بضم صدرك لين تصبح على خير
عنوان الموضوع : بضم صدرك لين تصبح على خير
مقدم من طرف منتديات الشامل
إفتح شبابيك الهوى جيتك اليوم
بإحساس من زود الوله عده يطير
:
جيتك مثل طفلن له أيام محروم
عن حضن أمه أبعدته المقادير
:
وجيتك مثل عودن له أيام مهموم
وده يلاقي بأخر الوقت تقديــر
:
وجيتك حضن عاشق وهايم ومغروم
وده يضمك لين تصبح على خير
:
متى تحس إن الهوى شي مقسوم
من قسمة الخالق على خلقه يصير
:
ومتى تحس إني لك أطيح وأقوم
وأتعب على شانك وأقدرك وآغير
:
لي في هواك أحلام وأمال وعلوم
وأحزاب وأصحاب وقصيد وجماهير
:
وهموم وأفكار وهواجيس وحلوم
ودروب وأخطار وعذاب ومشاوير
:
وحب وغلا وإخلاص ومعاند ولوم
وإحساس وإلهام وشعور وتفاكير
:
وصحبة سهر ومقاطعة لذة النوم
وأشواق جياشه وعشق وتعابير
:
في ذمتك مابان لك شي مكتوم
من بعد ماصورت الأوضاع تصوير
:
لاتحسب إنك شي عابر ومعدوم
وتاريخ حبك فاق كل الأساطير
:
في كل شي أتخيلك وأسمعك دوم
وأتأملك في الوقت الأول والآخير
:
من ماضي الأيام لايومك اليوم
وغلاك عندي ماحصل فيه تغيير
:
وأنا لك الله ماأقبل البيع والسوم
ولا أرضى علي ولاعليك المخاسير
:
لاْني الوحيد إللي على بحرك يعوم
وإللي عرف مرساه في رحلة السير
:
لحظه حبيبي قبل يسبقني النوم
بضم صدرك لين تصبح على خير م-ن
<center> >>>>> ردود الأعضـــــــــــــــــــاء على الموضوع <<<<<
================================== </center>
__________________________________________________ __________
*
*
صح لسانك ربروبة
يعطـيك العـافية
على الـطــرح الـرائـع
لاعدمنـا جديـدك المميـز
سلمـت يــداكـ
لكـ تحيـاتي وتر حسـاس ^_^
__________________________________________________ __________
اسعدني مروركم اخواني ومشكورين على الردود الحلوة
__________________________________________________ __________
روووووووووووووووووووعه
تسلم يدك غلاتي
تقبلي مروري
__________________________________________________ __________
رووووووعه
يعطيك العااااافيه
اسعدني مروركم
