبعدين مو كل صغيرة وكبيرة بنحاسبه عليها كلن وله حياته الخاصة
ام سلطان : محد طلب رايك
فاتن : يمه مو معقوله بيقابلنا طول الوقت ترى حتى زوجته وولده لهم حقوق عليه ولا نسيتي يمه
ام سلطان : أي زوجه والي يرحم والديك هاذي عجوووووز
طلال : المهم انها زوجته
فاتن قامت من على السفرة
ام سلطان : على وين
فاتن : لاحوول شبعت
ام سلطان : وفرتي
فاتن طلعت لغرفتها واخذت عبد الأله معها
طلال : يمه ليش سويتي كذا ؟
ام سلطان بعصبية : انا محد يحاسبني
طلال : والله الأكل بهالبيت صار معاد ينطاق
ام سلطان بغرور : محد جابركم تقعدون في هالبيت الي مو عاجبه لباب يفوت جمل
طلال قام من على السفرة وطلع لغرفته وهو مقهور من تصرفات امه
------------------------------------
عبد الله و احمد بعد ماخلصو اكل توجهو للمطار وودعو بعض
رن جوال عبد الله
عبد الله : الوو
........... : هلا عبود ها وش صار بالموضوع لقيت ولا لا
عبد الله : سليطين اصغر عيالك تقولي عبود
سلطان : ههههه خلاص ولا تزعل اهم شي لقيت؟؟
عبد الله : ايه لقيت رحلتين وحدة بكرة الفجر الساعة 3:30 والثانية اليوم الساعة 11
سلطان : خلاص احجزلي اليوم الساعة 11
عبد الله : إلا ابي اسألك وش فيك مستعجل
سلطان ارتبك وش يقوله : لا بس شغل وابي اخلصه بأسرع وقت
عبد الله : الله يوفقك يالله تامر على شي
سلطان : سلامتك مع السلامة
عبد الله : مع السلامة
سلطان اول ماسكر من اخوه ركب سيارته وتوجه لبيته عشان يتجهز للسفرة .
-------------------------------
في بيت ام سلطان وبالتحديد في الملحق عند ماجد ونجود
كانو قاعدين يلعبون سعود واسراء والاء
ماجد : اسراء تعالي حبيبتي عند بابا تعالي
نجود : انا حبيبي سعود بس
الاء بزعل : وانا ؟
نجود : اكييد الوئه احلى وحده
ابتسمت الاء وتوجهت لحضن امها
اسراء : احسن انا اروح عند بابا مابي ماما
سعود : عيب تقولين هذا الكلام
ماجد : كفو والله كفو ولدي يأدب اخته
نجود : ههههه من الحين بدى يتسلط
ماجد : سعود روح جيبلي مويه من المطبخ
نجود : انتبه لاتقرب من النار فيه مويه حاره
سعود : طيب
وقام وراح للمطبخ شاف النار مطفيه " تقولي النار مشغله " وقرب عشان يتاكد من الفرن ومسك الأبريق وصرخ بأعلى صوته
الكل اول ماسمع صوته توجه للمطبخ
ماجد : سعود وش فيك
نجود مسكت سعود وقعدت تصيح : سعود حبيبي وش الي يوجعك
سعود بس قاعد يصيح وياشر على ايده
ماجد : نجود قومي بسرعة خل نوديه للمستشفى
نجود قامت اخذت عبايتها وودت اسراء والاء عند امها بعد ماقلتلها الي صار
وطلعو مع لموزين وتوجهو للمستشفى
-------------------------------
وقف سيارته قدام الفلة ونزل وهو مبسوط
منيرة : انشا الله دوم مو يوم
سلطان اول ماشاف منيرة تذكر الي راح يسويه حرام هي ماتستاهل مالها ذنب اني اتزوج عليها خلاص ماراح اتزوج
قطعت منيرة تفكيره : الوو سلطان اكلمك
سلطان : ما نتبهتلك بغيتي شي
منيرة استغربت من حاله اول مرة يكلمها بهالأسلوب : لا بس كنت ابسألك اذا تبي عشاء
سلطان يبي يصرفها : ياليت والله مييت جوع
منيرة ابتسمت : يخسى الجوع ربع ساعة ويكون عندك
سلطان اول ماراحت قعد يفكر لا لازم اتزوج واخلي الناس تعرف ان انا مافيني شي
بس ومنيرة ايه ماراح تقولي شي الي يحب لازم يضحي يووه وش فيك ياسلطان صرت اناني وماتفكر إلا في نفسك بس انا صارلي كم سنة معها ماعندي إلا محمد ودي له باخ يكون له عزوه وهي راح تفهمني وتسامحني
طلعت منيرة من المطبخ وفيدها صينية مليانة اكل
سلطان اول ماشافها ارتبك : منيرة انا لازم امشي اللحين لأني مسافر
منيرة تضايقت : والعشاء
سلطان : مو مشتهيه
منيرة : وليش مسافر
سلطان لحوول وش اقولها هاذي : رحلة عمل اسبوع بالكثير وراجع
وقام ولا استنى رد منها
منيرة طلعت لغرفتها جلست على السرير بدت دموعها تنزل وش فيه متغير اكيد فيه شي يعني يمكن يطلقني اثرت الكلمة فيها يطلقني لالا لازم اطرد هالأفكار من راسي هو يحبني وانا احبه ومستحيل نفترق راحت لغرفة محمد وشافته نايم ورجعت لغرفتها وحطت راسها على المخدة وعلى طول نامت
