((حظــــــــــــــــــــ المنسدح ـــــــــــــــــــــــــــــي)) - مشوقة

عنوان الموضوع : ((حظــــــــــــــــــــ المنسدح ـــــــــــــــــــــــــــــي)) - مشوقة
مقدم من طرف منتديات الشامل

((حظــــــــــــــــــــ المنسدح ـــــــــــــــــــــــــــــي))

روايه فكاهيه ورومانسيه


السلام عليكم ورحمة الله وبركاته
هذي القصه اعجبتني و حبيت انقلها لكم ..عاد انتم اقروها وقولولي رايكم فيها.. اذا عجبتكم كملتها لكم واذا ماعجبتكم الشكوى لله..

أخليكم مع القصة /////
هااااااااي جميعا اول شي احب اعرفكم على نفسي انا اسمي(شوق) وعمري 16 سنه في مرحلة الثانويه
الدراسه لا تسألوني عنها لاني ولا فخر فاشلـــــــــــــــــــــــــــــــــــــــــــه
الصراحه بقولكم شي عني سر أنا بنت غير محظوظه<<<لا ياخيتي مبروكه احسن
ومع اني مؤمنه بالله بس مع القصه بتعرفون ليش حظي كذا..
شسوي بحظي اللي منسدح ورافض قطعيا انه يقوم
على قولة الشاعر:
ياحظي المنسدح وشفيك مشقيني ... قم يامال الوجع قم غير احوالي<<<صح لسانه
يؤؤؤ نسيت اعرفكم بعايلتي ..ماتشوفون اختي الصغيره تحشرنفسها بالكامره
اعرفكم بأكبر العايله ..
أمي حفظها الله ورعاها&الجازي (37)مطلقه من خمس سنوات بسبت ابوي يبي ولد وأمي كل ذريتها بنات <<<تخلف المهم
&هند اختي الكبيره عمرها(20) عزباء اللي عنده رجال يفكنا منها تدرس في كليه اساسيه تخصص رياض اطفال..
&نوره الثانيه(18)هم عزباء تدرس سكرتاريه اعقل وحده بالبيت <<<معصي
&البندري(14) خوية دربي في كل شي خبال مغامرات ...الخ
&هيونه)هيا(8) قعدت البيت يعني اخرالعنقود سكر معقود

بعد ماعرفت عن عايلتنا المصونه التي تسكن في شقه في بيت خوالي سكناها عقب ماأبوي طلق أمي وتركنا لا يسأل عنا ولاشي الله يسامحه ..
المهم بعرفكم بخوالي..؟.؟.

&جدتي(أم محمد) العمر غير مصرح به<<<تعدى العداد
&خالتي عنود(35) عندها ولدين وبنت *خالد 9 و*منيره 7 و*دحومي 3
&خالي محمد(31) زوجته اسمها عبير(28) وعندهم ولد اسمه ناصر<<<كريه مزعج
ترى مالهم دور بالقصه بس اسمي اللي عرفتكم عليهم

