عنوان الموضوع : انت اكثر شخص يفهم اني ماني مثل غيري
مقدم من طرف منتديات الشامل
مدخل /
لا انا عندي قلب واحد | لو نويت اعشق يعاند
. . . . . . . . . . . . . . . يعني راسه يا حبيبي مايجيبه اي واحد !
>>>>> ردود الأعضـــــــــــــــــــاء على الموضوع <<<<<
==================================
الجد : عبدالله
الججده : موضي
عيالهم :
ناصر – منصور - عبد الرححمن - نوره - منيره
" ناصر ابو فهد "
ناصر : في نهايه الخمسين .. ححبوب و متفهم
اسسمآء : في بدايه الخمسين .. تححب عيالها ححححححيل
فهد : 30 سسنه ، تخصصه هندسسسه .. ثقييييييييل ، مححبوب من الكل ، مملوح .
تركي : 24 سسنه ، هذا الانسان بالموت تلقاه متواجد بالبيت اغلب حياته برا البيت ما يجي الا وقت النوم بالعربي " ماخذ البيت فندق " ، مهايطي درجه اولى .
ندى : 20 سنه .. من النوع الهادي ججداً ججذابه .. طولها متوسط وبيضاء دبدوووووبه
----------------------------------------------------------------------------
" منصور ابو عبدالعزيز "
منصور : في بدايه الخمسين ، عصبي اححيانا .. حححححنون
مها : في نهايه الأربعيين بعد ، متناقضضضضه مره هذي الانسسانه !!
عبدالعزيز : 29 سسنه احم اححم ححبيب " ندى " ، ششسمه هذا انسسان هادي و بارد و ما يعطييك ابد أي ششعور الروح بالروح مع فهد , دبدوب
شموخ : 20 سنه ، حبوبه .. طويله وعيونها عسليه وشعرها لكتفها ناااعم وطايح ع فيسسها ولونه بني .
محمد : 6 سنوات يدنن .. ابييض ، دبدوب ، ششعره بني فاتح ، عيونه بني ^^
----------------------------------------------------------------------------
" عبدالرحمن ابو بندر "
عبدالرحمن < متزوج ثنتين : في نهايه الأربعين ، كان يحب سارا حب مو صاحي
زوجته الاولى سارا متوفيه .. جابت منه ولديين توأم و هم : بدر و بندر ..
بدر 22 سنه : حبوب ومتسامح وطيب بمعنى الكلمه , يحب لاننننا بقوه , اسمر وملامحه حاده وطويل جذاب عيونه وساع ولونهم رمادي نحيف بس معضل
بندر 22 سنه : توأم بدر بس النقيض منه , شرير بمعنى الكلمه وم يعطي احد وجه ، حاد في تعامله ، فيه خاصيه انه يبتسم على جمب اذا فكر بعدوانيه وخبث ، يكرهه الحب وطاااريه , يكرهه زوجه ابوه واخوانه وكمان يكرهه لانا بقوه
زوجته الثانيه :
حصه في بدايه الاربعين .. ححبوبه
ريما : 19 سنه مملوحه و تحب الجمعات و طلعات السوق و كنها عجوز لا تكلمت هي و دعاويها يارب ما تمسك عليك ششي بـ يوم بس
يارا : 5 سنوات , تحب بندر بس بندر م يعطيها وجهه ابد
----------------------------------------------------------------------------
" نوره ام عبدالله "
نوره : في بدايه الأربعين ، تعز عيالها .. ويا ويل من يقول لواحد منهم شي
زوجها محمد : في نهايه الخمسين ، رجل ع نياته و طايع ربه .. ونفس حرمته ياويل من يمس عياله بَ ضر
عبدالله : 34 سنه ، ماعليه من الناس والناس ماعليهم منه " متزوج " عنده بنتين و ولد .. بنت نوره وولد محمد و بنت جنى
خالد : 23 سنه نسسخه تركي بالضبط ، اخوياء مره الله لايفرقهم < دخلت جو ، جميل , يحب شموخ
فيصل : 21 سنه .. دفش هالولد الله يصلحه .. حياته كلها نت و لعب و فله و جمعه شباب .. مملوح ، نحيف
