عنوان الموضوع : هذي قصتي من 15 سنه من الواقع
مقدم من طرف منتديات الشامل

الســ عليكم ورحمه الله وبركاته ــلأأم
صباحكم عاطر بالورد والسعاده
ومسأئكم ـ فرح وليل هادئ بدون عذاب

ندخل بالموضوع
هذي فصتي من 15 سنة يامن تقولين ليه نكك كذا

( يامن تقول/ي لـأن انسى حبيب/ت ي)
اليكم قصتي وقصه بعض البنات والشباب اللي تعرفت عليهم لجل نكاتهم حزينه جدأ


انا احب بنت عمي وانا عمري 8 وانا عمري الحين 23

كنت اعشقها من الصغر كانت هي حياتي وهي كل ما املك بالكون كان يسئلني اخوي وهو طبعن عمها من الرضاعه من في بالك واقول له *** ويقول هذي لـ ولد عمك راحت الايام والسنين وطبعن اخوي كبير بـ السن ولد عمي هذا يعني مستحيل يزوجه عمي لنه مهجول ولا يصلي ولا شي وكنت انا اقول هي لي وكنت اسئلها اقسم بالله العضيم كنت احبها وانا عمري 8 سنوات بس البنت ما ادري هي تحبني او لا راحت السنين هي مو من السعوديه طبعن من الدول المجاوره ورجعت بعد 3 سنوات وكانت بس معي كنت ما العب مع شي اسمه عيال وهي ماتلعب مع بنات نلعب مع بعض تقريبا
عمري11 قالت لها انا احبك وبادلتني بالشعور مدري هي فاهمه معنى الحب او لا وكنت اقول لها مستحيل افارقك وتقول لا مانتفارق نكبر ونسير مع بعض كنت اشوف الكون فيها كنت ما افقد اسمها ولا صوتها
طبعنا مع مرور الوقت ويشوفوني عيال عمي معها يجون ويقولون والله لو تموت ماتتزوجها وكنت ابكي وادعي عليهم جاء ولد عمي اكبر مني قال اذا تزوجتها لك الدنيا كلها راحت السنين وصرت ما اقدر اشوفها قالو لي ان ولد عمي يجلس معها وهي تحبه وقلت لهم استحاله وكان اخوي يقول مستحيل هذي مو لك صحيح جمال بس ماحبيتها لجل جمالها ,قالو لي انها تقولـ ولد عمي احبك وكنت جاهل كل كلمه ابكي عليها راحت السنين ابي بس اوصل لها عشان اسئلها كنت اخاف اقول لـ احد لن ماعندي الجرئه اني اقول لهم او اخبر احد وطبعن ماعندي خوات لجل اقول لهم يوصلون لها الكلام مرت شهور وسنين وسمعت الوالده تقول لـ ابوي اخوك بيزوج بناته لـ عيال اخوه الكبير وانا جنبهم بكيت قالت امي وش فيك قلت ولا شي طلعت كنت اكتم بقلبي ماقلت لـ اخوي من بعد اللي صار اني احبها يحسب اني نسيتها سافرو لـ ديارهم رجعو بعد تقريبا 4 سنوات كنت بسئلها ماقدرت ابي اوصل لها بشوف تبيني او لا لني سمعت عيال عمي يقولون ماتبيك هي تبي اخوي والله لييييل نهار ابكي اوسوس صرت ما افكر بـ دروسي اقوم اخر الليل ابكي واجي اسجد ابيها ارجع انام احصلها بالحلم وزني 40 خلاص رحت فيها وانا يمكن عمري 19 اخذوني المستشفى لن بس يغما علي قال الدكتور تحب .!!؟ قلت لا وطبعن طلع الوالد برا لن الدكتور قال بجلس معه وسئلني بالله قال اسئلك بالله تحب قلت لاتقول كذا بس انا ما احب قال ليش ؟؟ ماتبي تجاوبني قلت له لن اللي احبه ماسوا فيني كذا ..! استغرب قال كل ذا ماتبي تقوله بكيت عنده وهو ماله دخل فيني ولا يوصل عمي قلت لو اقولك اللي بقلبي بتساعدني اخطبها استغرب وقال والله عيوني بتدمع ياخي حرام عليك عمرك كذا ووزنك مره رايح فيها قال حس بنفسك قلت والله مو هي اللي عذبتني الناس وكلام الناس