هذا تعريف بسيط عن عائلتي..؟.؟.
لي6 عمان و2 عمات واما العلاقه معهم ميح بسبب ظروف عايليه صعبه سالفه معقده ومانعرفهم لأن ابوي كان يمنع امي من زيارتهم
وابوي تزوج على طول يوم طلق امي يعني من خمس سنوات وعنده ولدين توؤم(3) نواف ونايف بس عمري ما شفتهم <<<أحسن لأني انقهر لا شفتهم
المهم اللحين بندخل بالقصه..؟.؟.؟
الجزء(1)
هند جالسه في الصالة ومعاها *كتاب كيف تحللين شخصية الذي أمامك* وكانت تطبق على أختي هيونه<<<فار تجارب البيت
امي جالسه قدام التلفزيون وتكتب من هالخلطات اللي في الشات ..أنا ونوره والبندري نلعب جنجفه<<<مبزره
امي تصيح: بنااااااااات قصروا صوتكم ماني قادره اركز
أنا: يمااااا شوفي نوره جالسه تغش
أمي..وهي تطالع التلفزيون: نوره بسك غش
نوره وتسوي حركه بتذبحني: ان شاالله يما
هند تصيح بوجه هيونه : ركزي ركزي معاي
هيونه: والله انتي مجنونه مدري شتقولين انا اقوم احسن لي لأني ان قعدت بنجن أكثر
البندري: هيه فزت فزت هياه وقامت تغني انتصرنا والناصر الله
أنا: نعيد اللعب كله غش
البندري: لا للحين عندك امل يبا كسرت راسك خلاص ماكو لعب وكككككووووووووكككككك
أنا معصبه واللقط بقايا وجهي اثر هزيمتي الشنيعه من قبل البندري
نوره تطبطب على كتفي : تعيشي ياختي وتفوزي بغيرها هارد لك
أنا: تهي تهي تهي تهي خلاص قررت اني اعتزل اللعب..
البندري: خلاص بنقيم لك حفل اعتزال غدا ههههههههه
أنا معصبه هجمت على ظهر البندري وامتطيته كما يمتطي الفارس***ه أأأاقصد حصانه
البندري: يماااا هعهههههه شوفيها
امي تقوم خلاص وصلت حدها بالكتاب تصقع فيه راسي :أأأأأأأيييييييي
أمي: بسكم ازعااج
أنا: يماا اح والله تعور
أمي: ذلفي غرفتك
أنا: الله والغرفه عاد ترى الشقه كلها غرفه ومطبخ وحمام وصاله وين غرفتي
اهاا قصدك زريبة العزابيهلا
أمي وتطقني بنفس الكتاب : أأأأأأأأأأي خلاص اقصد قصر بيكنهام ولا تزعلين
أمي: أنا شيقعدني عندكم انزل عند أمي ابرك لي
وتطلع أمي من الشقه متجهه لم جدتي تشكي لها الحال
طبعا جدتي تزيد الطين بله وتحرشها علينا , مثل: وأنا امج وديهم عند ابوهم خلاص أنتي ماقصرتي ...الخ
بس أمي قلبها ما يطاوعها ما تستحمل دون ازعاجنا ..؟..

