عنوان الموضوع : آرقى طموحه ما يضيَع فالزمن حريَته !! شعر رائع
مقدم من طرف منتديات الشامل

الغصن بلوى للحزين إليا صَحَت قمريَته = اتجدد اجروحه ليا شالت حزين ألحانها
لو هو حليمٍ والجلادة كاسية شخصيَته = يمكن دموعه دون لايشعر يفك اعنانها
قمريةٍ تفتح ملف الماضي ابقضيَته= اتحضَر الحيرة وتبعث للفتى سجَانها
انا الغريب اللي حفظ في غربته هويَته = يوم اغلب العربان خلَت معتقد جدَانها
احْد الجهل خَلاه يغتَر ابضخامة فيَته = لو الرجال امحمَد الصادق رفض حقرانها
واحْد الرَخامة خلَته خايف يمد ايديَته = لا ثارت الهيجا ولوحظ فالبلد دخانها
واحْد ٍ ليا وصَوه في سرٍ كشف سريتَه = ماهو تكانة // لثَته تشكي طويل لسانها
واحْدٍ يظَهر للعرب شيٍ يخالف نيَته = والله وحده يعلم النيَات مصلح شانها
ناسٍ تَنَفَس مير في حكم القلوب الميَتة = في غيَها بلوى من الله لو تطول ازمانها
وناسٍ توَفت // مير صيت المجد له فخرَيته = في دفتر التاريخ يحفظ للبشر شجعانها
الطيب سلعة نادرة ماتنحجب ماريَته = تنبان بافعال البطل وش مقتضى عنوانها
له مركز ٍ ماكل من يظهر ملك عضوَيته = عضويةٍ ياعنك حظ اللي يجيب اثمانها
غالي ثمنها ماجلبها من طغت ماليَته = خزاينه تشكي عليه الحشر من ميلانها !!
يبغالها قرمٍ على دينه صحت حميَته = على امَة الآسلام خير وعلقم لعدوانها
ويبذل لاجل عين الشريعة لو لقا منيَته = آهم شيٍ تثبت الخيمة على عمدانها
وآرقى طموحه ما يضيَع فالزمن حريَته = لا حدَته دنياه : ( روحه لو قضا ماهانها )
وتصعب على من فوق راسه قالبٍ طاقيَته = عليه بقعا من رداته : ولَعت نيرانها
واكبر طموحه كيف تكثر بالغشش ماهيَته = لو هو على احساب اليتيمة من حدا عمَانها
دخيل وسط المجتمع لو يدعَي باهليَته = وسيلةٍ ضد الشريعة دسَها شيطانها
عبد الهوا // على الهوا يرسم هدف غربيَته = ضامي وعمَته الخبيثة ما ملت حيضانها !!
والصدق ما يملا فويه اللي نمت شهيَته = غير التراب وكلمته باين لنا بطلانها
ما يلحق المومن ملامة لا رفض تحيتَه = يوم الفتاوي نصَها مدعوم من قرأنها
وكلٍ يجاري مسرح الآحداث من سجيَته = وانا شرحت اللي على روحي رست ظلعانها !!
امن الحمامة هاجسي صوَب هدف برقيَته = الحزن مع جرح الدهر: غنيَة وفنانها
فنان مع مر الزمن والعمر له شعبيَته = فقلوب ناسٍ همَها مربوط في شريانها

صعوط المجانين


>>>>> ردود الأعضـــــــــــــــــــاء على الموضوع <<<<<
==================================

صح لساااااااااااااانك يا صعوط ولا هنت
قصيده جزله ورااائعه بجد روعه وأنا أشهد
إنك صادق الله يعطيك العافيه ويسلمك
وللأمام وبإنتظار جديدك
الطيب سلعة نادرة ماتنحجب ماريَتهتنبان بافعال البطل وش مقتضى عنوانها
البيت هذا حيل عجبني يعطيك العافيه
تقبل مرور الشوق

__________________________________________________ __________
يسلم جنابك يادوى’’ من تشغله جنيته = يامن يغوص بحورها وصوُّر لنا مرجانها

__________________________________________________ __________
الطيب سلعه نادره ماتنحجب ماريته
تنبان بافعال البطل وش مقتضى عنوانها

احترامي وتقديري وصح السانك

__________________________________________________ __________
تسلم الايادى

__________________________________________________ __________
::


صح النبض هنا

وصح الاحساس

قرأت الابداع فهل من مزيد ؟

دمت باذخ الحرق




..~


! اصااايل !


صح لسانك ياذيب قصيدة جزله من شاعر جزل
الله لا يهينك يااغالي
احترامي لشخصك الكريم