قال لي ياتنسى ياترا بتنتهي حياتك لنك خلاص جسم بلا روح مافيك حتى شي يقويك ويقومك طلعت وقال لـ الوالد عطوه اللي يبي لني قلت له مايقول لـ ابوي كنت اخاف يقول شي.راحت الايام وولد عمي بس يكتب اسمها واخوها راضي انه بيتزوجها والله ابكي قدامه اترجاه يبعد لنه يقول انا بتزوجها عناد فيك وطبعن كبير قلت له ماتهنيت بيوم طول عمري اللي راح لاكن عسى ربي يعذبك طول عمرك والله صرت اسجد ليل نهار ان ربي ياخذه وفكني منه قلت له والله ادعي عليك قال لا لاتخوفني انقلع لنه كان مايصلي .. صرت ادعي ربي لليل نهار بعد اسبوع قالو صار عليه حادث بـ غرفه الانعاش وجاه نزيف داخلي لنه كان سكران وصدم وبين الحياه والموت اول ماقالوه لي بكيت اشوفه بغرفه الانعاش اجي بموت من القهر لني ادعي عليه لليل نهار وكان يقول لي شيخ لا هذا قضاء وقدر بعد فتره طلع من غرفه الانعاش وصار بغرفه المراقبه والزياره كنت اشوف راسه ابكي لنه متورم عيونه ما شوفها رايح فيها كل الزجاج بوجهه جيت وشافني وبكى وعمي عنده ويناضرون فيني وفيه وقال لي دخيلك سامحني ما قصدي استهين فيك واللي ببالك اقسم بالله مابيها عمي استغرب بكيت وطلعت وكنت اذا وقفت يغمى علي على طول يعني ما اوقف كثير طلعت برا وجلست وسئلني عمي قلت مدري وسكتت ورجعت لـ الرياض بس تدرون والله ابكي وفرحان انه بيتركها لي راحت الايام وطلع من المستشفى وصارت حالته عادي جاء بعد فتره قالو تقدم لها ولد عمك وعمك رفض يزوجه .! استغربت لنه قال والله مابيها دق علي وقال عناد فيك والله اخذها وتشوف بيننا الايام طبعن عمي مره رفض وطرد عمي ابو الولد اللي بيتزوجها لنه راعي شراب.. فرحت قلت مافيه الا انا لها وكل ماقلت لـ احد ضحك وعطاني ضهره وقال لو تحب السماء على الارض البنت مو لك .. طيب وش ذنبي ليش العذاب هذا من الناس راحت السنين وسكنو بالسعوديه وكنت ازورهم وكانو عياله وعمي ابو حبيبتي كانو عيوني وصرت اجيب واعطي واخذ وادرس عشانها عشان اتزوجها اذا خلصت دراستي والله اسم مدرستي نفس اسمها ـ وضمان جوالي نفس اسمها ـ وسيارتي عليها اسمها مدير المدرسه يعرف اني احب المدرسه عشان اسمها وكلهم كانو ينادوني بـ اسمها صارت روحي
قلت لـ اخوي ان انا احبها وترا مستحيل اتزوج غيرها وماتوقع يقول طول العمر تحبها قلت اسئل كل البشر ويعرفون اسئل اي عامل والله يقولك اني اشكي واتعذب لـ حالي
قال قول لـ امي تقول لـ ابوي وطبعن ابوي انا اغلى عياله قلت لـ امي وقالت كل ذا حب قلت دخيلك اذا بتلحقين على عمري زوجيني بنت عمي قالت اشوف حالتك كذا قلت لا مو هي هذا انا ما احب اكل مع اني اكل لاكن الهم ياكلني اكل قالت بكره اكلم ابوك قلت اذا بتلحقي على ولدك قلت يمه دخيلك انا تعذبت طول عمري الهم انا وياه عشرت عمر بكت عندي تقول لاتعذب نفسك يمكن مو لك قلت حتى انتي قالت مابيك تعذب نفسك ابوها صاير يرد الناس اكيد فيه شي مريض
من بكره حصلت امي كلمت ابوي
لن ابوي جاني اخر الليل وقال لي عبدالله انا خطبت لك بنت عمك قلت اكيد قال بس الصغيره قلت لااااا مابيها حرام عليكم قال امزح خطبت لك بنت عمك اللي انت تبيها فرحت والله مدري ايش اسوي صديت عن ابوي ونزلت دمعتي وطلعت برا اسجد عند الباب
المهم رحت عمتي وقالت لـ بنت عمي قالت عبدالله نشب لـ ابوه وامه عشان يتزوجك لنه يبيك من وهو صغير ..؟ قالت بنت عمتي يحبني لـ الحين يعني هو يبادلني الحب قالت عمتي انتي تحبينه قالت اقسم بالله ولا يوم غاب عن بالي يوم قالت لي عمتي جيت بنجن خلااااص الكون مابيه فرحان وتخيلو شفتها وفرحت نفسها ماتغيرت لنها قابلتني وقالت ابيك انت تبيني عبود بوست ايديها قلت كيف تسئليني السؤال هذا انا ماعمري تهننيت من يقولون انك مو لي بكت وقلت لها بس قولي انتي توافقين لـو جاك غيري قالت لو يموت