أنا: أمي وراحت والشقه مافيها غيرك نيهااهااهااي من بيفكك مني تعالي
البندري: شوق تعوذي من نفسك يماا ذلفي عني
أنا: هااهااهااهااهااي تعاااااااااالي<<<فلم رعب
البندري تدور بالشقه : تكفون يالربع الفزعه خويتكم بتموت ياربي دخيلك ياربعي ياأحبتي نوره: شباب هوب هوب كل واحد يصلح سيارة الثاني
أنا: بو حمود ماتشوفه شفيه علي
البندري: هااه بدينا بالكذب بو جسوم
نوره: شباب خلاص حب خشوم بعض
أنا: خشمك
البندري: خشمك
تك<<<حبت الخشوم
هند تطالعنا وهي ناقده: مدري ليش الوالد طلق أمي مع ان عنده اقدع عرابجه بوحمود وبوجسوم
نوره: يابنات فيه حشرات هنا دابله كبدي وحامصتن مرارتي تسمحون نلعن جدفها
هند: لا هيه شنو شقلت أنا ماعرفكم
أنا: نوره أبشري بعزك ماطلبتي شي
وشمرت عن ايدي وبدينا طق وتدغيغ في هند
هيونه واقفه عند الكنبه : عاشو عاشو يمين يسار وتلفح بشعرها روح روح
وفجأه يقطع علينا الهوشه صوت التلفون
طبعا مثل كل مره.. الخمسه هجوم على التلفون ومن ايد وحده لين ايد الثانيه
طبعا ينتج عن ذلك اصابات بليغه ومنهم في غرفة الانعاش ومنهم تحت الانقاذ
والناجيه دايما أنا لاني عصلا فأزرق بينهم
***** مشهد التلفون *****
هيونه: ألو من معاي
المتصل: هذا بيت أم هند
هند في رقه لم نعهدها من قبل: هند تحت امركم هي وعايلتها
البندري راكبه فوقها تبي تاخذ التلفون
هند تصيح: أأأأأأأأأأأأأأأي<<< فجرت أذن المتصل
البندري: خير وش عندك داق
المتصل: بسم الله شالسالفه
نوره تبكي: ابي اكلم كلكم كلمتم الا أنا
البندري عطفت عليها وعطتها
نوره: انت من تبي يؤؤؤ جيبيه جيبيه شوق
اخيرا استقر التلفون بيدي
المتصل: لحظه هذا بيت والا مستشفى الطب النفسي
أنا: لا وانت الصاج مقبره
الاخوات: ههههههههههههههههههههههههههههههههه
المتصل: اعوذ بالله انزين التلفون اللحين بيد منو عشان اقدر اتفاهم
أنا: معاي أنا.. اولا: عرف عن نفسك والبطاقه الشخصيه وان لم تجد فالجواز ينفع
ولماذا متصل ولماذا تريد أمي وهل ربحنا بمسابقه
المتصل: أقول اسمك بالخير
أنا: وشعليك بتخطبني قل لا يكثر هرجك
المتصل: يابنت أمي تسلم عليك وتقول حبا حبا علي
أنا: يعني أللحين انت قاط نكته يابنات اضحكوا عشانه
حطيت السماعه على أفواههم..هههههههههههههههههههههههاي
المتصل: والله مجانين انزين انا سلطان ولد عمكم صالح بغيت الوالده ضروري
لحظة صمت طويله دامت 30 ثانيه
أنا مستحيه: الوالده تحت اتصل بعد خمس دقايق تلاقيها
سلطان: اوكي بعد ربع ساعه بتصل مع السلامه
أنا: خبط من غير مايقول مع السلامه
هند: علام وجهك قام ياقط ألوان منو هذا لا يكون بيخطبني
أنا: شايفه وجهك أول عشان يخطبك شوفي لا تزوجت وضحه بنت جارنا تتزوجين انتي
هند وتغطي وجهها بيدينها: لالالالا تهي تهي تهي
نوره: منو هذا الشاب الوسيم
البندري: شدراك انه وسيم
نوره: صوته جبار .. وبدت تغني قباااااااااااار قبااااااااااااااار <<<مفكره نفسه عبد الحليم على غفله
أنا: جب جب انزين تتوقعون منو هذا
هيونه: اممممممممممممم يمكن بيعطونا فلوس ربحنا مسابقه صح
أنا: والله صيج انطمي وروحي نادي أمي قولي لها التليفون يبيك
هيونه: يؤؤؤ كله أنا
أنامبققه عيوني@@: يالله روحي
هيونه: انزين وهي معصبه
هند: منو خلصينا
أنا: سلطان ولد عمي صالح
الكل: هاااااااااااااااااااااااااااه
أنا: ولد عمي
هند: شذكرهم فينا شيبون هذولا
أنا: مدري
أمي تدخل علينا بسرعه : هااه منو يبيني
أنا: اللحين بيتصل
أمي: رجال
أنا: ايه
أمي مستغربه: خير اللهم اجعله خير
بعد عشر دقايق اتصل التلفون أمي شالت السماعه وحنا متجمعين حولها ورازين اذننا عندها على بالنا بنسمع عدل
أمي وتدزنا بيدها لأنا ضايقناهاا .. تعبت منا أخذت التلفون وراحت لم غرفتنا
وقفلت الباب وكلمت ولد عمي

تاااااابع للهبال والصرقعه و...الخ

<center> >>>>> ردود الأعضـــــــــــــــــــاء على الموضوع <<<<<
================================== </center>
مشكوووووووور في قمه


