عنوان الموضوع : على طاري الغرام
مقدم من طرف منتديات الشامل

السلام عليكم
هلا بحبايب قلبي شلونكم شخباركم
قصيدة اتمنى ان تنال على اعجااابكم



على طاري الغرام الا احبك واعشقك يازين
وعلى طاري الحنايا قبل اشوفك صدق مهجوره

كذا صدفه بلا موعد حبيبي شافتك هالعين
ومن شفتك الى الحين وقلبي فاقد شعوره

غزاني حبك العذري عجز لاينتظر بعدين
وانا اشهد مارحل الا بيوت الحب معموره

ذبحني رمشك القاتل حلف يقضي علي الحين
مشت لك هالمشاعر بالرضى وتقول مجبوره

فديت عيونك الخجلا اذا قمتي كذا تسوين
دخيل الله ياكيف المشاعر فيك مسحوره

فديت قليبك الطاهر فديت خدودك الحلوين
فديت احساسك المرهف ولو تخطين معذوره

انا من قبل اعرفك ياحياتي اه لوتدرين
حياتي كيف كانت من همومي شلون مدموره

دخلتي عالمي فجأه وموثوقة خطى تمشين
خطى للقلب يطلع من تحتها ورود منثوره

عرفتي للغلا فيني عرفتي تبدأي من وين
عرفتي تدخلي وسط الخفوق وتعبري سوره

عرفتي تأسري قلبي عرفتي كيف تتولين
عرفتي كيف لجروحي تصيري اليوم دكتوره

حسافه مامضى من دنيتي من قبل لانتي تجين
صدق من قبل اعرفك كل لحظه تروح مهدوره

تعالي اه يالبى حياتك كنتي عني وين
تعالي واسعدي قلبي تعالي واشعلي نوره


انا ادري يابعد عمرالغلا وشلون تشتاقين
انا واثق واحاسيس الهوى من جد مغروره

تعالي بعثري همي تعالي واقطعي هالبين
تعالي بددي حزن(ن) تعبت ولاانتهى دوره

تعالي وارحمي حالي لأني صرت بين وبين
هموم(ن)تشغل افكاري وجرح(ن)علني جوره

تعالي ياحياة القلب ابيك بعينك تشوفين
غرامك كيف انبت في خفوقي ورد بحضوره

ابيك تعلمي العالم ترى ماارضى لو تخبين
ابيك تعلميهم من غرامي كيف مسروره

حياة القلب الا القلب الا عيوني الثنتين
اشوفك انتي بالدنيا وباقي الناس بس صوره

تعالي اتبختري واحيي مشاعر ماتت من سنين
تعالي واسألي ذيك الخواطر ليه مكسوره

تعالي واقهري العذال لعيون الغلا تكفين
عشان اهل القلوب اللي تحسد تروح مقهوره

تعالي علميهم يااميرتهم من تحبين
ابي قصة محبتنا تصير اليوم مشهوره

وانا عني ابعلن للملا كله من تكونين
بعلمهم غرامك في قصيدة حب مأثوره

أحبك ايه أحبك ايه أحبك لين ماتموتين
واذا متي بموت وياك واحب بروح مقبوره

ياعمري ارفعي يدك وقولي يالغلا آمين
عسى ربي لايحرمني غلاك وينطفي نوره

وسلامتكم


>>>>> ردود الأعضـــــــــــــــــــاء على الموضوع <<<<<
==================================

صح الله لسانك

ابيات رااائعه لاهنت

تحيتي

__________________________________________________ __________
لاهنت ولا هان منطوووقگ

صح السانگ ع الابيات الاكثر من رائعہ

ودي لگ

__________________________________________________ __________
صح الله لسانك استمر بالابداع

__________________________________________________ __________
صحة ابدانكم واجمل مرور لبى قلوبكم

__________________________________________________ __________
كلمات راقت لي
.
لاهنت
.
شامخ كان هناااا ....!

يعجز لساني التعبير
فعلا ابدعت ....استمر ولاتحرمنا من جديدك