مذكرات مراهقة 3

عنوان الموضوع : مذكرات مراهقة 3
مقدم من طرف منتديات الشامل

صراحة هالمسلسلات الكويتية رهيبة.مجمع ممثلين من كل أقطار دنيا الخليج ودنيا العرب(الشي الغريب كيف يخلونهم كلهم يتكلمون كويتي؟؟؟؟؟يليت يعلمون شلة طاش وغيرها كيفية توحيد( الرمسة).
(ترا هذي كلها مقدمة للتشويق ودحينا ندخل الموضوع)
ذات مرة ممرررة تفرجت على مسلسل اسمه لقيطة(الله ياهو يجيب الوهم والمرض)كان احسن لهم لو سموه مسلسل حزن بلا حدود أو حزن بلا فرح
الصراحة اعجبتني البطلة حقت المسلسل بوجها الحزين وتضحياتها اللي مدري وش تبي
ف وانا مدري نايمة أو بين اليقضة والمنام حسيت كان انقشع عن عيني الغمام وليني اشوف نفسي وانا عمري يجي له يوم . الا ذيك الحرمة لافتني في شرشف ابيض وتركض بي في الشارع (الله العالم انه كان الفجر)وحطتني عند باب مسجد ويوم شفتها بتروح وتتركني وابدا أصيح موا واء واااااء قامت رجعت وقالت والله أن ما سكتي أن ما اوديك للملاهي فقمت وسكت (عاد كلش ولا الملاهي) وراحت على
بالي بترجع ما اتطول

. شوي الا
ويجي قطو مدري قطوه ويقرب مني ويقعد يشمشم فيني مسكت اعصابي وسكت وغمضت عيوني بقوه ما دريت الا بدا يلحس في وجهي كنت ممكن استحمل لكنه كان مركب شي تقل فرشة خشنة مرررررة في لسانه زائد على ذلك انه كان قطو مدخن وريحة سعابيله لا تطاق قمت اصيح واااااء واااااء
مافي فايدة جتني الضحكة وانا احس بشنباته تتحرك على خدودي.بالأخير لقيت حل فنتك وبأعلى صوتي قلت واه واه(مثل اقدعها كلب) قا خاف وطس بعيد عني
وشوي الا وذاك الرجال اللي لابس ابيض فابيض وعليه ذيك اللحية المهيبة والحلة القشيبةاقبل علي ويوم شافني
قعد يهز راسه يمين وشمال ويقول لا حول ولا قوة الا بالله استغفر الله العظيم ظهر الفساد في البر والبحر.عاد انا الصراحة ما سكت له قلت وش فساده ذا شايفني افحط والا اتعاطى مخدرات
؟تنهد وقال يمديك تعرف ايها الطفل الغرير
قلت تراني بنت
قام طلع من جيبه مصاصة وحطها في خشتي مما اضطرني الى الصمت(وبكذا يكون خلص الحلم.
الخلاصة اني عرفت حقيقتي المرة.اثري مالي اهل
يا ربي هالناس اللي انا عايشة معهم وش يصيرون
وقررت اغير اخلاقي عشان يتحملوني
نزلت تحت لقيتهم يفطرون
طبعا نادوني افطر معهم لاني موب بنتهم)المهم اتجهت ناحيتها لكي اقبل راسها كأي فتاة مثالية.بس مدري ليه حسيتها ودها تنقز وتبعد ما تركت لها فرصة كلبشت على راسها وحبيته بالقوه. وجلست جمبها وانا ساكته ومدنخرة براسي وعيوني في الارض.قعدت تناظر فيني باستغراب(مدري حقد كما هو مفترض) وفي الاخير هان عليها تقول ورا ما تفطرين معنا مدامك قمتي اليوم مبكرة
قلت:العفو لازم تخلصين انتي واخواني وبعدين انا
قامت حطت يدها على جبهتي وقالت:وش فيك عسى ما شر ؟انتي مريضة؟
قهرني رد فعلها كنها بتخرب علي الدور اللي ابغى اعيشه يعني المفروض انها تصارخ علي ولا تخليني اجلس معهم.الموهم تجاوزت كلامها وقلت:تحبين اخم البيت الحين؟ضحكوا كلهم وقال ولدها سعود:الظاهر اليوم دخلها جني زينب العسكري
طبعا لو كنت في حالتي العادية وانا مابعد دريت اني منيب بنتهم كان عفجت خشته وقلت الجني والله انت يمال الجني اللي ماكل دجاجة فيها فلونزا اللي يدخل فيك.بس الحين انا لازم اتادب عشان ما يقولون لي يلله روحي للشارع اللي جيتي منه

واكتشفت في الليل أن زوجها ما زال على قيد الحياة حيث
قضى نهاره في مزرعة ثم لفى آخر الليل(المشكلة اني كني بديت الخبط بين اني لقيطة أو
فاقدة الذاكرة):follow-the-sign:



الموهم امضيت اليوم كله في مسح وتنظيف البيت وخدمة هالحرمة الدبية هي ويا عيالها
واكتشفت اني ما اقدر اعيش طول عمري بها الشكل البائس خصوصا اذا قعدوا عيالهم يهاوشوني أو يتامرون علي والا ولدهم الصغير ابو سنتين(دودي كل شوي يتفل علي.
ولازم اسكت حيث اني طفلة الخطيئة (استغفر الله)
قعدت افكر في حل للمشكلة لقيت انه احد اثنين
اما اني القى لي واحد يحبني ويتزوجني(المفروض جمالي يخليه ينسى اني لقيطة)
أو اني ......................................... انتحر.وجلست افكر في طرق الانتحار اللي اعرفها
سم الفيران وععععععععععع يقرف
اتعلق بحبل في المروحة(زي الحيان في طاش) اخاف تطيح علي المروحة وتعورني
ابلع كل ابو الحبوب اللي في البيت(اخاف يصير من بينها حبوب منع الحمل وتاثر علي في المستقبل
ارمي نفسي من السطح(اخاف اتعلق بالمرزام) ترا ما اعرف وشو المرزام
اقطع شراييني(بس من ينظف الدم اللي بيصب؟؟؟؟وبعدين كذا اموت
بعد تفكير تخلله لكمات من سعود وتفلات من دحيم اكتشفت أن الانتحار مهوب حل مناسب (خصوصا انه حرام وانا مابي اخسر الدنيا(لقيطة) والاخرة(منتحرة)
يعني الحل الثاني هو الافضل

والحل الثاني يبي له تفكير عميييييييق

ماهو
اقول لكم بعدين
وسلالالالالام

<center> >>>>> ردود الأعضـــــــــــــــــــاء على الموضوع <<<<<
================================== </center>
يسلمووووووووو ننتظر جديدك خيتي
تحياتي

__________________________________________________ __________
يسلمووووووووو ننتظر جديدك
تحياتي

__________________________________________________ __________
ثانكس علي موضوعك
((الرمسة))اعجبتني صراحة

__________________________________________________ __________


__________________________________________________ __________