عنوان الموضوع : من القرن الواحد والعشرون - رواية جميلة
مقدم من طرف منتديات الشامل
السلام عليكم ,,
انا يديده ع المنتديات
والصراحه ودي انزل روايتي ولا مره نزل روايه بس اخاف ما اللقي اقبال عندكم ,,
وانا بعدني طالبة ثنويه عامه ومقبله على اختبارات الفصل الاول راح انزل اول بارات واذا ما عجبكم خبروني وراح اوقف واذا عجبكم مواصله بعد الاختبارات
>>>>> ردود الأعضـــــــــــــــــــاء على الموضوع <<<<<
==================================
نتعرف ع الشخصيات ع السريع
مريم : عمرها 17 ثنويه عامه علمي طيوبه وع نياتها حلوووه وبريئه تشبه امها بالجمال طرر
امها مطلقه حلوووه شر الدنيا ف امها عكس البنت تماما فقيره وتعيش هي ومريم ببيت صغير
ابوها طيووب مره وحنون بس فيه من العصبيه والحنيه ويملك مال كثير من شغله متزوج وزوجته بعد طيبه مره وعنده من زوجته الثانيه بنت وولد
حمد : صديق مريم هههه اخوها ونيسها حبيبها المهم طبايع ابوه كلها فيه كشخه وسيم
شموخ : ام السعف والليف اقصد ام الشر خخخ حلووه بس مب لذاك الزود بس شرانيه
قوت : ربعيت مريم الروح بالروح نفس العمر و المجال حلوه وكيوت
خوله : اخت قوت طيبه اكبر من قوت ب 3 سنين
ام قوووت ربيعة ام مريم يعني من نفس الطينه مابويهم الخير بس ارحم من ام مريم
وفي الباقين بنعرفهم من القصه ,,
دق فون البيت ردت ام مريم عليه
حمد : الخير بويهج ممكن مريم
ام مريم بصوت عالي : مرييييييم مريم وثول
ام حمد : خذي ولا تتطولين سرعه
حمد : هلا والله هلا بهالصووت
مريم ببتسامه شو عرضها : حمووووووودي
حمد : لبيييه يااروح حمودي
حمد : مره طيب من سمعت هالصووت شحالج انتي ""؟؟
حمد : قسم بالله مشتاق لج وكنت ناووي نطلع يعني ماعندي غير الجمعه باجر امج مابتخليج
مريم : خلاص حمودي الجمعه اليايه
حمد : انا بخلي ابوي ياخذ لج فون ع اساس م تعرفين ويعطيج ع اساس هديه وكذا المهم تتطوف ع امج مصارت امج واقفه لي كل ما اتصلت
مريم : بس تعرف امي ماراضيه يكون عندي فون اذا ابوي عرف بسوي سالفه لا تخبره عن امي
حمد : خلاص تم فديتج ,, بخليج الحين طيب
حمد : ولا انا غناتي بس سمعتي امج شو قالت
حمد : مع السلامه وانتبهي ع روححج زين
مريم : ان شاء الله وانت بعد وسلم ع ابوي وخالتي
حمد : من عيوني مع السلامه
بعد الغدا راحت ل اختها خوله
قوت : شو رايج تروحين وياي عند مريم ؟؟
وسارت عنها بالطريق لفت اخوها خالد
قوت :هذي اختك تعصصب بالواحد
قوت : اقولها شرايج نروح عند ربيعتي تقولي مالي بارض
خالد بأستهبال : خلاص كله ولا زعلج انا بروح وياج
خالد : اصلا عندج غيرها هذيك
قوت : انزين انت شو ليك مايخصك
خالد : طيب ليه كله انتي تروحين هي نادر تجي عندج
قوت : امها ما تخليها ,, اقول ترا ما فاضيه لك بروح انا
قوت : مااااالت مالت ماااااااالت وراحت وهي تصارخ ماااالت
خالد : اقووووول بنت عقلي بتصكين ال 20
قوت : ماااااااالك خص مالك خص
