عنوان الموضوع : اعترافات رجل يكره يحب يعشق النساء - قصة رائعة
مقدم من طرف منتديات الشامل
مسائكم / صباحكم
ورد وجوري
في الحقيقه انا توني مسجله في المنتدى اللي مرره انجذبت ليه
لروعة اقسامه واعضائه كمان
ورغبة مني في اني اقدم سلامي واحترامي وتحياتي لكل الاعضاء الموجودين في المنتدى
حبيت انزلكم القصه هذي عربون صداقه
واتمنى انها تنال اعجابكم زي ما نالت اعجابي
بصراحه هيا للكاتبه (سهر الليالي) التي تمتلك اسلوب رائع وجذاب
لطيات السطورالتي تكتبها
انا حانزلكم هيا بالفصول يعني البارت حيكون طويل عشان خاطر عيونكم
وحيكون التنزيل بانتظام باذن الله
واعتذر عالاطاله
والحين اسيبكم مع القصه
عترافات رجل يكره يحب يعشق يبغض النساء ......
**************
كنت بموت من الغيض وأنا أشوف فيلم عدو المرأة لرشدي أباظة ونادية لطفي ..الفكرة مهضوم حقها ..لاتوجد أي عداوة تستحق اسم الفيلم ...النهاية قهرتني أكثر ...تعرفون من عدو المرأة الحقيقي ؟؟؟ أنا . ..لي عداوة مع المرأة منذ الازل ..كل النساء على الارض بدون منازع ...مافي وحده فيهم قدرت تقنعني بغير هالشي ..بالنسبة لي المرأة من جنس الافاعي ..لها نفس الطباع ..في منها المسالم .ومنها الشرس ومنها القاتل ..منها الذكي ومنها القوي ..والسلاح اللي تختبي خلفه هو الضعف ..لان احنا الرجال مهووسين بقوتنا اللي نبي نحمي المرأة فيها ..وبسرد لكم قصتي مع المرأة ....في هالكم فصل اللي جايين ...وانتو احكموا ..من هي المرأة ...
الفصل الأول ......
************
صباح يوم الاحد ..توجهت لمكتبي .. مثل عادتي طلبت من سكرتيري سمير يجهز لي مرافعاتي . اللي طبعهم الليلة اللي قبل ..
ــ استاذ يوسف ...هذي مرافعاتك ..
ـــ مشكور ... سمير لوسمحت اطلب لي جاي راسي مصدع ...
سمير ــ من عيوني استاذ ..
ــ تسلم ..
سمير ــ نسيت أقولك استاذ ..عندك موعدك الساعة تسع ونص ...مع موكله ..
من ذكر لي تاء التأنيث عقدت حواجبي ..
ــ من؟؟؟
سمير ـــ موكله اسمها خلود ابراهيم .. قضية شيكات ..
شيكات؟؟؟ فكرت في نفسي ..
ــ بدون رصيد؟؟ لاتقبلها ..أنا ما اتعامل مع زباين يوقعون شيكات بدون رصيد علشان مااكون ضحية لهم بدوري ..
سمير ــ اعرف سياستك استاذ ..بس انت متفرغ الساعة تسع ونص ..وأعتقد انك لازم تسمعها ..
ابتسم وفهمت سبب اصرار سمير وقلت ـــ هي لهالدرجة حلوة؟؟؟؟
نظرات الذهول اللي على محيا سمير ضخكتني ..فقلت له ..
ــ سمير لاتحاول ...مابفكر في الزواج ولو بعد مية سنه ..
شفت الحرج على وجهه سمير اللي احس انه اخوي اكثر من انه موظف عندي ..طول عمري أقدر الاخلاص ..وسمير كان مثال حي لها الشي ..
سمير ــ دي بتاخذ العقل ..جميلة وشكلها بنت ناس ..
ابتسمت وقدرت له اهتمامه ــ لا تحاول .. أنت عزيز على قلبي ..وما أحب أشوفك خايب ..لكن في هالموضوع لاتحاول.
سمير ــ بس يا استاذ ..
قاطعته ــ بس سمير ..بقابلها وبعتذر لها بنفسي .. في مواعيد ثانية ؟
سمير ــ اييه واحد متهم في النصب والاحتيال ..وواحد ثاني عنده مشكلة في شغله ..
هزيت له راسي ــ اوكي ..تفضل لمكتبك ..وشوف ليش تأخر الجاي ..خليني أراجع المرافعات ..
وبدت عيوني تنتقل من ملف لملف وأراجع الاتهامات ومعطيات القضايا ..لين رن تلفوني ..
سمير ــ استاذ ..الموكله ..
ـــ خلها تدخل ...
فتح الباب وللحظات ..صحيت من موجة ذهول انابتني ..ابتسمت ــ وعليكم السلام تفضلي ..
كانت آية من الجمال ..من الرقة اللي لمستها ..والعطر البسيط اللي حاطه منه تغلل للمكتب اللي ريحته سجاير ..
حسيت بانتعاش بسيط ..لكن له مفعول غريب ...لكني كنت مستغرب هالانتعاش سببه بالضبط؟؟ الابتسامة اللي على ويهها ولا الجمال الافاطوني ولا العطر ولا الكلمات ولا ايش ..ولا هذا سمها اللي تخدر فيه العقول؟؟
أعطتني ملفها ..وحسييت باحراجها من نظراتي ..
قلبت الاوراق ..مشكلة بسيطة جدا ماتستحق روحه للقاضي مثل ماتقول الوالدة الله يرحمها ,,
ــ أوراقج يامدام ماتحتاج كل هالقلق .. بس روحي للي عطيته الشيكات وخذي منه هالشيكات وأعطيه المبلغ ..ياليت تلحقين عليه قبل لايروح الشرطة ...متى موعد استحقاق الشيكات؟؟
ردت بصوتها اللي يطلع من حنجرة ذهبية ..
ــ هذي المشكله ..موعدها نهاية هالشهر ..أنا خايفه تصير قضية ..وخايفة ينصب علي ويقول ماخذت فلوس ..خايفه من اللي يصير للمغفلين ..
قلت بصوت بسيط ــ محشومة ..
ردت ــ لا ..أنا أحس أن المسألة مابتمر على خير ..ويااستاذ أنا أحب كل شي بالقانون ..
ــ لو تبين كل شي بالقانون ماكتبتي شيكات بدون رصيد..
نزلت راسها محرجة ــ كنت مضطرة ..بس كنت أعرف أني بسدد الفلوس أقرب وقت .
بنات حوا ..لو هم في قمة احراجهم ..لكن التمسكن واحد من أساليبهم القوية للتمكن ..
ــ مدام اذا سمحت لي أنا بدبر هالموضوع ..بس عطيني الرقم ..وأنا بحدد موعد ..وتعال بكره ..وخلي ملفج عند السكرتير ..
ــ والاجر ؟؟
ـــ اجر استشارة بس ..حاسبي عند السكرتير بره ..
ــ مشكور صراحة أنقذتني من ..
قاطعتها موفر على نفسي ضيقة خلق ــ ماله داعي ..تفضلي وحطي رقم الشخص عند السكرتير ..
وفتحت لها الباب وطلعت محرجة من معاملتي الجافة مثل عشرات غيرها ..بعد خمس دقايق ..دخل سمير ـ كل هذا يا استاذ تعتذر لها عن القضية..
ابتسم من نغزة سمير ــ ماعندها قضية بس استشارة اتصل في صاحب الرقم وحدد موعد ..خليه بكره ..
جلست وانا اتابع نظرات سمير الخبيثة ..طلعت سيجارة وبديت أدخن ..
سمير ــ فترة راحة ؟ اطلب لك شاي ؟؟
ــ ياليت ..
سمير ــ استاذ ..انا في غرفة النسخ ..لو تبي شي مني ..
ــ اوكي لاتنسى الجاي ..
اه ..هالخلود رجعت لي ذكريات ماكنت أحب أتذكرها ..
رجعت لي طيف هدى . رجع لي أيام غبائي ..للحظة شفت لمحة منها ..وهي تتمسكن علشان أساعدها في قضية الشيكات ..والزيارات تكررت منها ..وأنا بغبائي ساعدتها وشلت عنها اشياء شكثر ..كنت أركض ورى طيف الحب ..وبالأخير اكتشفت انها تزوجت مجرد ماخلصت قضية الشيكات ...بعد بفترة مابرى جرحي بعد لما شفت آية ..وكانت القضية لاخوها ..وسبحان من سماها آية ..كانت قطعة من الجنة ..وأنا رجل أحب الجمال ...نستني شيماء وطوايف شيماء ..كان الخجل محليها اكثر في عيوني .. سرعان ماطاحت من عيني لما شفتها تتكلم مع سمير ..كان لسانها أطول منها ..لما ناقشت معاها الاجر ..فكرت في نفسي هذي لو تزوجتها بتطين عيشتي ..اذا ريال غريب وماخلت شتيمة ما شتمته اياها ..عيل لو ريلها شتسوي فيه؟؟؟؟؟؟؟؟؟
رن التلفون ..رقم منال ..
ــ آلو ..
منال ــ السلام عليكم ..شلونك ؟؟
ــ الحمدالله ..
منال ــ تعال تغدى عندي اليوم مسوية لك كبسة تموت عليها ..
ـــ مو فاضي عندي شغل ..مشكورة على كل حال ..
منال ـــ جوزيف ..أخوي ..هذي رابع مرة ترفض عزيمتي ..ليكون للحين حاط علي ..
ــ لا ..نسيت السالفة ...
منال ــ خلاص تعال تغدى عندي اليوم ..
ــ عندي موعد ..ما اقدر..خليها ليوم ثاني ..
منال ــ جاسم بيزعل ..
ــ قولي له خل يلاقيني في القهوة الشعبية عندي سالفة معاه ..
منال ــ وانت كل ما اكلمك تبي الفكة من ويههي؟؟ الشرهه على اللي يتصل فيك ..
وصكرت التلفون معصبة ...ما فهمت سبب عصبيتها ؟؟ شفيها منال؟؟ انا نسيت سالفة المقلب السخيف اللي سوته فيني. كان يوم كئيب ..رحت لها وكانت مرة عمي غانم عندها ..بعد ما سلمت عليها قالت منال لها اني ابي وحده من بناتها ..كان موقف محرج..ما اقدر اقول ما ابي ..علشان مااحرج مرة عمي وتقول شفيهم بناتي ..كان ردي بسيط ..
اني ما افكر في الزواج ..ومؤجل هالفكرة ..ليش ياربي الكل يبي يزوجني ..توني عمري ثلاثة وثلاثين سنة ..بس ...ابتداء من سميرانتهاء باختي منال ..
دخل سمير المكتب ..
ــ استاذ في ايش سرحان؟؟ ونسيت تشرب الجاي؟؟
ــ ولاشي ..خلينا نخلص شغلنا ..
**************************
دخلت البيت الكبير ..فاضي ..فيه برودة ..مدري من الوحشة ولا الرخام ..ورحت غرفتي وأنا تعبان ..بعد حمام نعنشت فيه ..مسكت رموت التلفزيون ..وبديت أقلب ..من قناة لقناة ..واستقريت أخيرا على مسلسل رأفت الهجان ..مسلسلي المفضل ...أطالع اشكال الممثلات قبل وأضحك ..
الساعة 6:30 ..فتحت عيوني ...وكنت دايخ بالمرة ..
تذكرت اني لازم اقابل جاسم في القهوة ..قمت من سريري وبدلت ملابسي ..ضبطت الكشخة .. ولبست الجوتي المحترم ..بعد ما تأكدت ان الصبي لمعه عدل ..من ماتت امي وانا عايش في هالبيت الكبير مع هالصبي ..
ركبت سيارتي وعلى طول للقهوة ..
كان جاسم جالس مع محمد اخوي ..
ــ السلام عليكم ..
محمد +جاسم ـ وعليكم السلام ..
جاسم ـــ انت شسويت في مرتي؟؟
ابتسمت ..ــ ولاشي ..
جاسم ـ من رجعت الدوام وهي دموعها على خدها ..شمسوية لك المسكينه ..
ابتسمت ..دموع التماسيح ...السلاح الرئيسي عند الاناث ..
ــ أبد ,,قلت لها قولي لجاسم ينطرني في القهوة صكت التلفون في ويههي..
جاسم ــ ليش مادقيت عليها تعرف ليش زعلت؟؟
جاسم مايعرف بالمقلب اللي سوته منال فيني ..
ــ انت مالك شغل هذي اختي وحنا منا لبعض نصطفل ..
جاسم ــ هذي زوجتي ... ما ارضى انك تزعلها ..
محمد ـ خلونا من منال الحين ..شخبارك اخوي ليش ماتمر؟؟
ابتسمت ـ ليش ؟؟ علشان تم زوجتك مريم تحن علي بالزواج مثل مازوجت منصور؟؟العازب الاشهر على مستوى الوطن العربي؟
ضحك محمد . لكن جاسم كان معصب شوي ..
ـــ شفيك ؟؟
جاسم ـــ يعني انت تبي تكسر الريكورد مال منصور؟؟
هزيت راسي بلا ـــ شوف ..أنا مب معترض على الزواج ..وما ابي اسجل الرقم القياسي مثل ماتفضلت ..بس أنا مأجل الفكره ..بس ..
جاسم ــ لين متى؟؟
يالله ..هذا الشخص الثاني يكلمني عن الزواج اليوم ..
ـــ جاسم...أمي وصتك علي شي؟؟ ليش الكل معترض على عدم زواجي ؟؟ انا انسان ناضج ..احترموا قرارتي ..انا ما اتحمل المرة ساعة على بعض أتحملها طول العمر ؟؟ مالي خلق ..
سكت جاسم ..لكن محمد هو اللي تكلم هالمرة ..
ــ بس بتندم بعدين ..لما يوونك عيال ..تكون أكبر منهم بوايد ..ويمكن ماتلحق على حياتهم اسم الله على عمرك ..
كلام محمد مب غلط ..بس مين يكلم ؟؟
ـــ خلوني من هالسالفة اللي أتكلم فيها تقريبا كل يوم مع سمير ..خلينا نروح نتعشى بمكان أنا يوعان ماتغديت ..
جاسم ــ وهذا سبب ثاني للزواج ..
ـــ جسوم ..أرجوك ..قفل على الموضوع ..
جاسم ــ ماقلت شي ..
دخلنا المطعم وانا كنت صج يوعان قضيت على المقبلات ..
وقمت علشان أييب لي صحن ثاني.. وللحظة دخت من قوة العطر اللي دخل المطعم كله وغطى على كل ريحة ثانية سواء أكل ولا شوي ولابخور ..وشافني محمد وجاسم واضحكوا ..
ــ تشمون ..
محمد ــ هذا عطر اعتقد اسمه شانزليه أو شي جذييه ..اشتريته من كم سنة لمريم ..ريحة الجازمن ..
جاسم ــ استغفر الله هذي ماتدري انه حرام؟؟
سحبت نفس قوي ــ العطر عجيب ..
جاسم ــ جوزيف ...لو سمحت اخوي حنا في مكان عام ..
محمد ـــ تعال ..ايلس ..
لكني قلت ـــ بروح اييب مقبلات لاني صج يوعان ..
بعد العشا طرا في بالي امر محل عطور ..وسألت عن العطر واشتريته ..لاني حبيت ريحته ..وحطيته في غرفتي ..بدون ما ارش منه ..وتم على الطاولة شكله غلط بين عطورة بوس وهوغو الرجالية ..
طالعت ملفاتي ..وغرقت في شغلي لين ماحسيت ولقيت نفسي صاحي ثاني يوم ..
اليوم مر بسرعه..انتهيت من قضية خلود ..لكني ما انتهيت من نظراتها .وكان لازم أمر أختي منال ..
كانت زيارة بسيطة ..سلمت عليها شلونج شخبارج وشربت الجاي بعدين استأذنت ..
الوحدة سيئة جدا ..الحين انا فاضي ..والساعه توها سبع ..وين ؟أقضي هالساعات الباقية؟؟ البيت فاضي والتلفزيون جرعة ماقبل النوم ..مافي حل ثاني غير أني أتمشى في المجمع ..ما أحب أثقل على أخواني ..
وقفت سيارتي ..ولما طلعت ..شفتها توقف سيارتها ..ماقاومت فضولي .. وقفت أنطر نزولها ..أنا متأكد أنها هي..كان معاها ولد صغير عمره اربع سنوات ..ماقدرت اتكلم معاها مني والطريق ..لكن ...ماقدرت امنع نفسي ..
ــ آنسة شيماء ؟
التفت ..وتفاجأت بشوفتي ابتسامة مقتضبة ..
ــأستاذ يوسف ..من زمان ....شلون الحال ؟؟
ارتباكها ومحاولة انها تخبي الولد اللي معاها خلاني اشك ..
ــ الحمدالله ...وانتي ؟؟
شيماء ـ بخير ..
مسكت لها قضية من كم سنه ..فجأة انتبهت لانتفاخ بطنها ..
ــ ابنج؟؟
طالعت كل شي إلا عيوني ..ـــايه..
مافهمت ليش خوفها ..باركت لها زواجها ..ومامسكت لساني من سؤالها ..
ــ وسعيد الحظ ..
ـــ عبدالعزيز ..
ــ من ؟؟
ــ عبد العزيز ..
ــ اللي رفع عليج القضية؟؟
ــ اييه ..
ــ موفقة ..عن اذنج .؟؟
ماقدرت اكمل الوقوف هناك ..معقول؟؟ تتزوج شخص بهدلها سنتين في المحاكم ؟؟ يقولون ماتجي المحبة الا مابعد عداوة .. انتهت ليلتي بعد ماتعشيت في ماكدونالدز ..
******************************
أول مادخلت لمكتبي تفاجأت بكتلة سواد..مقابلة سمير ..
ــ السلام عليكم ..سمير تعال داخل ..
سمير ــ اتأخرت يا أستاذ يوسف ...
ــ نمت متأخر شوي .كنت أشوف أمس فيلم لبروس ويليس ..من هذي اللي برى؟؟
سمير ــ باشا ...
تنهدت .. لما سمير يقول باشا معناها في خبر مزعج ..
سمير ــ تذكر المتدربة ؟؟ اللي تكلمنا عنها الشهر اللي فات؟ هي بقى دي ..
ــ شسمها ؟؟
ــ ليال خالد ..
ليال ؟ تنهدت ..متدربة ...اوكي ..
ــ خلها تدخل ...نشوف صرفة معاها ..
دخلت ..بشرتها كانت بيضا أما عيونها مابينت من ورى النظارة الطبية ..شفايفها دقيقة وأنفها دقيق ..وهادئة في دخولها مب مرتبكة ولاقلقة ..
ــ السلام عليكم استاذ يوسف ..
ــ وعليكم السلام تفضلي .تشربين شي ؟؟
ــ لا مشكور ..
ــ هالمرة من دلج علي ..
عقدت حواجبها .. فابتسمت لها وشرحت ...
ــ المتدربين اللي ييوني دايما مطرودين من مكاتب ثانية ..
ليال ــ لا ..بس تقريبا كلامك صار لي ..المحامي عيسى عبدالهادي كنت متدربة عنده .. لكنه واجهه مشاكل مع زوجته ..فوصاني بمكتبك ..
ابتسمت ...رفعت سماعة التلفون واتصلت عليه .
وقبل أنطق بكلمة ..قال
عيسى ــ هي عندك ..
ــ اييه ..
عيسى ــ دخيلك يوسف انت الباتشيلور(العازب ) الوحيد اللي أعرفه الكل مايبون متدربة ..
ــ اييه ..شتوصيني ؟؟
عيسى ــ هي زينه ..تحملها شوي .. تراها عنيدة شوية . وحشرية ..ومتهورة . زوجتي أذتني كل يوم تتي وتسأل ...فكني اله يخليك ..
