عنوان الموضوع : ساااعدوني ابي اتسنع.........!!!! - طريقة سهلة
مقدم من طرف منتديات الشامل

هلا أخواتي

من جد ابي اصير مره بيت وست طبااااخة ابي اعرف طريقة حلوووه للجريش احبه ولا اعرف اسويه...؟؟؟؟

>>>>> ردود الأعضـــــــــــــــــــاء على الموضوع <<<<<
==================================

المشاركة الأصلية كتبت بواسطة مرتاحه ومهمومه
هلا أخواتي

من جد ابي اصير مره بيت وست طبااااخة ابي اعرف طريقة حلوووه للجريش احبه ولا اعرف اسويه...؟؟؟؟





هلا وغلا
حياك الله اختي
طبعا انا مااحب الجريش ولا اعرف اسويه
بس قلت ادور لك ع الطريقة هالله هالله ابيك تتسنعين وتسوينها وبشريني اذا ضبطت

المهم مالك بطول الحكي هذا هو الجريش ع (الطريقة النجدية)
المقادير ....

3 كاسات ماء
2/1 1 كاس لبن
1 بصلة متوسطة الحجم ومقطعه قطع صغيرة
4/1 اصبع زبدة
1 ملعقة صغيرة ملح أو حسب الرغبة
2/1 ملعقة صغيرة كمون مطحون
1 بيالة رز مصري ( سليق )
2 كاس جريش

الطريقة ....

نحط الماء واللبن والزبدة والبصل والكمون والملح في قدر ونولع عليهم النار لين يفور ...
طبعاً يكون الجريش والرز المصري مغسولين زين .. ثم نحطهم على الماء واللبن وتوابعهم ونقصر على النار .. وقبل ماانسى نحط عليهم كم حبة فلفل أحمر ...
نترك الجريش على نار هادية لمدة 3 ساعات ونصف ..
قبل مانحرك الجريش نحط عليه عصير ليمون حسب الرغبة ..
طبعاً نحرك الجريش بالمعصاد>>والله مدري وش معنى معصاد المهم اكملك :050103norm_prv:
نحركه لين تذوب حبات الجريش ..
طبعاً نكون مجهزين ( كشنة ) نحطها على وجه الجريش إذا غرفناه .. وتتكون من بصل مقطع قطع صغيرة + زيت أو زبدة أو سمن + شوي كمون + شوي ملح + شوي بزار .. ونحطها على النار لين يذوب البصل شوي ..
بعدها نغرف الجريش ونحط الكشنة على الوجه ونجمله بالفلفل الأحمر ...


وصحتين وعافيه سلفا


اتمنى اكون افدتك
لك حبي............

__________________________________________________ __________
الله يسعدك اموووونتي مررره شكرا بسويه وبرسلك ايش صااار معااي وبالنسبه للمعصاد الملعقه الي نحرك فيها الجريش

__________________________________________________ __________
أختي مرتاحه في كتاب أسمه أطباق النخبه فيه كل اللي تبينه ومرررره يجنن

كل شيء فيه .....

__________________________________________________ __________
شكراً كثيييييييييييييييير ياحلوه عالمعلومه

__________________________________________________ __________
السلام عليكم ورحمة الله وبركاته

كيفك يالغلا؟؟؟؟؟؟


بشريني وش صار معك ضبطت الوصفة والا ..............ز




تقبلي مروري للمره الثانية

ودي,,,,,