-------------------------------
في المستشفى عند ماجد ونجود
كانت نجود تنتظر ماجد وسعود الي لهم ساعة عند الدكتور وماطلعو وهي بس قاعدة تبكي
طلع الدكتور ووراه ماجد وسعود ملفوفه يدينه
انفجعت اول ماشافته وركضت عنده ونزلت لمستواه وقعدت تمسح على شعره : سعود حبيبي يوجعك شي
سعود : لا ماما بس شوي
ماجد حب يطمن نجود : لاتخافين مافيه شي بس حروق صطحية
نجود ارتاحت من كلام ماجد ومسحت دموعها وطلعت وراى الدكتور وماجد وسعود
واخذو الدواء وطلعو مع لمزين للبيت
---------------------------------
عند سلطان اخذ شنطته وطلع للمطار بسيارة اخوه عبد الله
عبد الله : متى ناوي ترجع
سلطان : اسبوع وراجع اذا ما استجد شي
عبد الله : احسك مو طبيعي اذا مظايقك شي قولي
سلطان : لا مافيني شي وش بيكون يعني
عبد الله : ريحتني والله .. ياخوي انت تستاهل كل خير
وصلو للمطار واعلنت الطيارة عن موعد اقلاعها ودعو بعض وكل واحد راح في طريقه
------------------------------
في القصيم بالتحديد في بيت حمزة
ام حمزة : انا اخطبتلك ست البنات منهي فاتن هاذي عشان ترفظك
حمزة : خلاص يمه دوريلي وحده غيرها
ام حمزة : ايه لقيتلك وحدة احسن من فاتن جمال ودلال واخلاق
حمزة تضايق من امه : الي تشوفينه يمه وطلع لغرفته
ام حمزه اخذت التلفون ودقت رقم ام ماجد
ام ماجد : الوو
ام حمزة : حيا الله ام ماجد
ام ماجد : هلا فيك وشلونك وش اخبارك
ام حمزه : الحمد لله بخير انتي طمنيني عند
ام ماجد : الحمد لله تمام
ام حمزة : والله مستحيه منك وش اقول
ام ماجد : قولي لا تستحين حنا خوات
ام حمزه : تسلمينلي بس انا ماعندي رقم ام طارق جارتك وابي بنتها الجوهرة لولدي حمزه
ام ماجد : بس ماطلبتي شي انا اوصلها ومايكون خاطرك إلا طيب
ام حمزة : ماتقصرين يام ماجد يالله تامرين على شي
ام ماجد : ابي سلامتك يالله مع السلامة
ام حمزه : مع السلامه
------------------------------
وصلت طيارة سلطان لسوريا بالتحديد دمشق
نزل من الطيارة وتوجه للفندق الي حجز له اخوه فيه
ونزل اغراظه و اعطاها واحد من الموضفين
سلطان : خلاص حطهم هينا يعطيك العافيه
رتب اغراضه وطلع جواله ولقى فيه 6 مكالمات من خاله ودق عليه عشان يشوف وش عنده
سلطان : هلا والله بخالي كيفك ؟
سامر : بنشكر الله كيفك انت حبيبي وكيف امك
سلطان : الحمد لله بخير وامي تسلم عليك
سامر : ليش ما اجت معك ؟
سلطان : تعرف ياخالي الحين وقت مدارس وعندنا اختي نجود وعيالها يعني امي ماحبت تتركهم لحالهم
سامر : الحمد لله ايمتى بدنى نشوفك
سلطان : والله الحين تعبان ما اقدر اجي انشا الله بكره الصبح امركم
سامر : اوك يالله بدك شي
سلطان : سلامتك
سامر : انتبه ع حالك
سلطان : انشا الله يالله مع السلامه
سامر : مع السلامه
رتب بقية اغراضه وحط راسه ونام
-------------------------------
في القصيم في بيت ام ماجد
بعد ماسكرت من ام حمزه توجهت لغرفة البندري تشوف رايها بالي خطبها ( عادل)
ام ماجد : ها يمه وش قلتي
البندري مستحيه : الي تشوفينه يمه
ام ماجد : يعني موافقه على عادل
البندري : اذا انتي موافقه انا موافقه
ام ماجد : على بركة الله
وقامت باست راس بنتها وبدت دموعها تنزل
البندري اول ماشافت امها حسبت فيها شي
البندري : يمه فيك شي
ام ماجد : لا يمه بس مدري وشلون بتحمل اقعد بالبيت بدونك
البندري برحمة : خلاص يمه بقعد عندك ماراح اتزوج
ام ماجد : لا يابنتي عادل رجال الكل يشهد بأخلاقه واي بنت تتمناه وبعدين بتعود زي ماتعودة على ماجد
البندري ببتسامه قامت باست راس امها
البندري الله لايحرمني منك
ام ماجد : ولا يحرمني منك
-------------------------------------
في بيت ام سلطان
ام سلطان كانت قاعدة وبيدها الجوال
ام سلطان : شفتو كيف لي ساعة ادق وجواله مقفل
طلال : يمكن جواله مافي شحن
منصور : مافيه شحن يشحنه ولا مافيه فيش بعد
طلال : منصور عن المصاخة عاد
