عنوان الموضوع : رواية برفع راية الإستسلام و بقول أحبك [ وسام تقدير ]
مقدم من طرف منتديات الشامل
و هي قاعده مع ختها في الصالة
(تغريد)وهي ماسكه الريموت و عيونها على التلفزيون وهي تقلب القنوات: فطوم حبيبتي
(فاطمة)وهي ترفع عيونها من على المجلة الي في ايدها و قالت ببرود: خير
(تغريد): زهقانه خلينا نستهبل اشوي
(فاطمة)حطت المجلة من ايدها على الطاولة الي قدامها و طالعت في ساعتها: عمك و عايلته ما بقى شي و توصل روحي جهزي نفسك و لين ما تجهزي كل هم وصلو
(تغريد)تركت الرموت و جلست جنب ختها: كأنك متضايقه من جيتهم
(فاطمة)رفعت حاجب واحد و قالت بكل برود: باين علي لهذي الدرجة
(تغريد): يب يب
(فاطمة): الصراحة اني مو مضايقه منهم بس ابوي يبينا نقعد معاهم بمعنى جمعه رجال و حريم
(تغريد)مستغربة: من زمان و احنا نقعد هل القعده و ما فيها شي متحجبين و علينا عباياتنا و انتي عادي تكلمي اولاد عمك ايش تغير احين
(فاطمة): قصدي ان محمد معاهم
(تغريد)علامة استفهام كبيره على راسها: ايوه شنو الي يفرق؟
(فاطمة)عقدت حواجبها و قالت بضيق: اني اخر مرة شفته فيها كنت في سادس ابتدائي و احس انه غريب مدري مو مرتاحه يمكن لان بشوفه اول مرة من بعد مدة طويلة
(تغريد): اها .. لا تخافي و كوني على طبيعتك .. و بعدين ما دريت انك كذا جبانه و خوافه فكرتك عادي
(فاطمة): اني مو خايفه اني متوترة
(تغريد): بقوم اخذ شور و بتجهز
(فاطمة): طيب و اني بعد اشوي بقوم
}تعريف الشخصيات{
الاب سلمان عنده شركة الي يشوفه اقول ولد 16 من جماله
الام حصة هي بعد جميلة بس مو بجمال الاب
نور الولد الكبير عمره 28 سنة يشبه ابوه كثير هو اكثر واحد يشبه ابوه في العايلة جميل جدا جسمه متوسط مو متين ولا نحيف بشرته بيضة شعره اسود و عيونه زرقة عيونه تشبه لون البحر يدير شركة من شركات ابوه
وليد عمره 26 سنة هو بعد جميل بس مو بجمال نور نحيف بس مو كثير بشرته بيضة عيونه بنية و شعره احمر يحب الرسم و عنده مرسم في فرنسا بس بعد يشتغل مع ابوه في الشركة
فارس عمره 24 سنة جماله عادي جسمه متوسط عيونه بنية و شعره اسود يدرس في الجامعة
فاطمة عمرها 22 سنة جميلة مثل ابوها بس ما توصل الى نور جسمها رشيق بشرتها بييضة بس مو بيضة كثير شعرها اشقر و عيونها بنية
تغريد عمرها 17 سنة تدرس اخر سنة في ثنوي جسمها رشيق و بشرتها بيضة و عيونها سوده و شعرها احمر
بعد 5 دقايق يندق الباب فتحت الخدامه الباب و جلستهم و ركبت و دقت باب غرفة فاطمة و قالت لها ان عمها وصل فاطمة راحت تخبر ختها
(فاطمة)قدام باب تغريد: تغريد عمك وصل بنزل اسلم عليهم و انتي خبري امي و ابوي و انزلي
(تغريد): طيب
نزلت فاطمة مع انها متوترة بس ما حبت تبين عشان ما تضايق احد قربت لعمها و سلمت عليه و باست راسه و سلمت على زوجة عمها و بنت عمها
(فاطمة)مبتسمة ابتسامة ناعمة و عيونها تدور على اولاد عمها: اما انتو فسلام بالكلام
(فهد): طيب مافي بوس على الهوا
(فاطمة)وهي تجلس جنب بنت عمها ليان: لا
بعدين نزلت تغريد مع امها و ابوها وسلمو على الكل و جلسو
}تعريف الشخصيات{
العم فريد جميل عنده شركة
سعد الولد الكبير عمره 29 سنة جسمه متوسط بشرته سمره اشوي عيونه زرقة و شعره احمر عنده شركة