جود : 19 سنه رهيييبه هالانسانه ، خخخبله درجه اولى .. قصيره شوي لون بششرتها بروزني ^^
لمار : 6 سنوات وه وه هذي ششي آخر لبى قلبها ، قصييره و بيضاء ماششاء الله قمر =)
----------------------------------------------------------------------------
" منيره ام فراس "
منيره : في نهايه الثلاثين ، اولى اهتماتها عائلتها و بيتها ^^
صالح : في بدايه الأربعين ، يحب بيته كثير و اغلبياً يكون موجود بالبيت ، بالمخختصر المفيد : بيتوتي
فراس : 21 سنه ، هو و فيصل لاصقين ببعض لصقه مو صاحيه ! ، و جماله امم مو مره بس ماعليه حلو
لانا : 18 سنه ، مرجوجه رجه مو صاحيه تموت و تعشق شي اسسمه لينا ، فيها شويه غرور يحق لها .. مملوحه وجذابه بـ شكل مو طبيعي طويله وعيونها وساع مره لونهم عسسلي و شعرها لَ رقبتها كيرلي ، عنيده ومزاججججيه بقوه
لينا : 15 سنه .. كلمه خبله قليله بّ حقها مرجوجه رجه مو هالبنت ! طولها ع عمرها ، بيضاء
----------------------------------------------------------------------------
البارت الأول
ببيت الجد , يوم الاربعاء /
عند الرجال ببيت الشعر ، بالضبط عند زاويه الرجال
ابو عبدالعزيز : بما اني ساكن جديد , ودي تشرفوني و تراها بس قهوه
ابو فهد : ماشاء الله سكنت ؟
ابو عبدالعزيز : ايه الحمدالله
الجد : خلاص ياأبو عبدالعزيز حدد يوم ونجيك
ابو عبدالعزيز : بكرا
الجد : على خير ان شاء الله .
عند زاويه العيال /
تركي : افا يابدر من متى ماشفنا بندر ؟
خالد : اي والله
بدر : موب على كيفي
فهد : وش اللي موب على كيفك !
عبدالعزيز : ايه صدق وراه قاطع ؟ ما نشوفه الا بالعيد حتى ما يزور جدي تراه شرهان عليه !
عبدالله : خلاص عاد ، تراه موب ابوه يعلمه !
----------------------------------------------------------------------------
عند الحريم , زاويه الحريم /
العمه منيره : شفتي بنت ام حمد اللي بالزواج ؟
نوره : ايي استغفر اللله وش هاللبس ضاك وهي دبيه
مها : اي يازين بنتي , عندها نفس الفستان وطالع عليها يجنننن
اسماء و حصه يناظرون بعض ويضحكون
عند زاويه البنات / شموخ ولينا ولانا جود وندى وريما
ندى تسولف مع شموخ عن الجامعه وذي الخرابيط .
البنات الباقين يخططون لمغامره وهي انهم يطلعون يتشمون عند المراجيح من جهه الرجال بالضبط ( الحوش الخلفي )
وهم بالطريق ، قابلو بدر كان معصب من سؤال العيال عن اخوه
يوم شافهم استحى ولف بيرجع نادته ريما
ريما : بدرررررررر ودنا نرووح السوق الله يخليييك
بدر : فيه سواق الظاهر
ريما : راح يودي شغل بابا عبدالله
بدر : فيه العيال انا بطلع
جود : بدررررر تكفففففففى
لينا : ترا تكفى تهز الرجاجيل
لانا : لووو سمحت
بدر : طيب البسو عبايتكم < والله مو لله عشان هالانا -_-
البنات : ااااااااااااااااااااااا يااااااااااااااااااااااااااي وناسسسسسسسسسسه
العيال يسمعون مصارخ البنات وقريب بس م يدرون وش السالفه ومحترق رزهم ودهم يدرون
ريما : اوكككككككي شككككرا ي احلى اخو بالدنييييا
بدر : بسرعه لا اغير رأيي
البنات لبسو بسرعه وراحو السوق وبدر نزل معهم وده يشتري عطر
ندى وشموخ وجود قالوا انهم بيروحون يشترون ملابس للجامعه ، اما باقي البنات راحو مع بدر
.
