عمتي نوره

عنوان الموضوع : عمتي نوره
مقدم من طرف منتديات الشامل

في ليلٍ زاعل القمــرا وعيا لا يجيـه االنـور
جلست اسامر اخواني ومعنا عمتـــي نـوره

وقالت عمتي ودي احزيكـم عـن المأســـور
حزيه صاغها وقتٍ شقاها معانق عصـوره

وكيف ان حالته شانت بعد ما بيّن المستـور
بعد ما فارق انسانه سقت من حبها جـذوره

تحبه كانت وكانت تشيد من غـلاه قصـور
وفيه مخلصه راحت وهـي للبعـد مجبـوره

وكيف انها بعد كانت تشوف الثواني دهور
تقول انا بعد فرقا حبيــبي صـرت معــذوره

نسيت اسمي مع نفسي نسيت السنين شهور
نسيت ان العمر يمشي بعد ما وقف حضوره

ووفت عمتي القصه وفينـا منهـو المبهـور
وفينا من مسك راسه وعقله طارت طيـوره

ورحنا بعد هالقصه ونرجي هالمنـام يـزور
محاجرنا عسى يقبل علينـا بكـره بنـــوره

غفا الاول غفا الثاني غفينـا كلنـا بالـــدور
وانا غافي مثل غيري حلمت بحلم يا جـوره

حلمت اني انا امشي على رمضا وبين قبـور
وسط قريه بها مسجد بجنب بيوت مهجـوره

لقيت بأول القريه شجر فوقه بيـوت طيــور
وبيرٍ عافها ماها تحـت لشجـار محفـــوره

وبيتٍ طايح جداره وكنه من زمـن مهجـــور
على بابه لقيت اسمي ودمعة عيـن منثـوره

وانا امشي لفت شوفي عجوزٍ دمعها منثـور
تحت فيّ الشجر تجلس نساها الفرح وسطوره

احس انها امل منسي احس انها اراضي بور
ملامحها تقول انهـا بدنيـا الهـــم مأســــوره

ملامحها تعبر لي توصف لي بكـل شعــــور
مجرد نظرتي فيها اشوف الياس وقصـوره

وشايب منكسر ماخذ من الدنيا جروح وجور
اشوفه يرسم بهمه على الجدران له صـوره

ويكتب تحتها جمله بداها بحسـرة المقهـور
وقال باخر الجمله يا ليت الـروح مقبـوره

وقفى تارك قربه ولوحٍ بـه ثـلاث سطــــور
تعبر عن آسى ايامه وتشكي همـه وجـوره

وطاحت منه قلاده لقيت بوسطهـا محفـور
رموز تقول ذا الشايب قليل الفرحه تـزوره

من المنظر بكت عيني وقلبي انثني مكسـور
وصفقت بأيدي الاخرى ونفسي حيل مقهوره

تمنيت اقلب الوقع واريّح شايـبٍ مضـرور
واسلي عجيزٍ تشكي خفـوقٍ ملـت كسـوره

وفجأه قمت من نومي فجيع ومنفزع مذعـور
اثاري حلمي المحزن ( حزية عمتي نـوره )



لـ الشــاعر /علي مكحــول

(!( منقول )!)

<center> >>>>> ردود الأعضـــــــــــــــــــاء على الموضوع <<<<<
================================== </center>
ياسلام ......


كاني حلمت معك ,,,


يعني تصورت القصة ...


ابداع ، وتالق ,,,


تسلم يمينك .......

__________________________________________________ __________
ابدعتي عزيزتي في النقل

ربي يسعدك ومايحرمنا منكـ

__________________________________________________ __________


__________________________________________________ __________


__________________________________________________ __________