فهد عمره 28 سنة جسمه متوسط و بشرته بيضة و عيونه بنيه و شعره اسود و يشتغل مع ابوه
محمد عمره 25 سنة ماخذ جمال عمه جميل جداً جسمه متوسط مع عضلاته شعره اشقر و بشرته بيضة و عيونه زرقة يشتغل مع ابوه في الشركة هو اكثر واحد في العايلة واثق بنفسه زياده قصدي انه مغرور بس ما اشوف الناس اقل منه
ليان البنت الوحيد عمرها 19 سنة جميله مثل اخوها محمد رشيقه و بشرتها بيضة و عيونها بنية و شعرها اسود
(ليان)وهي تطالع في اخوها: فاطمة ما اشوفك تكلمي محمد كرهتيه
(فاطمة)طالعت في محمد بكل ثقة و قالت: مو قصدي بس اخوكي مغرور
(محمد)وعيونه عليها و قال بصوت حاد: انتي جريئة
(فاطمة): هذي مو جرائة بس اني قلت الحقيقة و مع كذا احب اكون جريئة شكراً
(محمد)رفع حاجب واحد وقال: الجرائة في البنت اعتبرها وقاحة
الكل فتح عيونه مستغربين من الي قاله محمد
(فاطمة)عصبت من الي قاله بس قالت بجرائة: سوري بس ما وصلت للوقاحة الي انت فيها
(ابو نور)يبي اسكت بنته: فاطمة
(فاطمة): اسفة بابا بس كان لازم ارد عليه
(محمد): ما شاء الله عليكي طلعتي اوقح مما اتوقع
(ابو سعد): محمد اسكت
(فاطمة)كملت ولا كأنه صار شي: ايه قولي انت كيفك؟
(محمد)ما حب يطول السالفة: انا تمام .. انتي الي كيفك؟
(فاطمة): اني بخير الحمد لله ... اخر مرة اتذكرك فيها كانت في سادس ابتدائي ايش هل الغيبة ليش ما تجي تزورنا؟
(محمد): اسف بس انا احب اسافر كثير
(فاطمة): ما شاء الله .. باين عليك .. اكيد تسافر لبلاد اجانب صح؟
(محمد)عرف انها تتكلم معاه عشان ما تعصب و تمسك اعصابها: الى هذي الدرجة ذكية
(فاطمة): مو صعبة لان احنا في العايلة الرجال ما يلبسو اسوارة صفرة كأنها ذهب
محمد فتح عيونه من كلامها و طالع في الاسوارة الي لابسنها و عشان ما احد يقعد اعاتبه فتحها و رماها في الزباله
(محمد)بتوتر: كانت هدية من صديق اجنبي و اطريت البسها مجاملة له و نسيتها علي
(فاطمة)بدون تدردد تبي ترد له وقاحته: ما في احد طلب منك تبرر
قاطعهم كلام (ليان): فطوم هاه ماتبي تراويني الرسمة الي جابها لك وليد من فرنسا
(فاطمة): ههه قومي اراويكي اياه
و قامو البنات
(فهد)وهو اساسر محمد: خير ايش فيك؟ ليه سويت كذا .. اقعد عاقل ولا تسوي مشاكل
(محمد): تصدق هل البنت عجبتني قوية
(فهد)طالع فيه وقال بتحذير: لا تقرب منها والا صدقني اقطع لك رقبتك فاهم
(محمد): لا تخاف فاهم
البنات في غرفة فاطمة
(ليان): واااااااو تجنن
(فاطمة): عيونك الي تجنن قلبو
(تغريد): أي طبعاً هي اجيبو لها و احنا حاقرينا
(فاطمة): ههههه فديت الغيرانه لا تخافي اني الي قلت له ابي رسمة مو هو الي هداني اياها
(تغريد): أي اشوه
(ليان): ههههه يلا ننزل
(فاطمة): اف صراحة مع احترامي .. ما ابي اشوف وجه اخوكي محمد
(ليان): ههههههه
(تغريد): تصدقي ليانو هي كانت متوترة قبل ما تجو بس شوفيها احين تحط عينها في عينه و تهزأه بعد
(ليان): هههه اعرفها فطوم طول عمرها جريئة
(فاطمة): خلونا ننزل لا اسوي فيكم مصيبة احين
نزلو البنات الصالة و قعدو على طاولة الطعام لانهم بحطو الغدا
(ليان): امممم شكله الاكل مشهي ريحته لذيذه
(تغريد): هههههه ذقتي ريحته
