عنوان الموضوع : تجربة - نصيحة للعرايس ولشهر العسل خاص بالمرأة
مقدم من طرف منتديات الشامل

صباح الوردوالفل والياسمين للجميع فى المنتدى :030104_emM7_prv: :110103_hlopaet_prv:




هالموضوع حبيباتي الجوريات نقلته من زميلة لي " دلوعة كيفي "

وان شاء الله تستفيدن منه.. واذا ما فهمتن شيء خبروني لأن الموضوع مكتوب باللهـجة الإماراتية،،،، بس حاولت اغير بعض الاشياء ل لهجة اسهل ،،،

*************************************************

السلام عليكم و رحمة الله و بركااته .........
اوال شي ..الف مبروك على الخطووبة ..و الله يتمم لكن على خير ...
اخواتي ..
انا في يوم من الايام كنت مكانكن ..كان فيني حفووز مب في حد..ابا اخم كل الي في السوق ..وخاصة قمصان النوم!! كأن مرة الحيين العرس بس حق الاستعراض و التلبيييييس و الي بالي بالكن! و انا متأكدة 90 % من الي بيعرسن هذا تفكيرهن ...صح؟ لا يا بنات ..العرس حياة..عشرة..تغاضي..ضرايب مراضااة ..الخ ..
المهم ..ما بطلع عن محور الحديث....بس بغيت انبه لهالنقطة لانه معظم مواضيع العرايس عن المكياج و الفستان و الزهااب ...صدقوني هذا 0% من العرس او الحياة الزوجية ..

************************************************** **
بسم الله الرحمن الرحيم ...

يوم العرس:

قومي الظهر ..تريقي عـــــدل و صلي الظهر و تغدي عـــــــدل..سيري الفندق..استرخي شوي ..اذا عندج حد من خواتج خليهاا تسويلج مساج ..الخ..اهم شي تكونين رااايقة لانج لاحقة على الارتبااك!! صلي العصر واسبحي ترطيب البشرة و تعطيرها بالكريمات المعطرة ..شعرج لا تسويبه شي.. نشفيه بدون سشوار و لفيه بالفووطة اذا تبين

الحين خلصتي اللي عليج؟ باقي اتيي لج الكوافيرة..في وقت انتظارج لها ..يلسي اقري الاذكار و اقري قرآن ..اذكري الله ليين ايونج لانه بعدين ماشي وقت..طبعاا خلج على وضوء..هذا اهم شيء..

يعني اذا وعدتج مالت الشعر او المكياج الساعة 6 و نص مثلا؟؟؟ تدخلين تتوضين و عقب تطلعينلهاا..لااااااااا تتمكيجين او تسوين شعرج الا و انتي على وضوء ..مش حصلاااانة؟ لااااااااع مايجوز ..توظي و عقب سوي شغلج ..الصلاااااااااااة ثمّ الصلاااااااااة ثمّّّّّ الصلاااة

عقب المكياج و الشعر و الفستان..دور التصوير...نصيحة ؟ خلي عندج 1 او 2 او بالكثير 3 من اهلج بس..لا تكااوشينهم عندج..انا ما قدرت اتصوور مثل الناس لانه حجرتي واايد كان فيهاا بناات..و المستحى مأثر علي ..الحركاات الي كانت تطلبها المصوورة كنت استحي اسويهن <<اوني يعني


************************************************** *

بالنسبة للتصوير مع الزوج هذا شي راجعلكم ..

ماتفرق .. الي يقوولج لااااا خليه اول واحد يشووفج ..و الي يقوولج لاااااااااااا خليه و يشوفكـ المهم الأمر راجعلج في النهااية بيكون معكـ 24 ساعة

قبل لا تنزلين للمعازيم اقري على عمرج آيات التحصين..و سمي بسم الله و اقري و انتي تمشين عالكوشة ....

نجي حق عقب العرس بتنزفون؟ وين؟ اذا في بيت اهلج وصّي حد من اهلج يجهزلكم عشاء (سندويتشات صغار..فواكه صغيرة مثل الفراولة و الكرز و السنطرة.....الخ) ..
صدقوني ركزوا على الاشيااء الصغيرة لانكن بتستحن تاكلن العصااير..انتوا و ذووقكم..

الصباحية ..؟ قومي من النوم قبله ...