بمحل العطور /
بدر اخذ كم عطر وعطاه ريما وهو وده اصلاً يعرف رأيي لانا لأنها اكيد بتمرر العطر للبنات : شرايك ؟
كل وحده قالت رأيها اما عن الرأيي اللي يحتريه بدر ف م اعجبها وراحت هي ولينا تبي هديه لأن عيد ميلاد صديقتها بعد كم يوم
هذا البارت الاول ويعتبر تعريفي فقط , اذا اعجبكم كملت =)
__________________________________________________ __________
روح بندر >>> أنا من عشاق الروايات مررة بس أتمنى انك تكمليها بس بأحداث قووووويه لان احس البدايه مؤ نفس البدايه اللي كنت أتمناه
واتمنى تنزيل البارت الثاني بسرعه لاهنتي
وانا اول مشجعيييييييييييك
بانتظار ك .........
ودمتي بود
__________________________________________________ __________
المشاركة الأصلية كتبت بواسطة سهئ العتيبي 
روح بندر >>> أنا من عشاق الروايات مررة بس أتمنى انك تكمليها بس بأحداث قووووويه لان احس البدايه مؤ نفس البدايه اللي كنت أتمناه
واتمنى تنزيل البارت الثاني بسرعه لاهنتي
وانا اول مشجعيييييييييييك
بانتظار ك .........
ودمتي بود
تسلمين ، ان شاء الله تعجبك
واتشرف انك مشجعتي
__________________________________________________ __________
البارت الثاني
ببيت ابو عبدالعزيز /
ابو عبدالعزيز : حياكم الله , هذي الساعه المباركه
الكل : الله يحيك
بعد م سلمو وتقهوووا وكذا
الجد : الا بسألك ياأبو بدر وين بندر ؟ تراني شرهان عليه , من العيد م شفته
ابو بدر ( تورط ) : والله مدري وش اقولك يبه , حتى حنا م نشوفه
الجد : دق عليه وعطني الجوال
ابو بدر يدق و طلع مقفل وبتل يدق ويدق ويدق ولا فيه رد .
ابو بدر : خلاص ان شاء الله يبه يزورك ببيتك
الجد : لا انا ابيه اللحين , ابي اكلمه بكم موضوع
ابو بدر انحرج من ابوه ونادى بدر وخلاه يدق على بندر لين يتكسر جواله .
بندر بعصبيه : هاااااااااه ؟
بدر : لا عطني كف احسن ؟
بندر : والله ماهيب بعيده
بدر : جدي يبغاك تعال بيت عمي منصور
بندر : فيني نوووم مافيني حيل
ابو بدر اشر لبدر هات الجوال
ابو بدر بعصببيه وبصوت واطي عشان محد يسمع : بندر , اذا ماجيت يا ويلك !
بندر : مافييييييييييني حيييل , ناييم
ابو بدر : قلت تعال يعني تعال !
بندر : طيب وش السالفه ؟
ابو بدر : تعال وانت ساكت
بندر دون نفس : طييب
----------------------------------------------------------------------------------
لما وصل بندر استقبلته طال عمرها شموخ بوجهه يعنني ( بالغلط )
بندر كشر بوجهها ومشى بقلبه يقول : الحمدالله والشكر !
دخل عند الرجال ونفسه براس خشمه : السلام عليكم
وهو بييروح لأبوه قابل بدر : لا كان ما جيت احسن ؟
بندر وهو ماله خلق : احمد ربك اني جيت !
قعد جمب ابوه ، طبعاَ عقب ما حب راس جده يعنني يراضيه ( مغصوب )
بندر يهمس لأبوه : وش يبي ؟
ابو بدر : استح على وجهك ذا جدك ومن متى ما شفته
بندر بصراحه : اضن بالعيد
الجد : بندر
بندر : نعم
الجد : تعال جمبي
بندر استغرب وقام وجلس جمب جده
الجد : انت وش قصتك اللحين ؟
بندر : اي قصه ؟
الجد : لا تجي ولا تسلم ولا تدق ولا ترد ولا تحترم الكبير !
بندر : انا ؟
الجد عصب وكل اللي بالمجلس انتفضو ولفو لجهتهم : بنننننندر !
بندر : نعم , وش سويت انا ؟ اللحين مقومني من عز نومي وتهاوشني وانا مدري وش السالفه ولا ادري انا وش جايبني هنا ؟
ابو بدر : بندر اعقل !
بندر : وانا ما قلت شي غلط !
وطلع بندر برا المجلس ويوم فتح الباب لقى كومه متراصين عند الباب وطاحوا ، كانو البنات
اقولكم ليه كل البنات عند الباب ؟ عشان من زمان ما شافوا بندر ولقافه فيهم بيشوفون تغيير ولا لا .