بعد المغرب تقريبا راحت قوت عنند مريم وكانت لابسه
ام مريم : مريم موجوده ؟؟ وصح خالتي امي تتنتظرج برع
قوت : هيه دخلي ولا تتطلعون مكان
مريم : اولا كم مره قايله لج ودري كلمة خيبه بعدين منو بيجي غرفتي وبيدق الباب غيرج تتوقعين امي هههه
قوت : هههههه المهم ترا امج راحت مع امي
مريم : اهاا ,, هذيلا غريبات الاطوار
قوت : ههههه صدقج مره عداوه ومره حبايب
مريم : شو رايج نطلع نحوط بالفريج الميت
قوت : من الكتمه الي فيج ههههه فكره حلوه ودام امج محد
بعد ما طلعو قريب البيت ما يبعدون وصوب بيوتهم مافي حركه وايد فريهم بقريه
قوت : هههههه مريوم تعالي صح شخبار المعجب السرري
مريم : اطلب تادب من اخر مره مارسل غيرها
هذا الله يسلمكم واحد من الفريج معجب بمريم ودوم يطرش ليها مع اليهال اول كل ماتيها رساله تقصها قبل ما تشوفها حتئ بعدين قامت تقراهن وبعدين تقطعهن وطبعا هي ماترد وكان دوم يترجها ترد وطبعا كانت تخبر قوت وقررو يردون عليه عطوووه كلام من ذاك انه هي ما مال هالسوالف واذا يبي الخير يبعد وانه مازين وكذا عاد من ذاك اليوم وهو مايرسل
مريم : فديت عيونها ,, انا وحمد قررنا انه امممممم
مريم : بعد طبعا ما درسنا الموضوع وفكرنا
قوت : مريم شو لا تخلني ع اعصابي
مريم : انتي تعرفين انه امي مابتخليني اكمل دراسه الجامه اذا خلصت الثنويه وامي ابد مما مراعيه اني ثنويه يعني عندها اخلص اهم شغل البيت واذا فضيت اروح لدراستي وعاد حمد قالي لازم اروح اعيش عندهم وهذا الشي المفروض من زمان بس اانتي تعرفين شر امي وهي خلتني اقول لبوي اني ابي اعيش عندها
قوت باندهاااش : مرييييييم هم شوي بعيد يعني بتغيرين المدرسه ,, واصلا امج ما اتوقع ترضئ ؟؟
مريم : انا والله ما ادري شو اقولج ,, حمد هو قالي بيتصرف
قوت من الصدمه مارمست تمت ساكته
بعد ثلاث ايام من الاحداث الصبح ببيت ام مريم قبل لا تتطلع مريم من البيت
ام مريم : سمعي ابوج اتصل وقال انه اخوج بي يشلج اليوم من المدرسه وانه ابوج يباج وليل ترجعين فاهمه
راحت مريم المدرسه وعنهايه الدوام يا حمد يشلها
حمد : وعليكم السلام ,, يااحي هالويييه فدييتج شحالج ؟؟
مريم : بخير عسااك بخير ؟؟
حمد : بخير دامني شفت هالويه ,, ميمااا عشان السالفه سمعي انتي لما بتروحين قولي ل ابوي عن كل شيم عاملت امج ورفضها وكل شي
حمد : يب وقسسسم ابوي يجن جنونه
حمد : مابيصير الا كل خير ان شاء الله
حمد : من شو خايفه حبيبتي ؟؟ لا تخافين انتي تسوين الصح يا مريم هاي حيااتج بسج ضلم
مريم : بس حمد هاي امي بعدين منو لها ؟؟ بتضل بروحا
حمد : بالله عليج كم مره سافرت وراحت وردت وخلتج بروحج ولا سئلت هااا
حمد : وانتي بنتها ,, ميم حياتي الي مايخاااف ربه لاتخااافين منه
مريم : طيب ... حموووت مشكور
حمد : اقول انقلعي اونه مشكور
قوت : خوله حبي انا بنام قوميني العصر ابي اروح المكتبه لما امي بتكون طالعه
العصر عند مريم قامت كانت لابسه بدون الشنطه لاه هههه