طلعت برار.. فرحان حت وخبرت اعز الناس عندي وتعرفون خبر العيال انا في حائل وهم في الرياض ويقسمون بالله انهم يجون لـ حائل جو نصفهم ودق علي المدير مدير المدرسه لنه راعي فلوس وعادي يسولف مع الشباب قال لي بالله خطبت قلت ايه قال الله يهنيك ويسعدك لا اوصيك وفرحان من كثر العالم واتصالتهم
قال لي واحد عبدالله تخيل ابوك يمزح معك ناضرت فيه وقلت لا استغفر ربك بس ياخي قال لا جد تخيل قال انت قلت له صادق ..؟ قلت كيف تبيني اقول لـ ابوي انت صادق قال يمكن يمزح عشان تروق وتكمل دراستك قلت لا عاد تكفون لاتحرموني الفرحه قال مالي دخل انا قلت الا لك دخل وش جاب السؤال هذا الحين وتضايقت مانمت انتضر لما يجي بكره بسئل ابوي
المهم صحيت من النوم حصلت عمي وولده الكبير عندنا قلت غريبه وشوفهم يبوسون راس ابوي ..
ولد عمي عمره 30 تقريبا بس ذا مستحيل يتزوجها لنه كان مايجي عندنا ولا يجي عند ابوها كثير
سكتت ورحت توضيت وصليت العصر ماسلمت لني رجعت ماحصلتهم
المهم طلعت مع العيال وكلهم ضحك وسوالف وقال واحد عبدالله سئلت ابوك يمكن تتعذب مابيك والله تنصدم قلت له لا ماعليك انت بس اسكت ياخي قلبي يوجعني
رجعت في الليل حصلت ابوي وامي جلست عندهم ضحك ابوي قلت وش فيك قال شفت ولد عمك خالد طبعن هذا اللي مايجي ولا يعرفنا مو اللي صار عليه حادث
قلت ايه وش فيه وضحكت ابتسم قال انا رحت معه جهيه (يعني رحت اخطب له ) قلت مبروك مين .؟ قال بنت عمك .!!!! استغربت قلت طيب مين قال ***
نزلت دمعتي قلت كيف حرام هذي لي قال اصبر وش فيك قلت انت امس تقول انك خطبتها لي قال لا انا امس اقولك شد حيلك ترا بنزوجك البنت وبكيت قال عبدالله انا ماشفتك كذا بحياتي وش فيك قالت امي انساااااها بكييييت قلت اذا تبوني انساها والله انسى الكون قالت امي راح تنساها طبعن رده الفعل وغلات البنت انا قلت لـ امي انساك ولا انساها شوفو الحب وعذابه تخيلو يناس والله حرام طلعت ابكي ماني مصدق وطحت يشيلني ابوي يقول وش فيك اول مره والله يبكي ويقول لاتحرق قلبي قلت له انت ناوي تذبحني ليش سويت كذا قال انا رحت عشان عمك لنهم نشبو لي قلت له ليش طيب تروح معهم وتترك ولدك يموت قال لا عمك اصلن ماوافق قلت له طيب وش قال عمي قال عمك زعل علي يقول بنتي مابي ازوجها احد قلت له حرام عليك كان موافق يزوجني وانت تبي تسوي كذا قال اطلب من بنات الدنيا لو اقطع روحي عشانك قلت له تكفى طلبتك ابي بنت عمي قال عمك مريض ماندري وش فيه قلت خلوه الحمد لله انه مريض ولا كان زوجها الناس مريضه لن ولد عمي خالد اللي عمره 30 قال لـ عمي الله يلعنك انت وبنتك ..وطبعن قلت ل ـ ابوي ليش سبها وش ذنبها بالله هذا يحب هذا نصاب .
وقال ابوي انت تحبها قلت ايه