ـ بس ؟؟ زين ..براويك بعدين مع السلامة الحين ..
ليال ــ افهم من هالمكالمة انك ماتبي تدربني ؟؟
ابتسمت بدت الحشرية ـــ لا .. كان يتكلم عن قضية خاصة بيني وبينه ..بس وصاني فيج .. خلي يوصلج سمير مكتبج وداومي بكره ..
عبء جديد كأني ناقص ... وانتوا يالحريم شلكم في المحاماة؟؟ منتو قد هالمهنة ...الله يعيني شلون ببدأ معاها ...هذه وحده واثقة ..افعى من نوع الاصلة ..قوية ..ماتحتاج السم ..قوتها كافية انها تقضي على اللي في طريقها بسهولة ..
******************
طول ما أنا في المكتب وأنا أحاول أترجم كلمات عيسى ..عنيدة متهورة حشرية ...احاول اوصل كل صفة بالثانية لكن ماتطلع معاي نتيجة ..أبي أعرف شلون أتعامل معاها دون ما أثر فيها ولاتأثر فيني ..بعاملها بليونه مابيمشي الحال ..ببساطة بتتعقد الامور ويمكن اتوهق فيها ..مافي معاي غير طريق القسوة ..لانها متهورة فتخاف من غضبي ..ولانها حشرية ..تتجنب الاهانة ..ولانها عنيدة فتشوفني اعند منها ...فماتغلط علشان تبين لي انها صح ..وبهالشكل ما أثر بتدريبها ..وأكون أتممت مهمتي على خير مايرام مع انها بتدعي علي طول عمرها ...بس ضميري بيكون مرتاح ..أني هيئتها لجو العمل ..
طالعت الساعة اللي كانت خمس العصر .اليوم مر غريب ..غمضت عيني دقيقة ..طيف شيماء وابنها غزا مخيلتي ...شاللي خلاها تقبل على نفسها الزواج بشخص حقير ..شيماء انسانة ....فيها من العلو والفخر بنفسها ولا برنسيسه ..مع انها عادية ..فيها من الجحود تظنه امتنان ..لكنه ..جحود ..طول عمري أكره ناكرات الجميل ..لكن في شيماء.. هالخصلة تراءت لي كأنها الاخلاص ..والوفاء ...
اللي يسمع افكاري ..يقول اني متناقض ...بس أنا رجل يكره ويحب ويعشق ويبغض النساء ..جمعت كل ما اشعر به في جملة ...وتوجتها مبدأ لمشاعري ...شيماء ... كل ما اتذكرج اتالم ..........
سمير ـــ استاذ يوسف ..
طلعت من بحر افكاري ..
ــ نعم ؟؟؟
سمير ـــ مش عايز تروح؟؟
طلعت من المكتب ...ولحقني سمير ..
ـــ ماتغديتش النهار ده ليه؟؟
ابتسمت من وفاة المرحومة وانا تقريبا ما اتغدى ..
ـــ ماليش نفس يا سمير ...
سمير ــ تروح تتغدى معايا؟؟
هزيت براسي بلا ..
ـــ بمرراشد ...
سمير ـــ على راحتك...
دخلت شقته وابتسمت لما سمعت صوته وهو في الغرفة يغني ..
ـــ قالت احبك ياراشد قلت من قدي ..
طقيت باب الغرفة .فتح الباب مستغرب ..كان لابس فانيله وسروال بس وعلى كتفه منشفه ويهه كل كريم حلاقه ..
قال بصوته العالي ــ مااستحيت ودخلت الشقة بدون لاتطق الباب جاي تستحي لما وصلت الغرفة؟؟ يمكن أكون مع الجو ؟؟ شيسوى لك الاحراج؟؟
ضحكت ..وسلمت عليه ...
ـــ رشود ..للحينك ؟؟ صار عمرك اربع وثلاثين سنه ..وللحينك؟؟
راشد ـــ انت آخر واحد يتكلم ...ات عايش بعز ولاراضي ترفه نفسك..
ـــ بالحرام ؟؟ ما ابي الترفيه اللي تتكلم عنه ..
راشد ــ اي حرام الله يخليك؟؟ ورقة زواج عرفي وانتهت اسالفة ..ولامسيار ..
ـــ وليش هذا بعد حلال ؟؟
ــ جوزيف اله يخليك .مثل ما تبيني أتكلم عن زواجك لاتتكلم عن زوزاجي ,,شذكرك فيني ؟؟وخلاك تمرني ؟؟ صار لك سبع شهور تقريبا ماشفت ويههك الخايس..
ضحكت ــ مخلي الجمال لك ..يا احمد رمزي ..شفت اليوم واحد ..فتذكرتك..
راشد ــ ليش هو لها الدرجة يشبه لي ؟؟
ـــ لا . حسن تذكره.. رفيجك اللي كنت تطلع مع اخته من وراه؟؟ هي شصار لها ؟؟
راشد ــ عرست وتطلقت ورجعت عرست ورجعت تطلقت ..
وبعدين ردت لريلها الاولي ..
ــ الله متابع أخبارها ..
راشد ــ لا والله بس كل مايصير معاها جديد تتصل فيني ..
ــ علشان تتأكد انك فيلبل؟؟ متوفر ؟؟
راشد ــ لا وانت الصاج ..لانها تحبني ..وماتقدر تتخلى عني ..
ياشين خداع المرة ...الحين تحب رشود وتزوجت واحد غيره وتمت على علاقة فيه ؟؟ أي ضمير ؟؟ أي أخلاق بس مو غلطتها ..طاحت برشود الي كله غلط من راسه لرجلينه ..
الخبيثون للخبيثات ...
راشد ــ يوسف وين شردت؟؟ أدري أنك سبيتني في مخك ..وكرهت جنس المرأة ..
لذهولي ابتسم راشد وكمل ـــ أعرفك من كنا في الاعدادية ..وتتوقع بعد كل هالسنوات ما افهم اللي في مخك؟؟لاتخاف اخوك قرر يتستت ..
انصدمت ,,راشد يتزوج؟؟
قال كأن ماعنده حيله ــ بترك هالدرب بعد شهر ..ابوي خطب لي بنت عمي اللي كانت ناطرتني من عشر سنوات .. حسافة ماعندك بنت عم كبرك يا يوسف ..ولا كان خليتها ضمانه للمستقبل ..
ـــ عندي بنات عم بس كلهم يهال ..والحمدالله ماكان عندي وحده كبري كان شفتني متزوج من قرون مضت ..
خلص راشد حلاقة وغسل وجهه ونشفه ولبس ثوبه وقال ..
ــ يوسف ..أنت من صجك عازف عن الزواج؟؟ ليش ؟ صار معاك موقف كرهك في الحريم جذييه ..
ابتسمت ..أنا ماصار معاي موقف واحد ..صار معاي اكثر عشرين موقف ..اعطوني مية فكرة وفكرة عن جنس الحريم .
ـــ رشود ..خلنا نطلع .انا يوعان ماتغديت ..
راشد ــ اي مطعم هذا اللي يعطيك غدا هالحزه؟؟؟ انا مواعد وحده ..خليني اختم فيها عزوبيتي ..
ـــ من هالمرة؟؟
راشد ــ وحده ..مبتدئة,,
ـــ خاف الله فيها ولاتخرب مستقبلها .واطلع معاي ندور غدا ..
راشد كانه كان ناطر هالنصيحه ..كان متردد ..وسرح شوي ..وقال ــ هي اخت صالح ..
كأن حد قرصني ونطيت من مكاني ...صالح رفيج عمرنا ,,
ــ أنت ماقلت لي انك بطلت تواعد خوات ربعك؟؟ لولا ان اختي متزوجة كان شكيت فيها مب عدم ثقة فيها بل عدم امان منك ..الحين صالح بيكون آخر ضحاياك؟؟ نسيت المعروف اللي سواه لنا من كم سنه ؟؟ حرام عليك ..
راشد ــ ........................ماكنت ادري انها اخته لين امس ..
ــ صار بينكم شي ؟؟
راشد ــ لا ..البنت انا رسمت عليها من شهر ..مكالمات لين امس وافقت نلتقي ...
تنهدت ,.وقلت له ــ اتصل فيها وقول لها ترجع للدرب الصحيح ولا تقول لاخوها ..وخليها تغير رقم تلفونها علشان انت ماتدلها ..لما الشيطان يوزك عليها ..
راشد ــ بس ..
صرخت فيه ـ لا ..لا بس ولا اي زفت ...راشد ..هذا صالح اللي توسط لاخوك اللي كان بيروح فيها باعدام ..جذييه تجازييه؟؟ يلا قدامي الحين ..
راشد ــ زيين ...الله حطك في طريقي ..في هاليوم بالذات ..لان صالح ريال اسم على مسمى . وانا كنت متردد ..والله ماراد له الشر ..سبحان الله ..سبع شهور وانت ولا مفتكر فيني تطلع لي في اليوم وفي الساعه اللي كنت بهدم فيها حياة هالبنت ..الله يحب هالانسان ..وخلاك تمنعني من اذيته ....
كلام راشد مس شي فيني ..بعد ما تاكدت من انه نفذ اللي قلته له ..طلعت من الشقة ورحت المسجد ..وصليت العشا ..من زمان مارحت المسيد للصلوات المفروضة كنت اروح يوم الجمعه بس ..من كم سنه تورط اخو راشد في حادث ومات واحد فيه ..وطاليوا بدم اخو راشد ثار ..ورفضوا الدية ..صالح كان يعرف هالناس ..واقنعهم انهم يتنازلون ..لان حادث مب عمد ..شلون يالك قلب يا راشد تسوي جذييه في هالريال الطيب ؟؟ مسكت القرآن وتميت اقرا ..وحسيت براحه ..كنت مفتقدها من زمان ...
*****************
من الصبح ومزاجي متعكر ...السيارة بطاريتها خربانه فاضطريت اروح بالتكسي للمكتب ..التكسي الحار والوسخ ولاريحه الاسيوي اللي راكبه ..
سمير من شافني متعكر مزاجي ..اكتفى بصباح الخير وبس دون اي كلمة ..
دخلت ليال لمكتبي وكنت نسيت وجودها ..
ـــ استاذ يوسف في غلط في المرافعه اللي قلت لي عنها امس ..
بلا تفكير ..وسبحان الله بعض الاحيان الانسان يقول شي غير اللي في باله بالمره ..
ـــ يا انسه انت هنا تتدربين عندي مب انا اللي اتدرب عندك علشان تعلميني الصح والغلط؟؟حط الملف وتفضلي ..
ما ادري شلون كانت نبرة صوتي ..ولا طريقة كلامي لاني م اتذكر ..ما اعرف السبب اللي خلى الالوان تشرد من ويهها ..وطلع وهي مرتبكه وتصدم الكرسي في طريقها ... وتطيح ملف اوراق كان على الخزانة الصغيرة ..
نزلت ترتبه حسيت اني مب طايقها فقلت لها في استخفاف
ـــ خلي كل شي وتفضلي ونادي لي معاج سمير ..
تجاهلتني ..فقلت ـــ ماسمعتي كلامي ؟؟؟؟؟ اعيد يا انسة يمكن عندج مشكله في اذنج..
دخل سمير ..طالعت عيونه حسيت فيها كلام لكنه مافهمت شنوعه .وكان ساكت ..
ــ شعندك؟؟انطق الجوهرة اللي تحوس في صدرك .
قال ــ آنسة ليال ..
ــ شفيها ؟؟
سمير ـــ حرام اكلت علقة وهي بريئة ..
طالعت له بنظرة غضب ــ علقة؟؟ أنا ماهزأتها ولاضربتها ..اي زفت انت تتكلم عنه؟؟
سمير ـــ لما تروق بالك يااستاذ حقولك.. اسمح لي ..
وفتح الملف على ورقة وحطاه قدامي وطلع ..طالعت الورقة ..مالها علاقة ابدا باللي في في الملف ..هذي مرافعه قديمه ..مسودة كتبتها لقضية مشابهه وكنت ابي استفيد من بعض المعلومات ..ولما خلصت شغلي حطيتها على مايبدو بدل المرافعة الاصلية ..حطيت يدي على جبهتي وبعصبية ..فتح الشنطة وكانت الورقة الاصلية فيها ..طلعت سيجارة وبديت اسحب كم نفس ..لين مارقت فناديت سمير ...
سمير ـ رقت يااستاذ ..
ــ اييه ..سمير . خذ هالورقة وخلي ليال تطبعها ..
سمير ــ بس؟؟
ــ يعني لازم أروح أستسمح منها وأبوس راسها ؟؟ بس ..
سمير ــ بس انت يا استاذ زعقت في وشها ..
ــ أنا ما صارخت ...
سمير ــ استاذ ..
تنهدت ..كنت في قمة احراجي .. وسمير مابيتركني لين اصحح غلطي ..
ــ خلها تجي ..واتفضل انت ..
سمير ــ حاضر ..
دخلت ..وباين عليها انها مآخذه في خاطرها ...
ــ اتفضل آنسة ليال ..
جلست ..فقلت بصوت حاولت انه يكون هادي ..
ـــ هذي الورقة مسودة عن قضية قديمة ..وهذي المرافعه الاصلية انا غلطت وبدلت في الاوراق ..اطبعي لي المرافعه مع سمير وراجعيها ..وشوفي البنود اذا في شي غلط ..
ليال ـ حاضر استاذ ..
ــ تفضلي الحين ..
قامت من مكانها ..حسيت بفرحتها باعترافي بغلطي ..أكثر من امتعاضها بعدم أسفي لها ..القسوة ..لازم ما أرخي الحبل ..علشان تثبت جدارتها لي ..وتعاندني وتنجح ...وتبين أني غلطان ..
خلصت كل شغلي ..وطلعت ..وقررت أزور أخوي محمد في بيته بعد العشا ..اللي أكيد بيكون دجاج بالكاري سواه لي الصبي سراج ..
***********
مثل ماتوقعت بالضبط ..تمت مريم زوجة اخوي تحن على راسي ..
مريم ــ والله البنت زينة مرة ..أنا أحبها واشوفها زوجة ناجحة لك ...
ـ مريم ..بنعيد الاسطوانه كل مازرتج؟؟ وتشره علي ياخوي محمد وتقول ليش ماتزورنا ؟؟
مريم ــ يوسف ..عمتي الله يرحمها كانت بتزوجك هالبنت ..
ــ تقنعيني ان امي كانت معجبة بهالبنت؟؟
مريم ــ يعني أنا جذابه؟؟ قولها ...أصلا عمتي هي اللي دلتني عليها .وقالت لي بنت محسن عبدالرحمن خووش بنية ..وأشوفها زوجة لابني يوسف ..
ابتسمت ..تذكرت أخوي منصور ..قالت له مريم نفس الكلام ..عن بنت فهد حمدان ..نفسي أقول لها يامريم انت جذابه .بس ..هي تبي مصلحتي ..وماقاصده تضرني في نظرها ..
قلت لها ـــ أم جاسم ..صدقيني لابغيت أعرس بيي لج وأقولج ..بس ..الحين مالي نية زواج ..
مريم ــ يوسف ..الله يسلمك اذا كلامي غلط قول لي غلطانه ..بس حاليا ..ماتحس بفراغ في حياتك ؟؟ بعد الدوام شتسوي ؟؟ أنت مب راعي خرابيط علشان تسلي نفسك وتشغل وقتك .من وفاة المرحومة وأنا شايله همك ..من يداريك؟؟ في البيت مع من تسولف ؟؟ ربعك كلهم متزوجين ..من فيهم بيفضى لك ويسهر معاك ؟؟ على الاقل لاتزوجت ..مرتك بتشيل البيت ..وتونسك والعيال يشغلونك..وهناء بنت حبابة ..واخلاق كلش زينه ..
اسمها هناء ..أنا أتخيل نفسي أنادي زوجتي هناء؟؟ هناء تعالي يعقوب يوعان ..هناء التلفون ..هناء . حبيبتي ..
.مب لايق ..ماعندي القناعه اللي تخليني اوافق ...وأنا مزاجي في الحريم ..مايساعد .
مريم ــ ها أنا غلطانه ؟؟
ـ لا يا ام جاسم ...بس أنا ما أفكر في الزواج ..تعالي اسأليني بعد سنه ...
مريم ــ عيزت معاك يابويعقوب ..راسك صخر ..قول اذا شايف لك شوفه أو وحده مو من ثوبنا ..نزوجك المهم تكمل نص دينك ..ـــ تدرين انا عاجبتني وحده..اذا خطبتيها لي فيج الخير ..
مريم ـــ قول قول ..اخطبها لك الحين ..في هالثانية .بس أشر ..من هي ؟
ـــ بروك شيلدز ..أعطيج العنوان ؟؟
مريم ــ أعطيني مقفاك أسهل لي ..وأنا صدقت أنك أخيرا ..
ضحكت عليها وعلى الخيبة اللي على ويهها ..وقلت ـــ بروح أقعد مع خوي محمد ..من يبت سالفة الزواج وهو شرد للديوانية ... أعطيني ساره ..
ساره بنتها الصغيرة ماكملت سنه ...
مريم ــ خذها مع انها ماتتذكرك وايد .. جاسم روح مع اختك لين الديوانية علشان ماتصيح ..
جاسم ـــ زين يمه..
جاسم عمره ست سنوات ..دخلت الديوانية وكان محمد مقابل الاخبار ..
ــ صار شي جديد ؟؟
ــ لا ...ماتغير شي ..الكل في حالة حرب ..ها أقنعتك مريم بهناء ؟؟ أنا شفت البنت من ناحية الجمال ماعليها كلام ..
ــ بس انا ماشفتها يامحمد ..وما افكر بالزواج ..
محمد ــ كيفك ..بس انا اليوم مابنام في البيت لان مريم بتسندرني بسالفة عنادك ..
ــ الله يخليك صكر الموضوع ..
وبديت ألاعب سارة شوي واضحك معاها ..وتركتها عند ابوها واستأذنت وطلعت ..
مر شهر ..وحياتي مثل ماهي .. حضرت عرس راشد .. .سمير وليال نادرا ما اتكلم معاهم خارج العمل لان ماكان عندي اي كلام اقوله ..كنت قاسي مع ليال ..وكل ماتغلط ولو غلطة صغيرة ..أحسبها لها كارثة ..فصارت تتفادى الاغلاط ..
وكنت بدخل الكتب لما سمعت ليال تتكلم ..
ــ تصدقين ..خلين اخخلص هالاوراق لايدخل علي استاذ يوسف ويعطيني نظرة تخلي الشعر اللي في جسمي يوقف من الخوف ...... هو زين . تدريبه ممتاز ...بس ..يحب يهين جنس الاناث ..وأنت تعرفيني من مناصري المرأة فما اابي انه يمسك علي شغلة غلط ...اييه ..قال لي ابوي يلا توكلي ..تعالي اليوم وبكمل لج السالفة ..مع السلامة ..
كنت بدخل على طول ..بس ماحبيت اسبب لها اي احراج
فتأخرت دقيقة ودخلت ..
ــ السلام عليكم ..
ليال ــ وعليكم السلام استاذ ..
ــ خلصت الاوراق ؟
ليال ــ الحين استاذ ..
ــ متى الحين انا عطيتج اياها من ساعتين ..شالبطء ..انا لازم اروح الحين علشان يسوي لي الزبون توكيل ..
ليال ــ دقيقة استاذ ارتاح في المكتب وأنا أييب لك الاوراق ..
حبيت اللعبة فقلت ــ لو سمير كان خلصها من اول ما اعطيته اياها مب يضيع ساعتين من وقتي في الهذرة والسوالف ...
ليال ــ أستاذ يوسف ,,سمير متمرس ..لكن أنا مبتدئة ..