الروعه


تقبل مروري


الزعيـــــــم

__________________________________________________ __________
الله يعطيك العافيه
قصتك روعه وهبالكم اروع
بس ياليت تعجلي علينا ب الباقي
وخلصي القصه كلها مره وحده
لان الفظول بيذبحني
سي يو

__________________________________________________ __________
يعطيك الف عافيه

__________________________________________________ __________
مشكورني على اردود
ومن عيوني الحين بكملها

__________________________________________________ __________
عند الباب: الجزء (2)
هند: أي دستي على رجلي نوره وخري عني
نوره: موأنتي ماخذه كل المكان
أنا: تسمعون شي
البندري: ليش ماطفيتي المكيف مانسمع شي
هند: اوووووووووووف خلاص بروح ومصير أمي تعلمناا
رحنا كلنا جلسنا قدام التلفزيون وطالعنا مسلسلنا اللي نتابعه
هند: شوفو شحلات مكياجها
نوره: والا بدلتها شوفي شلون مربطه عليها الفيونكات قمة الذرابه
أنا: وووووووع مو حلو ماعجبني
هند: شعرفك أنتي بالذوق أنتي حدك ملابس سوري على دينار
أنا: وشفيها ساتراتنا هالملابس اللي موعاجبتك

وقطع علينا حوارنا الشيق حول الملابس والمكياج وقلت لهم مقرره أنزا مكياج بأسمي ماهم أحسن مني خبراء التجميل

أمي وهي ماسكه التلفون..
كلنا: هااه يمه وشيبي
أمي: شقول لكم بعد
كلنا: يما شسالفه
أمي: أبوكم مريض من 6 شهور ويبي يشوفكم قبل ما تتدهور حالته ومايشوفكم
كلنا قمنا نطالع ببعض مستغربين وشعور ماله وصوف هو خوف هو حزن هو فرح شعور ماينوصف
هند: خلاص بنات قوموا نلبس نروح لبونا
أمي: لا لا أبوك مو بالكويت أبوك بلندن يعالج
نوره: وشلون نشوفه
أمي: ولد عمكم بياخذكم هناك عند أبوكم والسفره بعد خمس أيام
أنا نقزت على طول لغرفتي وقمت أطالع ملابسي
أمي: صبر صبر شفيكم بيمرنا ولد عمكم اليوم ويسوي جواز لهيونه ويجدد جواز شوق
أنا: لاااا هذا وقته ينتهي جوازي
أمي: ماتبين تصورين
أنا: واااو أصور
ورحت أحط مكياج وأطلع احسن ملفع عندنا عشان تطلع الصوره جنان
أمي: بس شرطي ماتحطين مكياج بس كحل وخفيف بعد
أنا: لا ليش هالتحكم
أمي: هذا شرطي
انا: يؤؤؤؤؤ ورحت لبست أي شي حتى كحل ماحطيت