(ليان): هههه غلط نطقي هههه
(فاطمة): هههههه
(محمد)و عيونه على فاطمة: انا برايي فاطمة ما تتغذي خففي اشوي صايره متينه كثير
(فاطمة)ردت عليه و هي تقلده: انا برايي محمد ما تتغذا خفف اشوي صايره لك كرش
(محمد)و ابتسامة القهر على وجهه: ههههه(اختفت ابتسامته و قال): ظريفة
(فاطمة)و ابتسامة النصر على وجهاه: شكراً وهذي صفة ثانية محمد الذكي اكتشفها فيني
(سعد): خلاص كأنكم اطفال
(نور): خلهم .. ما تذكرهم وهم اصغار ما يتفقو على شي دايم هواش
(تغريد): حتى اني اتذكر
(فهد): شوف القافة انتي اساساً كنتي وقتها صغيرة و تقولي تذكري
(فارس): لازم تكون ملقوفة مو هي بنت
(تغريد): ايش قصدك
(نور): ببساطه كل البنات ملاقيف
(ليان): غلطان
(فاطمة): حتى الاولاد ملاقيف
(ابو نور): بدا احين النقاش السخيف
(تغريد): بابا شوفه اقول ان البنات ملاقيف
(محمد): يعني ما يسمع سمع الكلام ترى
(ابو سعد): خلاص سكرو الموضوع تكلمو في موضوع ثاني
(فاطمة): محمد انت شنو المناطق الي عجبتك من سفراتك ؟
(محمد)وعيونه لازالت عليها: فرنسا بتحديد باريس (و شدد على نبرة صوته و غيرها الى صوت ناعم اشوي و قال): بلاد العشاق
(فاطمة)بغير اهتمام الى نبرة صوته: صحيح باريس تجنن حلوه
(محمد): دام انها تعجبك و احنا في اجازة نسافر لها
(تغريد)وهي فرحانة: فكرة حلوة خلنا نروح .. بابا اترجاك
(فاطمة)قاطعتها و قالت: اني ما ابي اروح
(ليان)بترجي: فطوم قلبو لا ترفضي
(فاطمة)انحرجت: طلع الكل يبي يسافر .. طيب ما عندي مانع
(ابو نور): بعد الغدا نشوف
بعد الغدا اتفقوا نهم اسافرو الاسبوع الجاي فرنسا
(فاطمة)بكل احترام: عن اذنكم .. عندي جمعه على المسن و اني مواعده البنات اكون موجودة .. اسفة
(ابو سعد): لا عادي خذي راحتك
(ليان)وهي تثاوب: ابي انام اخذيني معك
(تغريد): لا حبيبت ماما اقعدي معاي
في غرفة فاطمة كانت تسولف مع صديقاتها و فرحانه قطع عليها صوت جوالها
(فاطمة)وهي تطالع الشاشة: رقم غريب.. اقول تقلع مو فاضيه
بعد خمس دقايق انرسلت رسالة مكتوب فيها
فطوم يالوقحة ردي علي
(فاطمة)و الجوال في ايدها: من قليل الادب ذا
دق الجوال و على طول ردت بصوت معصب
(فاطمة): خير .. نعم .. انت ما تستحي .. قليل ادب .. اذا اني وقحة انت شنو تطلع .. جد ناس مو متربية
(...): بل بل هدي
(فاطمة): من انت يا قليل الادب
(...): انا الي تحت قاعد انتظرك
(فاطمة)متفاجأة: خير؟ .. و سمع الي اقول عني وقحة ما شاف نفسه
(...): اشتقت اشوفك انزلي خليني افرح بشوفتك
(فاطمة): اني ما اعرفك و ما اتوقع انك تعرفني اكيد غلطان في الرقم
(...): لا مو غلطان مو انتي فاطمة سلمان ال***** اسم اخوكي نور و عندك اخو اسمه وليد و عنده مرسم في فرنسا
(فاطمة)خايفة: من انت؟
(...): انزلي الصالة و تعرفي
فاطمة سكرت الجوال و نزلت بسرعة حتى نست تلبس العباه و تتحجب من الخوف و لما قربت من نهاية الدرج انتبهت ان في احد واقف قربت و تجمدت مكانها
كان اطالعها بذهول متفاجئ من جمالها كانت لابسه بلوزه رقبه عاريه طويله لونها اصفر و فيه صورة قطوه بالرمادي و لابسه برموده سوده
هي ما قدرت تتحرك من مكانها تبي تبعد النظرات الي تطالع فيها بس مو قادره قطع تفاجأها صوت ...