قاطعتها ــ لاتضيعين وقتج في الدفاع عن بنات جنسج ..خلصي الاوراق بعد خمس دقايق ابيهم في المكتب ..
رجعت مكتبي وأنا فرحان بالانكسار اللي باين على ملامحها ...خصوصا لما لمحت لها اني سمعت المكالمة ..
دخل سمير بعد خمس دقايق مع الاوراق ونظرة عتاب على ملامحه ..
ابتسمت ..
ــ شفيك ؟؟
سمير ــ استاذ هذي الاوراق اللي كانت عند ليال ..ممكن أسال سؤال ؟؟
ابتسمت وانا عارف سؤاله ـ اسأل ...
سمير ــ استاذ عملت لك اييه البنت ديه علشان تعمل فيها كده ..دي منهاره على مكتبها ..
كان بالضبط الكلام اللي ابي اسمعه ..
ــ تبجي؟؟
سمير ــ لاء .. تزغرد ...
ضحكت ...فكمل سمير بنظرة عتاب ـــ دي بت غلبانه ..ماتكسرهاش ..يابيه ...دي تحاول تمسك دموعها وشهها اختفى منه اللون ..تقول ماسها جن ولاحاجة ..
ـــ لاتخاف عليها يا سمير ...أقوى مني ومنك ..وأنا ماتعرضت لها في شي شخصي . أنا بروح الحين ..سمير بالسلامة يابيه ....
وأنا في طريقي علشان اقابل الزبون ..رن تلفوني ..وسمعت الخبر اللي قلب حياتي كلها راسا على عقب ..
ــ ألو ...
علي ــ مرحبا يوسف أنا علي ..
ــ أهلا علي ..
في قلبي أسأل أي علي ..
علي ــ يوسف ان مادريت بس جنازة راشد الساعة أربع العصر ....
وفي ثواني الصدمة خلتني أوزن الامور علي اخو راشد .راشد الي مات ..شلون؟؟؟؟
ــ راشد مات ؟؟ أنت من صجك ؟؟
علي ــ مات اليوم ليش ماعندك خبر ؟؟
يوسف ــ لا والله آخر مرة شفته كان يوم عرسه ..شصار ؟؟ شلون ؟؟لاحول ولاقوة الا بالله ..
علي ـ في حادث .. حرام ماتهنى بزواجه اسبوع على بعض الله يرحمه .. تعال المستشفى ..
يوسف ــ الحين بس عطني نص ساعه أخلص شغالي ..
علي ــ مع السلامة ..
الصدمة زلزلت كياني ..راشد صديق العمر ..يروح بين ليلة وضحاها وهو في عز شبابه ؟؟ ماقدرت امسك دمعتي ..رجعت المكتب وانا مكتئب .
سمير ــ خير استاذ ..
ــ اتصل وكنسل كل مواعيدي ..أنا بروح ومابرجع اليوم ..
سمير ـ ليه استاذ ؟؟ ومال وشك كده ..
ـــ راشد عطاك عمره ياسمير .
سمير ـــ الله يرحمه دا كان في عز شبابه ..
ــ الله يرحمه ...
ياترى وش اللي مستخبي ليوسف ورى موتة راشد ؟؟؟؟
وش الاشياء اللي حتجد في حياة يوسف (جوزيف )؟؟؟؟؟
هذا ما سنعرفه في الحلقة القادمه..<< معليش متاثره بالافلام كرتون خخخخخ
*********************
اتمنى الفصل عجبكم معنوا الفصل الجاي حيكون فيه اثاره ومفاجات اكثر من اللي قبله
وانتظر ردودكم على احر من الجمر
عشان اكمل القصهangel4:
>>>>> ردود الأعضـــــــــــــــــــاء على الموضوع <<<<<
==================================
هااايات شباب وصبايا
حبيت انزلكم الفصل الثاني من القصه
*********************
الفصل الثاني ....
***************
بعد العزا بثلاثة ايام الكل لاحظ شرودي... كنت حزين جدا على راشد خصوصا بعد ماعرفت ان زوجته في المستشفى ....
ليال ــ استاذ ..سمير استأذن يروح للمطار يستقبل ابن عمه ..وطلب مني اسلمك هالاوراق ..
ـــ يعطيج العافية ليال ...
ليال ــ الله يعافيك استاذ ..أدري انها متأخرة ..بس البقى في راسك في وفاة صديقك ..
ـــ متأخرة ..ليش هو مات من متى ؟؟
ليال ــ من ستة أيام ..استاذ يوسف هذا عمره ..وقدره ..
قاطعتها ـــ مشكورة ..تفضلي ..
ابتسمت ابتسامة محرج وحست انها تدخلت في شي خارج حدودها فانسلت بره المكتب ولاسمعت لها صوت طوال الساعات اللي مرت ..
ولما كنت أطلع ..
دخلت ,,
ــ آنسة ليال انتي ما انصرفتي ؟؟
ليال ــ كنت بنصرف ..لكن ..في زبونه تبيك في أمر مستعجل ..تقول انها من طرف راشد الله يرحمه ..
ارتبكت ..من طرف راشد ..
ليال ــ استاذ الزبونه تصيح ..وحالتها تكسر الخاطر ..
ــ دخليها وهاتي لي جاي ولها عصير ..وانصرفي ..
نظرة ليال مافهمتها ..
ــ في ايش ؟؟
ليال ــ وأخليكم بروحكم ؟
ـــ البواب والحراس مايملون عينج ؟؟ بعدين انتي كنت بروحج معاي ..ماخفتي على نفسج؟؟
اضطربت ..وماقالت شي ..
دقايق الا دخلت بنت ..وغشوتها على ويهها ..
ــ تفضلي اجلسي ...قالت لي انج من طرف راشد من أي طرف عاد...الزين و لا .... الطرف الثاني ..
قالت بصوت مبحوح وكله صياح
ـــ يعني تعرف بمصايبه ؟؟؟؟؟
قلت بلامبالاة ــ مارديتي على سؤالي ..
ــ قص علي قص علي ..قال بيتزوجني ..
رفعت حواجبي مستنكر ــ لكنه تزوج وحده ثانية..
قالت منصدمة ــ هو تزوج ؟؟ ولامات ..
قلت ــ الاثنين ..
صرخت ــ الحقير ...الحقير ..شقول لهلي الحين؟؟ هو مات ..وانا ابتلشت ؟؟
قلت ــ الزبده ليش ييتيني ؟؟
دخلت ليال وحطت العصير والجاي ..
ــ مشكورة ليال تفضلي ..روحي بيتكم انا اخلص شغلي واصكر المكتب ..
ليال ــ حاضر استاذ ..
طلعت ليال ..والتفت لها ..
ـــ اختي ..الزبده ..ليش جيتيني انا ..
ـــ لانك رفيجه وهو قال لي الجأ لك اذا تورطت في مشكله.
سألت السؤال الحاسم ــ وانتي اسمج..
ردت ـــ أنا رغد ...أخت صالح رفيجك..
كأن حد صفعني على ويهي كف ..اهتزت له اطرافي ..
قطت الغشوة ..وكانت دموعها غسلت ويهها الاقمري ..وعيونها العسلية نسخة عن عيون اخوها صالح..وخصلة من شعرها الكستنائي تبللت بدموعها ..
ماقدرت اتكلم ,,وهي تكلمت ..
ــ انت منعته مره من انه يكلمني ..هو قال لي هالشي بعدين لما غرر فيني ..
رفعا حاجبي ــ يعني ماكلمج في التلفون وقال لج هلينا نفترق ؟؟
رغد ــ لا ..والله الشاهد اني ولامرة سمعته ينطق هالجمله ..قال لي بيتزوجني ..وأنا غبية ركضت ورا المشاعر ..صمت وصمت وفطرت على بصله ..كل يوم الخطاب اشكال والوان ..وأنا أرفض ..وهو غرر فيني ..خدعني باسم الحب ..لين ماطحت فريسه له ..وتركني من شهر وغير ارقام تلفونه ..حاولت اوصل له ..لكن ماقدرت لين قرأت الخبر اللي في الجريده ن وفاته..
انا ماطلبت منها تحكي لي قصتها لكنها استرسلت ..ومع كل كلمة تقولها احس بذنب اكبر ..لين ماقالت ..
ــ أنا حامل يا استاذ يوسف ...أنا حامل ..الحقني ..
وانهارت في البجي ..
قلت بلهجة ناشفة ــ وشلون دليتي طريقي ؟؟؟
قالت ــ كان يتفاخر ..ويقول اسمك وانك صديقه المحامي المشهور ...والحين لقيت نفسي في مكتبك بغد ماتصكرت في ويههي كل المنافذ ...
ــ وأنا شسوي لج ؟؟ تبين أقول لاخوج صالح ؟؟
شهقت ــ لا ..أرجوك ..بيذبحني ..
ــ أقول له بطريقه عقلانية ..
رغد ــ عقلانية ولامسالمة ..بيذبحني ..الريال اللي انا حامل منه ميت ..يعني مافي امل بتصحيح الغلط ..
كنت بلومها ..لكن ماقدرت ..اللي فيها كافيها ..مرت علينا لحظات مانطقنا بكلمة والموسيقى اللي تشتغل هي دموعها ..
أعرف راشد وأعرف لعانته ونذالته ..واصراره على انه يطيح اي بنت ..بس ماتوقعت انه بيكذب علي ..ويخدعني ...
رغد ــ ساعدني أرجوك ..
ــ شلون أساعدج ؟؟ أنا مالي اي صفة في حياتج علشان اساعدج وراشد الله يرحمه ..
رغد ــ ........ خلاص تزوجني ...
انتفضت كأنه نطقت كفر ..
ــ ايييييييش؟؟ ؟؟
رغد ــ ننفصل بعد فترة ..
ــ واللي تولدينه تحطينه باسمي ؟؟؟ لا ..اعذريني أنا مب متوعد أنظف فضلات غيري ...
رغد ــ الله يخليك ..طلقني ولا الفضيحة ..
ـــ خطأج أنتي ..وراشد أنا شدخلني ..لاتدخليني في الموضوع ..
رغد ـ راشد النذل مات ...ومافي غيرك ..
ـــ الله يرحمه ..مو ذنبه ولاذنبي انج سهلة ...
انهارت وتمت تصيح ...ارفعت راسها ,,
ـــ بفضحك وأقول انك ابو اللي في بطني ..
انصدمت ...ووقف عقلي عن التفكير ..
رغد ــ أنا مابيني وبينك شي .. خلينا نتزوج مثل اي اثنين عاديين وبعدين نسافر شهر عسل لاي دوله وأجهض نفسي ..ونطلق وارجع ..وبدفع لك كل التكاليف ..ارجوك ..استر علي لمدة شهر بس ..والا فضحتك وقلت للكل انك ابو الياهل اللي في بطني ...
ـــ في اسمه فحص الجينات الوراثية ..
رغد ــ أثبت اني حامل وأرمي نفسي من على الدري ..وأسوي فضيحة صدقني منت قدها..
ـــ تهدديني ؟؟
رغد ــ أرجوك .وأنا أترجاك ..أنا بدفع التكاليف ..علشان راشد ..ترضى سمعته تتدمر ..
قلت اللي في بالي ــ وأنا شدراني انه ابن راشد ؟؟يمكن غيره ..
رغد ــ لو غيره ..ما ييتك ...ودبرت نفسي ...
تميت في حيرة أقبل اللي تقوله ؟؟ وأستر عليها وأكسب فيها اجر واحفظ سمعه صديقي ..ولا اطلع من الموضوع وانفضح ؟؟؟؟
حيرتي اخرستني ..ماقدرت أنطق حرف ..ودموعها ونحيبها مااعطاني فرصة للكلام ...مرت عشر دقايق صمت وأنا أقلب الموضوع في راسي ...
وأخيرا نطقت بعد ماحسيت انها هدت ..
ــ ما تقدرين ..مافي شي يثبت ابوتي لطفلج .. وانت تتبلين علي لا اكثر ..وانا مب مستعد أشيل مسؤوليتج وبعدين يصير لج شي وتصيرين في ذمتي ...وقبل كل شي ..الحين اتصل في الشرطة ..وكل شي بينحل ..
رفعت سماعة التلفون فصرخت ــ لا ..أرجوك ..صدقني انا ما احقد عليك بالعكس اقدر لك ان في يوم من الايام حاولت تنقذني ..لكن ..أنا ماعندي شي اخسره ..أنا ميته ميته ..بيذبحوني ..ومالي عيشه بهالدنيا ..بس اقدر انفذ بجلدي ..وانت تقدر تساعدني ..
ـــ قلت لج ..أنا ما اقدر اساعدج ..
رغد ــ بدفع لك مية الف ريال ..
ـــ وأنت من وين لج هالمية الف ريال ؟؟ واذا عندج هالمبلغ روحي لاي واحد من الشارع واتفقي معاه ..
رغد ــ ورثي من ابوي . اي واحد من الشارع مابيساعدنس مثلك ..انت صديق اخوي ..وتعرف راشد ..بتستر علي اكثر من اي واحد ثاني .أنا بدفع لككل ريال بتصرفه علي ..بس ارجوك ..انت نفسك بتكون في خطر بفضحك ..اسمك بيتوسخ وبيرتبط باسمي ...انا مذبوحة ..وأخواني مابيتنازلون عن دمك ...
فاض بي الكيل ــ وأنا شدخلني ؟؟ ما طقيتج على يدج وقلت لج اغلطي وبيعي نفسج ..
رغد ــ قلت لك انا ميته ميته ..ياما تتزوجني ..والا افضحك ويقتلوني ويقتلونك ..مابتخسر شي ..فلوسك بدفعها لك ..بس بكسب حياتي ...
غمضت عيوني ..أقدر في اي لحظة اتصل في الشرطة وانهي الموضوع .. لكن ...زوجة راشد واهله ..صالح ..الصدمة شلون بتكون عليهم ؟؟ واسمي بيتدمر في السوق وانا تعبت كل هالسنوات يلا بنيته ..على يد بنت ..بتخرب كل حياتي ..كافي اسمي يتورط في المسألة ..والكل بينبذني ..واولهم هلي ..
رغد ــ استاذ يوسف ..أرجوك ..أرجوك ..لاتتخلى عني .
ــ بس انتي غلطتي ...
رغد ــ وبدفع ثمن غلطتي من فلوسي وصحتي وحياتي ..
ان ماتقدمت لي يوم الخميس ..اللي يكمل عمر حملي شهر فيه ..بفضحك يوم الجمعه الصبح وعلي وعلى اعدائي ...
مامسكت نفسي وصرخت فيها ــ وأنا من وين اعرفج علشان اصير عدو لج ؟؟ أنا شسويت لج ؟؟ مب ذنبي ,,,
قامت رغد وكانت في عيونها نظرة ياس ــ تذكر ..أنا مابخسر شي لاني ميته ميته ..لكن انت بتخسر كل شي ..
طلعت برا الغرفة وخلتني في ظلام حيرتي وغضبي ...أنا شدخلني ؟؟ ليش اشيل وزرج ووزر راشد ؟؟ لعبتها بذكاء ..هي فاقدة الامل بالحياة ..فما استبعد انها تسويها ..يالله ..
وبدون وعي دفعت المكتب بقوة فانقلب وطاحت كل اوراقي ..كل مستقبلي ..بيروح .. بتكون سيرتي على كل لسان ..
المحامي مع اخت صديقه ينقتلون في جريمة شرف ؟؟
هذا اسوأ ما يمكن ان يحدث .. رغد ..أفعى سامة كوبرا ...قدرت تقضي علي في لقاء واحد . أقدر اناضل ...أقدر استنكر ..بس بخسر أشياء وايد ..وايد ..على مايبدو مافي حل غير الزواج ..الله يلعنكم يالحريم ويلعن الساعه اللي عرفت فيها راشد ..الله يلعنج يارغد ..هزيتي كياني ..زواج ..هالشي اللي كنت اهرب منه طول حياتي .. والحين ..أتزوج بانسانه خسيسه ؟؟
اعلنت الحرب على نفسج يارغد ...بذلج ..وأخليج تتمنين انج متي ..ولاتزوجتيني ..
******************************
مريم ــ من هي ؟؟ قول قول الله يخليك ..
ابتسمت ابتسامه ميته ــ اخت واحد رفيجي ..اسمها رغد ..
مريم ـــ من اي عرب؟؟
ــ بتعرفينها لما اوديج لها يوم الخميس ..
مريم ــ اليوم المبارك اللي تتزوج فيه ...
ــ مريم أبي الملجة بسرعه ..والزواج خلال شهر ..
مريم ــ ليش مستعجل ؟؟
ــ يعني ما احب الامور تمشي ببطء ابتزوج بسرعه وابيه عرس اسطوري ..
مريم ــ عرس خلال شهر ..وأسطوري ؟؟ شلون ؟؟
ـــ كل شي بالفلوس يمكن يصير ..جهزي نفسج ..أنا كلمت اخوها امس وقال يوم عيد اليوم اللي اناسبه فيه ..
مريم ــ بيصير احباط في بنات العايله ..وايد يحبونك ..
ابتسمت ..اعرف هالشي ..وياليتني تزوجت ..ولا ورطت نفسي في هالمصيبه ..
مريم ــ هي حلوة ؟؟
ــ قمر ..بتشوفينها يوم الخميس ..روحي انتي ومنال ..أبيكم تكشخون عدل ...وتبينون لهم انكم عيال عز ..
مريم ــ وحنا عيال عز ..ولا شايفنا غير هالشوفه ؟
ــ لا ..أبي اكثر ..أكثر ..
مافهمت مريم بس هزت راسها ..وفرحتها بقراري بالزواج غطت على كل شي ..
وهاليومين اللي فكرت فيها صكرت المكتب واجلت كل القضايا ..
وصل يوم الخميس اسرع من باقي الايام ..
وراحت مريم ورجعت مبهورة بجمال رغد ..
مريم ــ صدقني البنت فلقة قمر ..
قلت في نفسي وهي من داخل قذارة ...
منال ــ والله البنت اعجبتني لولا الشحوب ..والا بانت شي ثاني ..
مريم ــ البنيه كان ويهها مخطوف من الخبر ..وأي بنت جذييه ..حددنا الملجة الخميس اللي ياي ..
ــ اتصل فيني اخوها وقال ان البنت وافقت ..
منال ــ هذا اللي ناقص في حد يرفضك يا اخوي؟؟؟ بس كان من الاول احسن ..
مريم ــ اييه والله ..
ـــ مافهمت ..
مريم ــ لو متزوج من الاول احسن ..
ما رديت ..لكني تفاجأت بأن الكل على عكسي سعيد بنبأ خطوبتي ...
يوم الاحد
دخلت المكتب ولقيت ليال و سمير يرتبون في المكتب.
سمير ــ الحق يا بيه المكتب باينته اتسرق ..
ــ شلون ؟؟ ليش ؟؟
سمير ــ دخلنا ولقينا المكتب مقلوب والاوراق في كل مكان ..بس ما ضاعتش حاجة ...الظاهر السارق مالقاش الحاجة اللي عايزها ..اووه نسيت صباح الخير ..
ـــ صباح النور ..انا اللي قلبت المكتب كنت مضيع شغله..
سمير ــ انت يا بيه ؟ لييه ..اووه ..على فكره ليه قفلت المكتب الاسبوع اللي فات ..
ابتسمت ــ كنت مشغول ..
سمير ــ لا يكون اتجوزت ..
ـــ تقريبا ...خطبت ...
سمير ــ حقيقي يا استاذ ؟؟ ده خبر بمليون جنيه ..مبروك يابيه ..
ليال ــ مبروك استاذ ..
كأني (مب اكيد) لاحظت خيبة امل في لهجتها ..