نزلت فاتن على صوتهم
فاتن : وش فيكم
ام سلطان : وفيه غيره منكد حياتي
فاتن : حسبالي عندكم سالفه
طلال : اصلا فيه سالفه بهالبيت غير سلطان
ام سلطان : شوف انت وياها ياتقعدون بادبكم يا اما كل واحد يذلف غرفته
فاتن : يووه عيشه صارت ماتنطاق
وصعدت لغرفتها
طلال : يمه حرام عليك كافي تسيطرين على حياتنا وطلع ولا انتظر رد من امه دق على صديقه وطلع معه
ام سلطان بكل غرور صعدت لغرفتها ولا حتى اهتمت لكلام عيالها
-------------------------------------
يوم جديد في سوريا قام سلطان واخذله شاور ونزل للمطعم الي في الفندق عشان يفطر جلس على اول طاولة وطلبله كابتشينو مع كورسان
رن جواله
سلطان : الوو
سامر : اهلين سلطان كيفاك
سلطان : الحمد لله بخير انت اخبارك
سامر : الحمد لله منيح ... ايمتى بدك تجي
سلطان : اللحين قاعد افطر اول ما اخلص بجي
سامر : بنتزارك
سلطان : يالله تامر على شي
سامر : سلامتك حبيب البي بخاطراك
سلطان : مع السلامة
------------------------------
في القصيم
في بيت ام ماجد كانت قاعدة تكلم جارتها ام صالح
ام ماجد : يبون الجوهرة لولدهم حمزة
ام طارق : هاذي الساعة المباركة خل يجون يخطبون وانا بشاور البنت
ام ماجد : على بركة الله
ام طارق : اجل متى ناوي ماجد يجي
ام ماجد : والله مادري بس اكيد اذا صارت الخطبة بيحضر عشان اخته الجوهرة
ام طارق : خلاص اجل يالله تبين شي
ام ماجد : سلامتك مع السلامة
ونزلت السماعة من ام صالح
البندري : يمه مين كنتي تكلمين
ام ماجد : هاذي خالتك ام طارق
البندري : تقل سمعت موضوع خطبة
ام ماجد : ايه هاذي ام حمزة خطبت اختك الجوهرة لولده حمزة
البندري بفرح : واااو وناسة اجل بيكون عرسنا مع بعض
ام ماجد : الله يكتب الي فيه الخير يابنيتي
البندري : اميييين .... يلا يمة تبين شي انا بطلع غرفتي
ام ماجد : الله يوفقك يابنيتي
-------------------------------------
في الرياض بالمدرسه الثانويه
كانت فاتن جالسة وسرحانة شافتها دلال ومشت بشوي شوي من وراها وغطت عيونها
فاتن : وجع دلول
دلال : انا مو دلال
فاتن : دليل عن المصاخة ترى مالي نفس
دلال فكت يدها عن فاتن
دلال تسوي نفسها زعلانه : اصلا الحق علي الي جايه اواسيك
فاتن بضيق : اسفة دلال مو قصدي بس متضايقة شوي
دلال التفتت عليها وابتسمت : عادي حبيبتي ماصار شي
فاتن ضحكت : فقعتي عيني
دلال : ههههه لزوم الدفاشة
فاتن : انتي متى بتعقلين
دلال : اذا تزوجتي
فاتن اختفت الأبتسامة من وجهها وقامت
دلال ماتدري ليش قالتها : فاتن وش فيك زعلتي
فاتن : ماصار شي وكل واحد ياخذ نصيبه
دلال : رفضوه ؟؟
فاتن : ايه امي رفضته
--------------------------------------------
في سوريا
سلطان كان واقف يستنى سامر بشوارع سوريا
سلطان لحوول هذا وين راح لي ساعة منطق بالشمس
سامر من ورا سلطان : تأخرت عليك
سلطان : لا توني جاي
سامر : اوك وين تحب نبلش
سلطان : والله انا ما اعرف شي انت ابخص
سامر : ازا بدك نصيحتي في وحدة بعرفة كتير خلوقه ومأدبه ومحجبه
سلطان : وهذا الي انا ابيه
سامر : لكان توكلنا
سلطان : طيب ابسألك هي من وين
سامر : من حلب
سلطان الله يستر بس : طيب يالله مشينا
سامر : مشينا
---------------------------------------------
توقعاتكم **
---------------------------------------------
&انتــــــــهى البـــارت&
البــــــــــارت الثـــــالث
(3)
في بيت ام سلطان كان الكل مجتمع
نجود : يمه حنا اليوم مسافرين
ام سلطان : لوين يابنتي
ماجد : بنروح القصيم اختي الجوهرة انخطبت وبنروح نحضر خطبتها
ام سلطان : مبروك ياولدي مبروك .... روحو الله يسهل عليكم
ماجد : الله يسلمك ياخالتي
ام سلطان : أي شي تحتاجونه لايردكم الا لسانكم
ماجد : مشكورة ياخالتي ماتقصرين
منصور : اسمع ياماجد ترى بزعل عليك اذا دريت انك محتاج وما قلتلي
ماجد : انا ما اقوى على زعلك
طلال يهمس لخوه : مسوي فيها كريم يابو الشباب
منصور : كريم غصب عليك
طلال قام : يالله انا استأذن
