عنوان الموضوع : ياصوته اللي غادي ٍ لي سلآوي شعر رائع
مقدم من طرف منتديات الشامل

احبتي ~

متواضعتي بين ايآديكم الكريمه

علّها ترتقي لذآئقتكم ~


ياصوته الي غادي ٍ لي سلاوي=حسّه سكنّي واهتنيت بسماعه
يطرب هجوسي لاوحيت الغناوي=من فيه خلي مترفات ٍ طواعه
فتنه رسنها مايطيع اي هاوي=وماكل شيّال ٍ حموله مطاعه
غير الحبيب الّي على البعد قآوي=والّي على الشدات ميسور باعه
جلاّد وقته مشغلته الهقاوي=مدني فؤاده لو تنحى شعاعه
اشتاق له واسأله ياويش ناوي=ويضحك حبيبي مرخي ٍلي شراعه
يقول باكر ليت باكر يخاوي=اهل الكرم والجود من بيت طاعه
يحسن علينا عقب ماهو متقاوي=وبختي يزين ان كان غير طباعه
نصبح على جو ٍ هدّي ٍ سماوي=ماغيرانا ويّاه ولوية ذراعه


وسلآمتكم ~

بقلمي ~

* لا اسمح بنقل القصيده دون ذكر المصـدر *


>>>>> ردود الأعضـــــــــــــــــــاء على الموضوع <<<<<
==================================

عزيزتي ((ع ـــــنود الصيــد))

ابدعتي ثم ابدعتي ثم ابدعتي

صح الله لسانج اميرة القاف..

ولا هان كل حرف الماسي خطته اناملك

كلي فخر ان اكون اول من يرد على جميلتك

تحيتي وتقديري

__________________________________________________ __________
عنـود الصـيد


قصيده جزله تحمل الكثير بين طياتها
بلاغه في القول والمعنى

سلمت الايادي اختي لمثل هذه القصايد الجميله


تحياتي


‘إحساس‘


__________________________________________________ __________
صح لساانك

قصيده اكثر من رااائعه

ابدعتي

تقبلي مرووري

جروحيـ اتعبتنيـ

__________________________________________________ __________
جميل هذا البوح و رائع هذا الحضور

صح احساسك

__________________________________________________ __________
مـــــــــــن الجمــــــــــــــــال الابــــــــــــداع بهــــــذا الشــــــــــــــــــــكل

تقبلي مروري

المشاركة الأصلية كتبت بواسطة ‘إحساس‘
عنـود الصـيد



قصيده جزله تحمل الكثير بين طياتها
بلاغه في القول والمعنى

سلمت الايادي اختي لمثل هذه القصايد الجميله


تحياتي



‘إحساس‘

اخوي احساس ~

شاكره تواجد المميزين امثالك

واتشرف بإطرآئك الكريم لاعدمتك

تحيتي لك ولتواجدك العاطر

عوآآآفي ~