عنوان الموضوع : ليه هالتكاليف كلها ولا بس فشخره قدام الناس ؟؟ - نقاش
مقدم من طرف منتديات الشامل

السلام عليكم
بقولكم اليوم سالفه صحيحه صارت لي بس عاد في منها هدف وابيكم تجاويون علينا بعد ما تسمعون السالفه ،،،،

نقولكم السالفه : عندي اخت بالرضاعه عزيزه علي بالحيل وزوجها يقرب لي اتصل علي زوجها ابونواف وشلونك بخير الحمد لله ابشرك وصل راشد ،،،، ما شاء الله الف مبرووووك يتربي بعزكم وجعله من الصالحين ،،،، منيرة امه اخيتي وشلونها عساها طيبه لا ابشرك بخير عملية قيصريه بس الحمد لله كلش تمام الله يبشرك بالخير ،،،، اجل اسمع انا بجيكم بكره الساعه 10 في الليل الين خفو الحريم عشان ما يصير الا انا وانت وام راشد على خير فمان الله ،،، ( طبعا عندهم بنتين واول ولد يجيهم فرحانين فيه ،،، توم كروز على غفله ) .

كلم علي ابوراشد قبل موعدنا بثلاث ساعات اقولك يا ابونواف الولد بنجيبه للغرفه لو سمحت لا تتعطر وقبل لا تدخل سكر الجوال اخاف انه يؤثر على الولد ابشر يا ابو راشد ،،، الله يخلي لهم هل الولد اكيد اطخم حلوووووووو مره .

رحت الساعه 10 بالموعد وطفيت الجوال ولا تعطرت ومريت باتشي اخذت لي حلا بعد هاذي اختي لازم اخذ لها شي زين ورحت للمستشفي ووصلت ودورت على غرفة 1217 وجيت للغرفه ولا عند الباب اعتقد تقريبا فوق 30 تفيخه!!!! ( نفيخات ) ( تفافيخ ) ( بلونات ) عشان تعرفون المعنى ،، كلها زرق واشرطه زرق وورود زرق وبالانجليزي مكتوب بيبي وحركاااااات انا شكيت ان هاذي الغرفه بس طقيت الباب ويطلع لي ابو راشد هلا ابونواف حياك تفضل زارتنا البركه هلا باختي مبرووووووووك ما جاكم يتربي بعزكم وجعله من الصالحين الله يبارك فيك اخيي وين راشد هذا هو بسريره تونا جايبينه من الحضانه اوكي اجل ابشوفه توني رايح ولا ابوراشد يقولي اذكر الله يا ابونواف قول ما شاء الله ،،، ما شاء الله
.
.
واشوف راشد ولا راشد الجبهه خمس سم قدام والعيون تقول ازارير ثوب والخشم ما اشوفه ما شفت الا فتحتين واشهب على ابوه اول مره اشوف ولد ينولد اشهب واتذكر الحلا واتحسف اني جايبه على هالجبهه بس خلق الله حسن والحمد لله رب العالمين عاد انا من المجامله يا حلوه يا زينه ما شاء الله وامه وابوه خششهم شوي وتسعبل من المدح ها يا ابونواف وشرايك بهالاطخم ،،، لا ما شاء الله الله يهنيكم فيه ويبعد عنكم العين الله يستر لا ينضل اقروو عليه المهم تقهوينا وسلمت عليهم واديت الواجب وطلعت وانا طالع واطلع الولاعه من جيبي من القهر وولع بتفيخه وتنفقع وانحاش للسيب .

سؤالي الحين : طبعا انا شفت السيب يا تفيخات ورديه يا سماويه بس ابسالكم بالله مثل اختي ماخذه جناح بعد الحين يومنكم تحطون هالامور كلها وكما سمعت يعني من اخيتي الثانيه انه في بعضهم يجيبون صبابات وحلويات وورووود وهالتكاليف كلها بالله عليكم ليه ؟ يعني انا يومني انولدت بالبيت ضرني شي ؟؟ يعني انتو حريم هالوقت وش فيكم زود وليه هالتكاليف كلها ولا بس فشخره قدام الناس ؟؟ رجائي من الاخوات تردون علي وتفهموني ولا تقولون انكم ما تسوون كذا في اشياء يمكن ما اعرفها بعد بس والله ماله داعي اللي تسونه كله ،،،
ننتظر منكم التعليقات ويعطيكم الف عافيه

>>>>> ردود الأعضـــــــــــــــــــاء على الموضوع <<<<<
==================================

لازم نسوي هالكشخه ولا شيقولون الناس عنا
بس عاد مو زياده عن الزوم الأفضل أن يكون في الحدود المعقوووول

__________________________________________________ __________
انو انت مش عاجبك تكاليف الحفلات للبيبي ....

عادات وتقاليد....الاهل بكونوا فرحانين بالبيبي ...وبعدين بضل هاي الاشياء ذكرى ...بكرا البيبي رح يكبر ...ويشوف هدول الاشيا ....ذكرى وتعبير عن الفرح ...المشكلة انو في نسوان بتبالغ بالامر كتير ...وهادا الغلط بالموضوع ..
يعني ممكن الاهل يعملو احتفال بالمولود الجديد بس ما يكون في مبالغة في التكاليف ..

يعطيك العافية ...

__________________________________________________ __________
بصراحه ابو راشد زودها شوي
يعني لو وحده من البلونات انفجرت بغرفه اكيد بيفز الولد بيوقف قلبه
على العموم مبرووووووووووووووووووووووك وعقبال
مايجبون ريكي مارتن


__________________________________________________ __________
سلااااااااااااااااااااااااااااام اخوي أبـونواف
من جهت الولادة بالمستشفى هذا امر على حسب
حاله المرأة الحامل او مادية رجالها , اما البذخ
اكيد في ناس تحب وتستحب الشيء , أنا لو متزوج
ويجيني ولد او بنت عدي قروش عادي .
تقبل مروري المتواضع اخوك
حمود بن عدوان

__________________________________________________ __________
بصراحه هو مو شئ ضروري بس عاد انت تعرف لزوم البرستيج ولازم الواحد يفرح بالبيبي بتاعوه

وعشان مايكون فيه احد احسن من احد يعني شغلات حريم الله يعينكم علينا....

وتحياتي.....

شوف يا ابو نواف

اعتقد انه مافى حد اليومين دول بيولد فى البيت لان الحريم ماعادت تستحمل وللامان برضوا
يعنى فى حالات تستلزم وجودها بالمستشفى وزى ما انت قلت انها كانت قيصريه يعنى لا بد من المستشفى
ولكن الفشخرة اللى مالها لازمة ده اللى مايعجب حد
طيب تسوى اللى تسويه فى البيت ايه لازمتة فى المستشفى احنا كامصريين بنسوى سبوع للطفل يعنى بعد سبع ايام نذبح عقيقة للطفل وشويه حلويات وملبس للعيال وخلاص طبعا الكلام ده للناس المتواضعه
اما الناس المتفشخرة على قولك
بيسوا السبوع فى النوادى فى قاعات الافراح
فلا تستغرب على العالم يا ابو نواف
وعلى راى اختنا غدى

اللى معاه قرش محيرة يجيب حمام ويطيرة

مشكور اخى العزيز على طرحك
وننتظر جديدك
تحياتى لك
اوركيديا