ماجد : تو الناس
طلال لا وبعد صاير يعزمنا وعلى بيتنا والله شي يضحك : معليش اعذروني مواعد الربع
وطلع من البيت وهو مايدري وين يروح
ماجد : وحنا بعد نستأذن
ام سلطان : الله يحفظكم ياعيالي
نجود : يالله يمه مع السلامه
ام سلطان : مع السلامه .... طمنوني عنكم اول ماتوصلون
نجود : انشالله يمه
وسلمو على بعض وركبو اغراضهم بالسيارة ومسكو خط القصيم
-------------------------------------
في سوريا
سامر : يالله سلطان دق الجرس
سلطان بارتباك : طيب
دقو الجرس وفتحتلهم بنت صغيرة كانت بقمة الجمال سلطان اول ماشافها دعى ربه يرزقه ببنت مثلها
سولاف : اتفضلوا
سلطان مسك يد سولاف : وش اسمك ياحلوه
سولاف : سولاف
سلطان : اسمك حلو
سولاف : وانت بعد كتير حلو
سلطان ضحك على برائتها : بس مو احلى منك
سولاف ابتسمت : بابا وماما بينتزرو جوا
سلطان وسامر دخلوا
وسلم الكل على بعض وجلسو يسولفون
سامر : بعد ازنكم انا جاي اخطب كريمتكم لابن اختي
ابو عمر : هاد شرف لألنا
سامر على بركة الله
ابو عمر قال لزوجته تروح تنادي بنته مروه
قعدو يتناقشون عن الزواج
دخلت عليهم مروة بكل نعومه وبقمة جمالها وشايلة صينية فيها عصير
سلطان رفع عينه وقعد يتأملها انا وين عنك من زمان ونزل عيونه >> مسوي ثقيل
مروه قدمت لهم العصير وجلست قدام سلطان
وبعد ربع ساعة اشر لها ابوها تقوم وقامت وطلعت برى
سلطان : خلاص موافقين
ابو عمر : توكلنا
سلطان : عندي شرط صغير بعد اذنك ابغى الملكة والعرس مع بعض بعد اسبوع
ابو عمر : خلاص واحنا عطيناكم
سلطان قام : يالله تامرون على شي
ابو عمر : سلامت البك بخاطرك
سلطان وسامر : مع السلامه
----------------------------
في امريكا
كان احمد يتمشى بشوارع امريكا وقف يتأمل البحر
كان فيه بنت تناضرة من اول ماوقف
الأولى : "انظري الى الفتى انه ضريف"
الثانية : "اين"
الأولى : "هناك قرب البحر"
الثانية : "فعلا انه جميل"
الأولى : " دعينا نذهب اليه "
توجهوا لاحمد
الأولى : " لو سمحت "
احمد التفت عليهم وابتسم : " تفضلي "
الثانيه : "هل انت عربي"
احمد : " نعم "
الثانية ابتسمت : " انا ادعوك الى شقتي "
الاولى ناظرتها بحقد : " لا ستأتي معي "
احمد ضحك بصوت عالي : ههههههههههههههههههههههه
الاولى والثانيه جلسو يناظرون بعض وهم مستغربين
احمد : هههههه احم " اغربي عن وجهي انتي وزميلتك فوقتي لايسمح "
الاولى كشرت وسحبت صديقتها ومشو
احمد : بجد وقاحه
-------------------------------
وصلو نجود وماجد لبيت ام طارق
وقف سيارته ونزل اسراء وسعود والاء ونزلت نجود دخلوا البيت ونزلت ام طارق رحبت فيهم وضيفتهم
وبعدها انقسمو الرجال والحريم
ودخل حمزة للمجلس المخصص للرجال سلمو على بعض وقعدو يسولفون قضو الوقت سوالف وضحك
ابو حمزة : انا جاي يابو طارق اطلب ايد بنتك لولدي حمزة
ابو طارق : والله والنعم فيكم انا موافق بس بشوف راي البنت
ماجد ابتسم : مراح نحصل نسيب مثل حمزه
حمزة : تسلم
ابو حمزة : على بركة الله
وقام واشر لولده
ابو طارق وقف : وين تو الناس
ابو حمزة : والله اتأخرنا ولازم نرجع وبعدين الجايات اكثر يالله تبون شي
ابو طارق : سلامتك
ابو حمزة : مع السلامة
ابو طارق : بحفظ الله
-----------------------------
في بيت ام سلطان كانت فاتن تقلب بالقنوات سمعت صوت من وراها
........... : وش قاعدة تسوين
فاتن اللحين بتفتحلي سالفة سلطان : ابد يمه قاعدة اتفرج ع التلفزيون
ام سلطان : ماكلم عليك سلطان
فاتن منفعلة : لا يايمه ماكلمني ولو سمحتي لاعاد تجيبينلي سالفة سلطان لاني بجد مليت
ام سلطان : فاتن ماتلاحظين ان لسانك يبيله قص
فاتن : ..........
ام سلطان : روحي اقلبي وجهك انخمدي
فاتن : انا بروح انام وانتي لا تنسين تصحيني اذا جت حبيبتك نجود ورجلها
ام سلطان : انتي يبيلك تربية من جديد
فاتن : ............
ام سلطان : الظاهر ان هالمدرسه مايعلموك الا طوالة السان
فاتن بملل : انا باروح انام تصبحين على خير
ام سلطان : .............