قال تكلمها تجلس معها قلت لا بس علمتها وهي تبيني قال خلاص نكلمها لك بس لا اشوفك بالحاله هذي قلت طيب الله يرحم والديك وابوس راسه لاتقول لي انساها قال وعد ما اقوله ووعد احاول ازوجك بنت عمك لن عمك رفض كل الناس وصرت اتحلم انها متزوجه اقوم ابكي يجي اخوي يقرا علي يقول نام واقول وش ذنبي البنت تبيني وابوي يدق على عمي وعمي يقول له نشوف بعد 3 سنوات تعالو اخطبو الحين مافيه زواج وراحت السنين وانا على حالتي قال اخوي طيب لو تزوجت وش بيصير قلت بتنتهي حياتي وقلت تكفى لاتقول بتتزوج انت بس اسكت وخلوني بحالي لاتطرون عندي شي سكت اخوي وراحت الايام ابوي يسولف عند اخوي واذا جيت من التطبيق سكتو اشوفهم يقولون جاء جاء ويسكتون استغرب واضحك وادخل راحت الايام جلس معي اخوي وقال لي تذكر يوم كنت بنتحر عشان اللي حبيتها وانت بنفسك ياعبدالله نشبت لي طبعن اخوي عمره الحين 29 قلت ايه الزواج قسمه ونصيب انا بس بسكته خفت يتذكر شي لنه هو متزوج قال عبدالله مشاعل تزوجت خالد طبعن ولد عمي اللي عمره 30 طالعت فيه سكتت قال وش فيك قلت لا مافيني شي والله مابي اضايقه قمت بروح غرفتي قبل اطلع مع الباب اغمى علي وجلست بالمستشفى جاني شيخ يقرا علي وقال لي ترا والله راح تنساها النسيان نعمه من الله تخيلو امسك المصحف واحلف يسحبه من يقول راح تنساها اخذت جوالي ودقيت على ولد عمي خالد اضن مايدري اني احبها قلت له انت خطبت قال ايه قلت تزوجتها وانت كنت تسب ابوها قال ايه خطبت قلت الله يسعدك وانا ابكي وسكرت ودق على ابوي ودق على اخوي قال عبدالله وش فيه كانت قال هو يحبها ليش ماقلتو لي ياخي حرام انا تزوجت البنت عشان جمالها قال اخوي ماعليك انسى تخيلو عمي جاني في المستشفى وقال عبدالله البنت انا سئلتها بنفسي قلت تبين عبدالله او خالد قالت لا ابي خالد ...بكيت قلت طيب ليش عذبتني وقالت لاتتركني قال هذي البنات مثل الحيه تمشي على الارض وتتغير بكل مكان طالع فيني الشيخ وقال ان كيدهن عضيم لو تقولك اي بنت راح ما انساك اسكت واعرف انها تنسى ويضرب الكرسي عندي الشيخ ويقول اللهم طولك ياروح ياخي والله البنت اذا تزوجت وصار اللي صار انها تنسى اهلها كلها بس ماتنسى ربها واللي تزوجها ودخل عليها لليله الدخله وفهمت وسكتت
سجدت لـ ربي وانا ابكي (يارب دامك ماجمعتني معها يارب ياحي ياقيوم ياودود يامن بيدك ملكوت كل شي يامن تقول كن فيكون اللهم يارب ياودود مثل راحت لـ غيري اغسل قلبي منها ونسني هذي البنت ) اقسم بالله ياناس اقسم بالله العضيم رجعت نمت وصحيت والله والله والله وجعلي افقد امي وابوي ـ صحيت وانا اضحك استغرب اخوي لني صحيت مبتسم قال وش فيك قلت مافيني شي وسولفت وجيت حالتي متحسنه وجلست فترات ماصرت اتذكرها ولا افكر فيها اخوي يقول فضفض لي صحيح رحت وتعلمت عزف العود وصرت اغني بس خلاص طارت من حياتي بعد 3 اشهر صرت عادي بس بعض الاحيان ابكي اذا تذكرتها وخاصه اذا شفت بنتها وصرت اذكرها بالخير واضحك قال لي ابوي كنت احب وكنت بموت بس نسيت واخوي قال لي شفت انك تنسى وقال لي الشيخ انا جربت اكثر من الفين شاب وشابه ويقولن ماراح ننسى وفي الاخير ينسون ويعيشون احلى حياه ويقول اكثر اللي يقولون ما انسى ومستحيل ويحلفون بالمصحف هم البنات وبعد شهور تعيش حياتها وتنسى الدنيا كلها
هذي حياتي وهذي قصتي فيه بعض الامور لاكن ماذكرت لنها تجنن الانسان