ورحنا صورنا أنا وهيونه طبعا صار فلم عند المصور تهاوشت أنا وهيونه من يصور قبل لولا تدارك المصوره للأمر وحل النزاع بعمل قرعه كان تلاقينها متشرده بالشارع لانا بنكسر المحل طبعا صورنا صور مستعجله صورتي أنا حدث ولا حرج تقول هنديه منحاشه من معزبتها ولاعنين خيرها المكتب من الطق
عقب ماشفت صورتي أيقنت أن الجمال جمال الروح لا الوجه
في البيت استنفار من الملابس واللي تغسل ملابسها واللي تجمع ألعابها واللي تتصل برفيجاتها تحرهم انها بتسافر الصيف لندن
وأما أمي فكانت محتاسه لأنه ولد عمي بيجي وهي مستحيه منه ماهي عارفه شنو تسوي وصل ولد عمي أخذ الأوراق وسوى جوازاتنا وحنا أنحلت أزمتنا خلصت كل وحده فينا ترتيب جنطتها وحطتها عند الباب طبعا هالكلام قبل السفره بيوم
أي تبكي أول مره بحياتها تودعناا حنا طبعا ضحك وفرفشه وناسه بنروح لندن يعني اخر استهبال ناس أجانب مايفهمون لغتك يعني بالعربي مصخره
من بكره أول وحده قايمه أنا الساعه 7 الصبح رحت تسبحت ولبست ملابسي ولبست مانتو بيج مع نقابي ولفه بيج وخواتي طبعا مثلي عدا البندري اللي مومنقبه وهيونه
أنا: شنو يعني أروح لندن لابسه نقابي
أمي: وصيه ماتقط نقابها هالبنت لاني أعرفها بتسوي بلاوي بلندن
هند: لا توصين حريصه يمه انا لهاا
نوره: شواقه حبيبتي ياقلبي حنا بنروح مع ولد عمنا يعني فشله تقطين نقابك اصلن حمدي ربك مخلينك لابسه مانتو ولا مخلينك على عباة الراس
أنا: عشان أول ماأوصل مطارهم الا أنا بالسجن على طول حاطيني مع قائمة المطلوبين
الكل: ههههههههههههههههههههههههه
سمعنا صوت دقات هرن..دييد دييييييد
أمي: هذا ولد عمكم يالله نزلوا تحت نزلنا سلمنا على جدتي وطبعا وداعنا كان طويل حيل وعقبها ركبنا مع ولد عمي أول ماشفناه كلنا شهقنا..
هند: يمه يهبل شحلاته أنا حاجزته
نوره: يالله عاد أنا شفته قبلك
هند: بس أنا أكبر منك
أنا: والله مصخره هلحين حنا رايحين عند جورج وتوم وتطالعون سليطين صج بنات فقر
البنات أستحوا على وجيههم وركبوا السياره .. كانت جيب رنج روفر لونها سماوي
الكل: السلام عليكم
سلطان: وعليكم السلام هااه كاملين نمشي
هند: إيه
ومشى سلطان فينا طبعا قام يسأل أسأله أنتي من وكم عمرك ووش تدرسين أسئلة مليغ
أنا: سلطان ناقص مقاس جوتيي ووزني ماعرفتهم
الكل: ههههههههههههههههههههههههههههه
سلطان: هااه أجا أنتي شوق قالولي انك مو صاحيه وامك أكثر وحده تحذر منها أنتي
أنا: لا حوووول وش بسوي أنا يختك ذلونا أنتي بتسوين بلاوي ينخاف منك
يعني شنو بشرب خمر ياربي
الكل: ههههههههههههههههههه
وصلنا المطار
صح نسيت أقولكم ان سلطان ولد عمي طيار وهو اللي بيقود طيارتنا بيقود شفتوا شلون جبتها الشاطر اللي يقول وين محلها من الاعراب..
نرجع لقصتنا
هيونه: يعني انت سواق الطياره يعني سايق
سلطان: احد يفهم هالبنت اني طيار
هند: هيا حبيبتي تعالي ومسكتها اختنا هند <<<اخيرا سوت حاجه فيها خير