----------------------------------------
وفي سوريا كان سلطان قاعد بمطعم يتعشى
سمع جواله يرن
اول ماشاف المتصل ضاق صدره وحط جواله ع الصامت بس الرقم يرجع يدق ويدق
سلطان مسك الجوال ورد بكل برود : الوو
............ : الوو اهلين سلطان ما اشتقتلي
سلطان : اكيد اشتقتلك يبيلها كلام
............. : طيب متى ناوي ترجع
سلطان بعصبية : منيرة ارجع متى ما بغيت سامعة
منيرة : اعصابك ماقلنا شي يعصب
سلطان انا وش قاعد اسوي حرام هي ماسوت إلا كل خير : معليش منيرة كنت معصب شوي
منيرة : لا عادي يلا مع السلااامه
سلطان زعل على حالها : مسرع مليتي مني
منيرة : الظاهر انك مشغول
سلطان : اذا كنت مشغول افظالك
منيرة ابتسمت : طيب حبيبي متى بترجع
سلطان قاطعها بعصبية : كم مرة قلتلك لا تسأليني متى ارجع
منيرة لحوول انا وش سويت : طيب اسفة ماكان قصدي
سلطان : يالله تبين شي
منيرة مو تو يقول يفظالي : سلامتك
سلطان : مع السلامة وقفل الخط بوجهها وما استنى رد منها
منيرة نزلت دموعها تبكي حظها
وش فيه متغير علي اكيد فيه شي لا يكون ؟؟ لا لا مستحيل يسويها سلطان مستحيل يتزوج وحدة ثانية بس اذا كان متزوج انا وش بسوي لا لازم ما افكر بهالأشياء اصلا هو يحبني وماراح يحب غيري طردت الأفكار من راسها وحطت راسها ونامت
----------------------------------
في سوريا في بيت ابو عمر
كانت منسدحة على السرير
ريف : شو بيك مروه
مروه : مابني شي
ريف قامت عندها : بتخبي علي
مروه : هههههههه شو بدي خبي يعني بس شويه خايفه
ريف : ومن شو خايفه
مروه : سلطان
ريف : ليش بالله
مروه : بحسو غامض كتير
ريف : وما احلكي حكمتي عليه بسرعه
مروه : انا مابنكر انو كتير حلو بس انا خايفه منو ومن مرتو لما بتعرف انه اتزوج عليها
ريف : لاتشيلي هم حبيبتي باينتو طاير عألو فيكي حدد الملكه والعرس بليله وحدة
مروه رمت على اختها المخدة : ما اغلزك
ريف : هههههههههه
مروه : رح فرجيكي لما بتتزوجي شو بعمل فيك
ريف : ههههههههههه ماراح تأدري
مروه : بالله شو ليش
ريف : راح تكوني ببيت جوزك ياضرسانه
مروه : هههههههههه وما احلاني مابزوركن
ريف : نامي نامي بكره بدو يجي حبيب الالب
مروه : عن جد انك غليزه
وقضو اليله ضحك ولعب ومناقر وبعدين نامو
-----------------------------------
بعد مرور 14 سنه
------------------------------------
في قصر ام سلطان
فتحت باب الغرفه بقوه
ام سلطان : مادلين
سيرين فزت من نومها : هلا يمه
ام سلطان بعصبيه : قومي سطل النوم هذي ويلا كل وحده على شغلها
سيرين ببرود : بس يايمه لسا الساعه 7 وامس مانمنا إلا متاخر
ام سلطان كان ودها تصفقها على برودها: انا قلت تقومون يعني تقومون
سيرين : حرام عليك حنا بنات ولدك مو حرام الي تسوينه فينا
ام سلطان صفقتها كف على وجهها : وين ابوك ياحلوه عنكم انا الي ربيتكم وعيشتكم عندي وهذا جزاي مفروض تحبين ايدك وجه وقفا
سيرين ماسكه خدها من قوه الضربه : ان شاءالله الحين اقوم مادلين وننزل
ام سلطان طلعت من الغرفه وتركت سيرين تبكي
مادليت قامت وضمت اختها وجلست تبكي معها
مادلين : خلاص سيرين لاتبكين
سيرين وهي للحين تبكي : جدتي معها حق
مادلين : سيرين حبيبتي حنا لازم نصبر
سيرين : والله تعبت تعبت من قساوة قلبهم ونظراتهم لنا
مادلين : ماعليك من احد ويلا الحين امسحي دموعك وخلينا ننزل للحين جدتك المصون تجينا بالعصا
سيرين مسحت دموعها وابتسمت : يلا
طلعو مادلين وسيرين راحوا للحمام كل وحده غسلت وجهها وغيرو ملابسهم ونزلو يستلمون اشغالهم
(مادلين عمرها 18 وعيونها اخضر على رصاصي غامق وبيضه شعرها اشقر غامق ناعم وقصير
سيرين عمرها 17 عيونها اخضر على رصاصي بس افتح من مادلين وابيض من مادلين شعرها اشقر غامق كيرلي يوصل لكتوفها مره مره يجننون يعني الي يشوفهم يقول اجنبيات مو سعوديات ابد)
-----------------------------------
في مكان اخر بالتحديد في قصر فاتن
فاتن : توجهت لغرفت عيالها وفتحت الباب بهدوء
تقربت من اول سرير وهزت بخفيف : سموره حبيبتي يلا ماما قومي
سمر تحركت وجلست على حيلها : ماما حبيبتي لسا ماشبعت نوم
فاتن قربت منها وطبعت بوسه على جبهتها : لا حبيبتي الحين بابا يجي ومايلقاكم صاحين بعدين يزعل
سمر ابتسمت لامها بحب : اوك مامي
فاتن : يلا حبيبتي انا بطلع وصحي اخوانك
سمر : وين بتروحين
فاتن : بروح لامي شوي وبرجع تبين تجين
سمر : لالا مامي خلاص روحي انتي
فاتن ابتسمت : يلا باي حبيبتي
سمر : باي مامي
قامت سمر وتوجهت للحمام غسلت وجهها وتوضت وصلت وطلعت تصحي اخوانها
(سمر عمرها 18 لونها برونز مرره نعومه ودلوعه وشعرها طويييل حيل لان ابوها مايرضى تقصه )
-----------------------------
بجهة ثانيه في قصر سلطان
صحى من النوم وتوجه للحمام وغسل وجهه وراح للصاله
محمد اول ماشاف ابوه قام وباس راسه: صباح الخير يبه
سلطان : هلا والله بولدي صباح النور
جلسوا بالصاله يسولفون عن الشركه وغيره .....
نزلت منيره بكل شموخ وتوجهت للصاله : صباح الخير
سلطان ومحمد : قصدك مساء الخير صرنا ظهر الحين
منيره بغرور : ليش ماصحيتني
سلطان ناظرها بعين وقام تاركها ومطنشها
محمد : يمه انتي ليه كذا ممكن تعطين بيتك شويه من وقتك ترا ابوي يمكن يصبر ويصبر بس اخر شي بيمل
منيره بعدم مباله : خليه يمل زي ماتزوج قبل يتزوج تالي
محمد ناظر امه نظرات تعجب من كلامها وتركها وطلع لغرفته يبدل ويروح الشركه مع ابوه قبل مايدخل غرفته راح لاخته اسيل
طق الباب عليها بس لامجيييب
محمد : اسيـــل
اسيل : .........