وراح اقولكم باقي القصص لـ بعض البنات وشباب عاشرتهم 4 سنوات بس عشان اعرف وش يفكرون فيه وكيف الحب وهل ينسون
طبعن كلهم يقولون لا والحين متزوجين ويضحكون على ايام اول

*
انتضروني يامن تقولون لـن ننسى حبيبـ ي/ تي
لــ اجل ان اخبركم بـ قصص اكثر من 300 شابه اقسمو ان ماينسو اللي حبوهم ومستحيل يتزوجون غيرهم وكذللك الشباب لاتقولون لن ننسى
اقسم بالله وبجلاله راح يجي اليوم اللي تنسى لن النسيان نعمه من الله وتتذكرون
*اخوكم *
الذي اقسم بانه لاينسى صحيح اني اذكر بس خلاص اعتبرتها عاديه والله يذكرها بالخير والله يسامحها

تخيلو بقولكم عن شي ومختصر ( كنت اعرف وحده نفس اسم بنت عمي اعتبرها مثل اختي قالت لي وتبكي والله انسيك بنت عمك وانسيك اهلها بس حبني مثل ماتحبها وصارت بس معي طول عمري وصارت تسئل وصارت كل شي وتبكي عندي واخر حببتني فيها يوم عرفت اني حبيتها نكرت وحصلتها مع صاحبي مع انها حلفت على المصحف ماتنساني حصلتها مع صاحبي بـ سوق يوم شافتني كانت بتموت من القهر لنها جننتني قالت لي مره انا انخطبت وراحت عني فتره ورجعت لي بس عشان انها تعذبني )
اخ بس

حب صداقه واخوه في الزمن هذا لاتقول لـ شخص احبك والله يعذبك لو حلف لك مليون مره راح يعذبك
واصابع ايديني مو سوا تحياتي



>>>>> ردود الأعضـــــــــــــــــــاء على الموضوع <<<<<
==================================