وعقب اجراءات السفر والتذاكر وقعدنا في استراحه قعدنا نضحك ونعلق طبعا ولد عمي بعد عنا شوي وراح يكلم طاقم الطياره ويوصيهم علينا وأنا والبندري كنا نعلق على الناس ونشكك الواحد بنفسه
نادو على الطياره وركبنا طبعا كلنا درجه اولى واااو كان شي جميل هند وهيونه جنب بعض قدامي أنا والبندري أما نوره فمانت جنب حرمه كبيره
كنت أنا صوب الممر وكان في الطرف الاخر في نفس مقعدي شاب بالعشرين من عمره كان غايه في الشياكه والجمال يطالعنا ويضحك على تعليقاتنا أنا والبنات وعلى هيونه يوم قامت تصفق وتغني:دريولنا عاش عاش دريولنا طيط طيط .. كان الموقف تحفه
اما العقيديه اللي جنبي البندري فكانت مبحلقه بالدريشه وتتكلم بصوت عالي كأن الطياره باسم أبوها مثل: شوووووووووق شوفي السحاب لونه أبيض
أنا: بالله علبالي أخضر
هي: شوووووووووق شوفي أشوف الناس صغار
أنا: فضحتينا الناس كلها عرفت اسمي أما هيونه فكانت تصيح بصوت عالي : شوووق متى بيجيبون الأكل متى أمي تقول بيعطونكم ملفوف
أنا: حشى كبد وملفوف بهالصبح توك ماكله مسرع ماجعتي
هيونه: بطني ولا بطنك كيفي
نوره تهمس للحرمه اللي جنبها: كيف اشغل التلفاز
الحرمه بكل كبر..تسويه لنوره
نوره: مشكوره
طالعتها بنظره غريبه وحطت السماعات بأذانهاا
نوره تأشر لي ..شواقه شواقه (كلامنا كان بهمس)
أنا: نعم شعندك
نوره: تبادلين أماكن لأن هالحرمه اللي عندي مليغه حدها تصدقين مغروره
أنا: يابنت انثبري مكانك أن غيرنا أماكنا بتصير صيحه وهواش تعرفين خواتك المفضحاات حطي على الراديو واسمعي لك شي وانطمي
نوره: تشكرات اختي كم الحساب
أنا: خمسطعشرين فلس
نوره: أي لغه هذي
الشاب اللي جنبنا ميت ضحك على خبالنا..؟.؟..
وصلت المضيفه وقامت توزع أكل
هيونه: هياا أكل أكل
هندك شفيك أنتي تقولين مجوعينك بس أنطمي فضحتينا
هيونه: كيفي دافعين فلوس
أنا: ياعوب هالبنت جيبها لي أطرمها لك
هند: لا فكينا من شرك
اختي نوره نايمه وقام يصدر من خشمها وأنفها سمفونيات لم أسمع مثلها من قبل ولا مقسمه عدل واللي بجنبها منقرفه ومنزعجه ..
أنا: نوره نوره نوره
نوره: طسي عن يور فيس
أنا: بدايتها بدليات بالأنقلش هذا وانتي أحسن وحده فينا
نوره: وصلنا
أنا: لا ريضين بس قومي صوت شخيرك واصل للطياره اللي جنبنا
نوره: انزين قمت قمت ياهم بلشه هالخوات
أسمعي طلع معي بيت شعر
أنا: قولي وشعندك
نوره: البطن فاضي والخوات قشرات ... والنوم محروم منا وألينا
أنا: كم مره أقول لك لا عاد تكتبين قصيد كملي نومتك
بعد ساعه اركدوا خواتي لانهم جميعهم طخوا وناموا مو بس خواتي كل اللي معانا في الدرجه الاولى أما أنا فمن الفرحه مانمت قعدت أقرى مجله واسمع للراديو وكان حاطين اغنيه جميله حيل ((شكواي للي يفتهم شكواي))
لاعت كبدي من هالوضع لأني ماأحب أقعد كذا فاقمت أستهبل على أختي لبندري أدخل الكلينكس في خشمهاا واضحك عليهاا واستمر هالحال لين قامت وقمنا نسولف ونقول نكت مليييغه حيل
البندري: في واحد تغدى وعقبها راح للحمام ليش؟
أنا: ليش؟>>> قلت شكلها داهيه
البندري: بيغسل يدينه.. هههههه
أنا: من ملاغتها قمت أضحك:ههههههههههههه
أنا: اجل بقول لك نكته فيه عنز مثلك وشرواك منسدحه على البحر ليش ؟
البندري: اممممممممممممم تتشمس
أنا: لا ميته هههههههههههههههه
أعلمك شلون الملاغه وقضينا وقتنا هذا سوالف ونكت مليغه لين جانا ولد عمي يتطمن علينا وأخذ هيونه وسوالها جوله حول الطياره وهي مصره انه سواق لين اقنعته انه سواق ..؟..
وصلنا لندن ونزلنا من الطياره طبعا قعدنا اخر الناس نزلوا الركاب وحنا قعدنا لين جانا ولد عمي وأخذنا معااه
سوينا اجراءات الوصول و...الخ ومشينا..
وحنا نمشي مادرينا والا نشوف واحد جاي عند سلطان ويحظنه ويسلم عليه وقاموا يضحكون ويسولفون وبعدها عرفنا عليه طلع ولد عمنا اخوه متعب
ركبنا سيارته وودانه للفندق اللي ساكنينه كان الفندق قريب من مستشفى أبوي يعني نروح ونجي له مشي على الأقدام عادي ويبعد عنه بشارع سوق مع هايدبارك
أول ماوصلنا الفندق أقصد الشارع بعد ما استوحشنا المكان لأن كل اللي نشوفهم عرب وياكثرهم العرب فيه مطاعم محلات كافيهاات و... الخ
وصلنا الفندق راح متعب قدامنا أخذ مفاتيح السويت اللي حنا ساكنينه وامر القرسون أنه ياخذ شناطنا منا كان شعور حلو وكأنك ملكه الله ياحظهم الأغنياء مستانسين بحياتهم المهم وصلنا للسويت حقنا كان عباره عن غرفه كبيره مره مع كنبتين وقدامهم تلفزيون بلازما وحمام ومطبخ تحظير صغير مره ..؟.؟.؟..

