عنوان الموضوع : يالربع خآلي طلع تسذوب مضحكو جدا
مقدم من طرف منتديات الشامل

~~◄▓ يالرٍبع خآلي طلع تسذوٍب ▓►~~ ‏



السلام عليكم ورحمة الله وبركآته
الانترنتيين في منتدى الشامل الموقر و حفظكما الله وخلاكم لي يآفديتكم بس
بمآ آنكم غالين على قلبي وآرآئكم تهمني قلت لازم آخذ آرآئكم
آنآ عندي خآل تسذوب يالربع ولا آدري وش آسوي فيه
كل ماجلسنآ عند نآس قآم يسذب عليهم المشكله يفكرون آني تسذوب مثله
وآنآ يآفديتني لساني مايقول الا الصدق .. هع
..
..
طبعاً خالي معروف آي قصه يقولها لازم يحط نفسه بطل القصه مستحيــل يخلي آحد
بطل القصه ..
بقولكم بعض من القصص اللي قالها لي والمشكله للحين ماني مصدق
وثاني شي مستحيــل آقولكم آسم خالي لان عليه آسم من زود ماهو غريب الاسم
الناس يفكرون انه آوروبي ههههآي .. جدي الله يرحمه كان عنده جمل وكان مسمي الجمل آسم خطير يوم مات الجمل وبعد كم شهر خالي جاء وسماه نفس اسم الجمل
ههههههههههههههآي
..


القصه الآولى
يقول خالي مرهــ كنت مسآفر يقول وبنص الطريق حسيت بالنوم .. يقول قلت بقلبي
لازم اشوف لي حل .. المهم يقول فيه سطحه << يمكن بعض السحالي مايعرفون
السطحه .. السطحه ذي اللي يحطون عليها السيارات اذا خربت ويودونها
يقول شفت سطحه ومشيت وراها يوم وقفت عند محطه وباقي عن الرياض 460 كيلوم
يقول وقف راعي السطح يعبي بنزين يقول جيت بالسياره وراه وحطيتها فوق السطحه
ولا درى عني يقول حطيت جوالي على المنبه بعد 3 ساعات ونمت يقول يوم دق المنبه
الا باقي عن الرياض 80 كيلووو يقول ونزل السياره من السطحه وكمل طريقي
ههههههآي


القصه الثانيه


وهذي اللي عجزت اصدقها
يقول مره كنت مسافر << هو اذا قالي كنت مسافر عآد انا اعرف انه بيجيني صاروخ منه .. المهم قال مره كنت مسافر وماكان معي فلووس وكان ذابحني الجوع وقلت بقلبي
يارب ترزقني بفطور .. ووقتها مامعي الا ريال .. يقوول المهم وانا بالطريق صدمت
جمل المهم يقول الجمل مات وسيارتي ماجاها شي وكملت الطريق يقوول وانا بالطريق
شميت ريحة شووي يقول وفتح الغطاء كبوت السياره وحصل كبدة الجمل على المكينه
يقول ووقف عند بقاله وشتري خبز بالريال اللي معي وفطر على كبدة الجمل
ههههههآي لعنبو بليسك بوفيه مو سياره


القصه الثالثه


يقول مره كنت مسافر المهم وكنت ادور حمام (( آكرمكم الله )) << ترآ خالي ماقال آكرمكم الله بس انا قلتها
المهم يقول ويطلع رجال من الحمام ودخل الحمام يوم جيت بقفل الباب وحصل كيس فيه فلووس المهم يقوول وطلع ادور الرجال ولا حصلته وشوف نور سيارته من بعيد والحقه وينحاش الرجال يقول الظاهر انه قال ذا مجرم .. يقول ولحقه وينحاش
يقول والمهم انا افتح الكيس وعد الفلوس طلعت 225 الف ريال
يقول والحقه والحقه لحد ماوصلنا عند نقطة تفتيش المهم وقف ونزل من سيارته
وقال لشرطي ذا من اليوم يلاحقني يقول خالي ضحكت وقلت الاحقك عشان فلوسك اللي نسيتها بالحمام يقوول وجاء وعطاني بوسه على راسي وحلف اني لآخذ 10000الآف ريال وقلت لا اهم شي عندي الامانه .. المشكله اني جدتي الله يرحمها تقولي ماكان يسرق فلوسها الا خالي هههههههههههآي

مآيستفاد من القصه
1/ اذا كنت جالس مع شخص كذوب وتبغاه يحبك لاتقوله انت كذاب
رقع له ههههآي
2/ الواحد اذا جاء يكذب يدور له من الكذبات اللي تمشي مو مثل تسذب خالي


كان هنا نوفي اللي جعل لميس تقول لمهند طلقني


>>>>> ردود الأعضـــــــــــــــــــاء على الموضوع <<<<<
==================================

ههههههههههه

القصه الثانيه عجزت استوعبهـآ ..

يسلمو خيووو

__________________________________________________ __________
هههههههههههههههههههه..
خالك هذا خياله واااااسع..
يعطيك العافية..

__________________________________________________ __________
أولا القصه الأولى :
يعني راعي السطحه ما لاحض أن فيه واحد رقا فوقه
القصه الثانيه:
وشلون دخلت الكبده داخل الكبوت إلا إذا كانت السياره
رايحه فيها خربان ماينصك
القصه الثالثه:
ماشا الله خالك أمين بزياده
ولا واحد نازل من السياره بكيس فلوس فيها
225ألف لا ورايح مدخلها الحمام ونساها
أخاف بس كان ماسكها وهو في الحمام
الله يستر لا تجي التسذبه الجايه من خالك وش راح تكون

على العموم تقبل مروري

__________________________________________________ __________
ههههههههههههههههههههههههه
خالك زاحف الله يعينك عليه ويزيد من خياله الواسع
يعطيك العافيه
تقبل مروري


__________________________________________________ __________
ههههههههههههههههههـ
والله الظاهر إنت التسذوب
ههههههههااااييي ما صدقت ولا وحدهـ
خخخخخخ

يسلموو

أخي الكريم يعطيك آلف عافية على موضوعك الجميل مليء بالفكاهه