عنوان الموضوع : إذا طبع البشر صدّه وهم دم ولحم وعروق - من الشعر
مقدم من طرف منتديات الشامل
السلام عليكم ورحمة الله وبركاته
أسعد الله جميع أوقاتكم بكل خير
عذرا للغياب الطويل وأبيات أتمنى أن تعذر غيابي
وتليق بمستوى هذا المنتدى ومن فيه
أنا تحليل صمت العاطفه والشـوق
وأنا مدري علامي جيت يا ذكراي ببدابك
نسيت ومرت أيام العمر ما شفت فيك شروق
وزلّت ذيك لحظات الوداع وقفلة أبـوابك
وغنّى في خفوقي لك وله مدري قلم مطفوق
ولكن في حروفي تنكتب والخاطر أدرابك
تناقض في حشى جوف الشقاوي جرّح المعلوق
نحابي وانتحابي لين ميسور الوفاء جابك
عظيمه روح عاشق ماتموت وفي لها معشوق
لو إن الوقت طال وطـالت الأيام بغيابك
حنين إلاّ سنين من الغلا والمعرفه والذوق
تجدّد في مسافة شاعرك ويقلب كتابك
فتح أول غلاف من النوى مع حلمه المسروق
وطاحت دمعته لك يوم شاف البعد بأهدابك
وقام يخيل من سود الليالي والعذاب بروق
تكاشف في نحرها لك ملامح موتة أحبابك
يردد في مكانه للسماء يالدفتر المحروق
علامك لك مدى بعد الزمان وحر ما صابك
وفي طبعك معي دايم ومالي غير سوقك سوق
أبيع وأشتري به جعل قلب الضيق يسلابك
أنا لك يارفيقي مثل راعي النوق وأغلى النوق
علاقه صادقه ما دامني همسك وجلبابك
طهارة صفحتك لون البياض وسطر تحت وفوق
تسلي صاحبك نقش الحروف اللي تغنابك
تكذبني أنا صادق وأنا فعلا عليك أتوق
أنا محدن يعيش أحلامي القشراء سوى أغرابك
لذا إنشر معاناتي من أغلى ما نثره الموق
على حرمان قلبي دامني من خيرة أصحابك
وقل هو حبني أكثر بعد ما صاب قلبه عوق
وصرت أفرح بطاريّه وأقول اكتب وأنا أولابك
إذا طبع البشر صدّه وهم دم ولحم وعروق
أجل خذني مدامي صرت لك أوفى من أحبابك
نجم
>>>>> ردود الأعضـــــــــــــــــــاء على الموضوع <<<<<
==================================
صح لسانك يانـجم
مبدع كالعاده وشهادتي فيك مجروحه
لاهنت وتقبل مروري
__________________________________________________ __________
صح لسانك يعطيك العافية
__________________________________________________ __________
تكذبني أنا صادق وأنا فعلا عليك أتوق
أنا محدن يعيش أحلامي القشراء سوى أغرابك
حلو بصراحه
تسلم اخوي
من اختك احلى سمره
__________________________________________________ __________
حياك بعد غياب
لتعليق ع هالابداع
موفق
__________________________________________________ __________
تسلم ابيات رائعه بعد غياب
ربنا يبارك فيك و يزيدك أكثر فى هذه الموهبة الجميلة .
رد مع اقتباس