متعب: بنات أنا بالروم اللي جنبكم أي شي تعالوا لي وأنا طبعا بجيكم كل شوي اتطمن عليكم
هند: انزين متى بنشوف أبونا
متعب: هو اللحين عنده فحوصات ماتخلص الا الساعه 5 العصر وطبعا راح يكون تعبان تشوفونه باجر أحسن أنتم اللحين ارتاحوا وان شاء الله تشوفونه
راح متعب وخلانا وعطانا بعض التوضيحات ارقام مطاعم عربيه ورقم طوارئ ورقم الريسبشن ورقمه هو ورقم مستشفى أبوي
وجلسنا نضحك ونسولف وكنا جالسين بالبلكونه نشوف العالم ونضحك وكان اخر فله
وعقبها تفرقنا اللي راحت تنام واللي تطالع التلفاز واللي تلعب بعرايسها وأما أنا والبندري فلم يعجبنا الوضع فقررنا اننا نقول لمتعب بنتمشى شوي ونجي
رحنا لمتعب وطلع لنا ..
متعب: خير صاير شي
أنا: لا والله بس ودنا نتمشى بالحديقه شوي ونرجع
متعب: هااه حديقه.. وقام يفكر.. بس أخاف يصير لك شي
أنا: لا تخاف حنا سبااع نأكل الضباع ومحنا مبعدين كاهي الحديقه مو بعيد شوي وراجعين
ان صار لنا شي اتصلنا فيك معانا تلفون ومعانا فلوس ومعانا ديو
متعب: ديو شنو؟
أنا: بيبسي أوي ألبك
متعب: هههههههههه اوكي لكم ساعه ساعه وحده بس وان مارجعتوا بدوركم الحديقه وبس انزين
انا: انزين

وهذي التكمله..الجزء (4)
الصبح

قمنا ولبسنا ورحنا عند أبوي جلسنا مثل امس نسولف ونضحك

رن موبايل زوجة أبي وقامت تضحك .. مافهمنا من مكالمتا شي بس تضحك
إيه إيه تعال متى تجي
يؤؤؤؤؤؤ
هههههههههههههههههههه
انزين تعال اللحين اخذهم مزعجين حيل
اوكي
وليد وليد لاتنسى تجيب معاك خفايف كاكاوات ومثل جذي
باي اوكي ههههه باي