الإنسان لايأخذ إلا نصيبه
الله يعطيك العافيه
::
زهرة من تقدير أتركها هنا لأجلك

.................................................. . ............. ..... دمت بخير

__________________________________________________ __________
تسلم اناملك تحياتي وودي

__________________________________________________ __________
أهم شي ان يكون الحب لله وفي الله

صدقني هذا هو الحب الرائع والذي يستمر بإذن الله

قصتك مدهشه ولكن نهايتها (( تعلمت عزف العود ))

وكأنك تكافيء نعمة النسيان بالحجود

هل نسيت قيام الليل وتضرعك لله بأن يبدل حالك بأفضل

اتمنى ان تعيش حياة المطمئنين وان تبتعد عن وحل الحب الزائف

وان تعلم ان الزواج = الحب = الاستقرار = الأمان

فاقدم عليه واترك خرافات الحب لأهلها الوهميين

__________________________________________________ __________
عزيزي الفاضل
طغت عليك العاطفه فخسرت صحتك الغاليه ووقتك الثمين
شكرااااااااااااااااا

__________________________________________________ __________
قصتك حزينه !!
ولكن لو انك استبدلت ( تعلمت عزف العود ) بـ ( حفظت القرآن ..أو اي عمل خير آخر ) لكان أفضل
لك .. ارجوا من الله أن يهديك الى الطريق المستقيم ويثبتك عليه ..
دمت بخير ..

المشاركة الأصلية كتبت بواسطة &~معزوفة القمر~ &
هلا همهوم .... بجد تأثرت بقصتك وانا من اول حاسه انك كاتم في صدرك حزن كبير بس الحمد لله طلعت اللي بصدرك عشان ترتاح, وضحايا الحب كثير وانت واحد منهم

بس عندي ملاحظه بسيطه على كلمه قولتها ماعجبتني انها تطلع من واحد متعلم وقلبه كبير مثلك وهي:



في احد يقدر ينسى صاحبة القلب الكبير والحنون امك ثم امك ثم امك
قلت لحبيبتك احلى الكلام وقالت لك ما اقدر انساك ونسيتك وامك قلت لها انساك ولا انساها وما زعلت منك بالعكس كان قلبها على قلبك لو تلف العالم كله تدور قلب مليء بالحب والحنان ما تلقى مثل قلب الام ولو العالم كله نساك امك ماراح تنساك
وانا اللي اعرفه ان الجنه تحت اقدام الامهات وليس الحبيبات والعشيقات
وهدفنا في النهايه الاخره وليس الدنيا وملذاتها
"امكن قلت الكلمه في حالت غضب بس المشكله انها ان قالت الكلمه!"

وبالنسبه لحبيبتك انا ما ادري ايش اللي عجبك فيها امكن جمالها ولاٌ قلبها ولاٌ عقلها ولاٌ عشان العشره من الصغر
بس المهم عندي اذا كنت تبغى السعاده والراحه ابحث عن من تملك قلب حنون وعقل رزين ولا بئس اذا كانت جميله صدقني بتلقى راحتك
معاها

ومثل ما قالت الاخت ليش تقابل الجميل بتعلم العزف والغناء ....الاستغفار وذكر الله هو اللي بيخليك تنساها ويريحك كمان

واخر ملاحظه الايه تنكتب كذا"إِنَّ كَيْدَكُنَّ عَظِيمٌ"

واعتذر اذا كان ردي طويل او قاسي بس والله ردي من باب النصيحه وحب الخير للغير ..... اسأل الله الرحيم ان يخفف عنك ما اهمك

تحياتي لك



اختي الغاليه
حبيت اتكلم عن يوم تقولين نساك هذا انا ابين لكم كيف بعت الكون لـ اجل حب ووساخه الحب مو قصه اني بائع امي مستحيل والله كل مااجي من مكان ابوس رجولها وراسها , بس شوفي انا حبيت ابين ياللي يقولون مستحيل ننسى والله تنسى لو تقول اي كلمه لو تزعل كل الناس مستحيل تتذكر اللي تحبه طول العمر راح تنسى وتمر ايام تتذكره