عنوان الموضوع : امانه يابشر تكفون اذامنكم يلاقيني...
مقدم من طرف منتديات الشامل

كثير من البشر يسأل عن أسباب الحـزن فينـي
وكثير من البشر وده يعرف بدنيتي وش صـار
وعلام اللي يقابلني يشوف الدمـع فـي عينـي
وأنا توي صغير السن حزين وشـارد ومنهـار
أنا بحكي بقول الحين عن اللي صار في سنينـي
ولكن قبـل لا أتكلـم أبيكـم تحكمـوا ياأخيـار
تعالوا واشهدوا يانـاس تعالـوا طالعـو فينـي
تعالوا شاهدوا جسمي غدى ناحل وعقلـي طـار
أنا ماني تـرى مدمـن ولا ضاعـت ملايينـي
وربي يـا بشرحالـي سبايـب وقتـي الغـدار
تعالوا واسمعوا مني وش أسباب الحـزن فينـي
وشنهي سبة دموعي وش اللي بدنيتـي أسـرار
يتيمٍ إيـه أنـا عايـش يتيـم محـدٍ يراعينـي
ولاحدٍ عني جاء يسـأل وحيـدٍ جالـسٍ بالـدار
يتيمٍ مافـي بالعالـم رحـومٍ جـاء يواسينـي
يتيمٍ عايش بحسـرة وضيقـه عيشتـي امـرار
يتيمٍ في نهـار العيـد محـد جانـي ينادينـي
يقول لي خذ حلاوةالعيد زمانٍ كنا فيـه صغـار
يتيمٍ صاح يا موتـي رجيتـك رجـوه تجينـي
يومٍ استاذي قال بكره يجوون آبائكم يـا صغـار
شهادتكـم تـرى بكـره وأبوكـم لازم يجينـي
بسلمها أنا بيـده وشهـادة شكـر مـع أزهـار
وجاء بكره وجيت امشي ولحدٍ ماسـك ايدينـي
ومن أي طالب دخل ماسك يدين أبوه صرت أغار
وكنـت الأول ولكـن دموعـي كانـت بعينـي
نزل دمعي وسط حفلٍ كبيـر وحاضرينـه كثـار
ما قصرزادها الأستاذ ما بـارك صـار يعزينـي
شهادة كانت بيـدي أحسهـا جمـرة مـن نـار
ترى هذا سبب واحد من أسباب الحـزن فينـي
يكفي يـا بشـر ولا أكمـل وافشـي الأسـرار
أبحكي عن سبب ثاني سبب زاد الحـزن فينـي
حبيـبٍ مـت فـي حبـه ولكنّـه طلـع غـدار
أنا رغم اليتم حبيت عشقـت بكـل مـا فينـي
عشقت وكنت له ( وافي ) وإذا اخطأ أجيب أعذار
أنا حبيت لي شخصٍ عشقتـه عشقـي لعينـي
وهو حبني واقسم لي برب المصحـف الجبـار
أنـا صدقـت حلفانـه وهقيتـه بيـغ ليـنـي
ومثل ماني أحبه مـوت توقعتـه يجينـي بـار
ولكـن خيّـب ضنونـي توقعتـه بيحميـنـي
توقعته حبيبي يكـون ولكـن صاربـي غـدار
آثاري كان يتسلى ووقته يضيعه فيني
وأنا اللي أحّسبه يحبني واحسبه حاط لي مقدار
قطع في طعنته أخر عـروق الفرحـة بسنينـي
وزاد الحزن في قلبـي وخلانـي أعيـش بنـار
خدعنـي ونيتـه ينهـي حياتـي وده ينهينـي
وعجزت اخذ بثاري منه حبيبي كيف اباخذ ثار
ومع غـدره وطعناتـه غرامـه ساكـنٍ فينـي
ولا ظني أنا بنساه لو أتعالـج بوسـط شهـار
عرفتو يابشر هالحين ليـه الدمـع فـي عينـي
عذرتوني على جسمي عذرتو عقلي اللـي طـار
وأمانه يـا بشـر تكفـون إذا منكـم يلاقينـي
لا يسألني وش الباقي من اللي بدنيتـي أسـرار
لأني لو أنـا بحكـي جميـع اللـي أنـا فينـي
ياناس عقولكم والله بتلحق عقلـي اللـي طـار

حنــ99ــوو...


>>>>> ردود الأعضـــــــــــــــــــاء على الموضوع <<<<<
==================================

يعطيك العافية ... قصيدة جميلة ومعبرّه

لاهنتي تقبلي تحياااتي ومروري

__________________________________________________ __________
صح الساانك وطااب منقولك

__________________________________________________ __________
أسجل أعجابي بذائقتك
كنت هنأ00

__________________________________________________ __________
\\
يسلمووووووو

كلمات في قمة الرووعهـ و الجمآاآاآل ...~

سلم لنا ذووقكـ الرآآقي ,,

\\


__________________________________________________ __________