ــ مشكورين تفضلوا مكاتبكم ..
سمير انصرف لكن ليال تمت واقفة .. النظارة اللي لابستها ماخلتني اقدر اقرا اللي في عيونها من كلام ..
ـــ نعم آنسة ليال ..
ليال ــ استاذ ..هذي محاولاتي في تدوين المذكرات والمرافعات ..اتمنى انك تلقي نظرة عليها ..
أخذت من يدها الاوراق وقلت ..
ــ لكن ..أنا طلبتهم منج من زمان ..
ليال ــ كنت بعطيك اياهم قبل اسبوع ..ولكن ماقدرت اني اطبعهم بسرعه ..
ـــ آنسة ليال انت مب سكرتيرة ..علشان اطالبج بالطبع ومرافعاتج مجرد مسودات مثل اوراق الامتحان ..ماله داعي الفخخه والطباعه ..مجرد ماتخلصينها بخط ايدج ..ابيها على مكتبي ..
ليال ــ حاضر استاذ ..
ــ يعطيج العافيه اعتقد انها تعبتج ..تفضلي لمكتبج الحين ..ولاتنسين اليوم بتروحين معاي المحكمة ..
ليال ــ حاضر استاذ ...
غرقت في شغلي طول الوقت احاول انسى اللي ناطرني ..وأخذت ليال للمحكمة ..وتفاجأت بصمودها ..وعدم ارتباكها مثل المتدربين الباقين ..
ــ انت جيتي المحكمة من قبل ,,
لبال ـ لا ...استاذ عيسى كان يستبقيني في المكتب ..وأجل المحكمة لوقت ثاني ..
الظاهر ان عيسى ماكان واثق من قدراتها كأمرأة ..
************************
كل ربعي في حالة من السعادة الامنتهية ...لزواجي ..تمنيتهم العكس ..زواجي هذا خدعه لهم ..لكن لازم اذل رغد ..ومابذلها الا بهالطريقة ..
جاسم ــ ماتصدق منال اختك شمسوية في الدريول ..من مكان لمكان تجهيز العرس كله كله عليها ..
محمد ــ ومريم بعد ..المطاعم والورود والفرق ماخلت شي ماحجزته ..
جاسم ــ يوسف ..ماعهدناك ساكت ..تكلم ..
شقول لكم ؟؟ خلي حريمكم توفر هالفخامة حق وحده تستاهل؟؟
محمد ــ يوسف .؟؟ لايكون مستحي ؟؟ لا ياخوي المعرس اخر شي يفكر فيه المستحى ...
ضحكت..
ــ محمد جاسم انا تعبان مالي خلق لسوالفكم ..بروح انام ..بكره عندي شغل من الصبح ..
جاسم ــ روح ..روح ..والله انك واحد مافيه خير ..الشره على اللي يبون يسلونك ..
قمت عنهم لان مافيني حيل ..الهم اللي جاثم على قلبي ..مايخلي فيني مزاج ..
ـــ آنسة ليال ..مرافعاتج ممتازة .. هذا يبشر بمستقبل مبهر لج كمحامية ..
ليال ـ مشكور أستاذ ..شهادتك اعتز فيها ..
حسيت فيها ذبول .. ـــ أنت تعبانه شي آنسه ليال ..
ليال ــ لا ..بس امس الوالدة كانت تعبانه فما نمت وسهرت معاها ..
ــ تفضلي اخذي اجازة اليوم .. وارتاحي ..
ليال ـ لكن استاذ ..
ــ انسة ليال لاتناقشيني في اوامري ..تفضلي ..أنا ما احتاج موظفة مب مركزة ..ارتاحي واستأنفي شغلج بكره ..
ليال ــ شكرا استاذ ..
طلعت من المكتب ودخل سمير ــ أخبار عريسنا النهاردا اييه ؟؟
ــ ماشي الحال ..عندي موعد الليوم؟؟؟
سمير ــ الموكل كنسله ..قال هيجي الاسبوع الجاي ...
ــ الاسبوع اللي جاي انا معرس ..
سمير ــ قلت له .انك حتاخذ اجازة من الاسبوع الجاي لين شهر وحتحول قضاياك المستعجلة لمكتب الاستاذ عيسى ..فقال انه مش مستعجل وهيزورك بعد شهر لان المسألة مش مستعجلة أوي ..وهو مشغول اوي ..
ــ زيين ..
سمير ــ وأنا وآنسة ليال فين هنروح ؟؟
ـــ بترك المكتب مفتوح وأنت رتبوا القضايا . وشغلكم العادي ..بعطي ليال توكيل ..تتابع عني الامور البسيطة ...أنا رتبت تقريبا كل شي ...
سمير ــ انشاء الله يتمم على خير ..ويرزقك البنين والبنات..
كنت بصرخ في وجهه سمير لكني تماسكت في آخر لحظة ..
ــ مشكور وتفضل لمكتبك ..
**************
البخور والطيب والفرحه والاغاني .. كل شي حولي يمشي ..الا انا جامد في مكاني ..منال ومريم (زوجة اخوي وبنت عمي ) فرحانين وايد .. والكشخةة اللي هم فيها ما بعدها كشخه...
استقبلت المعزين ..اقصد المهنئين .. ويا الوقت اللي ادخل فيه قاعه الحريم ..
ركبت سيارتي مع صالح ومحمد وجاسم ومنصور ..اللي كانوا يسولفون مع بعض وانا ولا يمهم ..تفكيري متشوش ..بس انتبهت انهم بيرجعون للعرضه ويرقصون لين آذان الفير ..يصلون ويردون بيتهم ..
دخلت البخور والزغاريد والاغاني ..جو ساحر ..تكشف الغطا عن رغد بعد ماطلعوا الرياييل ..كانت ....ساحره كل شي فيها ساحر ..عدا الحزن اللي في عيونها والشر اللي في قلبها ..وكانت تطالعني بنظرات عتاب ...
************
اش تتوقعوا حيصير بين يوسف ورغد
وهل حتجهض في سفرها اللي في صورة شهر عسل ؟؟
وهل حينفذ يوسف وعوده لرغد في انو حيذلها ويوريها شي عمرها ما شافته؟؟؟
هذا ما سنراه في الحلقة القادمه
اتمنى ماتبخلوا عليا بردودكم
وتقبلواتحياتي
__________________________________________________ __________
هاانا ذا قد عدت اليكم من جديد
الفصل الثالث ..........
**********
انتهى كل شي ..ووصلنا الفندق والصبح طيارتنا حق امريكا .
دخلت وشالت الغطا عن نفسها والدموع في عيونها ..تقول ان في كلام وايد ..وايد في قلب صاحبتها ..
جلست ..فقلت لها ــ قومي بدلي ملابسج وشيلي هالضبغ عن ويهج ..
من غير لا تتكلم قامت ..وبدلت والبست دراعه بيت ..
حسيت ان الصمت اللي في الغرفه بينفجر من كثرة الكلام المكبوت ...فقلت ــ شفيج ؟؟ ماتحقق لج اللي تبين ؟؟ انت تزوجتي بدون فضيحه وبكره تسافرين وينتهي كل شي ؟؟
رغد ـ ليش ..يا استاذ يوسف ؟؟
ــ ليش ايش ؟؟
رغد ـ ليش سويت جذي ؟؟ أنا قلت لك زواج بسيط ..مافي حد في الدوحه ماحضر عرسي ؟ والفخامه وال..
ــ شتتوقعين ؟؟ أهلي يبون يفرحون فيني من عشر سنوات ..أخيب ظنهم بعرس بسيط .؟؟؟ صج أني خيبت ظنهم بعروس ...
رغد ــ لا تكمل ..أنت أذليتني اليوم فيما فيه الكفايه ..اذا تطلقنا بعد مانرجع شيقولون الناس؟؟ وبعدين كل اللي عندي في رصيدي ميتين الف ريال ..والعرس شكله بنص مليون ريال ..
ــ أكثر ...خمسميه وأربعين الف ريال .. الصالة الفخمة ..والفرقه المشهورة ..والمدعوين الخمسمية فرد ..والخدمات والسيارات ..وعرس الرياييل والعرضة ..غير المطعم والمقبلات ..
دموعها كانت كفايه لاحس مدى انكسارها ..
رغد ــ واذا تطلقنا شتقول لهلك ؟؟ وشقول لاهلي ؟؟والعرس ..اللي بتتكلم عنه الدوحه شهوور ..بيتكلمون عن طلاقنا قبله ؟؟ شقصدك ؟؟ تبي تذلني لها الدرجة ؟؟
بالضبط ..كنت بذلج ..بس ماشفتي شي ..
ــ آنسة رغد ..لاتصدقين ان هذا كله لج ؟؟ ..هذا كله لي ..مب لج ..ولا انتي ماتسويين الدراعه اللي لابستها هالحين ..بكره السفر الساعه ثمان الصبح ..الرحله بتكون طويله ..
رغد ـ ما بشوف هلي ؟؟ يمكن اموت ..
ــ بنسافر ثمان الصبح اتصلي فيهم وودعيهم..أنا بروح انام ..
وشلت غطا وحطيت راسي على الكنبه ..ورحت في سابع نومه ..ولما صحيت لقيت الساعه ست ..
رحت الغرفه وكانت رغد جاهزه ..بدلت ملابسي ....وشلت شنطتها بدون كلمه ..وجهزت كل اغراضي ..ونزلنا من الفندق للمطار على طول ..وطول الرحله وحنا في حالة صمت ..
رغد ــ استاذ يوسف ..وين بنروح اول ما بنوصل ؟؟
ـــ فندق الهلتون انا حجزت هناك ..وبعد ما نرتاح بنروح عيادة متخصصه ..
رغد ــ على طول جذييه ؟؟
ـــ تبين متى نروح ؟؟
رغد ــ بكره ..
ــ لما نوصل بيكون بكره ..
سكتت رغد .. وطوال الساعات اللي مرت وهي هاديه ..وفي الترانزيت مارضت تتتحرك ..
ــ قومي الناس انزلوا ..قومي ..
رغد ــ في ألم في بطني ما اقدر انزل ..ما اقدر اتحرك ..أبي اروح الحمام ..
ماكان مني الا اني شلتها ..وأخذتها لاقرب دورة مياه في المطار ..
وقفت عند الباب ..ولما طولت ارتبكت ..أنا زوجها ..فعادي ..
ودخلت الحمام ..كانت مبلله من العرق وتتنفس بقوة ..وهي تلبس عباتها ..
رغد ــ اطلع بره ..
ـــ تأخرت ..شصار ؟؟ ..
رغد ــ اعتقد ..أني أجهضت ..
ــ آخذج لطبيب ؟؟
رغد ــ لا ..لا ..بس اسندني لين البس شيلتي ..
وكانت ماتتحرك بالهين تعبانه جدا .. سندتها لين كرسي ..ورحت وغيرت التذاكر ..وقررت اسافر سوريا ..مدري ليش ...بس حسيت انها احسن ..
وركبنا الطياره وهي كانت في قمة التعب ..وأول ما وصلنا سوريا ,,رحت لمستشفى خاص ..وترقدت رغد اول مادخلت ..
الدكتور ـــ عندها نزيف بسيط ...انتم من متى متجوزين ؟
كنت بقول امس بس تذكرت انها حامل ..قبل الزواج
ــ من شهرين ..
الدكتور ــ وكنت عارف انها حامل ؟
هزيت راسي بنعم ..
الدكتور ــ وماتعرف ان السفر خطر اثناء الحمل وخصوصا في الشهور الاولى؟
ـــ كنت مضطر ..
الدكتور ـــ تظل عنا الليله لانها ضعيفه جدا وبكره لو بدها تطلع ..
ـــ لا ..خليها كم يوم لين ماترد عافيتها ..
وفي هالاثناء ..حجزت في فندق ...ثلاثة ايام ..وانا ازورها ساعه في اليوم اخذ لها فيها الاشياء اللي تبيها ..
رغد ــ خلينا نطلع. انا صرت زينه ...
دفعت فاتورة المستشفى ورجعنا لفندق..وتفاجأت بدموعها ..
ما سألت ..طلعت من الغرفه وأناساكت ورحت غرفتي الخاصه ..سالفة الحمل وخلصنا منها ...بقى الانتقام ..انتقامي مابيكون عادي ...مابيكون سريع ..بنتقم منج يا رغد ..على الامد الطويل .....الطويل ..
*****************************
رغد ــ متى بنسافر ؟؟
ــ أنا مآخذ اجازة شهر ...
رغد ـ ماكان له داعي ...
ـــ بالنسبه لي له داعي ,,
رغد ــ والطلاق اول مانرجع ..
ضحكت ,,
رغد ــ شاللي قلته بالضبط يضحك ؟؟
ــ كل شي تقولينه يضحك ..
رغد ــ مافهمت ...
ــ آنسة رغد..في مثل مصري يقول ..دخول الحمام مش زي خروجه ...
سرحت رغد شوي وطالعتني ــ شقصدك؟؟ مابتطلقني ؟؟
ــ ليش ..الطلاق بهالرخص ؟ تتزوجين بهالفخامه ومتوقعه تتطلقين بهالسرعه ؟؟؟
رغد ـــ انا ما طلبت منك هالفخامه ...
ـــ الفخامه ..بالنسبه لي ما تنطلب ..الفخامه تجي بالمجان ..وقلت لج ...مب لج ..بل لي ..
رغد ــ ما فهمت ..يعني ما بتطلقني ؟؟؟
ــ سأليني بعد سنه ...يمكن اوافق ويمكن لاء ...
رغد ــ سنه ؟؟ شمعنى سنه ؟؟
ــ |أنا أحب أوزن الاشياء بتمهل ..كم تاريخ اليوم ؟؟
رغد ــ اعتقد سبعطعش يناير 2003....
ــ تعالي اسأليني يوم 17-1-2004 اذا بطلقج ولا لاء ..
رغد ــ صار فيلم هندي ..احنا اتفقنا انك تطلقني بعد ما اجهض ..
ــ لاء ..حاسبي انتي قلتي انج تبين الطلاق بعد الاجهاض ..وانا ماقلت لج لا اييه ولا لاء ..أنا مب خدام عندج تجبرينه يتزوجج ويطلقج في الوقت نفسه .
رغد ــ يعني تنتقم مني ؟
ـــ اذا صح التعبير ..أرد لج طعنتج ...
قمت من عندها وطلعت من الفندق .. وانا ناوي امتع نفسي بهالسفرة ..حجزت لنفسي مع قروب سياحي ..وما خليت مكان الا وزرته ..أما رغد ..فما طلعت من الغرفه اللي هي فيها من ايام ...
مر الاسبوع الثالث ونزلت فيه لبنان ..وتجولت . ورغد ما طلعت من الفندق ..الا للمحلات تشتري هدايا للأهل ..
كان الجو رائع ..الشتا والثلوج ..رغد استسلمت للأمر ..وصارت تسرح وايد ..
دخلت الغرفه ..وكانت تحط ميكياج ..
ــ وين ناويه تروحين ؟؟
ـــ شلون تدخل من دون لاتطق الباب ..
ـــ انا زوجج واسوي اللي ابيه من دون اذنج ..
رغد ـــ كنت بنزل اتعشى في المطعم ..
ــ بروحج؟؟
رغد ـــ يعني مع مين؟؟ انت كل هالوقت تطلع وتغيب وما اسال وينك ؟؟..
ـــ وليش هالكشخه كلها ؟؟
رغد ــ يعني تبيني اروح مبهدله؟؟؟؟؟
ـــ وشرايج انج اليوم مابتروحين ...
رغد ــكيفك ..
وحطت علبه المكياج من يدها واخلعت الشيله ..ما مسكت نفسي من اني الاعب شعرها الكستناي الحرير ..باصابعي ..
رغد ـــ شتسوي ..
وقامت من مكانها مخترعه ..
ـــ نسيتي انج زوجتي ولي حقوق عليج؟؟
رغد ــ لاء ..احنا ما تفقنا على هالشي ..
قربت منها ـــ تدرين ما اذكر اتفاقنا اللي ذابحتني فيه كل اللي اذكره اجبارج لي على الزواج منج ..وهالشي من متطلبات الزواج !!!
********************
اول ما فتحت عيوني كانت نايمه بقربي ... قمت من مكاني ورحت غرفتي الخاصه ..خذت دوش سريع ولبست ملابسي وطلعت ..كنت اجول طول اليوم ..وانا افكر باللي سويته امس ؟؟ لو حملت؟؟؟ هذا مب من خططي ..ما ابي اطفال منها ..رحت لاماكن وايد ..تغديت وتعشيت وصارت الساعه حدعش فيالليل لما رجعت الفندق..دخلت غرفتي على طول .. متجاهلها ...وظليت لين اخر الاسبوع متجاهلها ..
وقررت السفر اخيرا ...
رغد ــ ما ....
صديت عنها ..ودخلت الغرفه وطلعت الشنطه ..
ـــ ويهج مب ويهه عروس ..حطي شويه بودرة وهالخرابيط ..بتستقبلنا اختي وزوجها في المطار ..
رغد ــ زين ما ..
لفيت بغضب ــ ما ايش ؟؟
رغد ــ ما بتتصل في اخوي صالح ؟؟
ــ ليش ..
رغد ــ علشان بعد ما تطلقني ..
ــ نعم ؟؟؟؟؟؟؟؟؟؟ ما ادري اذا فهمتي كلامي اللي قلته لج آخر مره ..طلاق مافي ..حتى اشعار آخر .
رغد ــ بروح المحكمة ..
ضحكت ...وكانت نظراتها مرتبكه ...
ــ وشو بتقولين ؟؟ أجبرته على الزواج مني وابي اجبره يطلق ؟؟؟ ليش ؟؟ هي سايبه ولا سايبه ...
رغد ــ يوسف ..مافي حياه بيننا ..أنت تبي تعذبني ؟؟
ـــ ها ..أعذبج ؟؟ لا تخافين بيكون قليل عليج العذاب ...
رغد ــ شقصدك ؟؟
ـــ قومي البسي عباتج ..ومع الايام بتفهمين ..أو بالاحرى ..تشوفين ...
وتمت سرحانه طول الوقت ..والحيره على ملامحها تصرخ تبي الحل ...
*******************************
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
دخل البيت وكانت منال جهزته ونظفته من مجاميعه ..
ــ هذا البيت ..الغرفه اللي على اليمين اول ما تطلعين الدري .
ما تكلمت ..وكانت ساكته ..
منال ــ البيت كان وسخ يوسف وين الصبي ليش ما نظفه ؟؟ تعبت الخدامات وهم ينظفونه ..
ــ الصبي وديته بلاده ..
منال ــ زين ليش ما وصيتني اييب لك خدامه ؟؟
ـــ لا ..أنا ورغد بس في هالبيت وأنا ما حب الخدم فماله داعي.
منال ــ لا ..حرام البيت كبير على رغد ..بطرش لكم نور خدامتي ..وترى يبت لكم كم غرض من الجمعيه ..
ــ ماله داعي منال ..رغد ست بيت ممتازه ...وما في الا انا وهي ..
منال ـ والدريول ..
ــ ماله داعي هالثاني ..أنا تقريبا اكون فاضي من عينت هالمتدربه عندي ..
منال ــ حبيبي يوسف انت تزوجت مانك عزوبي علشان تلغي هالاشياء من حياتك ..صح رغد ..
طالعت رغد بنظره ..فهمت معناها ..
رغد ــ لا ..أنا ويوسف متفقين على هالشي ..وانا احب شغل البيت خصوصا بعد ما تركت الجامعه ..
منال ــ انت تركتي الجامعه ؟؟
رغد ــ هييه ..ما حضرت محاضراتي هالكورس ..
منال ــ ليش ..أمانه يوسف توسط لها ترجع ..