لاتحرموني من ردودكم عشان اكمل الروايه https://chamil.xplainer.net/images/s.../2017/t005.gif
<center> >>>>> ردود الأعضـــــــــــــــــــاء على الموضوع <<<<<
================================== </center>
الله يعطيك العافية
رواية من نوع آخر
استمتع بالقرآآآءة
موفقة بمآ قدمتيه وننتظر القآدم الأجمل
دمتي بكل خير
__________________________________________________ __________
كملــــــــــــــــــــــــــــيييييييييييييييييها بلـــــــــــــــــــــــــييييييييييييييييييييييي يييييييييييز
__________________________________________________ __________
يسلمووووووووووو...يا ذوق
قصة مسلية كثييييييييير..
أرجوووووك كمليييييها بأسرع وقت ممكن!!
أختك:الحب الدافئ"M"
__________________________________________________ __________
قطع تفاجأها صوت ... تصفير
(...): ما توقعت انك حلوة الى هذي الدرجة ... اعتقدتك مع وقاحتك قبيحة
(فاطمة)عصبت: محمد صحيح انك قليل ادب و ما تستحي .. انت من وين جبت رقمي
(محمد)بصوت ادوخ مع نظراته المتعلقه في فاطمة: قليل ادب اصير قليل ادب ... بس زين شفت هل الجمال .. فديتك يا قلبي
(فاطمة)ارتفعت درجة حرارتها و صار وجها احمر بس ما خلته بحاله و قالت بتهديد: اسمع صدقني اذا ما رحت احين بصرخ و بقول انك جاي تتحرش فيني و وقتها جد ما بتشوف حتى وجهك فاهم
(محمد)ولا زال عيونه على فاطمة: تموني يا روحي .. والله انك تهبلي
فاطمة دارت وجها عنه ولانها كانت قريبة منه كثير لما دارت بسرعة ضرب شعرها الطويل في وجه محمد و محمد ظل اطالعها وهي تركب الدرج برتباك و خوف و عصبية اطالع جسمها يتذكر ريحت شعرها و لما اختفت صورتها من قدامه دار و شاف احمرار ضربة شعر فاطمة لان الضربة كانت قوية حط ايده على خده<< توه حاسس الاخ
(محمد): فديتك والله تجنني
اما فاطمة قعدت على الكرسي الي في غرفتها وحطت ايدها على راسها و قالت بضيق
(فاطمة): هذا جد مجنون .. ويلي يمكن يركب الي
راحت بسرعة قفلت باب الغرفة اما محمد رجع الى الصالة و قعد مع اهله و بعد 3 ساعات نزلت فاطمة
(فاطمة): باك
(محمد): احلى باك
(فاطمة)حقرته و ما اعتبرته موجود و قعدت مع ليان و تغريد: ايش رايكم دام بتنامو عندنا نسوي كيك
(ليان)بستغراب: من قال بنام هنا
(فاطمة): انا (ودارت لعمها وقالت): مو صح عمو
(ابو سعد): والله يا بنتي...
(فاطمة)ما خلته اكمل: اترجاك عمو
(ابو نور): عاد لا تخجل فاطمة
(فاطمة): يلا عمو
(ابو سعد): خلاص طيب
(فاطمة)قامت و باست راس عمها: مشكور يا احلى عم في الدنيا
(محمد): بابا انا ما بجلس هنا
(نور): وليه ؟
(محمد)وهو اطالع في فاطمة: لان اذا بقيت هنا اكثر بموت (وراح جنب البنات و قال بصوت خفيف الى فاطمة): اخاف اموت من الجمال الي قدامي
(فاطمة)طالعت فيه وقالت من بين اسنانها: اسكت احسن لك(بعدين رفعت صوتها و قالت): أي خلاص روح عشان ما نبتلي بجثتك تخيسنا
(محمد): اتحداكي.. يلا مع السلامة
(الكل): الله اسلمك
الساعة 12 اليل في غرفة فاطمة
(فاطمة)وهي تكلم صديقتها على المسن: صدقيني رغود قهرني فقع لي مرارتي خوفني و قهرني بعد
(رغد): هههههههههه .. فطوم تصدقي اخاف بعد هذا كله تحبيه
(فاطمة): يا بايخه .. نغير الموضوع احسن
(رغد): ههههههه تصدقي احنا بعد يومين بنسافر ماليزيا .. ايش رايك تجي معانا
(فاطمة): ما اقدر بنسافر اسبوع الجاي فرنسا محمد الملقوف طلع هل السالفة