ناظرهم بندر ب استحقار ويكفي هو مرتفع ضغطه : اعوذ بااااااااااااااااااااالله بكل مكاااااااان !
وراح والبنات قعدو ساعه يستوعبون اللي صار وماتوا ضحك خاصه وهم يتذكرون وجه بندر المحمر من العصبيه .
----------------------------------------------------------------------------------
عند البنات /
جود : الله يفششششل العدو يكفي شموخ طلعت له بالغلط
شموخ : موببب علي كيفي وش ابي فيه اطلع بوجهه !
لينا بلكاعه : عليييييينا ؟
لانا : ايي عليينا باين انك خاقه لأن ماشاء الله يهبل
شموخ : لا يكون انتي اللي خاقه وانا مدري
لانا سفهتها : بنااات مدام ريما راحت للحممام برأيكم ايييهم احلا بدر ولا بننندر ؟
الكل : بنددددر
عقبها ماتوووووو ضحك صدق ودخلت ريما : وش تضحححكون عليه , جدي ارسل مدري مين يقول انك مزعجين ضحككم واصل لم اخر الشارع
وزاد ضحكهم على عصصصبيه ريما لأن هيي م تحب يفوتها شي ابد واذا فاتها لازم بالتفصيل الممل ينشرح لها
----------------------------------------------------------------------------------
عند العيال /
فيصل : وش ذا ؟
فراس : ايه ميتين ضحك على ايش , ودي اعرررررف
خالد : ياخي وش دخل امكم انتم
لف خالد على بدر : وانا كل ما شفت اخوك انصدم زياده ، متناقضين انتم
فهد : ايه مو كأنكم توأم !
بدر متضايق من اخوه : مو شرط
عبداالعزيز يكلم بدر : بدر ليه تعامل بندر كذا ؟ يعني فرق بين معاملتك معنا كلنا ومعه !
بدر : هو اللي حاط حد بيني وبينه , ما أقول كلمه الا يرد بعشر
عبدالله : الله يهديه .
----------------------------------------------------------------------------------
ببيت ابو فهد بعد اسبوع من السالفه /
ابو فهد : صباح الخير
الكل : صباح النور
وهم يفطرون ، ابو فهد : ما ودكم نطلع نغير جو ؟
ام فهد : لوين ؟
ابو فهد : نروح الاستراحه مع ابو عبدالعزيز
ندى : ايييي تكفى يبه ، مشتاقه للحماره شموخ ، اقالها مزاعلتني م ترد علي !
فهد : الحمدالله والشكر ، شايفتها الأسبوع اللي فات !
ندى : ولو , نفسك مع عبدالعزيز
فهد : على الاقل موب نفسكم , تقل رجل ومرته
تركي فاطس من الضحك وهو يضحك ويأكل
فهد : الله يقرررررررفك , كل بعدين كركر لمين تقول آمين
ابو فهد : كنك اخذت مكاني يا فهد وانا مدري
الكل ضحك .
----------------------------------------------------------------------------------
ببيت ابو عبدالعزيز بعد مادروا بطلعتهم مع ابو فهد وعياله /
شموخ تناقز من الوناسه : يااااااااي بشوف ندى وبنسسسبح
عبدالعزيز : وبنشوي بعد
محمد : انا ابغى اسسسسبح
شموخ تقول لمحمد : نوديك عند يارا ولا لمار ؟
محمد : ياااااااااااااااااااااااراااااااااااااااااااا
عبدالعزيز : والله من الدشاره , بعدين ي شموخ ومحمد الاحظ انكم واثقين ترا حنا ثلاثه مو اثنين ولا واحد
شموخ : بعدكم يعني
عبدالعزيز يبي يقهرها : مافي امللل وقعد يغني يحللممممون اللي فيك يفكرون
شموخ : ترا والله لا أقول لأبوي
ام عبدالعزيز : وشبكم مستلجين ؟
شموخ : ماما شوفيه
ام عبدالعزيز : عبدالعزيز مالي خلق هواشك انا واختك
عبدالعزيز : انا ما قلت شي قلت اننا بنسبح انا وفهد وتركي بس
ام عبدالعزيز سفهته وراحت تلبس حمودي
----------------------------------------------------------------------------------
ببيت العمه نوره /
جود : يممممممممممممه طفشانه ، ابغى اروح السوق مع ريما
فيصل : تبطين عضم , ما عندنا بنات يروحون لحالهم
جود : عفواً اخ فيصل , كلمتك ؟
فيصل : انا اخوك الكبير وبحسبه ابوك
جود : نعمم نعممممم ؟ لعلمك الحمدالله ابوي عايش وعندي اخو كبير اسمه عبدالله ترا !