محمد : اسيلووه
اسيل : ...... خير خير وش تبي
محمد اول ماسمع رد منها فتح الباب ودخل شافها معتفسه وشوشتها طايره ضحك على شكلها
اسيل : ليش تضحك انت ووجهك
محمد : هههههههههههه بالله طالعي شكلك بالمرايه ههههههههه
اسيل ابتسمت : ايزي خيو حبيبي كل البنات كذا
محمد : لا سراحه انا اشك انك بنت
اسيل عصبت : اقول طس بس طس
محمد : طيب بكيفك كنت باخذك نطلع مع بعض نفطر بس بطس خلاص
اسيل فزت من مكانها : لالا وين يارجال امزح اقعد اقعد اذا ماشالتك الغرفه تشيلك عيوني
محمد : كل هذا عشان الفطور اجل اجلسي مافيه
اسيل : لا والله حتا لو ماوديتني عادي انت اخوي حبيبي
محمد : ههههههههه ايه هييين الموهم اجهزي يلا استناك تحت اذا تاخرتي بمشي عنك
اسيل بحماس : ولا يهمك تكه وبكون عندك
طلع من غرفتها وراح لغرفته
اسيل توجهت للحمام وتوضت وصلت ونزلت لاخوها عشان يفطرون
(محمد عمره 25 مرره يخبل جسمه رياضي وشعره اسود ومايحب يطوله ابد عيونه كبار ولونها اسود
اسيل عمرها 17 عيونها سودة بشرتها حنطيه مملوحه شعرها اسود طويل )
&انتهـــــــــــى البــارت&
( ^__^ )
توقعااتكم **
*************************
انشالله تنال على رضاكم بس ابغا ردود عشان اكمل ..
__________________________________________________ __________
البــــــارت الرابـــــــع
(4)
عند سيرين ومادلين
مادلين : سوسو
سيرين : هاه
مادلين : اووف طفش
سيرين انسدحت على ظهرها : وش تبين نسوي حتا الاب اخذته اووف منها صدق عقلها متحجر
مادلين : اووف حتا الجوالات وش ذي العيشه مافيه شي يونس
سيرين قامت على حيلها : اقول مادلينو
مادلين : خير
سيرين : سمعت جدتي تقول عمتي وعيالها بيجون
مادلين ابتسمت : اووف اخيرا بتلهى عننا شوي
سيرين : هههههههه ايه والله فكه منها ومن عيال بنتها
مادلين : وييع ياسعود يقهر قسم ودي اذبحه
سيرين : ايه والله احسه اهببل
مادلين : تذكرين يوم اطيح العلك على ظهره
سيرين تذكرت : هههههههههههههههههههههههههههههههههه
مادلين : ههههههههه خلاص خلاص اسكتي لاتضحكين وربي تصفقنا جدتي الحين
سيرين : هههههههه والله ههههههههههههه ماقدر تذكرين كيف عصب هههههه ويوم شافك قال عادي ماصار شي
مادلين : ههههههههههه بس والله مانسى قبصة جدتي وقسم للحين توجع اووف ياقوي ايدها
سيرين : هذي وهي عجيز اجل وشلون يوم كانت صغيره
مادلين : هههههههههههههه الله يرجك بس
دخلت عليهم ام سلطان : ضحكتو من سركم بلااا قولوا امين
مادلين سكتت وسيرين ضلت تضحك بهستيريه
مادلين بصوت واطي : خلاص سيرينوه ياحماره
سيرين رجعت تذكرت : ههههههه ماقدر ماقدر هههه
ام سلطان صفقتها على وجهها كف : لعنة الله عليك ياحيوانه
سيرين سكتت و دمعت عيونها : اسفه ياجدتي
ام سلطان : قومي انتي وياها يلا رتبو غرف عيال عمتكم
مادلين لفت وجهها : الخدم مالين البيت
ام سلطان مسكتها مع شعرها : نعم نعم ماسمعت عيدي بالله
مادلين : آآه خلاص خلاص اسفه مو قصدي
ام سلطان تركتها : اسمعيني والله ثم والله انا طالعه عند ام سليمان ان رجعت ومالقيت كل شي زي مابي لاطردكم بالشارع
وطلعت وصفقت الباب وراها
سيرين : نفتك من وجهك على الاقل اوف
مادلين : قومي بس قومي امشي نرتب غرف الحمير
سيرين : الله يقلعهم
مادلين : يلا تعالي
طلعو من الغرفه وتوجهو لغرفة سعود ومازن
مادلين : اووف شوفي الغرفه كيف مغبره
سيرين : الحين ليش اذا جو الرياض مايجلسون بشقه
مادلين وهي تنضف السرير : تعرفين جدتك المصون ماتستغني عنهم
سيرين : جعل الطياره تطيح فوق راسهم يااارب
مادلين ضربتها على راسها بخفيف : تعالي بس اشتغلي معي واتركي الهرج الفاضي
سيرين تعدل شعرها : اوف طيب
-------------------------------
في قصر فاتن
فاتن : سموره
سمر : ..........