(رغد): هههههه طيب طيب
(فاطمة)بتردد: رغود اممممم كيف مازن؟
(رغد): تمام .. ليه تسألي؟
(فاطمة): لا بس اسأل
(رغد): فطوم قولي الحقيقة
(فاطمة): بقوم انام باي
و طلعت من الايميل قبل ما ترد رغد تمددت على السرير و هي تفكر و تحوس بشعرها قطع تفكيرها دقت الباب
(فاطمة)بتعب: تفضل
(ليان): تغريد تبيني انام عندها
(فاطمة): هههه غيرانه قبل ما تجو قالت الي انتي دايم معاها خليها معاي اشوي
(ليان): ههههه شكلك احين بتنامي؟
(فاطمة): مدري شكلي
(ليان): طيب اني بعد بروح انام تصبحي على خير
(فاطمة): وانتي من اهل الخير
طلعت ليان و فاطمة جهزت سريرها عشان تنام توها تغطي نفسها الا يرن جوالها من النعس ردت بدون ما تشوف الرقم
(فاطمة)وصوتها كله نووووم: مرحبا
(...)يستهبل: ما دريت انك دجاجة تنامي هل الوقت ... هذا انا اكتشفت صفة جديدة انك دجاجة
(فاطمة)بتعب: محمد جد مو رايقه لك بنام و بعدين 12 متأخر
(محمد): ههههه صوتك كذا اجنن
(فاطمة)وهي تثاوب: اصير خير يلا باي
و سكرت السماعة في وجهه
(محمد): ههههه والله حاله .. بس تجنن
اليوم الثاني نزلت فاطمة لابسه عباتها بس حاطه الشيله على كتفها دخلت المطبخ و اخذت الكاس و حطت لها ماي
(...)قاعد على الطاولة الي في المطبخ: مافي صباح الخير
فاطمة شرقت و دارت للصوت و بسرعة حطت الشيله على راسها و تحجبت
(فاطمة)بدون اهتمام: صباح الخير
(محمد): ليه تحجبتي بدون احجاب احلى
طلعت فاطمة من المطبخ بسرعة و دخلت غرفة تغريد
(فاطمة): شوف خايسين النوم .. لين احين نايمين
طلعت من الغرفة و طلعت الحديقة تتمشى و شافت فهد بحاله راحت له
(فاطمة): صباح الخير
(فهد): صباح النور
(فاطمة): فهد ابي اكلمك في موضوع
(فهد)بخوف: خير ان شاء الله
(فاطمة): محمد صار يضايقني .. مدري من وين جاب رقمي .. صار ادق علي .. كلمه قول له ما يضايقني
(فهد)بضيق: طيب لا تهمي نفسك بكلمه و بخليه يتأدب
(فاطمة): شكراً
(فهد):هاه ما قلتي لي شنو تبي تصيري بعد التخرج؟
(فاطمة): ابي اصير مصممة ازياء
(فهد): اها حلو .. هاه وين الغثث الثانيين؟
(فاطمة)عقدت حواجبها بغضب: قصدك اني غثه
(فهد): ههههه.. تصدقي انتي غير عنهم ما عندك سالفة الدلع و الخبال واثقه من نفسك و مغرورة بعد
(فاطمة): وجع يوجع بليسك ... اني مغرورة
(فهد)يبي اجننها: مو بس مغرورة شايفه نفسك .. مدري على شنو لا جمال و لا كمال
(فاطمة)معصبة: الشره مو عليك الشره علي الي اكلمك
(فهد)فقع ضحك: ههههههههههههه
فاطمة دارت عنه بهدوء عشان ما تبين انها معصبة و مشت بكل برود لان فهد يكره البرود و البرود يعصبه و فور دمه
(فهد)معصب: امشي عدل
(فاطمة)درات له وقالت بكل برود و صوت بعد بارد: تقصدني؟
(فهد): لا اقصد خيالك
(فاطمة)تعاند: اشوه فكرتك تقصدني
بعدين قعد الكل و صارت وناسه و ضحك لين ما راحو بيت عمهم بيتهم
(....)وهو يدخل من باب البيت: انا تعبان حدي بروح انام يلا تصبحو على خير
(فهد): قبل ما تنام ابيك اشوي
(محمد)يستهبل: عيب عليك مو قدام ابوك على الاقل من وراه
(فهد): بلا وساخه و ابي اكلمك
(محمد)بملل: ان شاء الله عمي
في غرفة المكتبة
(فهد)بصرامة و جديه: انا ما ابي اقولك شنو انت سويت .. انت قولي شنو سويت؟
(محمد): هههههه .. تحسسني كأني طفل
(فهد): يمكن اسلوب الاطفال يفيد فيك و يعدلك
(محمد)حس ان الموضوع جد وقال بكل جديه و عيونه في الارض: خير ايش الي سويته غلط؟
(فهد): اخذت رقم تلفون فاطمة ....