ــ بشوف ..قومي رغد يبي لنا الجاي والماي ..
منال ــ وييه .حرام هذي عرووس بقوم انا .
ـــ اقعدي منال ..وقومي رغد ..المطبخ على يدج اليسار
رغد ــ زيين ..
قامت رغد وهي اللي في حياتها كلها ما دخلت المطبخ ..
منال ـ قوم دلها وين مكان الجاي ...قوم خلك رومنسي معاها ..
ــ في الجاي والماي يا منال الله يهداج ؟؟
منال ــ تقوم ولا اقوم انا ؟؟؟
ـ قايم ...
وقمت ولقيتها تصيح بهدوء في المطبخ ..
ـــ ليش تبجين ؟؟
رغد ــما ابجي ..
وحسيت انها حايره ماتعرف تسوي شي ..
أشرت لها على غلايه الماي ..
غسليها وحطي فيها ماي ..وشغليها ..وبعدين جهزي دله الجاي وحطي فيها خمس ميداليات ليبتون ..تلاقينه فوق ..وفي نعناع اعتقد و هيل ..حطي هيل ولا نعناع انتي حره ..بيالات الجي هذول ..غسليهم عدل وهذول قلاسات حطي فيها ماي من البراد ..والصينيه في الدرج والسكر في الكبت احذى اللبتون ..حطيه مثل ماهو على الصينيه لان جاسم مايشرب حلو ..تبين شي ثاني ؟؟
رغد ــ الملاعق الصغيره ؟؟
ــــ في الدرج اللي فوق درج الصواني ..
طلعت من عندها ...ورجعت لمنال ..
ــ زوجج ابطى علينا وين راح ؟؟
منال ــ ييب عشا ..لان محمد وزوجته وعياله على وصوول ..ووصيته يتصل في منصور ..وأخوك فالح ..
ــ فالح ؟؟
منال ــ تدري انه زعل بالحيل لما عرف انك عرست وهو مسافر ؟؟
ــ بس هله حضروا ..
منال ــ لو كان يدري كان حضر هو بعد ..هذا اخوك ..
ــ منال الله يخليج ..بروح أغير ملابسي ..وأنام ..
منال ـ يوسف ..لي متى هالجفا بينك وبين فالح؟؟
مارديت عليها ..وكالعادة عصبت من تجاهلي لها ..
بعد ربع ساعه ..نزلت ..وشفت العايله كلها تحت ..
منصور ــ حمدالله على السلامه أخوي ..
زوجته نوره ــ حمدالله على السلامه ..
ـــ الله يسلمكم ..
وسلمت على محمد ومريم
محمد ــ فالح ياي في الطريق هو وهله ..
ــ حياهم الله .. هاغ جاسم ..قالت لي منالل انك رحت تيب العشا ..
جاسم ــ بيوصل بعد شوي الساعه تسعه ...بس جبت معاي المقبلات وأشياء تصبر ..
ــ يعطيك العافيه ..
مريم ــ ها ابن عمي ..شلون الزواج؟؟
طالعت رغد اللي كانت لابسه شيلتها ..ومنزله راسها ..وفيها كدر الدنيا ..
ــ زيين ..مب سيئ ...مثل ماكنت معتقد ..
محمد ــ قومي مريم ..قومي ..بتزعجينه بأسئلتح لين الصبح ..
مريم ــ لا تحرجني محمد ...منصور ونورة هنيه ..
منصور ــ لا تستحين منا ..مريوم ..يلا نوره ..روحي انتي ومنال ورغد ومريم داخل ..في صاله ثانيه يلا ...
منال ــ استح من المرة توها عرووس ..تطردها في بيتها ؟؟
منصور ــ هذي اول مرة تدخل بيتها .وأنا كنت ساكن هني وأعرف البيت ...وبعدين خلاص صارت زوجة أخوي ..مقامها من مقامج انتي ومريم ..ويلا .. للصالة الفوقانية ..
طبعا أثر هالكلمات علي كان قاسي جدا ..وينها وين مريم ومنال ؟؟ شلون تصيير معاهم في نفس المقام ..
مريم ــ قومي رغد حبيبتي ..قومي..يلا منال وانتي نوره .. خلينا نطلع بكرامتنا ..
طالعتني رغد بعيونها ..وكأنها تقول لي ارحمني ..لكني تجاهلت ..قلت لها ــ اطلعي يلا...
طول ما أخواني يتكلمون .وأنا تفكيري شي يصير فوق ..شلون بتتكلم رغد ؟؟ شيقولون لها ...
محمد ــ أهلا وسهلا ..
التفت للباب ..كان فالح داخل مع زوجته جواهر وثلاثه من عيالهم الكبار ..
ماشفت هله من حوالي الثمان سنوات ...
فالح ــ مبروك ...يوسف ..مبروك .
وسلمنا على بعض سلام بارد ...
جواهر ــ مبروك يوسف ..
ــ الله يبارك فيكم تفضلوا ..
فالح ــ مها هذا عمج يوسف ..
مها ــ مبروك عمي ..
ــ الله يبارك فيج متى كبرتي بهالسرعه ...؟؟
مها ــ اووه عمي السنه ثانويه ..والسنه اليايه بدخل الجامعه ..
ــ ما شاء الله ...
فالح ــ طلال ...
طلال ــ مبروك عمي ..
ــ الله يبارك لك ..وأنت جامعه ؟؟
مها ــ لا عمي ..عاد السنه ..السنه ثانويه مثلي ..
ــ شد حيلك لا تطلع قبلك مها ..
فالح ــ شيخه ..أصغر من مها بسنه ..
ــ مبروك عمي ..
ــ الله يبارك فيج ..ماشاء الله يا فالح عيالك كبروا بسرعه ..
فالح ــ الوقت مر بسرعه ...وين مدامتك ؟؟
ــ فوق مع منال و مريم ونوره ..
فالح ــ يلا جواهر ..خذي بناتج وتفضلي ..
وأول ما طلعت جواهر ,,,
فالح ــ ها منصور متى تصير ابو؟؟
منصور ــ أنا في الزواج أخذت أربع سنوات افكر تبيني اييب عيال ؟؟ لا .مني لخمس سنوات يصير خير ..
محمد ــ اييه والله هذا الكلام الزيين ..شلك في في دوخة العيال ...اسأل مجرب ..
جاسم ــ انا بالنسبه لي روان ..بنتي .عسل على قلبي ..
محمد ــ لا نها وحده بس لحين ماصار لها اخوان ..وبعدين اذا كبرت ...بتشوف المرض من ورا طلباتهم ..
فالح ــ لا .. مب لهالدرجه ... العيال حلوين .وانت يوسف ..متى ..؟؟؟
ــ مأجل الفكره شوي ...سنه ...
محمد ــ هذا هو الكلام السليم ..ليش مستعجل العمر قدامك انشاءالله ..
منصور ــ صج منال حامل ؟؟
جاسم ــ اييه والله . صار لها شهرين ..
فالح ــ تبي بنت ؟؟
جاسم ــ اييه ..ياخي مليت من العيال ..
منصور ــ أرجوك عندك الحين عشر ..
جاسم ــ صج ماعندي عيال بس طول عمري عايش بين اخواني .. الي اصغر مني وأكبر مني ..أبي أشوف بنات أبي أترس البيت بنات ..
منصور ــ انا عشت مع بنت وهي منال ولاعت جبدي منها ..اذا بييب اطفال ياريت يكونون كلهم عيال ..
فالح ــ ماتصدقون اذا قلت لكم ان بدر ياني خاطب لبنتي مهوي ...
جاسم ــ بدر مين اخوي .؟؟
فالح ــ ايه ...
جاسم ـ ـتوه صغير ..
فالح ــ عمره ثلاث وعشرين وصغير ؟؟ أصلا كان مفروض ازوجه منال اختي ..بس صارت من نصيبك ..
جاسم ــ مسكين يبي يلحق على بنت قبل لاتطيير ..
(جاسم من عمري ..وتزووج من ثلاث سنوات باختي منال كان يبي يتزوج من زمان ..لكن ماكان عندي اخوات غير منال ..وكانت صغيره فاجلنا الموضوع لين اكبرت شوي )
محمد ــ وش قلت له؟؟
فالح ــ بعد الثانويه بسأل البنت ..وأشوف ..
جاسم ــ الخايس يخطب ولا يشور أحد من أخوانه ..
فالح ــ يا بروحه ..مثل ماتقول جس نبض ..حتى عبدالرحمن مايا معاه ..
*******************
بعد العشا انصرفوا كل واحد لبيته ....
ــ رتبي البيت ...
رغد ـ زيين ..أهلك طيبين ...
مارديت عليها ..ودخلت غرفتي ..وقفلت الباب ..وقلبت الرموت ,,من قناة لقناة ...
وأنا أسمع ضجة رغد وهي ترتب البيت ..
صحيت من النوم وكانت الساعه سبع ونص ...
قمت لين باب غرفتها وكانت نايمه ..
ـــرغد ..رغد ..
ــ هه..نعم ..
ـــ قومي سوي لي ريوق بروح المكتب ...
ــ زيين ..
************************
سمير ــ حمدالله على السلامه يا بيه ...
ليال ــ حمدالله على السلامه ...
ــ الله يسلمكم ..
دخلت لمكتبي ...وبديت شغلي ....
ومر أسبوع على هالحاله .......
*****************
ليال ــ استاذ هذي القضية ايش يمكن نسوي فيها ؟؟
ــ الشاب هنا مدان لا محالة ..الشهود شافوةه مع الشلة ..يأكدون أنه كسر السياره ..فلازم نلجأ لانقاذه من هالمشكله .
ليال ــ نقدر نقنع القاضي انه برئ ..
ــ ليال ...( وكنت اول مره اكلمها بدون لقب انسه ) اسمعيني ..هذي مب محكمة وهيئة محلفين علشان تقنعين .. القاضي يمشي بالادله ..والشهود ..لازم ..نلقى حل نقنع فيه المدعي بالتنازل ...بس للأسف المدعي بينه وبينهم عداوة ..حاول من هالطرف وأقنعه بالتعويض المادي ..وبتصل في محامي باقي الشله ندبر لنا طريق يطلع فيها لانه اصغر واحد فيهم وماتعدى السن القانوني وامكانية كبيره انهم يرسلونه الاصلاحيه ..
ليال ــ ليش استاذ هو عمره كم ؟؟
ــ ليش انتي مادرست القضيه ؟؟
ليال ـ استاذ ما انتبهت ..
طبعا ..مسكينه ..الحين بانهال عليها بالنصايح والعتاب ..
ــ آنسه ليال ..كمحامية لازم تنتبهين لكل شارده ووارده ..لازم تكونين دقيقة الملاحظة .. المدعى عليه عمره 14 سنه ...والباقي اعمارهم في التسع طعش والعشرين.. انا ارفض منج هالاهمال ..وعدم التركيز ..واعتقد هذا شي بديهي ما يبي له توضيح ..تفضلي لمكتبج وادرسي القضية عدل وابي منج موجز على اوراق يكون كامل مافيه ثغره ..
ليال (اختفى صوتها ) ـحاضر ..
رن التلفون في هاللحظة ..
ـ ألو ..
منال ــ قوة أخوي ..
ــ أهلين ..
منال ــ يوسف باخذ رغد ونطلع ...شرايك ؟؟ أنا قلت لها بس قالت لي اقولك ..
ـــ لاء ..
منال ـ ليش ..نبي نروح السوق ...
ـــ لاء ...أنا باخذها السوق ..طلعة من البيت مافي ..
منال ــ بس ..
صرخت ـ قلت لاء ..منال انت ماتفهمين ..
منال ــ لاتصارخ ..زيين ..
ــ هي معاج ؟؟
منال ــ لا ..أنا في بيتي ..بس اتصلت فيها لاني كنت رايحه السوق ..
ــ خلاص ..يلا ..مع السلامه..
صكرت السماعه وأنا معصب .. من اسبوع ومنال ما طلعت الا لبيت اهلها ..وكل شغل البيت عليها ..بس الغدا كله من المطعم ..
دخلت ليال ــ استاذ اتصل فيني استاذ عيسى ويقول انه يبي يقابلك اليوم ..
ــ وين سمير ؟؟؟
ليال ــ راح في مشوار ...من الصبح وانا تعبان .. فيني غثيان ..
ــ خلي الفراش يسوي لي نعناع ..
ليال ــ حاضر استاذ ..
رحت الحمام ورجعت اللي في جوفي ....وأنا أحس بوجع في جنبي ..
خلال ساعه اشتدت علي الآلام ...
بصوت تعبان ومهزوز ــ سمير...سمير ...
دخلت آنسه ليال ــ سمير ما رجع استاذ ..بغيت شي..استاذ انت بخير ؟؟ استاذ ..
ــ نادي لي راجو ..
ليال ــ الفراش؟؟
ــ اييه ..
وبسرعه اختفت ورجعت مع الفراش ..
ـــ راجو ..اسندني لين السياره ...
وسندني وتبعتني ليال ..وأول ما فتحت الباب ..
ليال ــ استاذ بتسوق وانت في هالحالة ؟؟
ــ ما فيني شي ..
ليال ــ وين رايح استاذ ؟؟
ــ للمستشفى ..
ليال ــ انا بسوق ..
اركب في السيت اللي ورى ..بآخذك الطواري ..
ماكنت في حال يسمح لي بالكلام ...
تمددت ..وساقت ليال ...سواقتها بطيئه ومهزوزه ..
خلال دقايق ..دخلت الطواري ..وكشف علي الدكتور ..وأخييرا ...بعد التحاليل ..الزايده .
الدكتور ــ مدام ...لازم العمليه . انفجرت وبتسبب له تسمم في الدم اذا مالحقنا عليها ....أنت زوجته ..
ليال ــ لا ..
الدكتور ــ اخته؟؟
ابلعت ريقها ــ لا ..
اعطاها الطبيب نظره شك ـــ أنا متدربه عنده ..هو محامي .
الدكتور ــ اتصلي في حد من هله ..علشان نتخذ الاجراءات ..
تكلمت رغم ان المخدر ريحني شوي ــ أنا صاحي دكتور ..سوي العمليه .وليال .. محفظتي فيها رقم جاسم اتصلي فيه ..
ليال ــ حاضر ..
.................................................. .....
فتحت عيوني وأنا أحس بآلام فظيعه في جسمي ..
الدكتورــ بتعطيك الممرضه الحين مسكنات الام ومضاد التهاب ...اكيد مفعول المخدر راح..
هزيت راسي ...
باين ان العملية خلصت ...
الدكتور ـ اهلك بره يبون يتطمنون عليك ..بدخلهم الحين ..
دخل جاسم ومنال ورغد ..ومحمد ..
جاسم ــ ماتشوف شر ...
ـــ الشر ما ييك ..
منال ــ اخوي شلونك الحين ..عساك طيب ..
ــ زين كلها زايده ليش دموعج ؟؟؟
منال ــ عليك .وبعد ..ماقدرت وانا اشوف رغد تصيح طول الوقت أني أمسكها ..
التفت للرغد اللي كانت عيونها حمر وخشمها احمر وباين انها صاحت وايد ..
ــ خلاص ..بس صياح ..ماله داعي ...
انتبهت للآنسه ليال ..اللي كانت واقفة بره ..
ــ أنسه ليال ..ما أعرف شلون أشكرج ..
ليال ـ حمدالله على السلامه ..
جاسم ــ مارضت تروح لين تطلع من العمليه ..
ــ فيج الخير ...
الدكتور دخل ــ لا ..ليش الزحمه ؟؟ شخص واحد يظل معاه والباقي يتفضلون ...المريض محتاج الراحه ..
ماقدرت اتكلم وأنا أشوفهم يقولون لرغد خذي بالج عليه ..
لفيت ويههي عنهم...
وبعد ماراحوا بربع ساعه ..التفت لرغد ..
رغدـ يوسف انت ما نمت؟؟
ـــ ليش كنت تبجين ؟؟ ؟؟ خفتي اموت ؟؟
ما مسكت رغد دموعها ـ تقريبا ..خفت تموت ..ويظل ذنبك في رقبتي .... يوسف أنا آسفه ..سامحني ..أرجوك يوسف ..
يوسف سامحني انا غلطت في حقك . ..سامحني ..
ما حبيت أزيد عذابها لكني ماقدرت امسك لساني للي نطق
ـــ ما اقدر اسامحج رغد ..لا تعتقدين الامر بهالسهولة ..مستحيل أسامحج..
ما انتبهت للي واقفه عند الباب وسمعت كل كلامنا ..لين ما كحت شوي ..
مسحت رغد دموعها بسرعه ..
ــ آنسه ليال ..نعم ...
ليال ــ استاذ ..نسيت محفظتك عندي فرجعت اردها لك ..حطتها على الطاولة .
ـ عن اذنك ..
وطلعت بسرعه ..رغد اسكتت ..ولا قدرت تنطق كلمه عن شكوكها اما انا ..غمضت عيوني ولا سألت فيها .
بعد هالموقف ..رغد ما قدرت تنطق كلمه ...مرت الايام وقمت بالسلامه ..وكانت العمليه متعبه جدا ..ماشفت ليال كررت زيارتها ..لكني ماعلقت .. ورجعت للمكتب ,,
سمير ــ حمدالله على السلامه ..
ــ الله يسلمك ...
ليال ــ حمدالله على السلامه ..
ــ الله يسلمك ..
دخلت المكتب ..وقررت أشغل وقتي بالقضايا اللي اهملته طول المدة اللي راحت ..
قابلت عيسى ..وتناقشنا قضية مشتركه ..
ليال دخلت وحطت الملفات وطلعت دون ماتنطق بكلمه ..
رجعت البيت ..وكانت رغد يابت أكل من المطعم ... حطته على الطاوله وطلعت غرفتها ..
فأكلت بروحي ...وطلعت غرفتي ونمت ..
**************
فتحت عيوني وكانت رغد.
ـــ نعم ؟
رغد ــ الدوا ...
خذته من يدها ..وطلعت هي ..
حسيت بفراغ ..ما أتحمل نظرات ليال ...ولا ..برود رغد ..
لبست ملابسي وطلعت ..
رغد ــ مابتشرب الجاي ؟؟
هزيت راسي بلا ..وطلعت ..مريت المكتبه ..واشتريت لي ثلاث كتب طبخ ..ومريت الجمعيه وكل ماهب ودب قدامي حطيته في السله ..واشتريت قهوة وجاي ....
ما بتكلم عن الفاتورة .. .رجعت البيت ودخلت السيارة البيت .
ــ رغد ..رغد ..
ـرغد ــ نعم ..
ـــ تعالي شيلي هالاغراض ..
رغد ــ لايش كل هذا ...
ــ مليت أكل المطعم ..بتطبخين من يوم ورايح ..
رغد اسكتت ..
وأول ما خلصنا نقل الاغراض ..
رغد ـ يوسف ..في مشكله ..
ــ مشكله ايش ؟؟
رغد ــ أنا ما أعرف أطبخ ...
ــ أدري ..ما أسمي الجبن المعلب اللي تحطينه لي الصبح والبيض اللي تقليته بالليل طباخ ,, حليت لج هالمشكله ..خذي ..
وطلعت الكيس اللي فيه الكتب ..
رغد ــ زين..
ــ وأنا في الجمعية سأألت عن طريقه حفظ هالأغراض ..ماقصر المسؤول وكتب على ورقه ...لاتخيس الفاكهه واللحم ..والورقه داخل ..رتبي الأغراض ..
وطلعت من عندها وركبت سيارتي وطلعت ..مريت منال .
وانصدمت لما لقيت عندها مها وطلال ..
مها ــ يينا عمتي منال تشوف لنا الرياضيات ..وتشرح لنا ..
