عنوان الموضوع : شفا شفّتك شعر رائع
مقدم من طرف منتديات الشامل

بسم الله الرحمن الرحيم

مدراء , مشرفين , اعضاء , زوار

السلام عليكم ورحمة الله وبركاتة

يسرني أن اضع بين أيديكم اول مواضيعي في هذا المنتدى

وهي عبارة عن أبيات كتبتها ليلة البارحة وانا اشكو ارتفاع درجة حرارة جسمي

ولها قصة حقيقية

أفضل كتمانها


إليكم هذه المتواضعة




شفا شفّتك شفّيته شفاي وربي الشافي=شربته كـ العسل شرب الهنا ثم صرت متهني

عفافك يالعفيفة سبته كم صرت متعافي=وبه كم قد سما حب ن على الأطلال مستني

اجيك امشي على جمر الصبر ..ماجور يالحافي=ولوّك بآخر الدنيا أسوق الرجل متعني

صفاك اصفى من الصفوه وصفتك صفوي الصافي=مصيف نصف صدرن صارد ن بارد مثلجني

حلفت اليا لفحني البرد احوفك حولي إلحافي=تزيل البرد بـ ضلوعن تبي حضنك يدثرني

فديت أنفاسك ونظرة رجاك وحضنك الدافي=وطرف ن كل مارتد بتكاسل غصب يقتلني

ابي بنت ن أدلعها ومزيونة وذا كافي=ماكنت أحلم بدلوعه ومع هذا تدلعني
ألا ياليتها تنبش بصدري وتظهر الخافي=وعن أسباب الجفا ياليتها تقدر تصارحني

ترى طبعك ماقد حسيت بأنه غامض وجافي=عرفتك واضحه وإحساسك المليان غامرني

ابي تعانق سماي بـ حب ..عانق كل أطيافي=أبي تعرف بأنك نبض قلبي وقطعة ن مني

ألا يالي على بالي وانا صاحي وانا غافي=اذا قصرت في حقك بـ يوم أرجو تسامحني

وسلامتكم...

وسامحوني على القصور

حزن م ت ن ا ث ر


>>>>> ردود الأعضـــــــــــــــــــاء على الموضوع <<<<<
==================================

حزن متناثر
صح لسانك
كلمات في قمة الروعه
قصيده رائعه
يعطيك العافيه
بنتظار جديدك


__________________________________________________ __________
صح لسانك
استمتعت بقراءة القصيدهـ
دمت ودام نزف قلمك

__________________________________________________ __________
صح لسانك

ويعطيك العافيه .

احترامي .

__________________________________________________ __________
صح لسانك لاهنت ..
ربي يعطيك الهنا والعافيه لاعدمتك ..
بانتظار فيض احساسك ..
دمت براحه بال
ريومته

__________________________________________________ __________
(( حزن م ت ن ا ث ر ))


كلمات جدااا أعجبتني ....
و حروف في طياتها الكثير من المعاني ...



(( مو وايد أعرف أعبر
بس من جد كلمات رووووعة ))

تسلم



تحياتي

star girl

الساحل المهجور

صح بدنكـ

و

عافاك الله

تحياتي