(محمد)قاطعه: ايوه ايش صار؟ ... مصيبة
(فهد): لا ابداً اصلاً كلنا ارقامنا عندها .. لكن ما نزعجها و نقول لها كلام بايخ مثل كلامك
محمد ظل اطالع في فهد و في عيونه حقد على فاطمة
(فهد)كمل و بصوت حاد و نظرات احد: لا تضايقها ... لا صار شي مو انت الوحيد الي بتتضرر الكل بينضر و اولهم ابوك ... و انت تعرف ان ابوك اخاف اخرب علاقته مع عمك ... فرجائن لا تسبب مشاكل للعايلة لان الموضوع خطير و يمكن افكك العايلة .. فهمتني؟
(محمد)بكل جديه وهو قايم قال: فهمت.. تصبح على خير
(فهد): و انت من اهل الخير
الساعة 12 اليل
في غرفة فاطمة كانت بعدها ما تنام و عيونها متعلقه على جوالها
(تغريد)وهي تفتح الباب بدون ما تدقه: هايووووووووووووووووووو
(فاطمة)نقزت من الخلعة: هايو في عينك
(تغريد)وهي تقعد جنب ختها: شكراً ... ايش تسوي؟
(فاطمة)بهدوء: ولا شي
(تغريد): ساعات اشك انك اختي
(فاطمة)ولا زالت عيونها على جوالها: ليه؟
(تغريد): لانك هادئه
(فاطمة)طالعت في ختها و بتسمت ابتسامة خفيفة و رجعت نظراتها للجوال: كل وحدة لها شخصيتها
(تغريد)نطت عند فاطمة و طالعت الجوال: تنتظري مكالمة؟
(فاطمة)بأرتباك: هاه لا .. من بنتظر يعني؟ ... يلا اني بنام تصبحي على خير
(تغريد)بستغراب: و انتي من اهله
__________________________________________________ __________
بعد ما طلعت تغريد من الغرفة فاطمة رفعت الجوال و دورت على رقم في المكالمات المستلمة ولقته دقت
(فاطمة): الو
(...)بملل: خير
(فاطمة): انشغل بالي عليك
(...): مو انتي شكيتيني الى فهد و قلتي اني اضايقك .. طلعتي انتي تضايقيني
(فاطمة)عصبت: اسفة استاذ محمد ازعجناك نسينا ان عندك شغل من الصباح
(محمد)ببرود: هذا انتي ذكرتي فلو سمحتي باي
(فاطمة)بقهر: باي
سكرت الجوال و حطت راسها على المخدة و تغطت و قالت بقهر: اصلاً اني الغلطانه والله اني قوية عيون اشتكي عليه و ادق عليه بعد
وظلت تفكر وهي تتقلب على السرير يمين و يسار لين نامت
بعرفكم على رغد (صديقة فاطمة)
} الاب مروان يشتغل مهندس
الام العنود ربة منزل
راكان الولد الكبير عمره 32 سنة متزوج و عنده ولدين و بنت (احمد و يوسف و دلال)
هبة زوجة راكان عمرها 29 سنة
مازن عمره 28 سنة يشتغل دكتور اسنان بشكل عام هو وسيم
رغد عمرها 22 سنة صديقة فاطمة من الطفولة {
(مازن)وهو جالس مع اخته: الا رغوده اشوفك ما تروحي الى فاطمة
(رغد)و عينها على التلفزيون: هي مشغولة هل الايام فما ابي اضايقها
(مازن): اها ... (قال بكل جرائة): اشتقت لها
(رغد)طالعت فيه بنظرات حاده جداً: اذا قربت منها ... او دريت انك تكلمها ... صدقني يا ويلك يا سواد ليلك ... بقول الى ابوي
(مازن)ببرود: انا ما قلت شي
(رغد)وهي قايمه: لا قلت
في غرفة فاطمة فاطمة كانت متمدده على السرير
(تغريد)دخلت وجلست جنب ختها: فطوم ما بتقومي نتسوق
(فاطمة)بملل و هدوء: مالي خلق
(تغريد): ليه؟
(فاطمة): كذا .. اتصلي على ليان يمكن تروح
(تغريد): فطوم قولي لي ....