منال ـ أوه من زمان ..مادرست أحد ..من دلكم علي ؟؟
مها ــ أمي جواهر ..
طلال ــ عمي وقالت لنا أنك ممتاز في الانجليزي ..
ــ لا ..كان زمان ..
منال ــ شدعوه يوسف ..نسيت بهالسرعه ..
ــ منال اعذريني بس ..انا المتدربه اللي عندي في المكتب ما اعرف أدرسها شغلي أدرس العيال شي نسيته من زمان ؟؟
منال ــ زيين يبت طاريها ..البنت حلوة وايد .وفيها الخير غريبه أن رغد ما تغار ...
حلوه ؟؟؟؟؟
ــ مب حيل حلوة ...زينه ..
مها ــ عمي أنا شفتها هذاك اليوم ..في المستشفى ..حلوة وايد..
ــ ليش أنتي كنتي موجوده ؟؟
مها ــ رحت أنا وأمي نتطمن عليك ..بس بعدين لما دخلت العمليه طلعنا ..وردينا البيت ..
لفيت لمنال ..اللي اختبص ويهها ..
ــ من قال لكم اني في المستشفى ؟؟
مها ــ عمتي منال دقت وقالت ..
لفيت وطالعت لمنال ..اللي طالعت أي مكان إلا ويههي ..
سكت ..وماقدرت أتكلم ..كل ما أبعد عن هالموضوع يرجعوني له .. طالعت منال ..اللي وصلت مها وطلال للباب ..ورجعت ..صرخت فيها ..
ــ ليش ؟؟؟؟؟؟ ليش ؟؟
منال ــ ماقدرت ..ماقدرت ..
ــ أنا ما قلت لج أني ما أبي شي يذكرني في هالموضوع ؟؟ ليش ؟؟؟
منال ــ يوسف ..ماقدرت ما اتصل فيها ..
ــ تبين تخربين بيتها ؟؟لو درى فالح انها يت في هذاك اليوم كان مابيحصل طيب ..
منال ــ يوسف .لا تعصب ..الله يخليك ..
قمت من عند منال وأنا لافه فيني الدنيا ....جواهر...سبب كرهي للزواج وللحريم....عاهدت نفسي ما أتكلم في هالموضوع حتى مع نفسي ..وأنا مع عهدي ..خليني أفكر بشي ثاني .. ليال .ليال مب حلوه ..وأنا شدراني ..لما تدخل علي في المكتبه ..ما أحس أنها جميله مثل رغد ولا جواهر ..لا ..رجعت لجواهر ..انسى جواهر يا يوسف ...انسى جواهر ..رغد ...اوووووف ...ليال ...خليني أطلع من نونت النسوة ..وأروح القهوة أشرب شيشه ..
كانوا يطالعون مباراه ..جلست معاهم ..ودخنت الشيشه ..
جاسم ــ يوسف ؟؟؟؟؟ الدكتور مب مانعك من الدخان ؟؟
هات ..
وأخذ الشيشه من يدي ..وصار يدخن ..
جاسم ــ كم النتيجه ؟؟
ـــ ثنين صفر ..
جاسم ــ ااوفف ..شفيك ساكت ؟؟؟
ـــ أطالع المباراه ...
وركزت في الكورة ..و ضاعت روحي ...زوماحسيت إلا بجاسم يصحيني ..
جاسم ــ يوسف ..زوجتك بروحها في البيت ..قوم الساعه صارت عشر .
ــ أنا نمت ؟؟؟
جاسم ــ اييه نمت ..
ــ والمباراه ؟؟
جاسم ــ ما تغيرت النتيجه ..
ــ زيين ..وأنت ليش مارحت البيت ؟؟
جاسم ـ منال الحين في بيت مريم عندها جلسه حريم ومحمد رايح لعرس رفيجه ..قوم ..
قمت ورجعت البيت ..وكانت رغد في غرفتها ..فتحت الباب ولقيتها تصيح ...
وشفت بين يدينها صورة ...ودموعها وحزنها ما حسسها بوجودي ..
سحبت من يدها الصورة ..ومثل ما توقعت ..كانت صورة راشد ..هي ما تكلمت ..وأصلا ماطالعت لي ..
ــ شلون دخلتيها بيتي ؟؟
ما ردت .. ماقدرت أمسك يدي عن ضربها ..وهي مانطقت ..كف الثاني الثالث ...وهي ترجف ..حسيت اني لازم أنتقم منها ..مسكتها ..و.......
***************
طلعت من غرفتها أول ما سمعت الآذان .. خذت دش سريع ..ولبست ملابسي ورحت المسيد ..
ورحت المكتب على طول ..
الساعه سبعه ونص دخل سمير المكتب وشافني أكتب ..
سمير ــ صباح الخير ...أستاذ ..
ـــ صباح النور ..
سمير ــ مبكر ..
ــ عندي شغل ما يتأجل ..
طلع سمير لكنه خلا الباب مفتوح ..
لكن الحقيقه "أني هربت من البيت ..هربت من رغد ..
دخلت ليال ..
ــ صباح الخير سمير ..
وقبل أن يرد عليها دخلت المكتب ..
كانت بدون نظاره لأول مره ..
ولأول مره ..أشوف الجمال اللي تكلمت عنه منال ومها ..
انصدمت فيني ابتسمت ــ صباح الخير استاذ ..
هزيت راسي ونزلته ااطالع في الاوراق ..
ماكان ودي أنزل راسي ..في ححياتي كلها ماشفت عيون بهالسحر ورموش بهالجمال ..وخدودها ..مثل التفاحه ..عيونها البنيه لها سحر اخترقني ..
دخلت مرة ثانيه واجلست قدامي ..وأعطت مرافعاتها ..وكانت نظارتها بيدها ..
ــ ممتازه ..ليال ..شكلي بعطيج قضايا بروحج ..
ليال ــ لا أستاذ يوسف ..أنا بمساعدتج تتطورت شوي ..
طالعت في عيونها ...وقلت ــ لا صدقيني ..عندج الموهبه ..لكني لازم لج الشغل ...علشان تنجحين ..
للحظه نظرتي بنظرتها التقت ..كأني غرقت من وسع بؤبؤ عينها ..بحياتي ماشفت بؤبؤ بهالكبر ..فما مسكت نفسي وقلت لها ..ـــ عرفت الحين سبب عدم لبسج للعدسات ..الظاهر مالقيت قياس بؤبؤ عينج ..
نزلت راسها ..وطلعت ...بعد لحظات ...دخل سمير واستأذن يروح مشوار خاص ..
ـــ سمير ..من يا ابن عمك الدوحه وانت مبتلش ..اطلع ...روح ..
سمير ــ شككرا يا بيه ..
مرت الساعه اللي وراها وانا مشغول بمكالماتي مع الموكلين .. طلعت أطلب من ليال كوب جاي ..فتحت الباب فتحه صغيره وسمعتها تقول ..
(( صدقيني قال جذي ..ما فهمت .. ايش ؟؟ غزل ؟؟؟ لا ..آخر شي ..تدرين يوم طاح في المستشفى سمعته يقول لزوجته ما بسامحج أبدا ..تصدقين ؟؟ ... أي قلب هذا اللي مايسامح شريكه عمره ؟؟........ اييه .. بس تدرين أنا أحس أني اعرف زوجته ..أعرفها بس ما أذكر وين شفتها قبل ..... يتغزل فيني ؟؟ سويره الله يخليج .. أي غزل هذا ومن مين .من الرجل الحديدي يوسف ...قصده عيوني حلوة ؟؟ الله يخليج مريوم كل ما يا لج وتتطنزين علي ..تلاقينه يتطنز علي هو الثاني ..ما أصدق لو هو يقول لي بلسانه انه يغازلني ما أصدقه ..صار لي شهرين في مكتبه كلمه حلوه بره الشغل ماقال ..ما قال لاتحاولين ..بعدين متزوج ...انتي حضرتي عرسه ..وشفت القمر زوجته ..بيني وبينها أشواط ..علشان جذي مايطالعني ........قال مدام القمر عندي مالي ومال النجوم ...سويره ..لاتحاولين ..لا ..شو أغرييه هذي ؟؟ الريال متزوج ..لا ..لا .تدرين باي ...))
صكرت التلفون ..وسمعتها تقول ــ صج حماره تبي توديني بداهيه ..
بتسمت ورجعت لمكتبي ..وأنا حاير في نفسي ؟؟ أنا غازلتها ؟؟ ولا لا؟؟؟؟؟؟؟؟؟
كيف حتكون علاقة يوسف برغد وهل حيتغير مع الايام ؟؟؟؟
وليال اش حيكون موقعها من الاعراب في حياة يوسف ؟؟
هذا ما سنعرفه في الحلقة القادمه
وتقبلوا تحياتي
__________________________________________________ __________
نكمل من حيث توقفنا
الفصل الرابع ..........
*****************************
رجعت البيت ولقيت رغد حاطه السفره ..
طالعت لقيت معكرونه بيضا ...ماعليها أي صلصه .. وديايه محمره ..بس ..
ـــ هذي نودلز ؟؟
هزت راسها باييه ..
ــ ليش ما سويتي معكرونه بيت ؟؟
رغد ــ اعذرني يوسف ماخلصت شغل البيت بسرعه .. فمالحقت أطبخ ..
كليت وأنا ساكت ..شي أحسن من لاشي...
رغد ــ وين طلعت الصبح ؟؟ ...
ــ ليش تسألين ؟؟
رغد ــ بس ..صحيت أصحيك ..لقيتك مب موجود ..
ــ أروح وين ما روح ..مالج شغل ..
ما مسكت رغد دموعها ...
ــ ليش دموعج ؟؟
رغد ــ للحظة حسيت أني وحده .رخيصه .. ..بعد ما تقضي حاجتك منها ..تنسى وجودها ..
ــ وليش أنتي غير ..شالسالفه نسيت نفسج ..؟؟؟
شهقت وابلعت دمعتها ...وغمضت عيونها ..وصدت عني ..
ـــ كلي ...
رغد ـ شبعت ..
ــ قلت كلي ..ودامج في بيتي ...تسمعين كلامي ...كلي ..
مدت يها وبدت تحوس في النودلز ..فقلت لها ..
ــ من بكره أبي غدا مثل الناس ...سمعتي ؟ عيش ولحم وصالونه وسلطه وفاكهه ..ولبن ..سمعتي .
هزت راسها باييه ..
خلصت غداي وقمت أغسل ايديني . ولما خلصت ..كنت بطلع غرفتي ..لكني مريت غرفه الطعام ..وكانت رغد تصيح بقوة .. ودفنت راسها بين يدينها ..
تحاول تكتم صوتها ..رديت طلعت فوق وأنا تعبان وحطيت راسي ونمت ..وصحيت من النوم على ضجه ..
كان محمد هو هله زايرينا ..
رغد ــ يوسف محمد ومريم هني ...
ـ الحين أطلع لهم ..
نزلت وكان محمد ومريم جالسين في الصاله ..
ـــ أهلين ...
محمد ــ أخوي ..البيت كبير عليك أنت وزوجتك ..شرايك تبدل بالبيوت ؟؟
ــ هذي السلام عليكم يامحمد ؟؟؟؟
محمد ـــ يا أخي علشان ما تقول حسدتك ..يلا ..قول رايك ..
سلمت عليه هو ومريم وعيالهم ..
مريم ــ متى تجيب خدامه ..
ــ أفكر في الموضوع ...
محمد ـ ها شقلت في البيت ؟؟
ــ لا يا أخوي ..مافي طلعه من هالبيت ...كل واحد خذ نصيبه وأنا بقى لي هالبيت ...وما أبي غيره ...
مريم ــ شفتك نزلت من غرفتك القديمه ..
ــ كنت نايم فيها .. ما أرتاح إلا فيها ........
محمد ــ عشرين سنه في هالغرفه تبينه ينساها بيوم وليله ؟؟
ــ ين رغد ؟؟
مريم ــ استأذنت تيب الماي والجاي والعصير ..زوجتك وايد خجوله أمس مارضت تروح معاي العزيمه ..حاولت معاها بشتى الطرق لكنها رفضت ..
محمد ــ جذي الحريم ولا بلاش ....
ضحكت بينما مريم قالت لريلها ــ ترى اترك عيالك في رقبتك وأسافر بيروت مع أختي ...للحين ماسافرت ..
محمد ــ لا الله يخليج ..انتي الأصل ...
ضحكت عليهم ... قامت مريم ــ بشوف هالمسكينه ..شتسوي في المطبخ ..
محمد ــ نسوان آخر زمن .. متكبرات على المطبخ ..زين سويت أنك مايبت خدامه لزوجتك ..والا ظليت تاكل من أكل الطباخ لآخر عمرك ..وتدفع له ..
ــ محمد ..خلينا نطلع ..
محمد ـ ليش ؟؟ ما مليت من القهوة الشعبيه ..
ــ ما أبي أروح القهوة الشعبيه ..أبي أطلع أتمشى ...
محمد ــ يلا قوم ...
ـــ لحظة أبدل ملابسي ..وقول لزوجتك ..
محمد ــ زيين ..واذا ما رضت ؟؟
ـــ قول لها بنييب لهم عشا ..يلا قوم ..
طلعت مع محمد ..ودرنا في الدوحه ..وبالأخير رحنا البحر ..
محمد ــ شفيك يوسف ..ندمت على زواجك؟؟
طالعت له ــ شاللي يخليك تقول جذي ؟؟؟
محمد ــ ردة فعلك ..وما أشوفك سعيد ولا طاير بعروسك ومدللها ..
ــ ببساطه ما أبيها تصير مثل مريم ومنال ..مدللات ...
محمد ــ زين ..وجواهر ...نسيتها؟؟؟
التفت له ...مستغرب فقال ..
ــ ذيك اليوم ..يوم رجعت من السفر ويات مع زوجها ...كان سلامك بسيط ...عكس ..قبل ...فرحت لك ان رغد نستك جواهر ..
ــ وأنت ناوي تذكرني بها الحين ؟؟؟.. لا تنطق هالإسم قدامي أبد ... أبد ..
محمد ــ زين ليش هالبرود في حياتك ..؟؟؟ مريم لاحظت ومنال وجاسم ..من تزوجت صرت غير ..وزوجتك ولامرة يبتها لنا ولا لبيت منال حتى في العزايم ..تقول لنا انها في بيت أهلها ..ليش معتزل بزوجتك عنا ؟؟
ــ محمد يا أخوي اعذرني بس ...رغد ماتحب العزايم ..ما تحب تختلط في الناس ..كيفها ما بجبرها ..بالنسبه لي انا عندكم اغلب ايام الاسبوع ..
محمد ــ يوسف انت محيرني وأجوبتك ما تقنعني ..لايكون تحب غير زوجتك ؟؟
طالعت له مبتسم ــ أكيد منال حطت هالفكره في راسك ..
محمد ــ لا ..بس من يوم دخلت المستشفى ومريم اشتغلت الشكوك فيها ..
ــ عن ليال ؟؟
محمد ــ تماما .وبشكل غريب أقنعتني ..شلون البنت أنقذتك وما رضت تروح إلا لما تشوفك بسلامه ..و..ووووو...واوات وايد ...
ــ ليال مجرد متدربه عندي .. ويوم اشتدت علي الالام ماكان سمير موجود ..والبنت سوت فيني خير ..وخذتني للمستشفى هذا كل شي ..خلي مدامتك تصفي نيتها ..
ابتسم محمد ...وظلينا واقفين على البحر ..دقايق ..بعدين مرينا مطعم وخذينا عشا للبيت ..
ــ آنسه ليال ..وين الملف اللي أعطيتج اياه ..
ابلعت ريقها ..وسكتت ..
ــ وينه ؟؟
ليال ــ خليته في البيت استاذ ..
نزلت راسها ...طبعا ..ماسلمت مني تهزيئه معتبره ..عن االاهمال ...وبالأخير قلت لها ــ روحي البيت وييبيه الحين يلا تحركي ...وآخر مره ...
ليال ــ بس استاذ بيتي في ....
قاطعتها ــ مايهمني وين بيتج ..الحين تروحين وتييبينه..يلا...
خذت مفتاح سيارتها وطلعت ..وغابت ساعه وربع ورجعت ..وأعطتني الملف ..وعيونها وخشمها أحمر ..باين صاحت..
فقلت لها ــ اي شي تآخذينه البيت يرجع معاج ثاني يوم ..هذي فايدة الشنطه ..تفضلي مكتبج ..
سمير ما كان موجود ..فقمت للباب لما سمعت صوت ..سمعتها تتحلطم ...
ـــ شقالت سويره الكلبه ..يغازلني ؟؟ هالثور يغازلني ؟؟ هذا مايعرف شي عن المغازل ..جلف ..صج صخره ..كلاني ..مايسوى علي ..مافي مدرسه ولا دكتور هزئني كثره ...حيط ..حيط ..زين ..زين ...هه ..
أنا ثور ؟؟ !!!!!!!!!!!!!!!!! جلف صخره ..شمعنى جلف ؟؟ رجعت لمكتبي .ومسكت الملف ..واتصلت في صاحبه وبشرته ان صاحب القضيه رضى بتسويه ..
***********************
رجعت البيت ..وأنا أفكر أني أنتقم من ليال ...كانت رغد جالسه في الصاله وويهها شاحب ..
اول ما شافتني قامت وحطت العشا ..
كانت طابخه مسقعه ...كانت زينه ..مب سيئه ..
ــ تسلم ايدج ..
كأني اعطيتها الدوا السحري ..ملامحها انفرجت شوي ..ويهها ردت له الحمره ...بعد ما كان شاحب ..هزت راسها بدون ما تنطق كلمه ..
ما أدري ليش الشيطان ما يخليها ترتاح في لحظه ..وسوس لي وسألتها ..
ــ شلون غلطتي مع راشد ؟؟ أنا مو فاهم ..
الدوا السحري اللي اعطيته اياها انتهى مفعوله ..والحين كأني سقيتها العلقم ..رجع ويهها مثل قبل ..الشحوب والمرارة .زيد عليهم هالمره الدموع والذل...
تكلمت والكلمات تتطلع معاها ببطء..
ــ كنت ..ظانه اني بتزوجه ..لانه كان يعرف اخوي ودخل لي من الباب ..سلمته نفسي .. وانا متوقعته يطلب يدي من ابوي اليوم اللي وراه ..كان معمي على عيني ..كنت ذايبه في الوهم ..ولما فقت ..فات الآوان ...ما أقدر أقولك أكثر من جذي ..
ـــ "أنا ما ألومج ..أنا أعرف راشد ...وشفته مع كثير ..وأعرف شلون يمثل الحب بكل بساطه ..بس ألوم سذاجتج ..واستسلامج .....
رغد ــ يعني تقنعني انك ما حبيت أبد ؟؟ ما جربت الحب شلون يعمي العيون والقلب ويلغي العقل ؟؟ شلون الروح تحترق بناره ؟؟
سكت ..أنا آخر واحد أتكلم عن السذاجه ..لاني اكبر ساذج ...شلون لمتها ؟؟
ـــ رغد .. ما انتبهت لعلاقة جواهر فيج ؟؟
رغد ــ جواهر ؟؟؟ شدخل جواهر بجواب سؤالي؟؟
ـــ هي الجواب ...
رغد ـ ما ادري نظراتها كانت حزينه وماكانت تآخذ و تعطي معاي ..