و تأكدي انه ريووقكم (فطوركم) جاهز..ويكون شي خفيف .. و حطوا الريوق على ترولي ..اسهل و ارقى ..انثرو عليها ورد جوري و بتلاات ... تجرينهاا لين السرير ..توعينه شوي شوي ..تسولفين وياه شوية ..جان بيتسبح و عقب ..تريقينه ..
في حركة حلوة سويتها في صباحيتيه..قدمتله بوكس فيه هداايا ..استاانس ..ممكن تسوين نفس الشي

*************************************************

شهر العســـــــــل ..
مدري اذا تعرفون هالشيء..و هو شي متداول من بيننا كشعب اماراتي عربي.. "الشخص ما تعرفه عدل غير في السفر) بغض النظر انه شهر عسل و رومانسي و شهر حب و و و ..؟
حاولي تتقربين منه في شهر العسل ..تفهمينه..و تخلينه يفهمج..بتستحين يوم يومين 3..بس بعدين خلااص...بتكون بينكم عشرة..فلازم تخلينه يعرفج و يعرف شو تحبين و شو ماتحبين...لا تقولين لااا بااسسسسسسكت دامني في شهر العسل ...لا..بكل هداوة و رمانسية ..تعرفوا على بعض و شاركوا بعض احاسيسكم..مب ااذا بدر منه تصرف ما عجبج تسكتين؟ لا تحملي ..صارحيه و قوليله بطريقة حلوة ترا اناا ما احب جيه يا زوجي العزيز..<<<عاشت الفصحى...

ليش اقولكن جيه؟ لانه جيه بدااية مسك زمام الامور....

على سبيل المثال..؟

اغلب شي يستحن منه العرايس في شهر العسل طلب الفلوس ......!!! معاكن حق و انا مريت في نفس الظروف..
حد من الرجل من نفسه يعطي عرووسه ..و حد؟

اوكي في شهر العسل استحيتي تاخذين منه..بترجعين البلاد ..و بعدين؟ بعد ما بتطلبينه ؟
عوديه من شهر العسل انه هوه مسؤول عنج ..ترا بعض الرياايل يستغل هالشيء و يطنش مع الوقت ..

خاصة في شهر العسل تبين تشترين هدايا..هوالمسؤول ..
شخصياا ..؟ سكت يوم يومين 3 4 ..ياربي!! واايد اشيااء تمن في خااطرية ..! شو اسوي؟
سرتله و قلتله يا فلان ؟ ابا اخذ كم من هدية بسيطة حق الي فازعوا في عرسنااااااا..و ما سكرنا الموضوع ليييين ماا تكلمنا في موضوع المصروف الشهري و كم احتااج و كم البيت يحتاج ..من هني مسكت زمام امورنا المادية ..و لله الحمد؟ مصروفي الشهري يوصلني كل راس شهر ..

موضوع ثاني ..؟
الطلعاات ..و الربيعات ..و الاهل ..
حاولي تلمحين له انج حاطة فبالج انج تتواصلين مع ربيعاتج و ما تقاطعين اهلج و انج مثلا" مرة في الاسبوع تخصصينه حق الشوبينج او النادي ..
اقولج ليش؟ لانه في فترة شهر العسل الزوج يااخذ و يعطي و ممكن تقنعينه اذا قال لااا...
و فعلا نصيحتي لج كعرروس؟ رتبي حياتج (لج+الحياتج الزوجية+اهلج+ربعج+طلعتج) ..لا تحكرين عمرج بحياة زوجية و بس!! تحكمين على نفسج بالعزلة بهالطريقة..
و حطي شي في بالج ..(الرياال على ما تعودينه ) ..!
تواصلي مع ربعج بالتلفون و تلاقوا من وقت لين وقت ..ترا يوم من الايام بتحتاجين لهم اذا لااا سمح الله حسيتي بالوحدة .. و عوديه انه اهلج و اهله زيارتهم شي اسااسي في الاسبووع


الشكـــل...موضوع اللبس ..و تغيير اللوك ..و المكيااااااج<<الف خط تحتهاا

اذا انتي من النوع الي متجدد في اللووك
البسي حق زوجكـ ماا لذ و طاب من اللبس<<حشى خبزة مب عروس خخخخخ

المهم ..البسي و تعدلي و تمكيجي..و شعرج اذا انتي من النوع الي يصبغ و هاي لايت و جيه؟ اصبغيه قبل العرس ..

الكمـــال..و هالشي يمكن حد منكن يعاشيني فيه ..و اناا ماا علياا .بقوولكن و انتن براحتكن ..