(فاطمة)بضيق: قولي
(تغريد)وعينها في عيون فاطمة: تحبي محمد؟
(فاطمة)استغربت من سؤالها و بعدت نظرتها عنها و قالت بدون نفس: مدري
(تغريد)مسكت وجه فاطمة و قالت: من عيونك تحبيه
(فاطمة)اتضايقت من تصرف ختها: خلاص قلت لك مدري ... مو متأكده من مشاعري
(تغريد)بعد ما تركت فاطمة راحت عند الجوال و ركزت نظراتها عليه و قالت: سمعتك تكلميه
(فاطمة)خافت و قالت برتباك: شنو سمعتي؟
(تغريد):لا تخافي سمعت بس (و تقلد فاطمة): انشغل بالي عليك
(فاطمة)ابتسمت ابتسامة خفيفة و ناعمه و قامت تصرف: ما تبي تروحي تتسوقي
(تغريد)ابتسمت ابتسامة خبث: الا بروح بتصل على ليان عشان تجيب محمد معاها و انتي قعدي هنا موتي غيره
(فاطمة): ههههههه من حق اغار عليه بعد
(تغريد): خلاص باي
(فاطمة)برتباك: جد بتتصلي
(تغريد): ههههههه ايوه
(فاطمة)قلبت الجهة الثانية و غطت نفسها و قالت: الله معاكم
(تغريد)فقعت ضحك عليها: ههههههههههههههه
لما وصلت ليان تغريد اخذتها على طول الغرفة و قعدت تكلمها بحماس
(تغريد)و الضحكة شاقه وجها: ليانو بقول لك شي خطير جداً
(ليان)خافت: خير قولي خوفتيني
(تغريد): ههههههه شكلها فطموه تحب محمد
(ليان)بستغراب: أي محمد؟
(تغريد): جدي ... من يعني اخوكي
(ليان)ابتسمت: احلفي
(تغريد): والله بس المشكلة مو راضية تعترف
(ليان): خلينا نستهبل عليها و نعاندها ... بتصل الى محمد اطلعنا
(تغريد): بس هي مو راضيه تطلع معانا
(ليان)بخبث: اني اتصرف
راحت ليان الى فاطمة و جلست جنبها
(ليان)وتمثل البرائة: فطوم قلبو روحي معانا نتسوق تعرفيني اني ما اعرف اتسوق من غيرك
(فاطمة)طالعتها بطرف عينها: من قالك تجي تقولي لي؟
(ليان)تمثل الاستغراب: من؟
(فاطمة): تستهبلي
(ليان): لا
(فاطمة): تغريد بتروح معاكي
(ليان): مجنونة انتي اني ما احب ذوق تغريد حتى هي تاخذ رايك اذا جت تتسوق
(فاطمة)وهي تقرا المجلة: و المعنى؟
(ليان)بترجي: روحي معانا
(فاطمة): من بوصلنا اخوتي مو هنا
(ليان): حمادي هنا .. خله يوصلنا قاعد لا شغلة ولا شي يتحرك شوي
(فاطمة): ههههههه تحلمي ما بركب السيارة مع المغرور هذا
(ليان)بخبث: يلا عاد مافي غيره
(فاطمة)بعناد: لا
(ليان): يلا فطوم حبيبتي
(فاطمة)بتفكير: امممممممممممممم
(ليان)بفرح: و اخيراً وافقتي
و طلعت بسرعة عشان فاطمة ما ترفض و بعد نص ساعة محمد ينتظرهم في السيارة
(فاطمة)وهي تركب السيارة بكل هدوء قالت: السلام
(محمد): وعليكم السلام
(ليان)وهي تسحب فاطمة من السيارة و تنزلها: انتي اركبي قدام و احنا ورا
(فاطمة)معصبة: خير
(تغريد)وهي تركب: خير في وجهك .. يلا روحي قدام
ليان ركبت و سكرت الباب الي ورا فأضطرت فاطمة تركب جنب محمد قدام و طول الطريق كان هدوء مع محاولات تغريد و ليان عشان فاطمة تكلم محمد لكن ما فاد لان فاطمة كانت ما تعطيهم فرصة يستغلوها
وصلو المجمع نزل الكل و تغريد و ليان تقدمو عشان فاطمة تمشي مع محمد و بعد فاطمة و محمد ماكلمو بعض بس لما دخلو المجمع
(محمد): ايش فيهم ذولا؟... ليه يركضو
(فاطمة)بكل برود: لان هم بزران
(محمد): صدقتي
(فاطمة)وهي توقف قدام محل مجوهرات و قالت بدون احساس وهي تأشر على الحلق: الله اجنن ناعم