ـــ تربيت في هالبيت أنا وأمي وجواهر ..أخواني الباقين كل في بلد ..جواهر بنت خالتي ..أصغر مني بسنتين ..من عشر سنوات ...كنا عايشين في هالبيت مع امي ومنال .وأنت شفتي جواهر .. كانت نسخة ميرفت أمين ..حتى في شعرها كنا عايسين في هالبيت بعد ما تزوجت امها ..وتركتها معانا ..وماكان بينا حاجز ..حبيتها ..حبيت جواهر من كل قلبي ..وبادلتني الحب ..كنا نجلس ساعات نتكلم ..منال كانت صغيرة فما فهمت اللي بيني وبينها ..كنت عاشق ..وخطتت أني أخطبها ..توفت زوجه فالح ام طلال ومها ..والعايله كلها انشغلت بهالمصيبه ..كانو عياله صغار وايد ..وبينهم رضيعه ..بعد شهرين ..ماشفت خلالهم جواهر لانشغالها برعايه الصغار ..تفاجأت بخبر خطبه ..خطبه جواهر وفالح .الحب اللي تتكلمين عنه ..عمى عيوني ..وتهاوشت مع فالح ..غلطت عليه ..وكنت أتصرف بدون وعي ..ولما طلعت غرفتي صادفت جواهر في طريقي ..صفعتني ..ويوم ذكرتها بحبنا صفعتني مرة ثانية ..جمدت في مكاني ..قالت لي بكلمات أقسى من صخر ..أنها ما تتشرف بواحد اناني ..تزوجت جواهر بفالح ..أنا غرقت في بحر الكره ...لليوم كل ما اتذكر كلمة أحبك من ششفايفها يفز قلبي ..وأكرهها من جديد ..من عشر سنوات وأنا عدو المرأة ..كرهت كل الحريم ..مريت بتجارب سطحيه عززت هالكره ..وعزفت عن الزواج لين أجبرتيني ..وكرهت الحريم زياده ..أنا وفالح ماتكلمنا من زمان ..لين تزوجت ..ياني يبارك ..ويات جاهر وكلمتها كانت باهته..عاهدت نفسي ما اذكرها ..وأحاول أنساها .بس مب بإيدي ..لليوم ..حبها متغلل في روحي ..وكرهها متمكن مني ..يمكن في عزاء لنفسي لما اشوف عيال اخوي ينادونها يمه ..جربت الحب اللي تكلمتي عنه ..وكان أسوأ تجربه مرت علي ..أتعذب كل ما أشوف أخوي ..ضميري يأنبني ..هو اللي سرق مني سعادتي ..وما ألومه ...جواهر تخلت عني ..تخلت عني رغم كل كلامها ..
رفعت راسي وطالعت ملامح رغد اللي كانت باهته ..
رغد ــ وأنا اللي ظنيت أني سبب حزنك وقسوتك ..
كانت رغد هي أول انسان أبوح له بعلاقتي بجواهر ..الكل كان يعرف اني كنت ابيها ..وحلفت ما اتزوج غيرها ..لكن محد درى باللي في قلبي من عذاب ..
قلت لها ..
ــــ تعادلنا ..
استغربت ,,وعقدت حواجبها ..
ـــ انتي تعرفين سري ..وأنا أعرف سرج ..
نزلت راسها وقالت ــ انا مب فخورة بسري ..وأتمنى أني أشطب هالصفحة من حياتي .. وبالنسبة لسرك ..بكون بير غميج ..ومابتكلم عنه ..
قمت ..ابتسمت ..
*************************
مر شهر ..وأنا ورغد في هدنه صلح ...ما نتعرض لبعض .في المكتب ..ليال تحاول جهدها أنها تكسر رايي فيها كل ما يالها ..وتصير أكثر عناد بس مستواها تحسن جدا...
وفجأة تأزمت الأمور ...
دخلت علي منال المكتب وهي معصبه ..
ـــ شيابج المكتب ؟؟
منال ــ يوسف ..ليش مانع رغد من الطلعه ؟؟ وللحين ما يبت لها خدامه ولا دريول ؟؟؟؟
من شهر وأنا أماطل منال ومريم ..ما يدرون أني ما أوثق برغد ..فما يبت لها الدريول ..وكنت بعاقبها بالشغل والطبخ .
قاطعت منال أفكاري ـ الخدامه وتيي خلال يومين ..والدريل وين دريول أمي القديم رجعه لكفالتك ..
ــ منال أنا ما أبي خدامه . ..والدريول أنا أودي رغد وأييبها ..والطلعه أنا ما منعتها عن شي ..هي ما تبي تطلع ..
منال ــ دق عليها قول لها تطلع معاي الكوافير ..
ــ زين ..تف=ضلي الحين لان عندي موعد ...
منال ــ زين دق عليها أول قدامي ...واييه ..البنت بتدخل واحد وعشرين سنه الاسبوع اللي ياي ..نبي حفلة عيد ميلاد ضخمه ..
ــ اعذريني منال ..بس الاحتفال مقصور بينا ..أول عيد بينا ..
كان عذر سخيف لكنه أقنع منال ...اللي اطلعت ..وتعثرت بالكرسي ..رجع لذاكرتي موقف قديم ..كنا طالعين أنا وأمي المرحومة ومنال وجواهر ..وكانت المرة الاولى اللي تلبس فيها جواهر عباة ..واشترتها طويله وايد ..وكنا رايحين الكورنيش ..
جواهر ــ آه يوسف الجو شاعري ..
كانت امي مشغول مع منال فما انتبهت لي وأنا أقول لها ..
ــ خذا الجو من نسيمج عطر ..أحلى من ريحة الورد والفجر ..جواهر من نداج غار المطر ..ومن بسمة شفاج زعل القمر .
سرقتي منه كل النور والسحر.. ولاجل عيونج رضى بالغدر.
جواهر ــ الله ..روعه ..يوسف من قالها ؟؟
ــ أنا ..بس ما أدري عن الوزن ..بس دامج أنتي في البيت ..فأنا واثق أنج بتضبطين الوزن ..جواهر انا ما قلت لج ؟؟
جواهر ــ ما قلت ؟؟ ..ايش ؟؟؟
يوسف ـ أحبج ..وامي تناديج ..
لفت علشان تروح لامي دقايق الا وأحس بشي يجر بدشداشتي للأرض وألاقيها طايحه متعثره في عباتها ..
ـــ قومي فشلتينا الله يفشلج ..قومي شوف الناس شلون يطالعونج ..قومي ..
جواهر ــ العباة تحت ريولي ما أقدر ..فديتك يوسف ارفعني ..
ــ عى الاقل هدي ثوبي ..بيتقطع ..
جواهر ـ وأطيح على الارض لا يا عيوني ..
سمير ــ استاذ ..أستاذ ...
ــ نعم ..
سمير ــ صاحب الموعد حضر واليوم عندك محكمة ..
ــ دخله بعد خمس دقايق ..بسوي تلفون مهم ..
طلع سمير اللي قطع أفكاري ..أنا عاهدت نفسي ..ليش فجأة الذكريات تهاجمني ؟؟ انسى هالاسم ...انسى هالاسم ...
اتصلت في رغد وقلت لها تروح مع منال بس ما تتأخر ...
**************************
وتقبلوا تحياتي
__________________________________________________ __________
القصة كتير روعة وين البقية
دموع حنان
__________________________________________________ __________
كيفكن صبايا
انا حبيت قبل ما انزل الفصل الجديد
اشكر الاخت الغاليه حنان بدر على ردها اللي عن جد فرحت بشوفته
والحين اسيبكم مع احداث الفصل الجديد
الفصل الخامس....
******************
ما أروح البيت إلا لما أغلس على ليال ...هذي كانت نيتي ..
دخلت بعد ما طلبتها ..
ــ ليال روحي السد ..في هناك موكل يدفع الاتعاب ..هذا عنوانه بالعاده أودي سمير بس بحتاجه اليوم أكثر منج ..حطي الفلوس في البنك برقم الحساب اللي في البطاقه ..
ليال ــ بس ما عندي سياره ..
ـــ انتي تسوقين صح ؟؟وين سيارتج ؟؟
ليال ــ ما عندي سياره بس عندي ليسن ...للحين ما اشتريت سيارة لي هذي سياره خالي ..اللي كنت اسوق بين فترة وفترة ..
ـــ خذي سويج سيارتي ..وتوكلي ...
وأعطيتها المفاتيح كانت مترددة ...وتمنيت أني ما أعطيتها المفاتيح ....
بعد ربع ساعه اتصل فيني عيسى زميل المهنه ..
عيسى ــ السلام عليكم ..شلونك يوسف ؟؟
ــ الحمدالله وأنت شخبارك ؟؟
عيسى ـــ الحمدالله كل الأمور بخير ..ها شلون ليال ؟؟
ــ عبقرية ..لها مستقبل واعد ..شكلي بوظفها عندي في المكتب..
عيسى ــ يا أخي أنت تزوجت الحين ..شيل هالفكره من راسك ولاتجيب لنفسك وجع راس ..
ـــ لا أنا زوجتي مب غيورة لها الدرجة ..
عيسى ــ هم جذي أول الزواج ..انطر شوي وتنفتح عليكم أبواب جهنم ...
ضحكت ..
عيسى ــ تعال مرني المكتب خل نتغدى مع بعض ..
ـــ كان ودي بس سيارتي مب معاي ..
عيسى ــ بمرك الحين ..ونروح للمطعم..
ــ بس ها على حسابك ...
عيسى ــ لا تخاف ..الحساب مدفوع سلفا ..خلص شغلك ربع ساعه وأكون عند الباب ...
ــ ناطرك ...
طول الساعتين والنصف اللي مروا كنت مع عيسى ..بعدين مرينا محل حلويات وكوفي و شربنا كابتشينو ...
عيسى ــ يوسف أنا ما أنصحك تتأخر عن المدام ..
ــ آيييه ..
عيسى ـ شقصد بإي هذي ؟؟
ضحكت ..
عيسى ــ قول ..قول شقصدك ؟؟؟
ـــ أكيد أنت تأخرت على المدام فتبي تفتك مني ..
ضحك عيسى ـــ لعيونك ماني متصل فيها وماني مرجعك للبيت لين الساعه وحده في الليل ..
ــ لا عيسى ..أنا ملتزم ...ما أقدر لسهره صباحي ..
عيسى ــ ها ..أشوف أنت اللي اعتذرت هالمرة ..
ـــ صدق عيسى يا أخوي أنك ما تقصر ..بس المدام بروحها في البيت ...وسيارتي مع ليال..أجلها ليوم ثاني ..
عيسى ــ لا .. الليلة يعني الليله ..
ـــ لا عيسى الله يخليك بظل معاك لين الساعه أربع ..وايد ..
عيسى ــ يوم ثاني ؟
ــ أكيد ..وبتكون السهره على حسابي ..خلينا نسمع أم كلثوم ..
حطيت شريط لسه فاكر ....وذبنا مع الالحان ..وفجأة صرخنا مع بعض ..(( كان زمااااااااااااااااااااااااااااااان كان زماااااااان ))
***************************
فتحت الباب ولقيت رغد غرقانه في دموعها ..ما استغربت صراحه من تزوجتها مايمر يوم من غير ما تنزل هالدموع ..أصلا بستغرب اذا شفتها تضحك أكثر من استغرابي اذا شفتها تصيح ...
ــ رغد ...
فزت وقامت تصرخ ...وتطالعني بنظرات خوف ورعب ...
ــ رغد ..شفيج ؟؟
رغد ــ لا لا لاااااااااااااااااااااااااا ,,,ما أبي أموت ..ما أبي أموت ..لا يوسف ..لا ...
دموعها اربع أربع والخوف والفزع اللي فيها ..حسيت أن في شي غريب .,,
ـــ رغد ...عن ايش تتكلمين ؟؟؟
رغد ــ آسفه يوسف ..آسفه ..ذنبك في رقبتي ..آسفه ...بس لا أرجوك ..
قربت منها أبي أمسك يدها وأفهم اللي تقوله ..وهي تبتعد ..ولما مسكت يدها طاحت غشيانه ..
موقف غريب جدا .. شلتها من على الارض وحطيتها على الكرسي ..وركضت وطلعت الكلونيا وغرقتها فيها ..
فتحت عيونها مرتعبه ..مسكت يدها ..
ــ رغد أنا يوسف ..شفيج ؟؟ ليش كنتي تصيحين ؟؟؟
رغد ــ أنت ما مت ؟؟؟؟؟
عقدت حواجبي ــ لا ..ها أنا قدامج ... وأنت ماسكه يدي ..شفيج ؟؟؟؟؟ شصار ...
مسحت دموعها واحضنتي بقوة ...تفاجأت ..وبدت تتلمس وجهي وهي مب مصدقه ..واضحكت ..ورد اعتفس ويهها ..وقالت ..
ــ اتصلوا فيني وقالوا انك مت ..سيارتك محترقه على الطريق ..
ليال ....أول شي طرا على بالي ...
ــ رغد مافيني شي ...هذا انا قدامج ...أنا بروح الحين خلج هنا بتصل في منال تيي وتم معاج ..
وعلى طول طلعت تلفوني وركبت سيارتي المرسيدس بو عيون المركونه في الكراج ..
انتبهت أن التلفون كان مغلق ..
فتحته وانهالت المسجات علي ...على طول اتصلت في منال اللي كانت تصيح بقوة ...وطمنتها اني ما مت ...وأن في سوء فهم ..
منال ــ بس لقوا سيارتك ...
ـــ اييه أنا سلفت سيارتي لواحد ...طمني الكل علي ..اوكي وروحي لرغد تراها منهاره من شافتني على بالها ملك الموت ياي ياخذها ...
ضحكت منال ..ــ الحمدالله على سلامتك ..والحمدالله ماصار لك شي ...
ــ اوكي ر وحي لرغد ...
انحصر كل تفكيري في ليال ..مابسامح نفسي اذا صار لها شي ...أنا السبب ..كان لازم يعني هالموقف السخيف ..
أول ماوصلت المستشفى ..وسألت قال لي الدكتور انها نجت بمعجزة ..والحمدالله ..ولما سألت عنها ..أشاروا لي على غرفه ..
دخلت ..ولقيت ليال وشعرها الاسود الطويل منسدل على كتوفها وهي تطالع اصبعها الخنصر ..اللي كان مجبس ..
تنحنحت..فحطت الشيله على راسها ..
دخلت ــ السلام عليكم ..
ليال ـ وعليكم السلام ...
ــ حمدالله على السلامة انت بخير ؟؟ عسى مافيج شي جايد ؟؟
ليال ـــ لا الحمدالله ؟؟قدرت أطلع من السياره في الوقت المناسب ..
ــ الحمدالله على لامتج ...ممكن تقولين لي شصار بالضبط؟؟؟
ليال ــ السياره اللي صدمت فيها كانت طالعه من طريق فرعي لرئيسي بسرعه كبيره ..فاصطدمت فيني ..أنا آسفه ..سيارتك يا استاذ احترقت ..وسائق السيارة الثانيه هو وصاحبه توفوا ...على طول ..أناقدرت أطلع من السياره قبل لاتحترق كنت رابطه الحزام فما تأثرت لما اتقلبت السيارة .. ....والصدمه يات في جهة الراكب مب جهه السايق ..والحمدالله قدرت افتح الباب ..
للحظات تخيلت ليال كأنها في فيلم هندي ..بعباتها وشيلتها شلون قدرت تطلع ؟؟؟
ليال ـ استاذ .آسفه لاني ..خربت السيارة ..
ــ مش مهم السيارة المهم أنج طلعتي بصحه وسلامه كلمتي أهلج ؟؟
هزت راسها ــ مايقدرون ييوني ..بيحاولون المغرب ..
ــ ما بيرخصونج ؟؟
ليال ــ رخصوني ..من ساعتين وهم نازلين فيني تحاليل وفحوصات مب مصدقين اني طلعت بسلامه ..بس لما يجون أهلي ..أروح معاهم ...
ــ قومي بوصلج ...
ما اعترضت ليال ..يمكن لأن كل عظمة في جسمها مرتضه! وتبي ترجع البيت وترتاح ...
ــ وين بيتج؟؟؟
ليال ــ في المطار ..
طول الطريق وحنا ساكتين ..ليال في عالم وأنا في عالم ثاني .
ليال ــ ادخل من هنا استاذ ..وأشرت على طريق فرعي ,,دقايق وقالت ــ أنا بنزل هنا ...
ــ وين بيتج ..
ليال ــ هذا ...
وأشرت على بيت قديم بابه ازرق مليان صدأ جنبه شجره سدر كبيره ...البيت قديم جدا وفي تصدع بجدرانه ..
ليال ــ تفضل استاذ معقوله وصلت لين الباب وماتدخل ؟؟ تفضل ..
ما مانعت ..تبعتها ...وأنصدمت بالبيت من داخل ..كان مشطب جديد وابوابه زجاجيه وحديقته روعه ..ولما دخلت الديوانيه كانت فخمة جدا ..فرق بين واجهه البيت ودداخل البيت ..
جلست ...دقايق ودخل ولد ..مراهق ...
قال ــ أنت المحامي اللي تشتغل عنده ليلى ؟؟؟
ليلى ...ولا ليال ؟؟
قلت ــ وعليكم السلام اييه يبه انا .
الولد ــ متى تدفع لها معاشها ؟؟
ــ عبود ...يلا ادخل داخل .يلا ...
دخلت بنت لافه شيلة الصلاة على راسها ...
ــ السلام عليكم .اعذرني يا أخوي الولد مب مأدب ..شتشرب جاي ولا عصير ؟؟
ــ قلاس ماي لو سمحتي ..
دخلت ليال..أو ليلى الديوانيه وبيدها صينيه فيها عصير ..
ـــ تفضل ,,
ــ شكرا ,,,
ليال ــ هذي العنود أختي العوده ... والولد هو ابنها عبدالله ملسون ..اعذره ..ياهل غبي ..
ــ لا ..ماله داعي تعذرين .. عن اذنج أنا بترخص الحين ..
ليال ــ بدري ...اشرب العصير استاذ ...
ـــ لا ...مافيني ..بعدين أنت تعبانه وتوج طالعه من حادث بمعجزة ..ارتاحي ولا تتن المكتب طول الايام اللي جاييه ..خذي راحه ثلاثة أيام ..
ليال ــ بس يا أستاذ ..
ــ بدون بس ..خلاص ..مرة ثانية حمدالله على السلامة ..عن اذنج ..
ليال ــ اذنك معك استاذ,, حياك الله ..
أول ما طلعت من البيت حسيت كأن هم وانزاح عن صدري ...رجعت البيت ولقيت رغد جالسه مع منال ,.,,
نزلت راسها مستحية مني ..ماقدرت أمسك نفسي وضحكت ..منال ــ هلا أخوي ..ها ..شاللي صار ..
ـــ أبد ...كنت مسلف السيارة لناس ..وسووا فيها حادث الحمدالله ما صار لهم شي بس السيارة ..راحت فيها ..
منال ــ تفداهم ...في الحديد ولا في ارواحهم ..لو صار لهم شي كان ذنبهم في رقبتنا ..
اييه والله كلام منال صحيح ..لو صار لهم شي كان ذنب ليال في رقبتي ..
غيرنا الموضوع وتكلمنا في أشياء وايده ..كانت رغد ساكته ..والهدوء مخليها روعه ..
**************************
أسبوع later
____
كنت أتكلم مع سمير عن اللي طلعناه في هالشهرين اللي راحو ..وكان مبلغ محرز ...وصيت سمير بجزء منه لليال . كجائزة على جهودها ...وجزء له ..والباقي ..يحطه في الحساب ...