علئ طول طلعت برع بالحديه الكبيره الي خلف البيت وهي دوم تروح هناك تيلس
هناك بيت الخدم مال البيت عباره عن عايله بدون جنسيه من اربع بنات و امهم مريم شافت ميره وساره يالسيين راحت لهم
ميره و ساره : وعليكم السلام
البنات : طيبين .. شخبارج انتي ؟؟
الام : هلا هلا بمريم شخباارج الغاليه والله كبرتي وزتي حلا يامريم
مريم : ههههه تسلمين عيونج الحلوه
وتمن يسولفن بعد شوي يا حمد والبنات راحن مع امهم
مريم : حمود انت هنا عبالي طالع
حمد : افديج بروحي يا بعدي
مريم اونه استحت : حموود عااد
حمد : هههههه تعالي اباج ف سالفه
مريم : ياااحيه اخوي يبي يخطب
حمد : هههه اسمع الدلخه اونه اخطب
مريم : لا تقول دلخه ترا كذا ولا كذا بي يوم بتقولي يامريم اخطبي لي وعاد عروستك من الحين جاهزه
حمد : مابي انا بلتقي بشريكة حياتي بروحي
مريم : ماااااااالت .. اقول طلعنا من السالفه الي ياي عشاانها ,,
4حمد يهرها : ماعندي موضوع بس كذا
مريم : قسم بالله فاضي تراك
حمد : من زمان ,, انزين ماخبرتني منو العروس
مريم : توك ماتبي .. ماراح اقولك موت حره
حمد : لاقولي اشوووف ,,,,, انا اعرفها ؟؟؟
مريم : هههههه حمودي امزح منو بيكون عندي يعني ,, ولا تبي يعني قووت ؟؟
حمد : هههههه قالت قوووت تبيني اخذ قوت لو خذيتها مابشوفها اتوقع كله عندج
حمد : لا والله اتزوج على حسابج اناا
قامت المغرب وراحت المكتبه وطيران ماكان عندها وقت ,, دخلت وخلصت بسرعه وقبل لاتتطلع
قوت : معاذ ! هلا معااذ اسفه معاذ متعجله بروح الحين
معاذ : اكيد طالعه وامج ماتعرف
معاذ : انزين قوت عادي امج ماتنازعج ,, ولا لهدرجه مب طايقه وويهي
قوت : يوووه معااذ والله ما كذا بس انا نايمه للمغرب والحين هنا ,, يعني بعدني ماذاكرت شي وانت تعرف اني اخر سنه
معاذ ببتسامه : فاهمج فاهمج روحي درب السلامه
بخبركم منو معاذ معاذ ولد عك قوت بس قوت ما وايد مع اهل ابوها ,, من توفئ ابوها هم ما وايد مع بعض عمره 22
عند مريم .. كانت يالسه ويا حمد اوبوها عشان يقولون له
ابو حمد : يالله يابنتي قولي شو بخاطرج
مريم لفت لحمد بعلامة انقذني وحمد فهمخا
حمد : يبا انا بقولك ,, ام مريم ماتوفر لمريم وقت للمذاكره مامهتمه ابد ولا اغراض للمدرسه كافيه ومصروفها الي انت تتطرشه كله هي تاخذه والجامعه بعد ماتبيها تكمل تبيها تيلس تخدمها ف البيت وهي 24 ساعه طالعه من البيت ومريم تخدم فيه
ابوحمد وصلت حده عاد كله ولا بنته : وليييييش ماتخبرني من اول هاااا ليش ترضينها ع نفسج وابوج يشم الهوئ ,, ثانيه وحده ما تعيشين عندها ,, انا الحين رايح لها ’’
ابو حمد : انتي خلج هنا وهذا مكانج
__________________________________________________ __________
__________________________________________________ __________
__________________________________________________ __________
__________________________________________________ __________