(محمد)بعد ما قرب من فاطمة: ايوه حلو .. بتدخلي تاخذيه؟
(فاطمة)بتفكير: امممممممم لا
(محمد)بستغراب: و ليه؟
(فاطمة): مدري بس ما ابي اشتريه
(محمد): طيب خلينا نلحق المجانين
(فاطمة): ايوه يلا
قربت فاطمة من ليان و تغريد و شرو ملابس و يتمشو
(محمد): ابي افهم ليه تاركينك بحالك
(فاطمة)ببرود وعيونها في الارض: افكرو اني احبك فعشان كذا تاركيني معاك
محمد قعد اطالع فيها بستغراب و قول في نفسه الى هذي الدرجة هل البنت جريئة
(محمد)يبي يسحب الكلام من فاطمة بس بصيغة مزح وقال بأبتسامة لكن كان قلبه ينبض بسرعة: وانتي تحبيني؟
(فاطمة)طالعته بطرف عينها و عرفت انه مرتبك فقامت اتصرف: شوف ذيك البدلة تناسبك
كانت بتروح جنب المحل لكن محمد مسكها و وقفها
(محمد)بكل جديه و اعصابه تلفانه هو معصب هو مرتبك هو خايف ما يعرف يوصف شعوره حرارته ارتفعت احس المكان ضيق و مافيه اوكسجين مو عارف يتنفس: وانتي تحبيني؟
فاطمة ضلت واقفه ما تحركت وعيونها في عيونه الحمرا انتبهت ان الكل اطالع فيهم و ليان و تغريد داخل المحل ما انتبهو للموقف
(فاطمة)بعد ما نزلت نظراتها للارض قالت برتباك: اتركني الكل اطالع فينا
(محمد)لازال ماسك فاطمة من ايدها وشد قبضته عليها:خلهم اطالعو ما يهم ... المهم جاوبي على سؤالي
(فاطمة)وجعتها ايدها و سحبتها من ايده : خلاص وجعتني
و راحت عنه بسرعة للبنات و في الرجعة السيارة كانت هدوء و فاطمة نفس الشي قدام مع محمد لكن قطع هل الهدوء
(تغريد): حمادي حط لنا اغنية
(ليان): أي حط مغروره الى حسام الرسام و اهديها الى فاطمة
(فاطمة)وهي معصبة: و وجعه مافي مغروره غيرك
(تغريد)بخبث: وانت محمد الى من بتهدي اغنية
(محمد)و هو احط الشريط في السيارة و بعد ما ابتدت الاغنية قال وهو اطالع في فاطمة: اهدي اغنية من حقي اغير الى فاطمة
(ليان): اووووووووووه عيب مو قدامنا
(تغريد): أي في مراهقات في السيارة
(فاطمة)معصبة جد قالت بصوت حاد: انتو مراهقات انتو بزران خلاص كل وحدة تحط اللسانها في حلقها
(محمد)يستهبل يبي اعصب فاطمة زياد قال وهو امثل الجديه: أي عيب يلا اسمعو كلام امكم
(تغريد): واكيد انت ابونا
(محمد): اكيد
(ليان): ماما ابي شكلاته
(فاطمة)من العصبية ساكته:................
(محمد): شكلها امك زعلت من طلبك الشين
(ليان): لا لا ماما الا زعلك لا تزعلي بابا راضيها
(محمد): ولا اهمك احين اراضيها انا الوحيد الي يعرف اراضيها
محمد اخذ ايد فاطمة و باسها
(محمد)اطالع فيها و ببتسامة تدوخ قال: هاه رضيتي
فاطمة سحبت ايدها بسرعة وهي معصبة
(فاطمة)وهي تشد على ايدها قالت بقهر و من بين اسنانها: وقح
(محمد)يبي اعاند: هذا لانك ما جاوبتي على سؤالي
لما وصلو البيت فاطمة اول وحدة نزلت بسرعة دخلت الغرفة و قفلت الباب راحت لها تغريد ولينا و سمعو صوت بكاها من ورا الباب
(ليان)بخوف: فاطمة افتحي الباب
(تغريد)وهي تضرب الباب: فاطمة خلاص لا تبكي افتحي الباب
وضلو احاولو في فاطمة تفتح الباب بس ما في فايده بس الشخص الي وراهم
(.....)بصوت حاد جداً و معصب: ايش صاير؟.. ليه فاطمة تبكي؟
ليش ما كملتيها عنجد نفسى اعرف الجاى كمليها امانة
ويسلموا كتير روعة