فاتن : سمووره يلا تعالي الغداء
سمر طلت من فوق : طيب ماما جايه جايه
فاتن بصوت عالي : قولي لعبود ورغذ ينزلون بسرعه ابوكم بيجي
سمر : اوك مامي
توجهت سمر لغرفة اخوها عبد الاله
طقت عليه الباب
عبد الاله فتح الباب : نعم
سمر : عبودي حبيبي يلا الاكل جاهز
عبد الاله ابتسم : يلا اسبقيني الحين بجي
سمر : اوك
تركته وتوجهت لغرفه رغوده
فتحت عليها الباب ولقتها جالسه ترسم نزلت لمستواها ومسحت على شعرها : رغوده حبيبتي يلا ماتبين اكل
رغد تحرك شعرها وتبتسم : يلا استنيني بجي معك
قاموا ونزلو لامهم
والكل جلس على طاوله الطعام
ملاحظه : ( فاتن تزوجت عبد العزيز اخو دلال )
دخل عبد العزيز وشاف اسرته الصغيره وابتسم : مساء الخير
الكل : مساء النور
فاتن : يلا يابو عبد الاله الاكل جاهز
ابو عبد الاله : يلا بس ابدل ملابسي
------------------------------
ام سلطان كانت تكلم بنتها نجود
ام سلطان : هاه يابنتي متى ناوين تجون
نجود : يمه تعرفين ماجد مشغول والحين عطله ومافيه حجز
ام سلطان : والله اشتقت لكم يابنتي عجلو بالجيه واذا على الحجز انا ادق على عبد الله اخوك واقوله يامن لكم حجز
نجود: على خير يمه .... إلا وش اخبار البنات
ام سلطان : وووع قطيعه الله ياخذهم مره غاثيني
نجود : الله يصلحهم بس
ام سلطان : الله يعين بس
نجود : إلا يمه ليش ماتعطينهم ابوهم انتي كبرتي وماتستحملين غثاهم
ام سلطان : لا يابنتي اصلا ابوهم مايبيهم وبعدين انا ابي اربيهم عشان الاجر بس ولا مو لعيون امهم ولا ابوهم
نجود : الله يجزاك خير يايمه طول عمرك تحبين الاجر ......... يمه ماجد جاء بروح اشوفه
ام سلطان : روحي روحي يابنتي وسلميلي عليه
نجود : يوصل يلا فمان الله
ام سلطان : بحفظ الرحمن
قفلت منها و توجهت للمطبخ
ام سلطان : ياني
ياني : تركت الي بيدها والتفتت على ام سلطان : نئم ماما
ام سلطان : روحي جيبي عبايتي وشنطتي
ياني : اووك ماما
وطلعت ياني من المطبخ
ام سلطان : توريكا
توريكا : يس ماما
ام سلطان : شوفي انا بروح مشوار مادلين وسيرين بيجلسون أي شي يسونه علميني ولايطلعون من البيت
توريكا : اوك ماما انتي روح وتطمن
ام سلطان طلعت من المطبخ بغرور
ياني نزلت من الدرج : تفضل ماما هذا عبايه
ام سلطان اخذتها بكبر : يلا روحي لشغلك
وتركتها وطلعت
-------------------------------------
بغرفه سعود ومازن
مادلين بتعب : اوووف اخيرا
سيرين نطت على السرير : مابغينا نخلص
مادلين : عاد ليتهم يستاهلون
سيرين وهي تمسك ظهرها : اااخ كسرو ظهري بس هيين وربي لاهبل فيه اذا جو مايروح تعبي على الفاضي
مادلين : هههههههههههه كفو كفو قول وفعل ياوخيتي
سيرين : يلا يلا تعالي دام هالعجيز مو بالبيت تعالي نطلع للحديقه
مادلين : يلا امشي
نزلو للحديقه وجلسو يسولفون ويستهبلون
مادلين : هههههههههههه يقلع ابليسك حشا مو ايد
سيرين : ههههههههه وربي انتي الي ناعمه زياده وش اسوي
مادلين : لا والله ايدك يالدفشه
سيرين جلست ترمش بعيونها : احم احم انا كلي نعومه
مادلين : ههههههه من جنبك ياشيخه
سيرين تتصنع العصبيه : اقول الخلا بس
دقايق وانفتح باب القصر
مادلين : اقول سيرينوه
سيرين وهي واقفه عند حوض الورد : خير وش تبين
مادلين : شوفي شوفي من جاء
سيرين التفتت : عمتوو وااو ناايس تعالي نروح لها
مادلين : يلا
توجهو لعمتهم
سيرين ضربت راس عمتها بخفيف : عمتو يادوبه وينك من زمان ماشتفك
مادلين : هلا عمتو وربي وحشتينا
فاتن وهي تتصنع العصبيه : سيرينوه الحين بدال ماتسلمين يالخايسه تضربيني ياحبيل مادلين بس
سيرين : ههههههههه يالبا عمتي بس تعالي تعالي ابوسك وباستها على راسها
ومادلين باستها بعد
فاتن ابتسمت : يلا تعالو ندخل
(للمعلوميه سيرين ومادلين يمووتون بعمتهم فاتن لانها الوحيده الي تضحك وتسولف وتستهبل معهم)
دخلو داخل القصر وجلسو باحد الصالات
مادلين : اقول عمتو وين سموره ليش ماجت معك
فاتن : راحوا عند عمانهم المره الجايه بجيبهم انشالله
سيرين : ايه تكفين وربي حييل مشتاقين لها
فاتن : اقول انتي يالمتوحشه وش يجلسك مع هالنواعم
سيرين ومادلين : هههههههههههههههههههههههههههههههههه
سيرين : افا ياعمتي افا انا متوحشه خلاص لاعاد تكلميني زعلت