لا تعوودن أزواجكم على انه يشووفكن 24 ساعة بمكيااج

بتيكن اياام بتتعبن..او نفسيتكن بتكوون مش ولا بد!! او ممكن تمررن بظروف صحية او نفسية او ماادية حتى..صدقوني اااااااجلاا ام عااجلاا رايلج بيشووفج بيشووفج في كل الاحوال ..!! و اذا كنتي معوودتنه دووم على انج تكونين بيرفكت و مرة وحدة طحتي ولا تعدلتي ؟ بيقوول (اااااااااااااااااع..شوو هذاا الويه و شوو هالشعر) ...!!

شخصياا .. عودت ريلي بالتدريج على شكلي .. مثلاا ..اوال يوم عرس بمكياج كامل ...ثاني يووم بمكياج خفيف..قبل الرقاد ماشي مكياج بس يكون بقايا جحال .. الي عقبه ماشي حجال و هكذاا ..و الشعر اللهم لك الحمد من عقب الاشعة الضوئية افتكيت من الشعر ..بس يطلعن كم من شعره ..مااهتم!!..حتى اقوول ((شووف الشعر كيف طلع مع اني مسوية اشعة ضووئية )) اصاارحه ..اخليه يشووف و يشاركني..مافيها شي..

المشاكـــــل..انتي و ريلج ..توكم متزوجين ..حياة يديدة و شخص يديد و اطباع يديدة..شي يعجبج و شي ماتحبينه و شي و شي ..
بتصير بينكم مشادة كلامية او حتى سوء فهم او ضرايب ..((الصحون في الصيااني تدااق) .مابالج الزوج و الزوجة...؟
هالاشيااء هي اللي تخليكم تفهمون بعض ..نصيحة لج يا عزيزتي العروس..خذي الامر بهدااوة ..و في نفس اللحظة عالجي الامر ..لا تقولين (هالمرة بسكت و اذا عادهاا بتكلم))!! لانه بيعيدهاا ..
اي نقطة سلبيه تشوفينهاا في رايلج على طوول قولي (حبيبي انا شي في خاطرية و ابا اقوله....) فيه احلى عن جيه؟
و عنه هوه اذا شفتيه عصب عليج او ما عجبه شي فيج تناقشي معاه و امتصي غضبه بكلمة حلوة ..و خذي كلامة باقتناع تااام ..مب تقوولينله ان شااء الله و منااك انتي لا مقتنعة ولا شي..؟ النقاش و التفاهم و التواصل الفكري اسااااااااااااااااس الحياة الزوجية... فلا تهملين هالنقطة ..
من البداية تأكدي انه في بينكم حوار و نقاش محترم..و أهم شيء أنه يكون محترم بدون صيحة و صريخ..لانه اذا تلاشى الاحترام؟ تلاشت حياتج الزوجيه

************************************************** **

...المسؤوولية ...........

عودي ريلج انه مسؤول عن زوجة و بيت ...يعني مثلا؟
وايد حريم يشتكن..."ريااييلنا ما يصرفون ..رياييلنا ما يقعدوون معاناا..ريااييلناا شاطرين يتأمرون و مناك ما يعرفون شي عن بيتم و رياايلنا دوم مع ربعهم و ما يعبروون ولا يقعدون في بيتم ...." ..طيب ليش تشتكين و انتي السبب يا الزووجة ؟
انته ياا حبيبي متزوج..انا زوجتك من حقي اني ايلس معاك..من حقي اطلع معاك..و بيتك له حرمة و احترام..لازم تقعد فيه تشوف شوفيه يحتاج شي ما يحتاج ..! كذب من قال البيت مسؤولية الزوجة فقـــط! هذا اكبر خطاأ..و انا اسميها دكتااتورية!! الحياة الزوجية و عش الزوجية عبارة عن مشاركة و تعاون ..عيل باجر اذا يبتي عيال.. ريلج ما بيتدخل؟؟!!!! ..:050103shock_prv: :33: :110103_hlopaet_prv:


**************************************************


مع حبي angel4:


بنت الحبلا ني :030104_emM7_prv: gocart:

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________
النال

يعطيكـ العافية على النصايح الحلوة

في حفظ الله


__________________________________________________ __________



__________________________________________________ __________
>*< 1لنــ1ل >*<

1لله يعطيك 1لعــ1فيه

نصــ1ئح حلوه


تشكر1ت


1ختــك روح 1لعشــ1ق

__________________________________________________ __________
مشكورين على النصائح الممتازة

مشكووووووووووووووووره عالموضوع الحلو الله لا يحلامنا منك ولا من نصايحك

تحياتي بنت المطر...