سكرت السماعه

وطبعا زوجة ابوي لازم تتكلم وتتفاخر بملابسها والماساتها وبيتها وفلوس أهلها وأنهم ناس أغنياء ... الخ سوالف مليغه
طبعا حنا كنا نقهرها ونبتسم بوجههاا ونقول الله يهنيك كثر الله خيركم مشاء الله
وهي كانت تحتر بس كاتمتها بقلبها
وكانت تسولف عن اخوها وليد وبطولاته وشنو وظيفته وانه اخوها الوحيد وعندها اختين وحده صغيره والثانيه متزوجه بس ربي مارزقها عيال ويملكون شركتين وبيتهم قصر في منطقه راقيه

وكانت تقول ان شاء الله لازم تجون بيتي عشان اوريكم اغراضي

ماقعدنا ساعه الا الباب يدق.. تك تك تك تك

راحت نطت مرت ابوي نطو عليها عفاريت الدنيا
المهم
وفتحت الباب .. وليد وقامت تحب اخوها بس حنا ماكنا نشوفه وعقبها مانت تمسك ايده

بعلة أبي.. تعال لا تستحي مافي احد حياك حياك
أول مادخل
كلنا صعقنا وانصدمنا
طلع
طلع




7
7
7
7
7
7
7
7
7
7
7
7
7
77




















الأشقر >>> كما نلقبه حنا

أول ماشافنا الأشقر وقف وقام يطالعنا ويضحك

بعلة أبي قامت تطالع وتقول شسالفه مو فاهمه شي من نظراته لنا
بعلة أبي .. شنو متقابل انت وياهم من قبل
وليد.. هااااه هههههههه لا لا
بعلة أبي .. هااه شحقه تضحك وتطالعهم كذاا
وليد .. اممممممممممم شسالفه هي تحقيق وخري بقعد بريح تعبان
وجلس قدامي ..

أنا طول الجلسه منطرمه اللهم بعض القفشات اعلق عليها واسكت
ليه هو شويه اللي سويته فيه ..؟..

أبوي .. وليد اتصل على متعب ماتحس تأخر
وليد.. خله يولي مرتاح انا عاد تكفى برتاح بعد يوم
أبوي.. شوف لا يكون الولد صار له شي
وليد.. شنو بيصير فيه يعني بسبع ارواح مايموت
الكل .. ههههههههههههههههههههههههه

والا يرن تلفون وليد ..طالع الرقم وابتسم >>> لما يبتسم تحسون انكم بعالم ثاني
وليد.. شوفوا لا طريتوا ال**** جهزوا العصا هذا هو داق

الو .. هلا .. إيه .. وينك انت .. وش عليك ههههههههههه
يرحم امك انا معطيك اجازه بعد يومين تصدق من 6 شهور انام عدل امس هههههههههههه إيه إيه .. متى جاي .. لا لا لا لا لا لا لا
اوكي باي

وليد.. هذا هو بالطريق تطمنت
أبوي .. إيه ارتحت
وليد.. أنا ترى بعد يومين مسافر
بعلة أبي.. وييين
وليد.. الكويت
أبوي.. لا صج ومتى بترجع لنا
وليد.. يمكن بعد شهر او اقل او اكثر او مدري
أبوي.. خلاص ليش نعني سلطان يجي ياخذ البنات ليش ما يرجعون معك
وليد.. افا تخلي سلطانوه يجي وانا هني هذولا نفس خواتي ولا يهمك
أبوي.. كفو والله كفو

أنا الصراحه كنت مستانسه الله بنسافر مع وليد واااو بنشوفه اكثر
بس عيبه شي واحد اخته بعلة أبي

المهم

مروا اليومين مثل البرق وتمشينا بأماكن واجد لندنيه وشفنا ساعة بين ورحنا للسوقة وللمتاحف ...الخ
وجاء موعد الرحله والعوده الى الكويت

--------------------------------------------------------------------------------