عنوان الموضوع : معايده للغالين شعر رائع
مقدم من طرف منتديات الشامل

السلام عليكم ورحمة الله وبركاته


كل عام وانتم بخير احب اعايد الجميع بمناسبة عيد الاضحى المبارك ......


وحبيت اطرح لكم هذه القصيده المتواضعه وهي اول مشاركه
لي بهذا المنتدى العريق ... واتمنى ان تنال اعجابكم ..



هات القلم بكتب من القلب بيتين

.......... لاصار كلن بالقصايد يعايد

العيد ماهو لبس ومصافح يدين

.......... وذبح الذبايح واتخاذ العوايد

العيد في لمت قلوب المحبين

.......... ورجعت عزيزن غاب واليوم عايد

وعيدي انا لاشافت العين غالين

.......... طلت بتول وشوف فارس ورايد

لاصارو عندي اصبح العيد عيدين

.......... وشوقي لهم في كل لحضه يتزايد

ماني بعم ألأ عيالي وعزيزين

.......... ونايف اخوهم وخامس القوم فايد

يالله تحميهم من النفس والعين

.......... وغلاهم اكبر لو كتبت القصايد

والله مخليهم وعندي الوعد دين

.......... بثي يأذاعه وانشري ياجرايد


... أخوكم ... ماجد النومسي .........

>>>>> ردود الأعضـــــــــــــــــــاء على الموضوع <<<<<
==================================

صح لسانك يا الغلا .... يعطيك الف عافيه ع الابيات الرائعه ...

كلمات راقت لي بالفعل اهنئك على صوغهاااا وتغليفها بأعذب الالحان وتقديمهااااا


لك ودي ....

__________________________________________________ __________
والله مخليهم وعندي الوعد دين

.......... بثي يأذاعه وانشري ياجرايد

لله درك ياشاعرنا الموقر ماجد ماقصرت والبيت هذا عن قصيده .. وكل عام وأنت بخير ومن تحب بخير وسلامه الله يجمعكم دوم على الرضى والسعاده ..ويخليك لهم ويخليهم لك..اخوي تقبل مروري وتحياتي وأعجااااااابي....

__________________________________________________ __________
وانت بخير يااارب

صح لساانكـ كلماات رائعه كروعت حضورك
كل الشكر لك ع الانتقاء الرائع

دمت بوود ..

__________________________________________________ __________
وعليكم السلام
وكل عام وانت طيب

صح لسانك ولاهان منطوقك
وعساك ع القوه اخوي
ابيات جزيله ورائعه

بإنتظار نزفك

تحياي ريميه

__________________________________________________ __________
كل عام وأنت بألف خير يالنومسي وعيدك مبارك

عسى الله يحفظ لك عيالك ويخليك لهم ويعيد عيدكم بكل خير وأنتم مجتمعين

دمت بخير وتوفيق وبحفظ الرحمن

صح لساااااااااااااانك يالغالي
وكل وانت بالف خير