عنوان الموضوع : عفت الفيافي كلها وجيتكم نجدْ
مقدم من طرف منتديات الشامل

لا تنوي المرواح ولا تطري الصـدْ=مرتاح انا في قربكم وانت مرتـاح
شوفي عيونك دمعها جـرح الخـدْ=كفي ادموعك وبدلي الحزن بافراح
روفي ابقلبي واعطفي قبـل ينهـدْ=حالـي وينقلب فرحي اتراح
لو دارة الايام باقي على العهد=لو قطّعو قلبي بسهـوم ورمـاح
ياغاية المفتون يـا اعظـم الوجـدْ=حسي بقلب(ن) فاض مكنونه وباح
عفت الفيافي كلهـا وجيتكـم نجـدْ=دار بهـا يـزول همـي وينـزاح
دامه سكنها صويحبي بيزهر الوردْ=ريح الخزامى والنفل بارضهـا فـاح
احـد نفـسـي يالغلا صوبـهـا حــدْ=مالي لغير اديارك اليـوم مـرواح
مافي الهوى ياصاحبي هزل (ن)وجدْ=قلوب العذارى دونها قفل ومفتـاح
من شاف نظـرة عينها بيـّح السـدْ=يا لا يمي في حبها يكفـي اجـراح
راح العمر مابيننـا جـزر(ن) ومـدْ=والله احبك ما بها ضحـك ومـزاح
ما شدني غيـرك ولا نيـب منشـدْ=انت الوحيد اللي لهالقلـب مجتـاح

من بآدي الوقت
(نايف النايف)

>>>>> ردود الأعضـــــــــــــــــــاء على الموضوع <<<<<
==================================

عفت الفيافي كلهـا وجيتكـم نجـدْ
دار بهـا يـزول همـي وينـزاح
دامه سكنها صويحبي بيزهر الوردْ
ريح الخزاما والنفل بارضهـا فـاح



الله الله الله



اشهد بالله انك جزل وفخر للشعر العاطفي



وتستاهل المحبوبه



وانت يا نايف شاعر لا يضاهى


لا هنت يالقرم


شاعر الانثى

__________________________________________________ __________
راح العمر مابيننا جـزر(ن) ومـدْ=والله احبك ما بها ضحـك ومـزاح

نايف النايف

صح لسانكـ وبيض الله وجهكـ
قصيدة عاطفية رائعة جدا
جزلة من راس جزل
لكـ كل التقدير والاحترام

دمت بخير

__________________________________________________ __________
ما شدني غيـرك ولا نيـب منشـدْ
انت الوحيد اللي له القلـب مجتـاح


صح لسانك

لاهنت

يخليك ربي


سلا قلبي

__________________________________________________ __________
احد نفسـي يالغـلا صوبهـا حـدْ
مالي لغير اديارك اليـوم مـرواح

نايفـ

ياااهـ ,, ابياتـ تفيضـ بالعااااطفهـ ..

الفـ صحـ اللهـ لسانكـ ولاهنتـ ,,


لكـ وديـ واحتراميـ

اختكـ : إحساســـ جليــد ـــي ,,

__________________________________________________ __________
,,

الشاعر/ نايف النايف

صح لسانك واعتلا شانك

وتسلم على هالقصيدة الأكثر من رائعة

يعطيك العافية

ودام عطر إحساسك

لك تقديري

,,

المشاركة الأصلية كتبت بواسطة صعوط المجانين
راح العمر مابيننا جـزر(ن) ومـدْ=والله احبك ما بها ضحـك ومـزاح

نايف النايف

صح لسانكـ وبيض الله وجهكـ
قصيدة عاطفية رائعة جدا
جزلة من راس جزل
لكـ كل التقدير والاحترام

دمت بخير

صح بدنك

وما عليك زود يامال العافيه


ولا هنت يالغالي

الف شكر