اباسألك باالله

عنوان الموضوع : اباسألك باالله
مقدم من طرف منتديات الشامل

ابا اسألـك بالله ماهـزك الشـوق
ولاجاك مثل اللي من الهـم جانـي

قلبي غدى كنه للاحـزان صنـدوق
من السهر ياخـذ جميـع المعانـي

والهم يلعبّـي علـى كـل طـاروق
ومشيدن لـه فـوق قلبـي مبانـي

نوبٍ علـي يغيّـب ونـوبٍ افـوق
والذكريـات تمـرنـي بالثـوانـي

عزالله ان القلـب مافيـه معلـوق
مايشتكـي فرقـا رهيـف الثمانـي

كتمت سري مادرى عنـه مخلـوق
لو كنت احس الموت بين المحانـي

حاولت اكابر واطـرد الهـم واروق
وفي كل ماسويت قلبـي عصانـي

النوم من عيني له ليـال مسـروق
كـن السهـر دور علـي ولقانـي

وانا لو ان الجفن يشكي على الموق
اسري على صوت الغلا لادعانـي

قلبي على صوتك ولقياك محـروق
مدخلـك بالله لاتحـطـم كيـانـي

منته على قلبي من الناس مسبـوق
اجلس بأمان وقـول هـذا مكانـي

القلب ماله غيـر مغليـه معشـوق
واعاهدك مايدخلـه شخـص ثانـي

لكن انا ماني على الجنب مفهـوق
من خلقتي ماركض ورا اللي جفاني

صحيح انا مخطي ولك عندي حقوق
بس الظـروف اردهـا وتعصانـي

علمتـك وعلمتنـي علـم موثـوق
يـوم البواخـر راسيـه فالموانـي

دامك تعرف السر ياكامـل الـذوق
وش فيك صاير ضدي انت وزماني

لكن قدرك عالـي ومرتفـع فـوق
لك منزلة نجمـة سهيـل اليمانـي

وانا على الميثاق والعهـد مابـوق
وانته من سلالة عريـب المجانـي

كل المشاعر يمك تسوقنـي سـوق
ليت الزعل ماقـام عنـك يحدانـي

وان كان قلبك يالغلا هزه الشـوق
اعرف ترا ماجاك فالوقـت جانـي

<center> >>>>> ردود الأعضـــــــــــــــــــاء على الموضوع <<<<<
================================== </center>
الله .. الله ابياات رووعه واعجبتني

صح لساان شاعرها وتسلم يمينك يااذووق

__________________________________________________ __________
اورنس بندر الضحيك

اختيار رائع جداً اعجبتني بقوووووة

صح لسان قائلها وسلمت على النقل

ودي وتقديري

__________________________________________________ __________

اورنس بندر الضحيك
.
.
أهلاً وسهلاً بك
مساء باسم الثغر

اختيار في منتهى الروعة
اتسم بالعذوبة
ورهافة المعنى

سلمت لهذا النقل
أرق الأمنيات
https://chamil.xplainer.net/images/s.../2009/t024.gif

__________________________________________________ __________


__________________________________________________ __________