وداومت ليال ..ماكانت مثل قبل بالحيوية والنشاط ...كانت مثقلة بالهموم ..وكنت محتار ليش؟؟؟
رجعت البيت ..وخلال هالأسبوع رغد تعلمت شوي في الطبخ ..وكانت الاطباق اللي تسويها ممتازة ..بس الطبخ أثر على مظهرها شوي ..ما تعتني بنفسها مثل بداية الزواج ..أنا عاذرها لاني شفت جدولها اليومي ..تصحى من الصبح تنظف الغرف وتنظف الصالات والممرات ..وتسوي الريوق وتشيل الصحون وتنظف المطبخ وتغسل الملابس وتكويها وترجع للمطبخ تسوي الغدا وبعد الغدا الجاي والقهوة والحلو وبعدين تنظف المطبخ مرة ثانية من آثار الغدا تآخذ فترة راحه ساعتين بعدين ترجع وترتب البيت وبعدين العشا وتنظيف المطبخ وغسل الحمامات وأنتوا بكرامه وتجمع الملابس الوسخه علشان تغسلها اليوم الثاني و تحط راسها وتنام ..طبعا البيت كبير مكون من ثلاث صالات وديوانيه وثمان غرف ..وثمان حمامات غير المطبخ الكبير ..وماشكت أبد ...وما قالت أبي خدامه .... كأنه شي مسلم به .. هذا ببساطة كان جزء من انتقامي ..فما هانت علي ..خصوصا أني أعاتب اذا شفت شي غير مرتب ...رغم جهودها المضنية..
***
بعد قيلوتي المعتادة ..تفآجأت برغد في الغرفة ...
ــ شفيه ؟؟
رغد ــ أختك منال ونورة وجواهر ومريم تحت ..يبونك في موضوع خاص ..
ــ لا يكون يبون يكلموني عن الخدامة ؟؟؟
رغد ــ لا ..ليش يكلمونك أنا ما اشتكيت وماطلبت شي ..بس اتصلوا وقالوا ان موضوع خاص بينك وبينهم ...وهم الحين تحت ..في الصالة الجانبية ..
ــ اوكي روحي أغير ملابسي واشوفهم ..
قمت ولبست ملابسي ..جواهر ..جواهر في بيتي وتبي مني موضوع خاص ؟؟؟؟جواهر ..جواهر ..
دقايق طقت رغد الباب ..
ــ نعم ..
دخلت رغد ..ــ ليش كل الكشخة والعطر القوي ؟؟ علشان جواهر يعني ؟؟
ــ لا ..بطلع بعد ما أشوف شيبون ..
رغد ــ ممكن أسأل وين ؟؟
ــ للقهوة ...راسي يعورني وأبي أدخن شيشه ...
رغد ـ وكل هالكشخة علشان القهوة ؟؟
ــ لا ...بسهر مع عيسى ..
حسيت أني أحط أعذار أي كلام ..لكن ظن رغد صحيح ..كل هذا علشان جواهر ..خليها تشوف شضيعت على عمرها ..
رغد ــ ييت أستعجلك ..ضيفتهم الشاي والقهوة والحلو ...وبكون في غرفتي ..اذا تبي شي ..
ــ يعطيج العافيه ...
نزلت راسها وراحت ..طلعت من غرفتي و رحت للصالة ..
تنحنحت قبل لا أدخل ..
منال ــ حيااك أخوي ...
دخلت ..كانت جواهر جالسة في الطرف من كنبه مزدوجة .. ...ونورة ومريم على كنبه مزدوجة و منال على كنبه مفرده ..كل ذرة في جسمي كانت تبي تقودني أجلس جنبها ..لكني امتنعت ..وجلست قرب منال على كنبه مفرده ..
وتجاهلت الانسانه اللي كل ذرة في جسمي تصرخ أكرهج يا حبي ..
بعد ما سألتهم عن الحال والعيال ..سادت فترة صمت ..
ــ خحير ..ليش محتشرين كلكم ..شالموضوع المهم ..اللي خلاكم تطلعون رغد نور عيني من الجلسه ؟؟
(طبعا الغزل كان استهبال مني علشن أغيض جواهر )اللي ماوقفت رجولها عن الحركة ..وللحظة حسيتها اسحبت كل الهوا اللي في الصالة..
منال ــ لو انها نور عيونك ماصارت سيرتك على كل لسان .
طبعا ردة فعلي كانت أن علامة استفهام ضخمة انرسمت فوق راسي ....
ــ منال شتقولين ؟؟
مريم ــ يوسف , أنت بحسبة أخوي .ومن فاحت الريحه وحنا يينا نعدل الأمور ..
فاحة الريحة ؟؟ لايكون اعرفوا بسالفة رغد ؟؟؟ ارتبكت ..انتابتني هزة خفيفة ..ما تكلمت وعقدت حواجبي ...ناطر اللي باقي .
مريم ـ البنية يقولون خوش بنيه ..ومحد تكلم عنها أبد صاينه نفسها ..
محاولة استغفال مني ــ عن ايش تتكلمين ؟؟
مريم ــ عن المتدربة ..
كأنه جبل وانزاح عن صدري ...تنهدت ..
ــ شفيها ليال ؟؟
منال ــ يعني ما تدري أن سالفتكم صايره الحدث الرئيسي في الدواوين ؟؟
ــ حتى الديوان الأميري ؟؟
منال ــ الله يخليك يوسف لا تتطنز ...
ــ سمعي نفسج أول وبعدين تعالي تكلمي ..
منال ــ يعني ما تبي تصحح الغلط ؟؟؟
هني تفتح مخي شوي ــ أي غلط أختي المصون ؟؟
منال ــ أنت وليال ..سالفتكم على كل لسان ..شلون يا أخوي ما خبرتك مال هالسوالف ؟؟..شلون تلعب بعقل البنت وانت توك متزوج ..وزوجتك أحلى منها ؟؟...
ــ يعني انتوا من صجكم تتكلمون ؟
مريم ـ اييه يوسف من صجنا كنت أمس أنا وجواهر في مجلس أم علي وهي ام الاخبار وقالت لي حماج ريحته فاحت ..هو والمتدربة اللي عنده .. وقالت لي خلي يستر على البنت لانها زينه ..مب مالت خرابيط وشايله أمها وأختها ..
انفلت مني لساني ــ مب كافيني أني تزوجت ...
للحظة سكت ..كنت بفضح رغد ...كنت بقول تزوجت علشان الفضيحة؟؟؟ سكت واستعذت من الشيطان غمضت عيوني وحاولت أرتب كلامي ..
ــ أنا زوجة وحدة كافيه علي ..وبالنسبة للمتدربة مافي شي بيني وبينها ..وبنت ممتازة وما عندها هالخرابيط ..
منال ــ بس ما في دخان من غير نار ..
ــ يمكن النار اللي تتكلمين عنها هي السيارة ..
منال ــ أي سيارة ..
ــ أنا مو قلت لكم اني سلفت سيارتي حق ناس اللي صار لها الحادث من اسبوع ؟؟
منال ـ قلت لي ..اييه ..
ــ كانت ليال ..طرشتها تيب أوراق من زبون ..
مريم ــ بس ؟؟
ــ بس ...البنت أصلا أنا ما أتعامل معاها غير بطريقه رسمية ..
منال ــ وزين والفضيحة وسمعة البنت ؟؟
ــ وأنا شدخلني ؟؟ مالي شغل أنا البنت ما قربت ناحيتها ..وأنتي ومريم لازم تكذبون هالكلام ..
جواهر ــ زين ليش كانت هناك يوم طحت في المستشفى ومارضت تروح ؟؟
أخيرا سمعت صوتها ...بعد ما كانت تهز راسها بس ..
وقلت ــ لنفس السبب اللي رحتي فيه للمستشفى مع مها ..كانت تتطمن علي لاغير ...
صار ويهها يقط لون ولون ..ونزلت راسها ...مانعتني من أشوف ردة فعلها ..
مريم ــ والحل الحين ..تدري أن ام ليال متصلة في منال ؟؟
ـــ ليش ؟؟
منال ـ ما فهمت شي بس ..قالت كفوا شركم عنا ..
ــ بس ؟؟
منال ــ بس ..
ـــ زين منال ..بروح وياج بعد شوي بيت ليال..نوضح لها السالفة ..
منال ـ وتعرف بيتها وين وتقول مالي علاقة فيها ..
ــ منال موظفة عندي شلون ما اعرف وين ساكنه .؟؟
جواهر ــ هي متدربةو لا موظفة ؟؟
ــ دام أدفع لها معاش الإثنين ...
فهمت الحين شسبب الحيرة اللي فيها جواهر ..سببها شي اسمه الغيرة ..أي غيرة هذي ؟؟ ليش ما غارت من رغد ؟؟
منال ــ يوسف ..وين سرحت ؟؟
ــ شكنت تقولين ؟.؟
منال ــ كنت أقول زين أن رغد ما تحب تطلع ولا المسكينه شبت نار ...
ابتسمت ..رغد ما تحب تطلع ؟؟ رغد لولا اني أمرتها انها ما تخطو طوبة بره البيت من دوني والا هي هياته ..تذكرت كلمات صالح اخوها (بتذلك من كثر ما تحب تتمشى ..ييب لها دريول أحسن من وجع الراس )..هذا انت يبت لها دريول ..وغلطت ..من وراكم ..
منال ــ وين تسرح أخوي ؟؟
مريم ــ عن اذنكم الحين بنروح ...
عيوني كانت متعلقة في جواهر ..لين ما اقرصتني منال وغمزت لي ...أني أوقف بحلقة ..
نورة ــ عن اذنك خوي يوسف ...
ـــ هلا نورة ..ما سمعت رايج اليوم ..
نورة ــ انا صراحة ما ادري ..لان مااسمعت اي اشاعات ..
ــ اذا سمعني منصور اخوي بيذبحني بس ..تسلمين أحسن من اخت يات تتهمني وما قالت اشاعات ...ما في ثقة في اخوها ولا الثانيات ..ناسيات العشرة اللي بينا ..
مريم ـ خوي يوسف .. سامحنا حنا قلنا مافي دخان من غير نار ..
هزيت راسي وقلت ــ اييه ..مسموحات ..أدري الغيرة علي ما خلتكم تشوف طريقكم ..
ما ادري ليش اهتز قلبي من التفاتة جواهر ..كان ودي أقول لها اي كنت قاصدج ..
منال ــ يلا نروح الحين ..بس خليني اسلم على رغد وينها ؟؟
وكانت توجه كلامها لي ..
ــ في غرفتــ...في الغرفة بناديها ..نطري شوي ..
قبل لا ادخل سمعتها تغني ...أحبك وأسهر أيام وليالي ...لسعد الفهد ..
دخلت ،،
رغد ــ هلا ..راحو؟؟
ــ لا ..منال تبي تسلم عليج ..ما تصدقين ليش يايين ...يبوني أغطي فضيحة وحده وأتزوجها كأن مب كافيني اللي ياني ..
رغد ابلعت ريقها ــ وأنت ووافقت ؟
ــ هذا اللي ناقص خفت أنفضح من وراج انفضحت من ورا غيرج ..لو أدري ماكان تزوجتج ...
سكتت ..
ــ انزلي اختي تبي تسلم عليج ..
رغد ـ ممكن تتعذر لها وتقول لها ان في الحمام ؟؟
ــ مثل ما تبين ...
نزلت ..الحين عرفت ليش ليال مهمومة هاليومين اللي راحوا ..ولقيت زوجات أخواني مكانهم ما اطلعوا ..وكانوا يتساسرون ..
مريم ــ كنا نبي نسلم على رغد ..وينها ؟.؟
ــ أعتقد تتسبح .يلا منال ..نروح لبيت ام ليال ..
منال ــ يلا ..نروح ..
وسقت السيارة وأنا أحاول أفكر شقول لمنال لما تسألني شلون دليت البيت بالضبط ..
والسؤال اللي خفت منه سألتني اياه ...طنشت وقلت بعدين أقولج ..
طقينا الباب ..ويا عبدالله وفتح الباب ..
ــ قول لجدتك ان في ريال يبي يكلمها ..
عبدالله ــ حياك استاذ ادخل الميلس ..
ودخل الولد وأنا دخلت مع منال الميلس ..
منال ــ شدراك انها يدته ؟؟ مب امه ؟؟
ما عرفت شرد ..عاد يبت منال الملاحظة القوية معاي لونها مريم ما فكرت اصلا ..
ــ أعرف ...وبس ..
لحظات دخلت وحده خمسينية ..لابسه بطولتها وعباتها ..
ــ السلام عليكم ..
ـــ وعليكم السلام ..
منال ـ وعليكم السلام ..
ام ليال ــ تفضلوا ..قبل لا تتكلمون شتبون نضايفكم ؟؟
ــ لا ..ما جينا للضيافة ,,جينا نوضح سوء فهم صار ..
منال ــ اييه يا خاله ..
ام ليال ــ لا والله تدخلون بيتي وما تتضايفون ..لحظة ..عنود عنود ..يمه وين الشاي والماي ..والعصير ..
ــ ماله داعي يا خاله ...خلينا نتكلم ..
أم ليال ــ خير يا ولدي ..ان كنت ياي تخطب ..أنا بنتي ليلى مخطوبة وخالصة ..والعنود . ما تبي زواج ..
ليال مخطوبة ؟؟؟ ...عقدت حواجبي و التقت نظراتي بمنال ..
ليال ادخلت الميلس في هذيج اللحظة ..
ــ يمه ...استاذ يوسف ..
اعتفست ملامح ام ليال ..
وقفت ـ اهلا ليال .أنا اليوم سمعت من اختي منال عن سوء الفهم اللي صاير ..وقلنا نيي نحله ...وأوضح لامج انج مجرد متدربة عندي واني ما تعديت علاقة المدير بموظفه ..والكلام اللي داير مجرد اشاعات ..
منال ــ اييه يا خاله اخوي يوسف مب مال خرابيط وريال مالي مركزه ومتزوج وسعيد مع زوجته ...وهو حلف لي انه ما تعدى الحدود بينه وبين ليال ..
ام ليال ــ زين يا ولدي بيضت ويهك ..وبنتي لعنود اتصلت في اختك وهي على بالها كلام الناس هو الصحيح ,, خبله ما وثقت باختها ...
منال ـــ يا خاله انا يايه اأكد لج ان الكلام مب صحيح ..وأنا واثقة من اخوي وواثقة من ليال..
ام ليال ـ بنتي ليلى وانا ربيتها عدل ..واعرفها ما تغلط ..وهي شرحت لي السبب اللي خلا الناس يتقولون عليها ..
منال ــ خلاص ..على جذي حنا نستأذن ..
ليال ـ لا معقولة ..لازم تتضايفون ..وكافي ان استاذ يوسف لما يا آخر مرة ما عزمناه على العشا ..
طبعا تتخيلون ملامح منال ..ونظراتها ..
منال ــ لا اعذريني انا خليت عيال في البيت واخوي يوسف زوجته بروحها ..مرة ثانية انشاءالله لما تخلصين التدريب وتصيرين محامية كبيره ..
ليال ــ جذي مسموحة..بس ها لاتنسين العزومة ..تراها سارية المفعول ..
منال ــ انشاء الله ..
طلعنا من البيت وأول ما ركبت السيارة وكانت تبي تنطق منال قاطعتها ـــ ولا كلمة ..أنا يبتها من المستشفى مرة وحده ..وأنتي سمعتيها مارضيت أطول ,,ما ابي منج ولا حرف ..
سكتت منال ,,ووصلتها للبيت ..ورجعت البيت ..كان مثل ماتركته ..الصحون والدلال مكانها ..والباب الداخلي مثل ما خليته مفتوح .. صعدت فوق ..غرفتي مثل ماهي ما رتبتها رغد ..الفراش مبهدل وملابسي على الارض ..
فتحت باب غرفتها ..وماكانت موجودة .. بس باب الحمام مقفول ..
ــ رغد ...رغد ..رغد افتحي الباب واطلعي .. محد رد ..والهدوء في الحمام مب طبيعي ..طقيت الباب مرة ثانية ...رغد اطلعي لا اكسر الباب ..
محد رد ..الهواجس انتابتني ..ونستني كل شي .تذكرت اني قلت كلام لها ..أصنفه تحت مسمى الاهانه ..رغد ..
ـــ رغد ..رغد ..
كل شي على مكانه ..وأنا طلعت من ساعة ونص ..يمكن اكثر يمكن اقل ..لايكون سوت في نفسها شي ..طبعا مو مثل الافلام ادفع الباب وينكسر ..لانه مستحيل الباب من خشب ثقيل لكن فيه زجاج ..
كسرت الزجاج ..وكان تقريبا مثل شياك صغير في الباب ..الذهول خلاني اتحرك بدون وعي وافتح الباب ..كانت ممدة في وسط بركة دم ..انتبهت لقيت جرح في يدها في معصمها ..الغبية ..السكين في ايدها الثانية... الغبية ..
مسكت غترتي ولفيتها حول ايدها وضغطت بقوة ..فيها نبض ..بس انزفت وايد ..
ــ ليش يا رغد ..ليش بعتي آخرتج بدنياج ؟؟ ليش هانت عليج نفسج ..
رفعتها عن أرض الحمام وحطيتها على السرير ..وطلعت لها عباة ولفيتها بها ..ونقلتها للسيارة ..وأنا أمشي شي غرق عيوني ..بطرف ثوبي ..
*********************
كنت سرحان بحالتها ..لين ما طبطبت على كتفي يد ..
التفت ..كانت الممرضة ..
ــ sir why you crying?
كراينق؟؟؟ مسحت ويههي ..هذا الشي اللي غرق عيوني ..
-ــ how is she ?
المرضة ــ she is fine ..the doctor want to talk with you before he calling the police..-
بوليس؟؟ ــ وير؟؟
ــ in there ,,second room ..
thanks-
دخلت للدكتور ....
ــ ها دكتور شلون رغد ؟؟
الدكتور ــ كويسه لحد دلوقت حضرتك جوزها ؟
ــ اييه دكتور .. انا يوسف ..
الدكتور ـ كل حادثه انا مضطر أبلغ عنها الشرطه ...وعلى ما يبدو دي حادثه ..انتحار ..صح ولا كلامي غلط ..
قلت له ــ دكتور المسكينه على بالها اني مت ..يالها خبر كذبة ابريل اني مت ..ارجوك دكتور أنا مستعد لكل طلباتك بس ..تغطي على الموضوع ..
الدكتور ــ يعني ..مش مشاكل نفسيه ؟؟
ــ لا ..سوء فهم ...
الدكتور ــ بشوف الموضوع مجرد ما تقوم بالسلامة ..
ــ انا بنقلها من هالمستشفى لمستشفى خاص ..
الدكتور ــ لو عايز تنقلها ..مافيش مشكله بس لازم نبلغ ..
ــ دكتور أنا بنقلها ..هي حالتها حرجة ؟؟
الدكتور ــ لاء على الاطلاق كمية الدم اللي فقدتها مش كتير لدرجة الاعياء ..وتقدر تعوضه خلال ايام ..هي دلوقت على المغذي .والجرح مش عميق ..متوسط العمق بجراحه قدرنا نرجعه زي ما كان ...
ــ بس كان في دم وايد في الحمام وين اجرحت نفسها ..
الدكتور ــ لا ..يمكن ..لكن مافيش حاجة حاجة مانقدرش نسيطر عليها ..لان الجرح بسيط انا بعتبره حادث عادي ..وبتغاضى عن هالموضوع بس انصحك تنقلها مستشفى خاص علشان ما تكترش الاسئله عنها ..
شكرت الدكتور ..وقمت باجرائات النقل بسرعه ..
رغد رهبة فكرة موتج خلت دموعي تهل ..ودموعي مانزلت من توفت امي ..ما ادري شلون اقارنج بأمي ..وانتي ماتسوين التراب اللي تمشي عليه ..
آآآآآآآه يا رغد ..انصدمت اليوم واكتشفت انج جبانه ...ليش ؟؟ ليش؟؟
اتمنى الفصل عجبكم
وتقبلوا تحياتي
يسلم لسانك على القصة والله عجز لساني عن التعبير الله يوفقك
حنان بدر
رد مع اقتباس
