عنوان الموضوع : منوعات مختاره
مقدم من طرف منتديات الشامل

-




السلام عليكم ورحمة الله وبركاته

كيفكم جميعآ
حيآكم الله في موضوعي الي مابغى ينزل




المنيو /

- كاساديا دجاج
- مكعبات البطاطس < ماتوهقت
- مناقيش جبن
- سلطة سيزر
- بسبوسة الطازج
- بسبوسة الجالكسي
- حلا السميد



راجعة




كاساديا دجاج



المقادير/

فطيرة الكاساديا < تحصلونها جاهزة بالسوبر ماركت مكتوب عليها فطيره
دجاجة – بصل – فلفل رومي – خس – ثوم - جبن قشقوان – جبن موزريلا
الطريقه /
نحمر شرايح الفطيره على الصاج
ونظبط الحشوة دجاج مسلوق منتف نتبلة ب " م ص خردل – م ص خل – فلفل اسود – رشه بسيطة كزبره مجففة - كاري – ملعقتين صغار صويا – 4 ملاعق قشطة الخفق
نحمس البصل ثم الفلفل الرومي مع فص ثوم
ثم نضيف الحشوة واذا قربت تستوي نضيف فصين ثوم زيادة يطعم
واخر شي نضيف خس مقطع صغار + ملعقة ك جبن وملعقه ص مايونيز

ونحشي الفطيره ونرش عليها جبنة قشقوان وجبن موازريلا وندخلها الفرن تذوب



مكعبات البطاطس



المقادير
2 حبة بطاطس مقطعه مكعبات بقشرتها
نص فنجال زيت زيتون
نص فنجال ليمون
نص ملعقه صغيره ثوم ( و اللي يحب الثوم اكثر ممكن يزيد )
كزبره مفرومه تقريبا نص كوب
فلفل اسود
ملح

والطريقة /
تسخنين زيت الزيتون و تضيفين الثوم و تقلبينه شوي , بعدين الكزبره , بعدين الليمون و الدبس و الملح و الفلفل , قلبيهم شوي بعدين ضيفي البطاطس و قلبيه شوي


مناقيش جبن /


أي طريقة عجينة خبز عربي عندك واحشيها بجبن سايل وموزريلا وقلبيها على الصاج لحد ماتذوب

العجينة /



لآني مو انا الي مسويتها خالتي مصلحتها وماتعرف بالظبط بالمقدار
جبت لكم طريقتها " دقيق وخميره وحليب بودره ورشة سكر ورشة ملح وزيت وتعجنها بموية وتخلينها لينه شوي "


سلطة سيزر

المقادير :
خس + خبز محمص + صدور دجاج + صوص فرنشلي " بلو تشيز "
الدجاج / نتبلة ب فلفل اسود وليمون وخل وملح ونقلبة على النار لحد مايستوي
ونحمص الخبز ونضيف عليها الصوص





-

بسبوسة الطازج

لذيذه وسهلة بشكل

المقادير /
كوب سميد
كوب حليب بودره
كوب سكر
ثلاث ارباع كاس زيت
قشطتين ( استبدلتها ب قشطة وملعقتين حليب نستله )
ملعقة كبيره بكنج بودر
بعدين تحطينها بالصينينه ..
وتحضيرين الشيره هي عباره عن حليب كامل الدسم ( ابوقوس) او اي نوع + فنجانين سكر
اتركيها لين تغلي وبعدين خليها على جنب على ماتستوي الببسبوسه يكون الشيره شوي بردت امسحيها على الصينيه

بسبوسة الجالكسي


المقادير :
3بيضات + رشة فانيلا + بيالة زيت + علبة قشطة
وبنفس علبة القشطة
" علبة ونص سميد + نص علبة جوز الهند + علبة سكر "
م نسكافيه + م كاكاو + م بكينج بدر
علبة حليب نستلة المركز المحلى
2 جلاكسي سادة
الطريقة / نخلط المقادير السايلة وبعدها نضيف عليها باقي المقادير مع الكاكاو والنسكافيه ونخلطه حتى يتجانس
بعد ماتستوي نصب عليها النستله ونبشر الجالاكسي

حلا السميد


مقـادير/
كوب سميد - كوب حليب بودره - كوب سكر ناعم - قشطة / 4-5 حبات جبن كيري -ثلثين علبة حليب نستله / هيرشي

الطريقة /

الطبقة الاولى /
على النار السميد وحليب بودره لين يشقر لونه بعدين اضيفي السكر الناعم واعجنيه بقشطة
ثم رصيه بالصينيه
الطبقة الثانيه /
بالخلاط الجبن الكيري والنستله ثم اضيفيه على الطبقة الاولى ودخليها الفرن من فوق لحد مايتماسك بس لايتغير لونه
ودخليها بالفريزر بعدين طلعيها وظطبيها بالهيرشي وبعدها بالثلاجة


وبكذا انتهى موضوعي
ان شاءالله يكون عجبكم واذا عجبكم ادعولي ربي لاتذرني فردا وانت خير الرازقين

منـــقــول




>>>>> ردود الأعضـــــــــــــــــــاء على الموضوع <<<<<
==================================

الله يعطيك الف عافية
وامين ربي يعطيك الذرية الصالحة

__________________________________________________ __________
يمي يمي يمي يمي يم
وربي كل وصفه له لذه خاصه
تسم الايادي الي نقلت هالموضوع الشهي
ننتظر جديدك من الاطايب بكل شوق
تقبلي مروري ولك ودي وردي

__________________________________________________ __________
يعطيك العافيه ...............

__________________________________________________ __________
أطباق شهيه



يعطيك الف عافيه



ودي وتقديري





__________________________________________________ __________
اللهم ارزقها الذريه الصالحه ولاتحرمها وانت خير الوارثين
اطباق شهيه متنوعه
سلمت يداكِ اختي
بإنتظار الجديد من اطباقك ..