فيصل : ابوي كبير بالسن وغبدالله متزوج ولاهي بحياته من بيراقبك اذا ماراقبتك انا !
جود : اللحين انت وش قصتك ؟ ترا فيه خالد !
فيصل : خالد مو لمك هممه بس شموخ !
جود : يمممه شوفيه نشبه هالولد !
العمه نوره : خلاص خوذذي الفلوس وفكيني
جود تبوس رأس امها : شككراً
فيصل : جود تراني حاط كاميرا بعباتك عشان اراقبك , لا تغااااازلين
جود تضحك : كلن يرى الناس بعين طبعه وراحت وهي مبسوطه
----------------------------------------------------------------------------------
ببيت العمه منيره /
لانا قاعده تسولف هي وامها ولينا عن العرس اللي احضروه قريب
لانا : الصراحه العروس رزه
لينا : انا عجبني فستان اخت رجلها
العمه منيره : الصراحه زواج مرتب وحلوو مره
لانا : ماما اخذتي رقم الطقاقه ؟
العمه منيره : وش تبين فيه ؟
لانا : حلو طقها ، يعني لا صارت عندنا عزيمه ولا شي
العمه منيره : اي بأخذه , والله فكره حلوه
لينا : مشتهيه عزيمه كبيره فيها ناس م نعرفهم طفشت من خشش عماني وبناتهم وعيالهم وجدانهم
لانا : اي صادقه !
العمه منيره : قولوا عشان تنخطببون صح ؟
لانا ولينا : بسسسسم الله علينا !
العمه منيره : وليه ان شاء الله ؟
لانا : تخيلي اتزوج
لينا : ايي اتخيل لانا ماسكه ولدها يؤؤؤؤؤ ما اتخيل
لانا : على كييفك تخيلي نفسك
العمه منيره : منهو سعيد الحظ ؟
لينا : لا والله وانتي الصادقه اللي داعيه عليه امه
العمه منيره : لا والله داعيتن له عند الكعبه
لانا : اححححم احممم
فراس : يمه ترا بروح لم فيصل
العمه منيره : الله يحفظك
----------------------------------------------------------------------------------
ببيت ابو بدر /
ايو بدر بالصاله يتصفح الجريده جت زوجته حصه
حصه : وين العيال ؟
ابو بدر : روحي شوفيهم
ريما : يمه
حصه : سمي ؟
نزل بدر من فوق , بدر : يبه شفلك صرفه مع ولدك
ابو بدر : وش سوى بعد ؟
بدر : جاب لي الضغط والسكر
حصه : بسم الله عليك
بندر وهو ينزل وهو يبتسم على جمب : ارحميني يالأم الحنون
ابو بدر : بنننننننننندر ، خير ان شاء الله !!!
بندر : ابد مثل ما تشوف
بدر : اذا ماأحترمتني انا ، احترم جدي اللي فشلتنا عنده وابوي المسيكين
بندر : واذا ؟ وش اسويلك يعني ؟ اصفق ؟
بدر : انت متى بتعقل
بندر : علم نفسك اول ، ابثرت امنا ياخي اجل واحد بكبرك يحب بزر !
ابو بدر : وش السالفه , وش هالالغاز انت وياه !
بندر : ابد يبه ، بس هالخبل يحب لانا ، ويرسمها وغاث امي كل شوي مطلع لي قصيده باسمها من يوم شفت لانا ومن يوم مدرري وش لانا !
ريما : بندر انت ليش كذا ؟
بندر : عفواً ؟ تعرفيني انتي اصلاً ؟
ريما جلست تصيح , وبندر سفهها ومشى بيطلع
ابو بدر وهو معصب : بننننننننننننننننننننندر
__________________________________________________ __________
جاري الانتظار
جاري الانتظار
جاري الانتظار
وواااااو روووووعه
انتظر التكمله
رد مع اقتباس