فاتن بستهبال : كم عندك جدار مشالله الجدران واجده هينا
مادلين كملت عنها : اختاري واحد وطقي راسك فيه
فاتن : ههههههههههههههههههه
سيرين عصبت : طيب خلاص ماحبكم
فاتن : هههههههههه تعالي تعالي امزح معك
سيرين ابتسمت ابتسامه باهته : ادري ياعمتي والله ادري الله يخليك لنا بس
مادلين : اميين يارب والله محد مخفف علينا غيرك
فاتن ناظرتهم بحزن : مابي اسمع منكم هالكلام ابيكم تصيرون قويات وطنشو أي احد يعايركم وخاصة امي
مادلين وسيرين ابتسموا
وجلسوا كملو سوالف وضحك
------------------------------------
في مكان بعييد بالتحديد في سوريا
ايلاف كانت منسدحه على بطنها وترسم
سمعت احد يطق الباب : مين
مروه : انا ماما
ايلاف : تفضلي ماما
مروه : شو عم تعملي حبيبتي
ايلاف : ارسم
مروه كانت تناضرها وتتذكر خواتها الي انحرمت منهم
ايلاف لاحضت سرحان امها : ماما
مروه انتبهت لها : شو حبيبتي
ايلاف : كلمي الحين عليهم يمكن يردون
مروه ابتسمت بحزن : لا حبيبتي ماراح يردو
ايلاف : طيب جربي
مروه طلعت جوالها ودقت على قصر ام سلطان
توريكا كانت تنضف الصاله وسمعت التلفون يرن ردت عليه
توريكا : نئم
مروه : آآآ ماما موجوده
توريكا : لا ماما في يطلع ايش يبغا انتي
مروه ارتبكت : مادلين وسيرين نادي لي عليهون بالله
توريكا تركت السماعه وراحت تناديهم
دخلت ام سلطان بكل شموخ وقابلت توريكا
ام سلطان : وين بتروحين
توريكا : هزا فيه وحده يكلم يبغ مادلين سوا سوا سيرين
ام سلطان : ارجعي للمطبخ انا اشوف مين
رجعت توريكا للمطبخ وتوجهت ام سلطان للتلفون
رفعت السماعه : الوو
مروه اول ماسمعت الصوت سكرت السماعه بسرعه
ايلاف : ليش ماما
مروه هاي ستك ازا عرفت انو انا الي كلمت مابتعطيني اياهون
ايلاف : اهاا خلاص نكلم وقت ثاني
اما عند ام سلطان كانت واقفه وشاكه بالمتصل
سكرت السماعه وتوجهت لغرفتها
صعدت لغرفتها وبدلت ملابسها ونزلت سمعت صوت ضحك من الصاله
مادلين وفاتن : هههههههههههههههه
سيرين : والله لو تشوفون شكل ابلى سهى تفطسون ضحك
مادلين : عاد هي دايم معقده حواجبها
فاتن : ههههههههههه الله يقطع سوالفكـــ
قطعت كلامها ام سلطان : وش تسوين انتي وياها هينا
سيرين ومادلين وقفوا
مادلين : خلصنا ترتيب
سيرين : وبعدين عمتو من زمان ماشفناها
فاتن قاطعتهم : يمه انا الي ناديتهم مشتاقتلهم
ام سلطان : ياحظي لمين مشتاقه بس اقول ضفي وجهك انتي وياها يلا
فاتن انقهرت من امها : يمه خليهم والله من زمان ماشفتهم
ام سلطان طنشت فاتن : قدامي يلا
طلعت مادلين وسيرين وصعدو لغرفهم
ام سلطان جلست : اجلسي وش فيك واقفه
فاتن جلست بعصبيه : .........
ام سلطان : بعد اسبوعين جاين نجود وعيالها
فاتن ابتسمت بسخريه : وطيب تبين نسويلهم بوفيه ولا نحجز لهم قاعه بالهمناسبه الحلوه
ام سلطان طنشتها
----------------------------
عند اسيل ومحمد بعد مافطرو وخلصوا نزلو للمول
اسيل : حمود شوف هذا ( كانت شايله بايدها فستان نعوم )
محمد : وريني اممم ايه حلو
اسيل بحيره : طيب تتوقع يعجبهم
محمد : وانا وش دراني عن ذوق البنات
اسيل ابتسمت : مالت على ذوقك وخر بس وخر خليني انا اختار لهم
محمد : ههههههههههههه يلا خلصينا
بعد ماخذت اسيل كل شي عجبها
طلعو من المول وتوجهو لبيت جدتهم
في الطريق
اسيل : محمد تتوقع جدتي تاخذهم
محمد : كل شي جايز لاتستغربين هذا اذا ماجدعتهم بوجيهنا
اسيل بحزن : ياعمري على خواتي الله يصبرهم بس
محمد جلس يناضرها وابتسم : ان شاءالله قريب قريب بيرتاحون
اسيل ابتسمت : مافهمت كيف يعني
محمد : يعني كل شي بوقته حلو ولاتتدخلين بكل شي
اسيل كشرت : مالت حسبالي عندك سالفه
محمد : يالقفك ياشيخه الله يعين تعيس الحظ الي بياخذك
اسيل عصبت : كل تبن ياحمار هو بيحصله وحده مثلي اصلا وش نسوي بالي ماعندهم ذوق
محمد : هههههههههههه طيب خلاص اسكتي
انتهـــى البـــــارت
-------------------
توقعاتكم **
-------------------
*******************
الله يعطيكـ العافيـه ريمـو انـا ما بحب ابنـوب الروايـات
ولا بفهم فيها اعذريني ما بقدر احزر حبيبتي انتـي روحي قلبي
كملـي للبنـات هلى اكيـد نايميـن لكـي ودي يا احلـى ريمـو
وتقديري وحبـي وردي كـانـت هنـا رودي
رد مع اقتباس
