عنوان الموضوع : اول قصيده لي في منتداكم
مقدم من طرف منتديات الشامل
مساكم الله بالخير
طبعاً يسعدني في البدايه تواجدي بينكم في هالمنتدى الرائع
ويشرفني احط بين يدينكم هالمتواضعه..الي كتبتها من 4 ايام تقريباً
وكتبتها في احد المنتديات
عموماً اتمنى انها تعجبكم:
وقصتها اني قريت بالصدفه قصيده لواحد من اتباع الصحوه المتشدده في الدين
والتحريم والتحليل (عمال على بطال) فـ كتبت هالقصيده
يارب قلي وش حصل بس بالدين...وش إلي تغير وِش حصل في ثيابه
قام يترقع والسبب ناس واطين...شواهة الإسـلام ربع المعابـه
عيب وحرام وكل شيٍ غداء شين...كل شي بالإسـلام دربه حرابه
ديني عضيدي ماخذه غير بـ اللين...ودرب التشدد مابه إلا رعابه
رسولنا محمد وحنا مصلين...نمشي على هدى النبي والصحابه
بأسئلك يامسلم أبسئلك هالحين...سؤالٍ أحلى من حليب شرابه
وش ميز الإسلام وقت العريبين...وش وصله لأقصى الديار وعلابه
غير إن هو دينٍ واصله من اللين...ماهو بدينٍ للقتل فك بابه
خليتم الاسلام دين وسط دين...وظلمتم إلي عارض سلوم لابه
الخلق عارضنا وصرنا مع الطين...باسبابكم يامدعين الصوابه
فتوى وراء فتوى وكنا شياطين...القتل منهجكم يناطح سحابه
صحوه يقولون إسمهم هالمجانين...ياليتهم ناموا إلين النيابه
وش بعد ميكي رسمةٍ بالكراتين ...مرحوم ياميكي كلوك الذيابه
ياللـه ياربـي طلبنـاك جاثيـن...نطلبـك يارحمـان بالي تَـرَآ بـه
تشـوه الاسلام دين الميامين...وتجـدد الدين بشريعـات غابـه
اما هدايتهم الى دربنا الزين...واما الهلاك وروحت الي بداء به
>>>>> ردود الأعضـــــــــــــــــــاء على الموضوع <<<<<
==================================
حياك الله باالنيابه عن اهل البيت
وصح لسانك على القصيده الجزله لك كل الحب والاحترام
والله يعزالدين ويعلي كلمته
__________________________________________________ __________
حياك اخوي عازف سلمت وصح لسانك مبدع من اول اصلاله لك
تحياتي
__________________________________________________ __________
صح لسانك واعتلا شانك
__________________________________________________ __________
النايف ..الله يحييك يالغالي وصح بدنك ولاعدمنا شوفك
والله يعز الدين يارب..
رعش قلبي..الله يحييك اخوي ..وصح بدنك..وشاكرلك على الاطراء
ملكة الروايات والقصص..صح بدنك
__________________________________________________ __________
"" عازف معازف ""
مشكوور أخوي على القصيدة المميزة والرائعة بمعناها الراقي وتقبلني من معجبينك وننتظر جديدك وبالتوفيق 000000
أخوك : ضحكتي عنوانها دموعي
مسائك ورد من عطر..من عبق زهر...من انفاس لذّهـ
\
/
للحروف بين أناملك لمعان مختلف
توهج يرفض البقاء صامتا..!!
معصم تتدلى منه أهازيج الأمل القادم..!!
\
/
كن بخيرا..!!
رد مع اقتباس
